TATA IBADAH MINGGU PESTA BAPA GKPS

 

download disini=> MINGGU PESTA BAPA GKPS 2017 TATA IBADAH

TATA IBADAH

MINGGU PESTA BAPA GKPS

Minggu,  5 Nopember 2017

 

TEMA:
Ibohali Manghobaskon Horja na Madear. (2 Timoteus 3:17)

SUB TEMA:
“Ajari ma Kuria in gabe Sipangidangi Ibagas Hapentaron, Haporsayaon ampa Bulus ni  Uhur ase Lambin Torsa Kuria in, Mangkorhon Hadoharon pakon Hadearon i tongah-tongah ni Gareja, Masyarakat ampa Negara (2 Petr. 1:5; Ef. 4: 13-15)

PRAELUDIUM

 

Dilo-dilo

1. P. Tarpuji ma Tuhanta Jesus Kristus na dob manotapkon hita gabe parsimada bani harajaonni Naibata. Nuan roh do hita ibagas uhur na gok hatarimakasihon bani ibadah MINGGU PESTA BAPA GKPS. Dear do parimbagaskon hita bani dirinta marsada-sada, sonin ma banggalni holong ni Tuhan hubanta kuria-Ni tarlobih bani ganup bapa – na gabe hitei ni Tuhan pataridahkon ganup na madear, na majenges janah na talup Paunduk hita ma uhurta, roh ma hita mandompakkon Tuhanta parholong in.

 

BARISAN PROSESI

(P.K.= Pemimpin pakon Kuria, KB= Ketua Seksi Bapa)

 

P.K.     (Mandodingkon) Haleluya No. 337:1

Husombah Ham Tuhan tangihon au!

Sai uhur-Mu Tuhan pasaud Ham

Sai lambin tambah ma holongku hu Bamu

Sai tambah ma holong Bamu

 

1. KB. Ipuji hanami do Ham ale Tuhan, Ham Naibata na pintor janah parholong. Itodoh Ham do hanami gabe bapa siboan sondang na torang i tongah-tongahni kuria-Mu. Domma roh hanami riap pakon kuria-Mu ibagas uhur na borsih janah bulus. Sai pasaud Ham ma uhur-Mu hubannami.

P.K.     (mandodingkon) Haleluya No. 337:1 (peserta prosesi manuju iananni bei)

 

———————- saat teduh ———————-

 

1. VOTUM – INTROITUS – TONGGO                            (jongjong kuria)
2. Ibagas Goranni Naibata Bapa, pakon Tuhan Jesus Kristus ampa Tonduy Napansing Sitompa langit pakon tanoh on.

P.K.     Amen.

1. P. Puji ma Jahowa, pasangap ma goran-Ni na pansing in. Naibata paridopni uhur janah parholong banggal, Ia do Bapa bani ganup bangsa-bangsa.
2. Puji ma Ia bani hotak-Ni na i babou, pansing janah marsinodang do hamuliaon-Ni i atas tanoh on

P.K.     Puji ma Tuhan, sombah ma Ia bani hotak hapansingon-Ni

P.K.     (Mandodingkon) “Hupuji Ham”

 

 

 

 

1. Napuji ma Naibata, Bapa ni Tuhan Jesus Kristus, na dob mamasu-masuhon banta bagei ni pasu-pasu partonduyon hun nagori atas ibagas Kristus
2. Ai ipilih do hita ibagas Ia, sanggah lape itombei dunia on, ase pansing hita anjaha lang panurakon i lobeiNi, ibagas holong ni uhur
3. Itotapkon hinan do hita Bani, gabe anak niainNi marhitei Jesus Kristus, mangihutkon rosuh ni uhurNi (Efesus 1:4-5)

P.K.          (Mandodingkon) “Hupuji Ham”

1. Martonggo ma hita!

Ham Tuhan Naibata Bapanami, Bapa na sai tongtong mansarihon goluh nami. Marmalas ni uhur do hanami mamuji pakon pasangapkon Ham bani Minggu Pesta Bapa sadari on. Bohali Ham ma hanami marhitei uhur na bayu ase tongtong porsaya janah gabe sipambalosi hanami bani ganup sura-sura-Mu. Pakei Ham ma Bapa  i tongah-tongah ni kuria-Mu gabe parhiteian-Mu pataridahkon hinadear ni layak-Mu, ase tongtong sidea mandalankon tanggung jawabni bani keluarga, gereja ampa masyarakat. Ibagas goran ni Anak-Mu Jesus Kristus jalo Ham ma tonggonami on. Amen

 

2. Mandoding Haleluya No. 404:1-2

Ganup ari do in, ronsi tahun hu taun,

Sihol do hudodingkon goran-Mu.

Ham Tuhan Naibata, sai hupuji do Ham,

halani haganup layak-Mu.

Ham arta na harga, poltik hujolom in,

humbani na hinan, Ham do tong Naibatangkin.

Bona ni na dear, ronsi sadokahnin.

Panondang na lihar, bai ganup na golap in.

 

Hatamu do Tuhan, hupindahi nuan,

bahen suluh bai pardalankin.

Pitah Ham hansa in, na mambotoh ijin,

aha na huporluhon Tuhan.

Ham arta na harga, poltik hujolom in,

humbani na hinan Ham do tong Naibatangkin.

Bona ni na dear, ronsi sadokahnin.

Panondang na lihar, bai ganup na golap in.

 

 

 

3. GANTIH NI TITAH
4. Tangar hita ma gantih ni Titah na sapuluh in, aima na tarsurat bani Johannes 15:10:

“Anggo ihorjahon hanima titah-Ku, marianan ma hanima ibagas holong ni uhur-Hu songon Ahu na mangkorjahon titah ni Bapa, gabe marianan ibagas holong ni uhur-Ni.”

Riap ma hita mangindo!

1. Ham Tuhan Naibata pargogohi Ham ma ahu mangkorjahon hata-Mu ai.

P.K.     Amen.

 

4. Mandoding Haleluya No. 254:1-2

Tong do pangajaman Tuhan Jesus in

Ai domma iporsan ganup dousa in

Hata ‘ge damei-Ni hagoluhan ni

ganup na porsaya bai Hata-Ni in

Hata ‘ge damei-Ni hagoluhan ni

ganup na porsaya bai Hata-Ni in

 

Sai ihasomani na porsaya in

Janah ari-ari roh layak-Ni in

Bai na so ra sangsi bai gogoh-Ni in

Nini do: Tuhanku na jenges botul

Bai na so ra sangsi bai gogoh-Ni in

Nini do: Tuhanku na jenges botul

 

5. HASASAPAN NI DOUSA
6. Ham Tuhan Naibata parholong ni atei na tarsulur, roh do nuan hanami hu lobei-lobei-Mu mamboban hadirionnami. Iakuhon hanami do hu-Bamu, pardousa na banggal do hanami marhitei uhur, parsahap ampa pangabaknami. Sirsir ma Ham ale Tuhan padompakkon bohi-Mu hubannami na madoyuk on.
7. Roh do   hanami  siparuhur na   hengkeng,   na lansei mandalankon aturan-Mu, sidalankon horja na so margagan janah sipangunsagah bani uhurnami sandiri. Iakuhon hanami do ganup dousanami, gabe hiteinami roh mangindo pangkaholongion-Mu. Ham ale Tuhan, idilo hanami do goran-Mu.

Cantour + Kuria (mandodingkon) “Tuhan Hudilo do Goran-Mu”  F = do, Tempo = 66

 

1. Ham Tuhan Jahowa,  Ham do sibotoh sagala hauhuron. Ibotoh Ham do uhur lekluk na manrajai goluhnami. Paruhuri Ham ma hanami ale Tuhan marhitei idop pakon holongni atei-Mu. Ulang ma padaoh Ham bohi-Mu humbannami tapi togu Ham ma hanami hubani holong-Mu.
2. Hurang  ope   hanami   mambuha  uhur laho porsaya janah marondos hu-Bamu halani goluh pardagingon na tong sai porlunan iahap hanami. Hampung ni uhur bani ganup tanggung jawab i kuria-Mu, hotop ope in na taridah humbannami. Lang dong uhur biar bannami janah lang ope sipangihut hanami bani dalan-Mu.

 

Cantour + Kuria : (mandodingkon) “Tuhan Hudilo do Goran-Mu” 

 

1. Ipangindo Ham do ase manggoluh ibagas holong hanami, mangkaholongi hasoman age na manghagigihon hanami pe. Anju Ham ma hanami na galek on Tuhan, ase ulang magou hanami bani langkah nami.
2. Marpangulaki ma uhur-Mu mangidah hanami, Ham ale Tuhan sparholong na tarsulur.

—————————— instrument ——————————

 

1. Tangar hita ma bagah-bagah ni Naibata pasal hasasapanni dousa. “Songon sintong ni manggoluh Ahu nini Tuhan Jahowa:  Sabonarni seng marosuh uhur-Hu mangidah hamateion ni parjahat, tapi ase mulak do parjahat in manadingkon dalanni, ase manggoluh ia”. Hasangapon ma bani Naibata i babou!

P.K.                 Amen

 

 

6. Mandoding Haleluya No. 475:1-3

Ham Naibatangku i surga paratas-Mu,

manrogop au nuan ilobei-Mu.

Tunggung tumang sangap do goran-Mu,

‘ge kuasa-Mu totap do in toguh.

 

Roh au manowod martonggo hu lobei -Mu,

unduk do au mangindo holong-Mu.

Sai sasap Ham dousangku haganup,

useihon Ham ma hu bangku layak-Mu.

 

Ham do hupuji tongtong bani tonggongku,

marhiteihon goran ni Anak-Mu.

Na dob jonam, pansing janah pintor,

Jesus Tuhanku sigomgom hajojor.

 

7. EPISTEL
8. Hatani Naibata Epistel banta minggu on tarsurat bani 1 Tessalonika 2: 9-13

… Amen.

Martuah ma halak na manangar hatani Naibata anjaha na marimbagashonsi.

P.K.     Amen

 

8. Mandoding Haleluya No. 329,1-2

Eta misir hita, lao hu surga in

Ai torap ijin Bapa Parholong in

Lang dunia on be, arapkonon in

salpu do ganup ai seng haposan in

Halaniin sai eta ulang sangsi be

Salo ma ulihta na sirsir ijin

 

Eta ma ihutkon Tuhan Jesus in

na roh pagoluhkon ganup jolma in

Ai holong uhur-Ni bai pardousa in

ai isasap do ganup dousanta in

Halaniin sai eta ulang tading be

ase das ma hita on hu surga le

9. MANAKSIHON HAPORSAYAON

 

10. ACARA KHUSUS MINGGU BAPA

1. Mambasa Tonah ni Pimpinan Pusat GKPS
2. Ruji-ruji bani Minggu Bapa/ Refleksi
3. Koor/ Vokal Group
4. Tingting Kuria
5. Tonggo Pangapition

 

11. Mandoding Haleluya No. 467: 1-3

Ise do boi tondok bai lampo-Mu?

Ise do boi das hu dolog-Mu?

Pitah hulanan na porsaya in

na dob tinobus ni Jesus ijin

 

Ra mandalankon hapintoron-Mu

Na mangkorjakon ganup titah-Mu

Na dob mangaku gabe anak-Mu

In do na boi tondok bai lappo-Mu

 

Marhabiaran tongtong hu Bamu

mangkasiholhon hasintongan-Mu

na manghargahon pamilihon-Mu

in do na boi das hu bai dolog-Mu

 

12. AMBILAN: Mika 3:5-12

 

13. PATUMPU GALANGAN
14. Sonari sihol ma hita padaskon tarimakasihta marhitei galangan na gabe tanda ni na parsimada hita bani harajaon ni Tuhan in. Halani ai, paima ipatumpu hita galanganta, tangar hita ma lobei hata ni Naibata  na gabe onjolan banta laho manggalang aima na tarsurat bani Heber 13:16 “Mambahen na madear ampa na marsibere-bere, ulang ma halupahon nasiam ai, ai galangan na sonai do iharosuhkon Naibata”
15. Martarima kasih do hanami hu-Bamu ale Tuhan bani holong-Mu na tarsulur in.
16. Sonari patumpu hita ma galanganta.

P.K.                 (mandodingkon) “Diatei Tupa ma” (Betapa Hatiku)

 

Diatei tupa ma sombahku hu-Bamu Tuhan

Ihaholongi Ham, iparsimada Ham

 

On ma ale Tuhan, galanganku Bamu

Ganupan goluhkon, ‘ge daging tonduyhon

Ai lang dong bakku arta habayakon in

Na boi ondoskononku hu-Bamu Tuhan

 

Elekhu hu-Bamu holongma uhur-Mu

Sai jalo Ham Tuhan, borsih ni uhurhon

Baen Ham ma au Tuhan gabe suruhan-Mu

Sadokah goluhkon

 

14. TONGGO PANUTUP/ PASU-PASU
15. Ham do ale Tuhan pangajamannami sadokah marhosah ope hanami, halani Ham do simada hanami. Jumpahan gogoh na bayu do hanami i rumah-Mu na pansing on, ai gok holong ampa idop ni uhur do Ham ale Tuhan na marmahani hanami.
16. Siboban barita malas ni uhur ma hanami, gabe garam janah panondang, ai domma ibohali Ham hanami marhitei gogoh ampa haporsayaon. Ham ale Tuhan, Ham ma siidangonnami bani ari-arini goluhnami.
17. Martarima kasih do hanami Tuhan bani pasu-pasu na lang ongga marnarotap hubannami ganup ari. Isarihon janah ibohali Ham do hanami mandompakkon goluh on. Nuan igalangkon hanami do sibere-bere-Mu in na gabe tandani malas ni uhur janah hatarimakasihonnami hu Bamu. Tongon, lang habilangan buei ni pasu-pasu-Mu marimbang sibere-berenami on. Jalo Ham ma Tuhan galangannami on baen hatotorsa ni horja pangidangion i rumah-Mu.

P.K.     (mandodingkon) “Galangan” F = do, Tempo = 100

 

1. Sai lambin tarmulia ma Ham ale Tuhan marhitei goluhnami, ase lambin talar harajaon-Mu i tanoh on. Pakei Ham ma ganup Bapa i tongah-tongah ni kuria-Mu on gabe tangan-Mu laho mangkobashon haporluan laho pararatkon harajaon-Mu.
2. Pasu-pasu Ham ma hanami ganup Tuhan ase sai tongtong bujur janah siihutkon hata-Mu. Gogoh pakon kuasa-Mu ma mambobahon goluh nami ase gabe panondang pakon garam hanami bani hasoman jolma.
3. Riap ma hita mangkatahon tonggo na pinodahkon ni Tuhan Jesus hubani susian-Ni:

P.K.     Ham Bapanami na i nagori atas…. Amen

1. Jalo ham/ hita ma pasu-pasu humbani Tuhan Naibata:

Ipasu-pasu janah iparorot Tuhan Naibata … Amen

P.K.     (mandodingkon) Amen-amen-amen

 

 

POSTLUDIUM

Singers mandodingkon: “Salam Damai” 4/4  Cm (lanjar marsisalam-salaman)

 

RUJI-RUJI BANI MINGGU BAPA

 

REFLEKSI (SEMI FRAGMEN)

 

Babak I

Bp1.       Ise do Bapa? Ganup ari do ia mamikirhon ronsi mansarihon keluargani, masa depanni niombahni, marhorja marbois gogoh; tapi gati do ihata ia i tongah-tongah ni tumpuan halani hurang malo mambobankon tonggo marimbang inang. Ia do pangadu-aduan i tongah-tongah ni keluarga – inang  pakon niombah, songon hayu na gabe parlingodanni manuk-manuk humbani udan pakon logou na doras; tapi hotop do ihata ia halani hurang pongkut martonggo. Nasiam hasoman, ise do Bapa?

 

———————– instrument ———————–

 

Babak II

Inang.     Bapa do sipambobai i tongah-tongah ni  keluarga,  usih  songon  sahalak nakhoda mambobai pardalanan mandompakkon laut na bolag. Gilumbang pakon logou haba-haba, italuhon do in. Bapa do na mambobai hanami mandompakkon buei ni hamaholon. Pos uhur janah damei do ahapnami anggo riap do hanami pakon Bapa.

1. Ayah sangat menyayangi aku. Saat aku menangis, ia membujuk dan menghiburku. Ayah mengajari aku naik sepeda, ia selalu mengatakan: “Jangan takut, ayah ada di sini”. Ayah juga mengajari aku agar selalu rajin, disiplin dan mengingatkanku untuk selalu berdoa. Aku sangat mengasihi ayah.

Pmd.      Ipodahkon Bapa do hubakku ase ulang mabiar age mandompakkon aha pe, sonin do homa huidah na idalankonni. Ibahen do au songon hasomanni age pe sai tong do iajari au ase ulang urah manggila, totap optimis bani ganup keadaan. Bapa do teladan bakku bani na mandompakkon sura-surakku. Halani ai holong do uhurhu bani Bapa.

 

———————– instrument ———————–

 

Babak III

Bp2.       Ahu do na gabe haposan  i tongah-tongahni keluarga, hubani niombah pakon inang i rumah. Anggo lang marhitei gogoh na humbani Tuhan, lang anjai talup au mandalankon in. Ham ale Tuhan, bohali Ham ma tongtong ahu mandalankon tanggung jawabku i  tongah-tongah ni keluargangku.

Bp3.       Itodoh Ham do au ale Tuhan, gabe sahalak parhorja bani pohon anggur-Mu. Huhamalaskon janah hutarimakasihkon do in halani  jumpahan gogoh do ahu marhiteihonni in. Lang huhira harugian age pe buei panorang, tenaga, materi laho mangidangi Ham. Ham ale Tuhan, bere Ham ma hubangku hapentaran mandalankon horja in.

Bp4.       Ahu sahalak Bapa, mangaku i lobei-lobei-Mu ale Tuhan, buei do hahuranganku hu-Bamu sonai age dompak keluarga. Na dob niin lape ope hudalankon hajongjonganku selaku malim bani keluargangku. Ham ale Tuhan, sirsir do ahu gabe suruhan-Mu, gabe bapa na sai tong tangi bani sora-Mu.

———————– instrument ———————–

 

Haganup Bapa mandodingkon: “I Lobei-Mu Tuhan” 4/4 D = Do

 

I lobei-Mu Tuhan, talar do haganup, seng dong na lingod

I lobei-Mu Tuhan, tangkas do haganup, seng dong na sungkod

 

Pangabak, panlangkah, parsahap ge parlahou

Lang dong pasangapkon goran-Mu, lang dong pamalaskon uhur-Mu

 

Tonduy-Mu ma na marsora bai uhurhon, mangajari mamodahi au

Paubah paubah Ham Tuhan, bere uhur na bayu

Holong-Mu ma na manggoki goluhkon, mangajari ganup pikkirankon

Paubah paubah Ham Tuhan, bere uhur na bayu…