TATA IBADAH HUT PEMUDA GKPS TAHUN 2019

 

TATA IBADAH  HARI ULANG TAHUN SEKSI PEMUDA GKPS

26 Desember 2019

 TEMA:

Ibohali Manghobaskon Horja na Madear. (2 Timoteus 3:17)

SUB TEMA:

Pasirsir, Bohali ma Kuria in Totap Marguru bani Podah ampa Ajaran ni Kristus Jesus, ase Jonam, Toguh Marurat, Marbuah ibagas Pangarusion ampa Habotohon pasal Kristus Sipaluah in.

(Kol. 2:7; Lah.  17:23; 1 Korint. 7: 17-20)

  1. PRAELIDIUM
  • Sosialisasi Tata Ibadah
  • Martonggo i konsistori
  • Mandoding :”Seribu Lilin” (Kuria jongjong menyambut barisan prosesi)

Dalahi    :  Seribu Lilin nyalakan di tengah dunia

                   Biar sinarnya menyatakan kemuliaan surga

Naboru  :  Wartakan pada dunia kabar sukacita

       Tlah lahir Yesus Penebus Jurus’lamat kita

Dalahi   :   Hai bintang indah Betlehem kiranya sinarmu

      Bawa harapan dan damai bahagia di kalbu

Naboru  :  Seribu lilin nyalakan di tengah dunia

       Biar sinarnya menyatakan kemuliaan sorga

Haganup : Kehangatanmu kirimkan di hati yang beku

       Kehangatan kasih Tuhan di natal yang syahdu

       Kehangatan kasih Tuhan di natal yang syahdu

  1. IBADAH
  2. Votum-Introitus-Tonggo
  3. Ibagas Goran ni Naibata Bapa, pakon Tuhan Jesus Kristus, ampa Tonduy Na Pansing, Sitompa langit pakon tanoh on. Amen.

Ai sonon do holong ni uhur ni Naibata bani dunia on, pala do Anak-Ni na sasada in iberehon, ase ulang magou ganup na porsaya Bani, tapi ase hagoluhan na sadokah ni dokahni bani.

  1. Domma Tubuh Kristus janah marianan i tongah-tongahta
  2. Domma iberehon hubanta Sipaluah.

K         Ia do Panggomgomi banta

  1. Parmahan na tarsulur
  2. Tuhan na markuasa janah na manongtong, siboban damei, sonari ronsi sadokah ni dokah ni.
  3. Haleluya, Haleluya, Haleluya

P.K      (Mandodingkon : Haleluya, Haleluya, Haleluya)

  1. Martonggo ma hita!

Ham Naibatanami, idop ni uhurMu do na manogu-nogu hanami boi hanami Pemuda GKPS mamestahon pasu-pasuMu na dob mandilo janah mamakei hanami seksi Pemuda GKPS na dob 66 tahun jongjong laho mambaritahon barita haluahon in i dunia on. Iahaphon hanami do pasu-pasuMu hubannami. Buha Ham ma panonggornami hubani sondang ni Kristus ase boi mardalan hanami bani Sondang in. Ase itadingkon hanami hagolapan ni dunia on, janah gabe panondang hanami bani hagolapan. Parsahapkon Ham ma hanami Tuhan, domma sirsir hanami manangar haluahon na humBamu. Goki Ham ma hanami bani sondangMu ase marsinalsal hanami marhitei Jesus Kristus Tuhannami. Amen

 

  1. Mandoding Haleluya No. 313 : 1-3

Humbai pulou ge banua sai tarbogei do torus

Doding na mamuji Tuhan Sipanobus jolma in

Gloria, puji ma Tuhanta, Gloria, puji ma Tuhanta

Haganupan na isurga pasangapkon Naibata

Rap mandoding do sidea i lobei ni Naibata

Gloria, puji ma Tuhanta, Gloria puji ma Tuhanta

Soridadu ni Tuhanta hormat bani Naibata

Haganup puji-pujian ondos bani Naibata

Gloria, puji ma Tuhanta, Gloria, puji ma Tuhanta

 

  1. Hasasapan ni Dousa (Jongjong Kuria)
  2. Tuhan ididah Ham do hanami jongjong ijon nuan, manrogop i lobei -lobeiMu  ibagas toruh ni uhur. Itandai Ham do hanami on marsada sada, janah ibotoh Ham do ise hanami haganup. Iboban hanami ma Tuhan haganup na borat in ase hampung pangahapnami mandalani ari-ari ni goluhnami.
  3. Ham Tuhan Naibata maidop ma Ham bannami pardousa on, sasap Ham ma dousa-dousanami.

 

Dalahi    :        Ale ham Naibatanami, Bapa paridop ni uhur. Sura-suranami ase gabe jolma na pansing do hanami. Hape hotop do manlembang hanami humbani dalanMu na pansing in. Holong ma Ham Tuhan totap ma marpangulaki uhurMu bannami…..

Naboru   :        Tuhan Naibatanami, parentahMu do mangkatahon ase hormat hanami marorangtua. Hape Tuhan gati do hanami manlanggar hataMu, hurang ringgas hanami pasangaphon namatorasnami. Hape domma marbois gogoh sidea pagodang-godanghon hanami. Marpangulaki ma uhurMu bannami Tuhan,  sasap Ham ma dousa-dousanami

Dalahi    :        O, Tuhan… ibotoh Ham do dousa haposoonku, lang talup au i lobeiMu. Ihatahon HataMu do ase manggoluh ibagas hapansingon hanami, hape goluhnami daoh do humbani hapansingonMu, mambahen lang talup hanami gabe saksiMu.O Tuhan… holong ma uhurMu bannami pardousa on, marpangulaki ma uhurMu bannami

Naboru  :         Ham Tuhan, Naibatanami, maharga do ganup panorang nabinereMu bannami. Hape hurang do pangkargahononnami bani panorang na binereMu. Iparambur-ambur hanami do ari-arinami mambahen tambah sipingkirhonon ni namatorasnami hubannami. O Tuhan holong ma Ham bannami sai marpangulaki ma uhurMu bannami

P.K         :        Tuhan Holong ma uhurMu bannami, pardousa on (idodingkon, Songon Lagu deideng)

  1. :  Tangar hita ma  hata ni Naibata bagah bagah pasal hasasapanni dousa :

Tapi, anggo marparlahou hita ibagas haliharon, songon Ia ibagas na lihar in, saor do hita samah hita, anjaha ipaborsih daroh ni Jesus, Anak-Ni in do hita humbani sagala dousa. Hasangapon ma bani Naibata ibabou.

P.K        :     Amen

 

  1. Mandoding Haleluya No. 41 : 1-3

Domma jumpah use ari pesta in, partubuhan ni Tuhanta Jesus in

Turun hape Ia roh hun surga in, roh manohu hujon

Hasangapon bai Naibata, damei damei bani jolma

Megah uhur ni Naibata, hajolmaon use

Laita hita misir hu Betlehem in, sombah hita ma Dakdanak na ijin,

Tinongoskon ni Parholong atei in, Naibata, Bapa in,

Hasangapon bai Naibata, damei damei bani jolma

Megah uhur ni Naibata, hajolmaon use

Sombahnami hu Bamu na dob roh on, Ham siboan damei hu dunia on

Sai pasorap Ham bai uhurnami on, dameiMu o Jesus

Hasangapon bai Naibata, damei damei bani jolma

Megah uhur ni Naibata, hajolmaon use

 

  1. Manaksihon Hata Haporsayaon

P       :  Riap ma hita jongjong! Saksihon hita ma haporsayaonta in songon na sinaksihon ni ganup halak na porsaya bani sab tanoh on!

P+K  :  Ahu porsaya…….dst.   Amen                                  (Hundul Kuria)

  1. Acara Khusus
  • Mambasa surat tongosan ni Pimpinan Pusat
  • Koor Pemuda
  • Puisi

“DIATEITUPA”

Diateitupa ma Bapa, diateitupa ma inang

Bai halojaon nasiam pagodang-godangkon hanami

Bai hasabaron nasiam mamodah- modahi hanami

 

Diateitupa ma Inang

Diateitupa ma Bapa

Marribu hali tonggo nasiam

Manonggohon hanami niombah nasiam on

Marribu hali podah nasiam

Mamodah modahi hanami niombah nasiam

Sabar ma nasiam bapa

Sabar ma nasiam inang

Marmalu pe hanami songon podah nasiam ai

Sabar ma nasiam marpangarapan hita

Songon tonggo nasiam ai

O…………….. inang

O…………….. bapa

Diateitupa

Sai Horas jorgit ma nasiam i pasu-pasu Tuhan in

Sai totap sada ganup, hanami niombah nasiam

 

  • Ruji-ruji “Identitas Diri Selaku Pemuda GKPS”

Sabahagian syair ni lagu MARS Pemuda GKPS mangkatahon : “Sai na puji sai na puji ma Tuhanta, marhitei talenta na dong banta, horjahon, pongkuthon mambahen na madear sai marmulia ma Tuhanta”. Isobut do sondahan  on  Zaman Milenial, karya-karya Pemuda dalam hal musik, seni, budaya sonai homa age ilmu pengetahuan sangat mempengaruhi kreatifitas ha-pemudaon ni GKPS. Tapi maningun do homa iarusi hita adong do patron na jelas bani GKPS pasal sonaha hita maribadah. Domma iatur ganupan tatang atur atap Agenda GKPS. Malas uhur, domma buei Pemuda berkreasi bani musik. dear tumang anggo buku doding Haleluya ai iaransemen musikni janah igali torus na gabe kekayaan/habayakonni doding bani ibadah GKPS. Lang boi lupa diri hita bahasa GKPS tontu “mempunyai identitas diri”. Injil masuk hu Simalungun na iboban hun Eropa, tapi par-Eropa pe, mambahen pendekatan Injil marhiteihon ni adat/budaya do homa. Ondos bani tanganta do masa depan identitas ni GKPS. Halani ai adong do istilah na manobut “jangan lupa diri” janah totap “kembangkan diri”. Pengaruh zaman milenial bahat do Pemuda na mangarap ase GKPS podas maju. Ase riapma hita mamparayak ronsi pasaudkon na madear bahen kemajuan ni GKPS.

Paturut hita ma Pemuda na legan marlajar humbani Pemuda GKPS marhiteihon sada identitas dirini Pemuda GKPS na lang itiru-tiru humbani gereja na legan. Tapi memiliki konsep na jelas sebagai Gereja Kristen Protestan Simalungun. Aima Pemuda na mambotoh partuturan, Pemuda na mambotoh paradaton, Pemuda na mambotoh marsahap Simalungun, Pemuda na mangarusi Ruhut ni marhasadaon, marsaksi, ampa mangidangi (bersekutu, bersaksi, melayani).

Malas do uhurta rombang halani bani ganupan Distrik i GKPS adong tong partonggoan Pemuda sa-Distrik, sonai publikasi pasal kegiatan na pantas iacung jempol. Sada hasaksian na dear ma ai ulang ma hita lupa bani identitasta selaku pemuda GKPS. Lang haganupan na jenges-jenges hun gereja simbalog siangkatonta hujabunta aima GKPS. Bahat do habayakonta, ai ma igali. Pemuda GKPS mari kita kembangkan GKPS. Atap huja pe hita marrantou, selaku Pemuda GKPS totap ma i GKPS. Arahkon hita hasoman na legan ase lambin manrarati ma tongon Ambilan Na Madear in marhiteihon GKPS. Tunas na majenges do Pemuda GKPS, masa kini ampa masa depan ni GKPS.

 

  1. Mandoding Haleluya No. 37 : 1-3

Hatuahon do hamegahon do partubuhonni Jesus in

Roh Sipaluah bani na magou, megah-megah ma uhurta in

Roh Sipaluah bani na magou, megah-megah ma uhurta in

Hatuahon do hamegahon do partubuhon ni Jesus in

Rapat ma hita, bai Naibatanta, megah-megah ma uhurta in

Rapat ma hita, bai Naibatanta, megah-megah ma uhurta in

 

Hatuahon do hamegahon do partubuhon ni Jesus in

Megah uhurta bani Tuhanta, megah-megah ma uhurta in

Megah uhurta bani Tuhanta, megah-megah ma uhurta in

  1. Ambilan
  2. Mandodingkon Haleluya No. 47 : 1-3 (Patumpu Galangan)

Malas ni uhur na banggal na huambilankon on

Domma tubuh Sipaluah bai hita jolma on

Sangap bani Naibatanta, damei damei damei ma bani jolma

Malas uhur ni Naibatanta, bai hita jolma on

Ai saborngin on do poltak bintang bai na golap in

Na lao palihar na golap bani uhurta in

Sangap bani Naibatanta, damei damei damei ma bani jolma

Malas uhur ni Naibatanta, bai hita jolma on

Jesus do pardomuanta sinuruh ni Naibata.

Pasalosei ganup dosa ni hita haganup

Sangap bani Naibatanta, damei damei damei ma bani jolma

Malas uhur ni Naibatanta, bai hita jolma on

 

  1. Tonggo & Doding Galangan – Tonggo Panutup – Paingkatkon-Pasu-Pasu (Agenda GKPS)

 

  • POSTLIDIUM

 

  1. Acara Ulang Tahun Pemuda