Pematang Siantar, 9 April 2023

Nomor : 228/3-PS/2023

Hal       :

TONAH NI PIMPINAN SINODE GKPS BANI PESTA PASKAH 2023

Nahinaholongan:

Haganup Kuria GKPS

Tiba Pengantar Jemaat

Bani ianan ni bei.

Idop ni uhur ma bani nasiam ampa damei na humbani Naibata, Bapanta in.

Tarpuji ma Tuhanta na mambere panorang banta marhasadaon i Kuria on ibagas na mamestahon Parpuhoon ni Tuhan Jesus Kristus. Parpuhoonni Jesus aima barita hamonangan na luar biasa banta halani domma talu hamateian pakon dousa ibaenNi. Domu hujai, sihol padasonnami tonah parmahanion hubani Nasiam bani Pesta Paskah sadari on.

1. Paskah santorap on aima na parlobei dobhonsi salosei pandemi global i dunia on, tarmasuk i negaranta Indonesia. Talup do hita marmalas ni uhur irik mamuji goranni Tuhanta na dob mangurupi hita manlopusi situasi ai. Iapresiasi hita do pamarentah, petugas medis, organisasi, relawan, masyarakat ampa gareja na dob bekerja keras pasalpuhon pandemi ai. Tapi age pe pandemi global ai domma salpu, idompakkon hita dope piga-piga situasi na sulit i dunia on age i negaranta, songon porang Rusia-Ukraina na manghorhon inflasi pakon krisis ekonomi bani piga-piga negara, lalou bolon i Turki pakon Suriah na memakan korban jiwa lobih humbani 50.000 halak, peningkatan suhu politik menjelang pilpres pakon pilkada serentak tahun 2024, ampa na terbaru aima penyegelan ianan ibadah ni GKPS Purwakarta. Age pe sonai boratni sidompakkononta, porsaya do hita paboa ihasomani Jesus Kristus na dob puho in do KuriaNi mandompakkon masa-masa sulit on.
2. Marhitei Paskah gabe ipapuho ma hita rapkon Kristus. Bani Kolosse 3:1-4 ihatahon do anggo domma ipapuho hita pakon Kristus, ase pindahi hita ma na i atas ai anjaha paruhurhon hita ma na i babou in, aima harosuhNi Naibata. Lang tarbaen lang, holong ampa damei ai do na iharosuhkon Naibata humbanta. Halani ai, pesta Paskah sadari on mamuhoi hita ase lambin bersemangat janah pongkut gabe siboan holong ampa damei i tongah-tongah ni pargoluhanta.
3. Bani Mateus 28:7 + 10 isuratkon do “… Lobeianni do nasiam laho hu Galilea…. Ulang nasiam mabiar.” Marhitei parpuhoonni Kristus, gabe i lobeita do Ia, pasirsihon dalan banta manjumpahkonSi, ase lang be mabiar hita. On ma hatotapan bani goluhta, na mambaen hita totap marpangarapan ibagas na manoruskon pardalanan ni goluhta, irik tongtong marsihaholongan ampa mamboan damei, sonai homa pataridahkon buah ni haluahonta, tandani na dob matoras haporsayaonta marhitei 120 tahun ma Ambilan Na Madear in das hu tanoh Simalungun banta bani tahun on. Selamat Paskah ma hubani Nasiam Kuria nahinaholongan.

Salam pakon tonggo,

Pimpinan Sinode GKPS:

Tembusan:

1. Praeses GKPS Distrik I s/d XI
2. Pendeta/Pengurus GKPS Resort
3. Pertinggal.

Selamat Merayakan Paskah bagi kita semua….. Bersukacitalah dalam kebangkitan Tuhan Yesus, Sang Juru Selamat kita.

”Jangan takut. Pergi dan katakanlah kepada saudara-saudara-Ku, supaya mereka pergi ke Galilea dan di sanalah mereka akan melihat Aku.” Matius 28:10