Menu
Categories
Rubrik Departemen Kesaksian: PASTORAL PERNIKAHAN
21 April 2022 ARTIKEL

Rubrik Departemen Kesaksian:

“Surat/Artikel Pastoral hubani Warja Jemaat GKPS”

PASTORAL PERNIKAHAN

 

  1. Parlobeini

Bapa pakon inang, sonai age namaposo, warga jemaat na hinaholongan ni Kristus.

Hata “Pastoral Pernikahan” aima martudu-tudu hubani upaya ni gareja laho ‘marmahani’ ganup keluarga (dalam hal on bapa pakon inang na gabe pasangan suami isteri [pasutri]) ase toguh marhasadaon marhitei na totap mempertahankon goluh parumahtanggaon ronsi das ‘hamateian manirang hanami’.

Domma gabe realitas umum iidah hita paboa ganup keluarga (Kristen) sonin ma serius, pongkut pakon optimalni pasirsirhon sada “pesta parumahtanggaon” (pesta nikah). Pala do pihak keluarga marbois-bois bahkan marutangi do na deba bani na pasirsirhon sada horja malas ni uhur in, dob ai dong homa do na pala “menyewa” panitia khusus atap na ginoran event organizer, “raja parsahap” (parsinabul), artis khusus, pnl, dengan maksud sonaha ase proses pardalanan ni horja “pesta nikah” in boi jenges-torsa mardalan. Pihak gareja pe dihut terlibat bani proses “pamasu-pamusuon” termasuk bani persiapanni atap na ginoran “kebaktian parpadanan laho marhajabuan” sonaihoma mangadongkon “bina pranikah” hubani calon pasutri ai. Dear tumang ma haganupan proses persiapan pakon upaya nabinahen ni pihak keluarga sonaiage pihak gareja bani warga (niombah) na sihol “membangun rumah tangga” na baru. Hansa na gabe sungkun-sungkun aima, dobhonsi salosei ma horja (pesta) malas ni uhur in, adong pe perhatian (care and concern) ni pihak keluarga pakon gareja mangirik-irik goluh parrumahtanggaon ni pasutri nongkan? Nah, pastoral pernikahan aima sada upaya gareja laho pataridahkon perhatian pakon pembinaan pasca hari pernihakan hubani pasutri nidokan. Pihak gareja maningon terlibat bani upaya “pelestarian hidup rumah tangga” ni warga jemaatni ase totap marsada janah menikmati goluh parrumahtanggaon ibagas na dear, sauhur-sapanriah; porini pe adong konflik internal suami-isteri, boi ipasolosei sidea ibagas na dear.

 

  1. Masalah-masalah bani Pernikahan

Buei do hal na boi mambahen pemicu permasalahan dalam keluarga (pernikahan). Secara umum boi ibedahon gabe dua (sumber) masalah, aima secara eksternal pakon internal. Misalni, pengaruh lingkungan, orang ketiga, sobuton ma ai gabe sumber masalah (na hun luar) hubani kehidupan rumah tangga. Masalah internal boi menyangkut perihal karakter/kepribadian pasangan, pertengkaran, komunikasi yang tidak efektif, pnl. Norman Wright, sahalak konselor pernikahan, ongga manobut paboa “penyebab utama dari masalah yang terjadi dalam pernikahan (tidak bahagia) adalah seseorang tidak mengalami apa yang diharapkan, dan mengalami apa yang tidak diharapkan dari pernikahan dan pasangannya. Setiap pasangan mengharapkan faktor-faktor seperti stabilitas, keamanan, dan kemampuan untuk memprediksi masa depan dalam pernikahan. Ketika apa yang diharapkan itu tidak ditemukan, di sanalah masalah-masalah (troubles) itu mulai muncul. Hal ini biasanya muncul pada awal-awal pernikahan”. Masalah pernikahan na legan na boi sobuton aima situasi konflik menuju perceraian, perselingkuhan (WIL dan PIL), pakon kekerasan dalam rumah tangga (KDRT). Humbani haganup paparan masalah in, boi ma napastihon paboa tiap keluarga pasti dong do masalah pernikahanni, khususni ma ai masalah internal “di antara mereka berdua”. Halani ai lambin naahapkon ma hinaporlu ni pelayanan pastoral gereja hubani pasutri ni warga GKPS.

 

  1. Upaya Gereja Menolong Pernikahan

Adong piga-piga upaya gareja laho “membina kehidupan keluarga Kristen”, janah salah sadani aima marhitei horja atap pelayanan pastoral pernikahan. Pelayanan pastoral pernikahan na boi ipamasa bani kuria in aima:

  1. Konseling (Pastoral) Pernikahan
  2. Mentoring Pernikahan
  3. Pengayaan Pernikahan

Pelayanan konseling pernikahan (marriage counseling) somalni terjadi berdasarkan kesepakatan ni konselor (pelayan) pakon konseli (yang dilayani, dalam hal on aima pasutri). Pihak gareja pasirsirhon petugas pastoral (konselor pernikahan) janah pihak pasutri manrohi atap manjumpahkon konselor ai laho mangindo panguripon (pertolongan) laho mengatasi permasalahan keluarga na idompakkon sidea. Halani ai horja konseling on mamorluhon “waktu yang tepat dan khusus”. Ase paima iadongkon “percakapan pastoral” ai tontu pihak konselor pakon konseli domma dob-dob mambahen kesepakatan antigan janah ija pajumpah, ase parjumpahan pakon dialog interpersonal ai boi mardalan ibagas na nyaman dan aman. Bani parjumpahan na parlobei ai ma dapot riah pasal sonaha cara mengatasi persoalan rumah tangga ni si konseli ai; atap isepakai bersama paboa porlu do parjumpahan tindak lanjut, pakon satorusni. Na jelas, gareja boi do pasirsirhon “ruang konseling” bani warga jemaatni khususni laho melayani pasangan nikah yang sedang dalam masalah.

Mentoring pernikahan (marriage mentoring) agak mirip do bani konseling pernikahan. Kemiripanni aima pihak pasutri roh manjumpahkon ‘konselorni’ (mentorni). Hansa anggo bani konseling, konselor ni boi cukup sahalak tumang. Tapi anggo bani mentoring pernikahan na gabe petugas (mentor/konselor) ni aima sepasang suami isteri homa (bapa pakon inang) na dob ianggap ‘senior’, namatua atap berpengalaman bani goluh parrumahtanggaon. Jadi peranan ni mentor aima berbagi pengalaman, mambere podah pakon semangat hubani pasutri na roh ai ase totap ‘bijak’ mangurus rumahtanggani das hubani sayur matua. Seng maningon dob dong “masalah besar” bani rumah tangga ni sidea ase roh sidea manjumpahkon mentorni, tapi bani “suasana santai” pe boi sidea pajumpah (bercanda ria) songon komunitas keluarga sendiri (na mar-anak-mar-orangtua). Sahali nari fungsi mentor ijon aima gabe “orangtua” (na dob berpengalaman) hubani sidea pasutri na lebih muda. Domu hujai, gareja boi manodoh piga-piga “pasutri senior” na boi gabe mentor pernikahan na boi siusihan (teladan) janah pangguruan hubani “pasutri yunior”. Boi ma homa iaturhon gereja sada “ruang pertemuan” untuk proses mentoring ai.

Pelayanan pengayaan pernikahan (marriage enrichment) marupahon salah sada bentuk program pelayanan pastoral pernikahan na bersifat preventif, yakni upaya untuk melestarikan dan mempertahankan pernikahan. Secara implisit, tujuan ni program marriage enrichment aima laho manramotkon “pertumbuhan personal dan saling memenuhi serta meningkatkan relasi yang baik dalam citra pernikahan secara umum”, nini sahalak konselor Amerika. “ME (Marriage Enrichment/Pengayaan Pernikahan) ini merupakan upaya untuk menjadikan pernikahan kita semakin baik (to make a good marriage better) dengan memfokuskan diri pada menjalin komunikasi yang baik untuk membangun relasi yang karab dan sehat antara suami-isteri”. Pelayanan pengayaan pernikahan aima upaya gareja laho membangun keluarga yang lebih bahagia. Hata “lebih” (atap lambin) ijon menjadi kata kunci bani kegiatan pelayanan on. Ase naniiarapkon mandihuti kegiatan on aima pasangan keluarga yang “tidak dalam keadaan bermasalah”, tetapi pasangan na “dob dear” ase “lambin dear”. Ijon ma makna ‘pengayaan’ (enrichment) ai. Berikut, i toruh on, sihol ipadas hanami ma hatorangan lebih khusus pasal pelayanan marriage enrichment on, aima marhitei kegiatan “bina pasutri”.

 

  1. Pengayaan Pernikahan: Bina Pasutri GKPS

Banta i GKPS somal do ipamasa pembinaan-pembinaan bani lingkup jemaat, resort, sonaiage sa-Distrik. Bani Departemen Pembinaan i Kantor Sinode GKPS adong do bidang kerja pembinaan hubani pelayan-pelayan (pendeta, penginjil, sintua, syamas) pakon pembinaan kategorial (seksi bapa, seksi inang, seksi namaposo, seksi sekolah minggu). Age i tongah-tongah ni kuria in, somal do homa adong pembinaan khusus hubani PHMJ (Pengurus Harian Majelis Jemaat), khusus hubani Bendahara, pnl. Adong homa na mambahen “pembinaan profesi”, misalni PWG (Pembinaan Warga Gereja) bidang ekonomi, kesehatan, pnl. Tapi jarang ope naidah pakon nabotoh (marhitei laporan resort-resort bani Sidang Resort) pasal Pembinaan Keluarga, khususni ma ai pembinaan hubani Pasangan Suami Istri (pasutri). Songon na asing ope naidah bani garejanta laho mambahen program kegiatan ‘bina pasutri’. Andohar ma marhitei tulisan on muncul inspirasi pakon semangat na baru banta laho ‘membina pasangan-pasangan suami-isteri’ i tongah-tongah ni kuria in ase lambin terbangun keluarga na sepakat janah bertanggungjawab laho menciptahon relasi na harmonis janah ‘marsiarusan’ bani goluh parrumahtanggaon. Domu hujai, boi ma irancang ganup kuria/resort pasal bina pasutri on, bahkan bani hadobanni boi do homa ibentuk i GKPS on “tumpuan pasutri”.

Salah sada model ‘bina pasutri’ dalam bingkai ‘pastoral pernikahan’ aima marhitei na mambahen program ‘pengayaan keluarga’ (family enrichment). Bani model ‘pengayaan pernikahan’ (marriage enrichment) sisonon na gabe pesertani aima keluarga-keluarga utuh, aima pasangan suami isteri (pasutri) na dob marrumah tangga. Proses pembinaan pasutri on iadongkon marhitei na patumpuhon beberapa pasutri (misalni 10-15 KK/pasangan) bani sada kelompok pembinaan. Dearan ma ase adong homa pengelompokan usia pernikahan, misalni usia 0-5 tahun. Dasar pengelompokan in aima, halani biasani dos do ‘isu-isu masalah’ bani usia pernikahan na dos. Umpani pergumulan pasal niombah (pergumulan ‘maranggi etek’) bani usia pernikahan 0-5 tahun, pnl. Halani hampir dos do pergumulan bani sada kelompok pasutri ai, gabe urah ma saling marsiarusan ronsi mandiskusihon permasalahan na dos (na riap ialami) sehingga paurahkon bani na mambere masukan (sharing) hubani pasangan na legan. On ma goranni grup penopang (support group); pasangan yang lain boi ‘mendukung’ (mangurupi) pasangan na legan ase jumpah solusi bani masalah rumah tangga na sanggah idompakkonni. Pembinaan on boi ibahen bani ianan atap ruangan khusus, atap boi do homa ipamasa dalam bentuk “retreat pasutri”. Bani tulisan on hanami mangojur ase ibahen ma ‘bina pasutri’ marhitei na mambahen “tumpuan pasutri” na mangadongkon partumpuan na rutin (misalni sahali sabulan) na ‘kurikulum’ atap teknis pelaksanaanni boi irancang lebih khusus mangihutkon situasi-kondisi jemaatta bei.

Sasintongni, domma buei buku na beredar na patugahkon sonaha “tumpuan/partonggoan pasutri” on idalankon. Janah bani tulisan on sihol itawarkon hanami sada “model” pembinaan pasutri secara sederhana.

  1. Pelaksana atap panitia maningtingkon pasal horja on janah patumpuhon piga-piga pasangan suami istri (sahalinari, dearan ma ase pasutri na martumpu ai dikumpulkan berdasarkan penggolongan usia pernikahan tertentu). Demi keefektifan, dear ma ase sada kelompok bina pasutri pitah 5–15 pasangan. Bina pasutri on berlangsung beberapa sesi pada hari-hari tertentu, misalni sahali seminggu, bani ari na dob isepakati bersama.
  2. Bani partumpuan ai, ibahen ma sesi parsahapan, 1-2 jam. Bani tiap sesi ada pemimpin kelompok (fasilitator) na berperan sebagai mediator/moderator na memimpin proses diskusi pakon sharing kelompok. Halani memang sasaran pembinaan on aima pertumbuhan keluarga melalui kelompok pertumbuhan (growth group). Hal utama na gabe isi setiap sesi aima sharing (berbagi pengalaman dan pemahaman) menuju pemahaman dan pertumbuhan yang rohani dan alkitabiah khususnya mengenai pernikahan dengan segala bentuk dan masalah-masalahnya. Dear ma homa panitia pasirsrihon alat tulis dan Alkitab sepanjang pembinaan ini. Niarapkon tumpuan on boi tuntas mandihuti 8-10 sesi sebagai ‘pelajaran dasar’.
  3. Dob salosei setiap sesi/pertemuan dan atau satu paket pembinaan (8 sesi), dear ma ase iadongkon evaluasi tentang bagaimana pembinaan itu terjadi. Porlu percakapan evaluatif na terbuka, halani kelompok pembinaan on seng pitah ‘tampul sahali’ (hit and run) tetapi terus berkelanjutan. Andohar marhitei masukan-masukan na dear, boi lambin berkualitas isini parjumpahan ni kelompok pasutri ai

 

Penutup

            Humbani na hinan das hubani zaman digitalisasi on naahapkon do hinaporluni pembinaan hubani parrumahtanggaon ni pagori ni kuria in. Anggo na pardiatei bani pargoluhan i masyarakat (Kristiani), buei ope jumpah masalah-masalah keluarga na mangkorhon parsirangan (perceraian) secara Negara (marhitei peradilan agama) das hubani na “marsirang-sirang” tanpa status perceraian yang jelas, atap bani bahasa prokemni: ‘sirang so sirang’. Hansa gati masalah sisonon (masalah keluarga) ipasip bahkan itutupi, gabe songon na seng adong jumpah masalah rumah tangga. Halani maila do patidakkon ‘rigat ni hiou’ ni keluarga. Hape bani kenyataanni domma bahat pargoluhan parrumahtanggaon na dob keropos. Halani ai ijon ma ituntut peran gareja laho melayani ‘kehidupan rumah tangga’ warga GKPS marhitei na mangadongkon ‘bina pasutri’ on. . Tongon haganupan rangkaian pembinaan pasutri on aima upaya ni hita jolma marhitei gareja-Ni. Pasal hasilnya, sai totap ma hita marondos bani Tuhan Naibata marhitei Tonduy-Ni Napansing in. Anggo seng marhasoman Tonduy-Ni, soya-soya do ganupan nabinahenta in. Sonaima haporsayaonta. Andohar, marhitei upaya gereja on lambin buei keluarga GKPS na “lestari” parrumahtanggaonni das hubani sayur matua, sirang halani hamateian. Horas.

Pdt. Albert H. Purba, M.Th

Kepala Departemen Kesaksian Kantor Sinode GKPS

Comments are closed
**