TATA IBADAH MINGGU INANG / HARI PEREMPUAN INTERNASIONAL, MINGGU 7 MARET 2021

Tata Ibadah Minggu Inang 2021

TATA IBADAH

MINGGU INANG GKPS

HARI PEREMPUAN INTERNASIONAL

Minggu, 7 Maret 2021      

Tema: “Hasadaon pakon Pangidangion na Marbuah”

(Kolosse 1:10)

Subtema: “Mangarahkon Kuria Marsitungkolan pakon Marsipatoguhon ampa Marsipardiateian Mandompakkon Paruntolan ni Goluh”.

 PERSIAPAN

• Marlajar Doding
• Martonggo i Parhobasan

 

PROSESI (Jongjong Kuria)

Singers Mandodingkon Haleluya No. 471:1-3

1. Na Pansing, Na Pansing, do ham Naibatanami
   Sigomgom haganup tanoh on, Na Pansing do Ham
2. Na Pansing, Na Pansing, do ham Naibatanami
   Ai domma roh hanami Bamu, jalo Ham ganup
3. Na Pansing, Na Pansing, do ham Naibatanami
   Sai sasap dousanami ganup, ’se talup Bamu

 

————————– saat teduh ————————–

 

1. VOTUM – INTROITUS – TONGGO (Jongjong Kuria)

P             Ibagas goran ni Naibata Bapa pakon Tuhan Jesus Kristus ampa Tonduy Napansing, sitompa langit pakon tanoh on.

PK          Amen

1. Sai pujionku do Jahowa bani sagala panorang, tongtong do puji-pujianni ibagas pamanganku
2. Marhitei Jahowa do marmegah-megah tonduyhu, ibogei halak na madoyuk ma ai gabe malas ma uhurni
3. Hasomani nasiam ma ahu pabanggalhon Jahowa, sai rap ma hita patimbulhon goran-Ni in
4. Hupindahi do Jahowa, anjaha ibalosi do ahu; ipaluah do ahu humbani sagala habiaranku
5. Mangkawah ma nasiam hu Bani, ase minar nasiam, gabe lang tarmela bohi nasiam
6. Dilo-dilo do halak na masombuh on, itangihon Jahowa do ia, anjaha ipaluah do ia humbani haganup hasosakanni
7. Marjaga do malekat ni Jahowa inggot bani na mangkabiarisi, anjaha ipaluah do sidea
8. Dai anjaha tonggor nasiam ma dear ni layak ni Jahowa,
9. Martuah ma halak na martenger ni uhur Bani. Haleluya, Haleluya, Haleluya
10. (mandodingkon) Haleluya… Haleluya… Haleluya…
11. Martonggo ma hita: Ham Tuhan Naibata Jahowa, sai pujionnami do Ham bani hotak hamuliaon-Mu. Ham do simada goluhnami janah holong-Mu lang ongga marpunsa bani ganup panorang. Ham ale Tuhan, sangap do goran-Mu i tongah-tongah ni kuria-Mu, na marpesta Minggu Inang sa- GKPS bani panorang on. Marhitei goran ni Anak-Mu Jesus Kristus, roh hanami marsombah huBamu.
12. Amen (Hundul Kuria)

 

2. MANDODING: “Sai Marmegah-megah” (Loguni KJ. No. 3)

Sai marmegah-megah hita pasangapkon Tuhan in

Sai mangerbang songon bunga, uhur na sai tong torang

‘Ge pe dousa hamarsikon, na malungun salpu do

Ham pasirsir malas uhur, sondang-Mu manggoki in

Haganupan na tinompa, patalarhon sondang-Mu

Haganupan na i babou, mandodingkon goran-Mu

Juma ‘pa ganup harangan, na i laut i dolog in

Bah mardalan pe mardilo, rap lao pasangapkon Ham

 

3. GANTIH NI TITAH NA SAPULUH
4. Tangar hita ma gantih ni Titah na sapuluh in, aima na tarsurat bani Lukas 6:36-38: “Gabe paridop ni uhur ma nasiam, songon Bapanasiam, paridop ni uhur in. Ulang ma nasiam manguhum-uhumi, ase ulang hona uhum nasiam! Ulang ma nasiam mamapai, ase ulang hona papa nasiam! Paluah nasiam, ase ipaluah nasiam! Bere nasiam ma, ase ibere bani nasiam! Parsuhatan na madear, na nionjat, na nidugur anjaha na pinajunjun bereonni bani abingan nasiam; ai parsuhatan, na sinuhatkon nasiam do, suhatkonon bani nasiam”.
5. Riap ma hita mangindo:
6. Ham Tuhan Naibata, pargogohi Ham ma ahu, mangkorjahon hata-Mu ai. Amen.

 

4. MANDODING HALELUYA NO. 205:1-2

Hata ni Jahowa Sipadamei jolma, hagoluhan in
In malas ni uhur, na mangapoh uhur na marhoru in
Gogoh ni Naibatangkin, paluahkon na porsaya humbai ganup dousa

Ganup pinarsinta sanggah lang itompa tanoh on ope
‘Ge na tinujuan ni ganup galangan, jumpah do use
Uhur ni Bapa-Ni in ipasaud Jesus Kristus, jolma in itobus

 

5. HASASAPAN NI DOUSA (Jongjong Kuria)
6. Paunduk hita ma uhurta, sopotkon hita ma dousanta i lobei-lobei ni Tuhanta parholong in. Ham ale Tuhan, roh do hanami nuan hu lobei-lobei-Mu mangakuhon ganup hahurangan pakon dousanami ibagas na marpangarapan bani holong ampa idop ni uhur-Mu hubannami.
7. Ham ale Tuhan, pardousa na banggal do hanami marhitei uhur, parsahap sonai pakon pangabaknami.
8. Hotop do hanami irajai gobir, tarlobih mandompakkon jangin ni Pandemi Covid-19 on. Gariada lupa use hanami, Ham do sirajai ganup na masa na i tanoh on. Hurang do hanami marondos hu Bamu, tapi uhurnami do tongtong ipaboan-boan hanami
9. Ham ale Tuhan, pardousa na banggal do hanami marhitei uhur, parsahap sonai pakon pangabaknami
10. Tongon, gati pitah dirinami do hansa ipingkirhon hanami, hape buei do hasoman na manaron halani na masa on; na tarancam bani sipanganon halani domma magouan pansarian. Hape dilo-diloMu hubannami aima ase sari do hanami bani hasomannami
11. Ham ale Tuhan, pardousa na banggal do hanami marhitei uhur, parsahap sonai pakon pangabaknami
12. Ambah ni in, gati ope lansei hanami pasal dirinami ase tongtong naming jaga janah intei bani ganup na masa on. Gati do lang isadari hanami, domma ibere hanami dirinami gabe parhiteian ni wabah parnaboriton on, janah hurang do pangarusionnami pasal haporluan ni simbuei.
13. Ham ale Tuhan, pardousa na banggal do hanami marhitei uhur, parsahap sonai pakon pangabaknami
14. Gati do homa hanami marungut-ungut, halani lambin ari lambin tambah tongtong hamaholon na idompakkon hanami. Urah do hanami mansalahkon hasoman sonai sindohornami age keluarganami.
15. Ham ale Tuhan, pardousa na banggal do hanami marhitei uhur, parsahap sonai pakon pangabaknami
16. Sonari iboban hanami do haganup dousanami in hu lobei-Mu, irik mangakuhon, na sirsir do hanami pabayuon-Mu, ase boi hanami mandalankon hata-Mu, janah bere Ham ma Tonduy-Mu laho mambobai hanami bani goluhnami. Ham Tuhan, idop ma uhur-Mu bennami. Amen.

Tangar anjaha haporsayai hita ma hata ni Naibata bagah-bagah pasal hasasapan ni dousanta: “Ai seng dong ubahni, sabonar haganup do sidea mardousa, anjaha seng dong sipujion i lobei ni Naibata. Gabe ipintori do sidea marhitei silayak-layak halani idop ni uhur-Ni, hinorhon ni panobusion na ibagas Kristus Jesus. Ia do ipajongjong Naibata gabe hitei pardearan marhitei haporsayaon bani daroh-Ni” (Rom 3:23-25a). Ibagas holong ni Naibata, domma isasap haganup dousanta. Halani ai pataridahkon hita ma tanda-tanda ni pargoluhan na bayu. Hasangapon ma bani Naibata i babou.

1. Amen.

 

6. MANDODING HALELUYA NO. 436:1-2

Sadiha dokah nari Ham Naibatangku,

layur manipat ari sunsah do au
Sadiha dokah nari paimaonku,

pangkawah-Mu hubangku siholan au
Kawahkon Ham ma ahu Ham Naibatangku,

ulang tarpunjung ahu hun lambung-Mu.
Ganup munsuhkin manidingi au,

ai seng adong na mangurupi au.

Sadiha dokah nari Ham Naibatangku,

munsuh pagijang diri mangodoh au.
Sai ihatahon bangku hagogohan ni,

sol bondutonni ahu ninuhurnin.
Idop uhur-Mu pangajamankin,

ai pitah Ham do haporusankin.
Urupi Ham ma ahu Ham Naibatangku,

ase ganup munsuhku tunduk Bamu.

 

7. MAMBASA EPISTEL: Mateus 22:37-40
8. Jadi nini Jesus ma: Maningon haholonganmu do Tuhan Naibatamu humbani gok ni uhurmu,
9. Humbani gok ni tonduymu ampa humbani gok ni pingkiranmu
10. In ma titah sibanggalan anjaha na parlobei. Na paduahon on pe dos do pakon in:
11. Maningon haholonganmu do hasomanmu doskon dirimu.
12. Titah na dua on do manrimpun sagala titah pakon hata ni nabi-nabi. Amen

Martuah do na manangar hata ni Naibata anjaha na marimbagashonsi.

1. Amen

 

8. MANDODING HALELUYA NO. 446:1-2

Sisada angkula do hita ganupan, ragam ni pagori do hita tongon
Na sombuh bayak dos do in bani Tuhan seng dong ilioi isarihon do tong
Tuhanta do na gabe Hayu anggur, rantingni do hita on hajojor
Jolom ma Jesus ulang ham pandur, ase tabun marbuah na ramos

Tanda ni sisada angkula do hita, rap marpangarapan bani goluh on
Nai do bani horja rap marsiurupan, ulang dong na marsidalian i jin
Tuhanta do na gabe hayu anggur, ranting-Ni do hita on hajojor
Jolom ma Jesus ulang ham pandur, ase tabun marbuah na ramos

 

9. MANAKSIHON HAPORSAYAON

 

10. ACARA KHUSUS

1) Mambasa Surat Tongosan ni Pimpinan Sinode GKPS / Video

2) Mambasa Puisi: “Terimakasih Ibu”

3) Koor

5) Tonggo Pangapition

 

11. MANDODING HALELUYA NO. 472:1-2

Seng adong na dos, songon Ham o Tuhan,
na sai sirsir mangkasomani hanai on.
Pitah Ham tongon, Naibata na sintong,
ganup pamba’enan-Mu gok halonganan do.
Sagala bangsa do, na jinadihon-Mu
Marsombah roh hu lobei-Mu
Pasangapkon Ham, ronsi sadokahnin,
timbul janah pansing do goran-Mu ijin.

Sai ajarhon Ham, dalan-Mu bangku on,
ase mardalan au bai hasintongan-Mu.
Sai baluti Ham, uhurhon sai tongtong,
ase marhabiaran bani goran-Mu.
Ai pitah Ham Tuhan, na boi haposankin,
bai goluh sidalanankin.
Bokas-Mu nuan, siirikononkin,
na gabe suluh bani pardalanankin.

 

12. AMBILAN: 2 Musa 20:1-11

 

13. GALANGAN
14. Paima iondoskon hita galanganta, tangar hita ma lobei hata ni Naibata na gabe onjolan banta laho manggalang, aima na tarsurat bani Psalmen 116:17-18, “Bamu ma galangkononku galangan puji-pujian, anjaha goran ni Jahowa ma padilo-diloonku. Bagah-bagahku bani Jahowa, hugalari ma, hugalari ma i lobei ni haganup bangsa-Ni”. Sonari ondoskon hita galanganta!

Singers (mandodingkon) “Boras Tenger”

Pasu-pasuMu o Tuhan, buei do hubannami

Usih bai hayu na marbulung, marbuah na ramos do

Goluhnami pe jorgit do, sonai ‘ge tonduynami

On ma na gabe hiteinami lao manjumpahkon Ham

Andon ma siluahnami o Tuhan

Surduk do ibaen hanami o Tuhan

Boras tenger, tanda ni dihut  do hanami

Bani pesta malas ni uhur

Boras tenger tandani dihut do hanami

Parsimada bani pesta-Mu

 

14. TONGGO GALANGAN – HAM BAPA NAMI – PAINGKATKON – PANUTUP (Jongjong Kuria)
15. Martonggo ma hita mangondoskon galanganta hubani Tuhan Naibata! Ham Tuhan Naibata Bapanami. HumBamu do harohan ni pasu-pasu na dong bannami na gabe bohal ni goluhnami ari-ari. Nuan iondoskon hanami do hu Bamu na gabe tanda tarimakasihnami bani holong pakon pangkopkopon-Mu bannami. Jalo anjaha papansing Ham ma galangannami on gabe galangan na misbou i lobei-lobei-Mu. Marhitei Kristus Jesus Tuhannami, jalo Ham ma galangan pakon tonggonami on. Amen

PK          (Mandodingkon Haleluya No. 383:1)

Marhitei diatei tupa, roh do au Tuhan

Mamboban buah ni horja na binere-Mu

Jesus Jesus jalo Ham ma au

Bai hurang ni panurdukhu anju Ham ma au

1. Ham Bapanami na i nagori atas. Sai na papansing ma Goran-Mu. Sai roh ma harajaon-Mu. Sai saud ma harosuh ni uhur-Mu i nagori tongah on songon na i nagori atas. Bere Ham ma bannami sadari on hagoluhan ari-ari. Sasap Ham ma dousanami songon panasapnami bani dousa ni hasoman na mardousa dompak hanami. Ulang hanami bobai Ham hu parlajouan. Paluah Ham ma hanami humbani pangagou.
2. (Mandodingkon) Ai Ham do simada harajaon, pakon hagogohon, ampa hasangapon sadokah ni dokahni. Amen
3. Laho ma nasiam janah pindahi nasiam ma na madear, ulang ma na jahat, ase manggoluh nasiam; ase tongon ma Jahowa, Naibata Zebaot hasoman nasiam, songon na hinatahon nasiam (Amos 5:14).
4. Jalo hita (ham) ma pasu-pasu humbani Tuhan Naibata: Ipasu-pasu anjaha iparorot Tuhan Naibata ma hita (ham). Isondangkon Tuhan Naibata ma bohini hubanta (hu bamu) janah maidop ma uhur-Ni mangidah hita (ham). Idompakkon Tuhan Naibata ma bohi-Ni hubanta (hu bamu) janah ipasorap ma damei-Ni bani tonduyta bei (tonduymu). Amen.
5. (mandodingkon) Amen… Amen… Amen

 

ACARA PERAYAAN/ PESTA MINGGU INANG

 

 

TERIMAKASIH IBU

Karya: Hotri Purba (STT Abdi Sabda)

Ibu…

Aku ingin berterimakasih padamu

Atas setiap kasih yang engkau berikan untukku

Keluargamu dan sesamamu,

Tentang senyum yang tetap merekah

Walau saat datang badai masalah.

Aku tahu terkadang ibu sering menangis

Di sudut kamar rumah kita, sembari berdoa

Mengeluarkan semua beban yang berkecamuk di dalam dada.

Dunia sedang tidak baik-baik saja, bu…

Dunia sedang dilanda lara dan duka

Banyak nyawa yang menjadi korbannya

Covid-19? Iya, itu penyebabnya.

Pada kondisi saat ini,

Ibu dituntut menjadi seorang guru bagi anak-anakmu yang belajar dari rumah

Menjadi ibu yang pandai membagi keuangan,

di tengah penurunan ekonomi akibat pandemi

Menjadi seorang sahabat yang memberikan pundaknya

sembari mendengar cerita anak-anaknya

Menjadi  wanita pekerja keras yang harus serba bisa,

dengan membagi waktu yang ada.

Ibu…

Setiap peluhmu yang jatuh, terselip semangat yang tak pernah rapuh

Aku tahu saat ini engkau ingin mengeluh, perihal setiap kebutuhan hidup

Di tengah Covid-19 ini… engkau memilih menceritakan semuanya

Kepada Dia Sang Pencipta umat manusia.

Semangatmu menunjukkan bahwa engkau mampu

Berjalan dengan sabar, menghentakkan kaki dengan tegar

Terimakasih ibu, selalu berpijar di kala aku redup,

merangkulku di saat aku runtuh

Terimakasih buat ragamu yang tetap kau relakan diterpa debu-debu

Terimakasih selalu menegaskan bahwa semua akan baik-baik saja.

Lelah mu jadi upah buat sehatmu

Pengorbananmu jadi bekal tiap langkah jalanmu

Satu kata yang dapat kuucap saat ini hingga nanti

Aku mengasihimu tanpa kecuali

Selamat Minggu Inang GKPS 2021

Untuk seluruh Ibu hebat di mana pun berada.