Salam ibagas Jesus Kristus,

Bani GKPS igoran do tahun on TAHUN KELUARGA. Dob ipamasa hita humbani awal ni Periode on Tahun Anak (2005), Tahun Pemuda (2006), Tahun Bapa (2007), Tahun Wanita (2008), sihol simpulhononta ma ganupan ai marhitei Tahun Keluarga GKPS 2009. Sura-sura ni GKPS manotapkon in, taridah do bani Thema ni kegiatanta na satahun on mangkatahon: "Jesus do Dalan ampa Hasintongan pakon Hagoluhan", ampa Sub Thema: "Mandompakhon haganup, totap ma rumah tangganta manggoluh ibagas hata ni Naibata".

Sibere-bere ni Tuhan do banta tahun on, lanjar na gabe peluang pakon kesempatan na baru banta bei, baik pribadi, keluarga ampa bani Gereja laho mandalankon Tritugas Panggilan ampa Suruhan ni Tuhan : Marsaksi, Marhasadaon ampa Mangidangi. Tangkas do banta, bagei do hamaholon ampa tantangan sihadaponta laho pasaudkon in. Halani ai, paima hobas bei hita bani lahoanta iporluhon hita do sisei ni Tuhan, marhitei hataNi, ai hataNi in do hansa na gabe gogohta ase boi gok damei goluhta, torsa langkahta, dear horja ampa pangidangionta, na lanjar gabe pasu-pasu.

Sai satonggo ma hita laho pasaudkon haganup horja / pelayanan i GKPS, bahen hamuliaon ni Goran ni Tuhan, Raja ni Kuria in.

Pimpinan Pusat GKPS