download disini => TATA IBADAH MINGGU PELAJAR 2017

 

TATA IBADAH

MINGGU PELAJAR GKPS

Minggu Kantate, 14 Mei 2017

 Tema:

“Ibohali Manghobaskon Horja na Madear” (2 Timoteus 3: 17)

Subtema:

“Ajari ma Kuria in gabe Sipangidangi Ibagas Hapentaron, Haporsayaon ampa Bulus ni  Uhur ase Lambin Torsa Kuria in, Mampangkorhon Hadoharon pakon Hadearon i tongah-tongah ni Gareja, Masyarakat ampa Negara (2 Petr. 1:5; Ef. 4: 13-15)

 

Persiapan :

  • Mangatur parhundul: Haganupan niombah ni kuria ase hundul ma i bangku gareja na hampit lobei

 

  • Mandodingkon Lagu “Bahasa Kasih”

    Andai kata kudermakan, yang luhur mulia

    Jika tanpa kasih cinta, hampa tak berguna


    Reff :

    Ajarilah kami bahasa kasihMu,

    Agar kami dekat padaMu, ya, Tuhanku

    Ajarilah kami bahasa kasihMu

    Agar kami dekat padaMu

    Kasih itu lemah lembut serta sederhana

    Kasih itu rendah hati, sabar menderita

Reff:
Andaikata kupahami bahasa semua
Hanyalah bahasa kasih, kunci tiap hati

Reff:

 

  • Barisan Prosesi memasuki ruang ibadah, jongjong kuria irik mandodingkon Haleluya No. 406: 1-2

Hatahononta diatei tupa ma, ai negaranta tanoh na lambut

Laut bolag dologni pe ratah, talun jenges ampar do haganup

In haganupan pasu-pasuNi, simada kuasa Tuhan Naibata

In haganupan pasu-pasuNi , simada kuasa Tuhan Naibata

 

Tanoh na gombur musim pe dear, torsa ganupan mambahen jagar

Jenges idahon damei do ijin, in ma tanohta hatubuhan in

In haganupan pasu-pasuNi, simada kuasa Tuhan Naibata

In haganupan pasu-pasuNi , simada kuasa Tuhan Naibata

  1. Kebaktian
  2. VotumIntroitusTonggo
  3. Ibagas goran ni Naibata Bapa, Anak Pakon Tonduy Napansing, Sitompa langit pakon tahoh on. Amen.

Ase barang ise ibagas Kristus, na tinompa na baru ma in. Domma salpu sisapari, tonggor ma, domma gabe na baru. Haganupan ai humbani Naibata do; ai Ia do padearhon hita Bani marhitei Kristus, anjaha ibere do bannami jabatan pardearan in. Haleluya, Haleluya Haleluya!

P.K  Haleluya, Haleluya, Haleluya (idodingkon)

P                      Martonggo ma hita!

Ham Tuhan Naibata Bapanami, na mambere hapentaron, pakon mulani haganup na madear, tarimakasih ma Bamu na totap manramotkon hanami. Ipuji hanami do Ham, Tuhan Naibatanami, ibere Ham do Kristus na gabe Gurunami, mambobai hanami ronsi paluahkon hanami humbani dousa. Tuhan, Ham ma pangguruannami, marondos ma hanami hu-Bamu age bani kebaktian Minggu Pelajar i GKPS panorang on. Ibagas goran ni Anak-Mu Jesus Kristus Sipaluah hanami. Amen

 

  1. Mandoding Haleluya No. 6 : 1-2 + 3- 4

Ham do ipuji uhurhon Jahowa Tuhankin

Huambilankon do tong-tong, ganup binaen-Mu in

Hubotoh Ham do bona ni na dear haganup

Ibere Ham buei hunjin bannami haganup

Ai aha ma na dong hinan bannai na sombuh on:

Ganup ibere Ham hinan, o Naibata tongon.

Ai Ham do na margogoh in. Sitompa haganup:

Ham do na pagoluhkon in, marmuduhon ganup.

 

  1. Gantih ni Titah Na sapuluh
  2. Tangar hita ma Hata ni Naibata gantih ni Titah na sapuluh in, aima natarsurat bani Mateus 22:37-40. “Maningon haholonganmu do Tuhan Naibatamu humbani gok ni uhurmu, humbani gok ni tonduymu ampa humbani gok ni pingkiranmu. In ma titah sibanggalan anjaha na parlobei. Na paduahon on pe dos do pakon in: Maningon haholonganmu do hasomanmu doskon dirimu. Titah na dua on do manrimpun sagala titah pakon hata ni nabi-nabi.” Riap ma hita mangindo:
  3. Ham Tuhan Naibata pargogohi Ham ma ahu mangkorjahon titahMu ai. Amen.

4.    Mandoding Haleluya 115 : 1-4 Sadokah ho i tanoh on papintor uhurmin Padingat-dingat ma tongtong nidok ni Tuhanmin                       Sai songon hayu dear ho ramos parbuahniin       Bulung ni pe tabun homa usihi ma sonin       Buei do hadearon ni bah tubuh in tongtong       Pausih dirimin hujin baen uhurmin sintong       Ambungkon humbai uhurmin na so margagan in       Ganup na humbai Tuhan in ramot ma jaga in

  1. Tonggo Mangindo Hasasapanni dousa (Jongjong Kuria)

Singers mandodingkon: Tuhan, holong ma uhur-Mu bannami pardousa on (idodingkon songon lagu “Deideng”)

  1.   Tuhan, itandai Ham do hanami on, bani pardalanannami age ija pe hanami marianan. Ibotoh ham do pasal hanami Tuhan, ai Tuhan simada kuasa do Ham, na manrajai goluh pakon pargoluhannami.

Pemuda Tuhan, ibotoh hanami do Ham do simada kuasa bani pargoluhannami, tapi ra do sipata lupa hanami pasal in, gabe lang tarrajai hanami dirinami sonai age pargoluhannami ampa parlahounami.

P                    Ihatahon HataMu do bani buku Podah, “Ulang ma ho marpangunsandeian bani pikkiranmu sandiri”, hape gati do hanami lupa Tuhan, pasal sura-suraMu hubannami. Hotop do hanami mambogei age mangajarhon  HataMu, tapi gati do hanami lolei bani hasintonganMu

P.K       (mandodingkon) Tuhan,  holong ma uhur-Mu bannami pardousa on

P                  Halak na magigi bani habotohan anjaha seng ipilih biar bani Jahowa,  panganon ni sidea do buah ni parlahouni anjaha bosur sidea bani ranggianni. Ibotoh hanami do hata habonaran tapi lang manggoluh hanami ibagas haboranaran in. Gati do hanami marsahap: “Jahowa do Ia, ibahen ma barang aha na madear nini uhur-Ni”.

P.K       (mandodingkon) Tuhan,  holong ma uhur-Mu bannami pardousa on

P                 Gati do hanami holsohan pasal goluhnami, aha ma panganonnami, aha ma inumonnami, aha ma parhiouonnami? Age pe ibotoh hanami, sipajuh begu-begu do na mangkaporluhon sisonai ai, hansi pe ibotoh hanami bahasa itanda Bapanami na i nagori atas ai do na porlu bannami.

P.K       (mandodingkon) Tuhan,  holong ma uhur-Mu bannami pardousa on

  1.             Tangar hita ma hata ni Naibata bagah-bagah pasal hasasapanni dousa; “Jahowa, Jahowa do Naibata pardear layak anjaha paridop ni uhur, nanget manringis, anjaha gok holong ni uhur-Ni pakon habonaron-Ni, na pahotkon holong ni uhur-Ni hubani halak marribu-ribu, anjaha na manasap hajahaton, panlanggaran pakon dousa.”

Hasangapon ma bani Naibata na i babou.

P.K      Amen                                                                                                   (hundul Kuria)

 

6.    Mandoding Haleluya No. 116 : 1+3

     Na monang in do da use mangankon buah ni hayu hagoluhan in.      Lang boi be idahonni hamagouan ‘ge hamateian paduahon in.      Ai Naibatani hatundalanni mambaen langkahni tongtong torang.      mambaen langkahni tongtong torang.        Na monang ini do bereon-Ku mangan, i surga, manna na ponop ope;      ai parlahouni do tongtong ingaton, margoran na bayu homa use;      na sinuratkon bai batu intan, tongtong martuah sijalo in.      tongtong martuah sijalo in.   7.    Refleksi Minggu Pelajar GKPS

  1. P. On do podah ni si Salomo, anak ni si Daud, raja ni Israel, ase ibotoh halak hapentaran pakon pangajaran, ase iarusi hata hapantason, ase tarjalosi pangajaran na madear, hapintoran, uhum pakon habonaron.
  2. K.    Laho mambere hapantason bani halak sibulus uhur, habotohon pakon panimbangon bani anak garama. Halak na pentar pe itangihon ma ai, ase tambah habotohon bani, anjaha halak na maruhur dapotan pangajarion,
  3. P.    Laho mangartihon podah pakon limbaga, hata ni halak na pentar pakon hutinta ni sidea. Biar mangidah Jahowa do parmulaan ni habotohon; halak na bodoh teos do uhurni bani hapentaron pakon pangajaran.
  4.    Tangihon ma, ale anakku, pangajarion ni bapamu, ulang ma buangkon podah ni inangmu. Ai rudang na majenges do ai bani ulumu, anjaha sinongkok bani borgokmu.

Orangtua    Anakku, botoh ma ai. On do hansa sura sura ni uhurnami, ase madear poluhan nasiam, dapot sininta ni uhur nasiam, gabe lang sunsah goluh nasiam haduan. Tarlobih na tangi totap nasiam bai Hata ni Tuhan.

Niombah    Hubani namatorasnami, orangtuanami, Tarimakasih ma bani nasiam na totap sari bani pargoluhannami. Iusahahon hanami pe sadear-dear ni mangkorjahon horjanami.

Orangtua    Harga ma nasiam bani panorang, ulang bahat mangkorjahon halilian na so marguna.

Niombah    Ihargahon hanami pe panorangnami, marhiteihon na marlajar, mambangun kreatifitas pakon na maningkathon diri.

Orangtua    Nasiam niombahnami, ulang ma nasiam mabiar bani haganupan hamaholon-hamaholon na idompakkhon nasiam, ai in do hiteini lambin matoras nasiam, sonai age lambin  matoras homa pambotoh nasiam.

Niombah    Tarimakasih ma bani nasiam orangtuanami, iarusi nasiam do hape  hanami, tonggohon nasiam ma hanami, ase gabe niombah na hinarosuhkon ni Tuhan, ase gabe malas uhur nasiam.

  1.      Sai saud ma sura-sura ni Tuhan hubanta haganupan.

 

8.    Mandoding Haleluya 307 : 1-2

     Bani na martonggo ahu hu Bamu o Tuhankin.      Ajar Ham ma au manjalo ganup na binere-Mu.      Mangakuhon songon Jesus bani sitaranon-Niin.      Seng rosuhku pasaudonku pitah rosuhmu Tuhan. Atap aha husurahon na dear bai goluhkon. Bahen Ham au pambalosi bani ganup rosuh-Mu. Mangauhon ‘pa porsaya ‘ge galek pe uhurhon. Seng rosuhku pasaudonku pitah rosuhmu Tuhan.

  1. Hata Haporsayaon                        (jongjong kuria)
  2. P. Riap ma hita jongjong.

Saksihon hita ma haporsayaonta in, songon na sinaksihon ni haganup halak na porsaya bani sab tanoh on.

P.K  Ahu Porsaya…  Amen.

  1. Acara Khusus
  • Mambasa Surat Tongosan ni Pimpinan Pusat GKPS
  • Mambasa Puisi (ibasahon sahalak Pelajar)
  • Tonggo Syafaat (Na binobanhonni Namaposo/Pelajar)
  • Galangan Koor

 

11.    Mandoding Haleluya No. 351 : 1-2

       Iatas ni Onjolan na gogoh na totap,        Na jongjong do Kuria i atas tanoh on        Tuhanta Jesus Kristus, na pajonamkon in        Marhitei pandidion, ampa Hata-Ni in.          Ai domma susur Jesus manopot hita on,        tunangan na pinilih na idunia on .        In ma ganup kuria na dob tinobus-Niin,        marhitei kuasa-Ni, daroh na pansing in.

 

12.    Ambilan: 1 Petrus 2: 4-10

 

13.    Manggalang (Agenda GKPS Model A)

 

14.    Tonggo Galangan – Tonggo Panutup – Pasu-pasu  (Agenda GKPS Model A)

 

  • Post Ludium

·    Mandoding Haleluya No. 411 : 1 (irik marsalaman)

          Diatei tupa ma bamu Ham Naibata, mambaen tupa humpulannami on           Igomgom Ham do horjanami on torsa, gok malas uhur do hanai ijon           Ibere Ham do damei na tarsulur, sanggah manranggi horja haganup           Nuan hanami rap marmalas uhur,  mardingat haganup pambaenan-Mu

 

 

 

 

 

Puisi

Doa’ku

Karya Pdt. Mannes Purba

 

Ya Tuhan,  Engkaulah Cahaya kebijaksanaan bagiku…

Terimakasih telah memberikan saya pikiran yang bisa tahu

Dan hati yang bisa mengasihi…

 

Tuhan, tolonglah aku supaya dapat  belajar setiap hari

Dan tidak pernah menyerah terhadap pelajaran apa yang harus saya pelajari setiap harinya

Pengetahuanku semuanya untukMu

Biarlah kami pintar dan bijaksana serta  mengandalkan Tuhan dalam hidupku.

 

Tuhan berikan aku kekuatan

Sehingga tidak pernah tergoda dan tidak menyerah dalam  masa masa sulit

Cerahkan pikiranku ya, Tuhan, ketika sangat lambat berfikir

Tolonglah aku ya, Tuhan untuk memahami kebenaran

Dan ulurkanlah juga kasih dan kebenaran  itu kepada pikiran dan hidup saya.

 

Ya Tuhan,  berilah aku anugrahMu

Untuk dapat menerapkan ilmu pengetahuan kami dengan baik

Dalam kerajaanMu,…

Menjadi anak-anak terang di tengah tengah bangsa

Jadikanlah kami calon-calon pemimpin yang berpengaruh di tengah-tengah bangsa Indonesia

Menegakkan kebenaran, menegakkan keadilan untuk keselamatan bangsa.

 

 

Tinggalkan Balasan

Alamat email Anda tidak akan dipublikasikan.