JOHANNES 4 : 21 – 26
Parlobeini
Teks ni ambilan on , aima balos ni Jesus hubani sahalak inang na bergumul, hujai-hujon mangindahi ase jumpahan goluh na lobih dear, puas, sonang janah bermakna. Untuk on, domma buei upaya ilahoi, tapi na jumpahsi aima torus horahan (haus), lang bahagia. Humbani hadirion, paradat do ia. Ibotoh do dirini sahalak Samaria. Domu bani adat lang boi bereon sahalak Jahudi anggo mangindo atap aha pe hubani sidea. Parugama do homa. Ibotoh do tradisi haporsayaon bani ompung ni si Jakob, ija marsombah, itandai do nabi ronsi janji pasal Mesias. Hun segi lahiriah, pasti jenges do inang on. Ai ma ase boi hujai-hujon, pindah-pindah, mansuba-suba paramangon na ija sijengesan ampa na boi mambere kepuasan, janah lima hali do ia laho.
Hansa nyatani gagal do. Ganupan ai lang boi maboansi hubani ketentraman, kepuasan apalagi hasonangan ni goluh. Mambotoh adat, marugama ronsi hajengeson ampa kemampuanni mejeng paidah-idah “sidainan” ronsi “laho” marulak-ulak, ganupan lang mambere balos bani na ibutuhkonni. Sabalikni do : keterasingan, habadoron, maila mangidah halak, pnl. I tongah-tongah ni keadaan ni inang na hampir magou on, Jesus roh manjumpahkonsi. Jesus manurdukkon dalan, jawaban ase boi sodap, torsa, sonang, enak janah puas ia bani goluh on.
Hatoranganni
- Perikopta aima balos ni Jesus hubani puang-puang on na mencoba mengalihkon parsahapan halani ipatidak Jesus kegagalan ampa kehancuranni. Memang borat do anggo isinggung hasoman kegagalan diri. Anggo gagal bani horja, ekonomi atap usaha do lang sadiha sakit. Tapi berkaitan bani keluarga (suami – istri) terkait homa moral, ise pe lang tardompakkon. Gari lang pe isobut domma mela sandiri mangidah dirini sonai hasoman. Ai ma ase hu bah pe tongah rian ma, ase ulang pajumpah pakon Hape roh Jesus isinggung pasalsi. Ilajou do namin bohong, lang adong pargotongni, nini. Tontu rahasia do on, tapi roh Jesus ibuka : “Domma 5 hali ham laho kan. Na sonari ai pe lang pargotongmu” (ay.17-18). Pojam marsaor mela, mintor ialihkon parsahapan parugamaon na lalab lang tuntas : “Ia ompungnami i dolog an do martonggo, hape nasiam mangkatahon, Jerusalem do ianan martonggo” (ay.20). Ase parugama do ia anjaha paradat homa. Hansa mase sonon lalab hahorahanni. Igantih pe halak pakon daini, lalab lambin haus. Lang bahagia, lang puas.
- Tarsinggung manangar hata ni Naibata, mangalihkon uhur, pingkiran, pangidah bani na legan, tontu lang pitah gaya hidup ni puang-puang on ai. Sonari pe, i tongah ni kebaktianta ra do tarjadi na sonon. Bedani, lang taralihkonni marhitei na manggantih topik parsahapan songon pambahen ni puang-puang on. Tapi deba mahitei mangogos sipatu, marsahapi, deba kaluar. Deba marsangaja ma humbani mungkah ni kebaktian lang masuk. Sanggah manggalang idilo sipatumpu galangan. Gabe sungkun-sungkun, mase boi sonon ?
- Jesus lang manobut puang-puang on salah, atap parsombahan barang ianan maribadah salah. Tapi langsung Jesus patugahkon kehadiran ni jaman na baru ibagas diriNi. Nini : Porsaya ma ham Bangku inang, na roh ma panorangni; (ay.21a). Bahkan iulakkon use : Na roh ma panorangni, anjaha domma roh ai nuan (ay.23a). Jesus mangidah, age pe martonggo sidea (LAI : menyembah = K. James : worshipped in this mountain; and ye say, that in Jerusalem … ought to worship, ay. 20); Jesus lang longang anggo sonai ope keadaan ni sidea : lang dong syalom/damei sejahtera, lang puas, lang sonang, torus horahan, pnl. Hampir dos keadaanni pakon Nikodemus, hansi legan latar belakang ampa kasusni. Tapi sama-sama gagal. Halani ai ma ase roh Jesus. hubani puang-puang on nini Jesus, jaman na baru lang be sonin. Porsaya ma ham Bangku. … domma roh ai nuan. Lang magira, tapi domma roh ai nuan marhitei :
- Marsombah (proskunountas = menyembah, worship) bani Bapa in lang be soal wilayah, ruang, ianan tertentu. Lang dong kiblat tertentu, lang be soal sonaha bangsa na sada, sonaha bangsa na legan. Ase lang adong i dunia on tanah/kota suci ni siirikkon Jesus. Lang maningon i Gareja marsombah ase ijalo. Tapi ibagas Jesus ija pe ia marianan. On ma marsombah bani jaman na baru na isobut Jesus.
- Ase anggo marsombah, ulang be bani na so itandani (ay.22). On ma mungkahni ase beda Samaria ampa Jahudi. Tapi dob itulak halak Jahudi Mesias Sipaluah, status harohan ni haluahon in itarik humbani sidea. Langsung Jesus hansa harohan ni haluahon bani ganupan halak/bangsa. Janah panandaion ai lang songon panandaion bani sahalak penguasa i dunia on. Ganup do mananda Presidenta. Tapi aha ma na ongga ijalo anjaha jumpah ham humbani ?. Halani hita pe lang ongga marsisahapan hubani, sonai ia hubanta. Non ma gati ase lalab marsombah/marugama do namin hita, tapi lang ongga manjalo.
- Halani ai marsombah lang soal hata-hata, gerak ni angkula, siboanon, soal acara, pnl. Tapi marsombah ibagas jaman na baru aima “ibagas Tonduy (Roh = pneumati) ampa hasintongan (aletheia)”. Bani ujungni ay. 23 itegaskon Jesus use : “ai partonggo na sonai do ipangindo Bapa in” (sebab Bapa menghendaki penyembah-penyembah demikian). King James = seeketh such to worship him = mencari). Sonon ma marsombah, menyembah bani jaman na baru. Lang tartawar, tarrubah age ise, halani parsombah na sonon ma na ipindahi, iharosuhkon Naibata. Atap on ma na porlu tumang renungkononta. Atap songon bani jaman ni puang-puang Samaria on ope hita marsombah, aima jaman lama, katinggalan jaman. Marsombah hita, lape hubani na itanda hita anjaha lang ibagas Tonduy ampa hasintongan.
- Anggo ihatahon Jesus marsombah ibagas Tonduy ampa hasintongan, mararti do ai :
- Manombah domu hubani keberadaan (hakekat) ni Naibata. Panombah na bersesuaian bani Dirini ampa sifatNi. Halani Tonduy do Naibata, lang mungkin na manombahsi ibagas daging na terbatas anjaha rosuh-rosuhni pe aima kepuasan daging jasmani na lang ongga jumpah.
- Na manombahSi pe maningon ibagas Tonduy Napansing ampa HataNi. Lang boi uhur-uhur. Ibagas Tonduy nini tapi domu bani uhurni ibahen. Maningon domu bani Hasintongan (Hatani) do. Nini Tuhan Jesus : “Ahu do dalan, hasintongan ampa hagoluhan” (Joh.14 : 6). TV i rumahta lang boi marguna anggo lang dos sinyalni pakon pemancar na ipilihni. Aha pe lang dong gunani TV-ku, anggo siaran na hupilih, misalni hun Haranggaol halani hunjai hutangku. Domu hujon do ase bani ay.24 itegaskon Jesus marhitei hata “maningon do” (harus) menyembahNya dalam roh dan kebenaran.
- Halani ai ase ase marsombah bani jaman na baru on lang terikat be bani sada ianan, simbol, upacara, kiblat atap lokasi. Tapi anggo ibere hita dirinta ibobai Tonduy, M
marhitei Tonduy ai do hita imampuhon marsombah ija pe hita marianan ampa keadaan na sonaha pe. On ma parsombahan na lang tarbatas, anggo tonduyta tongtong berhubungan pakon Tonduy ni Naibata. Age sanggah marsaran, boritan, manupir mobil/motor, ihimpit masalah ampa tekanan; tapi boi ope tong hita manombah Tuhan.
- Halani ai ma ase halak na manombah Naibata ibagas Tonduy ampa hasintongan, pasti mangalami :
- Parubahan goluh : cara mangidah, marsahap, marpandapot, manlangkah, horja/harosuh, pnl. Mase ? Halani Tonduy ni Naibata mambobaisi domu hubani hasintongan. Lang lalab songon puang-puang Samaria on, haus, haus; gabe lang soal bani age maseda dirini ampa keluarga ni halak, asal puas ia ninuhurni, hape parugama, siparsombah ma ningon. Aha do artini marugama ?
- Patopatkon fokus ni goluhta. Gok na masa, na manarik pakon menggairahkon. Dalahi/naboru na jenges, duit, keasyikan, pnl. Tapi halani siparsombah, iarahkon do fokusta dompak ja. Ibere hikmat ibagas hasintongan. Lang hitam putih. Songon Jesus sanggah roh Parisei ampa Sibotoh Surat mamboban puang-puang pardousa : “… Ise na lang mardousa ai ma parlobei manggijigsi”.
- Lang atas usahani tumang be padear dirini, songon puang-puang Samaria on. In lang homa jumpahan. Tapi na marsobah ibagas Tonduy ampa hasintongan, manjalo humbani Naibata. On marugama, mambayari lalab, tapi lang ongga manjalo humbani na isombah. Na mangaha do ?
- Bani ayat 26 nini Tuhan Jesus hubani puang-puang on : “Ahu do (Mesias) in, na marsahap pakon Ham”. Artini, domma saud, domma marlaku haganup na hinatahon ni Jesus domu hubani na marsombah on.
Hahonaan/Refleksi
Domma das ija parsombahon, peribadahan ni kurianta domu bani jaman baru ? Lang be katinggalan jaman songon jaman ni puang-puang Samaria on paima ijalo Jesus? Ia marugama ma ningon, tapi tong horahan, lang ongga dapotan, asal hadir marminggu/partonggoan hansa ibadahni, pnl. Memang kurianta manggoluh bani jaman hiburan : Film, TV, Mall, ampa buei halilian puas sekejab. Deba gereja mambahen liturgi na marbagei, ambilan joke. Lang jawaban. Tapi sonaha do ase Kuria in bertumbuh beribadah ibagas Tonduy ampa hasintongan ? Jeusus aima Ulu, kuria aima pagori. Sonaha do ase Kuria na mar ulu kuria in ?
Pdt. Ch. E. Purba
