Rubrik Departemen Kesaksian:

“Surat/Artikel Pastoral hubani Warja Jemaat GKPS”

BANK CINTA

Parlobeini

Salah sada fungsi ni bank na ibotoh hita aima ‘tempat penyimpanan uang’ atap gati isobut menabung. Tabungan on pe berjenis do masamni, adong dalam bentuk tabungan biasa, rekening giro atap pe deposito. Tapi na jelas, ganupan tabungan ai adalah dalam rangka “penyimpanan” (saving) untuk persiapan (tagam-tagam) masa depan sonaihoma bahen invenstasi. Nini sahalak konselor pernikahan, “Pernikahan adalah investasi, tanpa saham atau tabungan jangan harap anda bisa menikmati bunga atau devidennya”. Humbani hata on dapot hita ma pemahaman paboa bani ganup partumahtanggoan (pernikahan) ganup pasutri (pasangan suami-istri) maningon ma mambahen ‘saham’ atap tabungan ni bei ase jumpah malas ni uhur pakon kelanggengan bani na markeluarga songon na niarapkon bani awal pernikahan marhitei hata “Selamat Berbahagia”.

Aha ma saham atap tabungan na imaksud bani goluh parumahtanggaon ai? Bani tulisan on sihol do ojuron hubani bapa (suami) pakon inang (istri) ase torus menabung bani “Bank Cinta”. Sitabungon aima holong atap cinta. Ganup pasutri maningon berinvestasi bani goluhni (bani uhur pakon pikiranni atap Bank Cinta-nya) aima ase lambin janah torus manambahi holongni (rasa cintanya) dompak pasanganni. Ase totap ma adong ‘stok cinta’ yang tulus ibagas uhurni dompak pasanganni, porini sonaha pe parlahou pakon pangabak ni pasanganni ai.

Aha do Holong ai?

      Holong atap kasih merupakan kebutuhan jiwa setiap manusia; setiap orang butuh mengasihi dan dikasihi. Tanpa cinta manusia tidak akan mencapai kepenuhan diri (self-fulfillment) sebagai manusia yang utuh. Bani 1 Korint 13:13 isobut, “ase tolu do na totap, ai ma haporsayaon, pangarapan ampa holong, tapi holong ai do sibanggalan”. Mase holong do sibanggalan? Nini apostel Paulus, “porini pe adong bangku sibere-bere panjahaion…., anjaha porini pe parhaporsayaon na botul ahu gabe tarpaosor ahu dolog, anggo seng adong holong bangku, na lang do ahu” (1 Korint 13:2). Holong atap marholong ai do na gabe inti pakon rahut-rahut ni parsaoranta na sintong janah jenges dompak Naibata sonaihoma pakon hasoman jolma. Ai do ase Bibelta gati paingatkon ase “mangkaholongi Naibata” pakon “mangkaholongi hasoman”.

Bani Bibelta-Padan Nabasaia, hata holong ialimhon humbani hata Heber aima: ahev. Hata ahev on mengandung makna “tindakan yang melahirkan kegembiraan, dan si pelaku rela menanggung penderitaan demi kebaikan yang dia kasihi”. Bani Bibelta-Padan Nabaru, secara umum hata holong on ialimhon humbani hata Gorik aima: agape. Hata agape bani mungkahni sasintongni ipakei laho manggambarhon holong ni Naibata hubani jolma pakon tinompa na legan. Agape diartikan sebagai tindakan atau keputusan untuk terlibat dalam kehidupan seseorang (atau sekelompok orang) untuk mengusahakan kebaikan tertinggi baginya (mereka), yang dilakukan dengan komitmen dan kepercayaan penuh, serta tanpa syarat. Bani holong sisonon terkandung kesediaan untuk berkorban bahkan menderita demi dia atau mereka yang dikasihi.

Misalni, Naibata mangkolongi bangsa Israel. Naibata mangkaholongi Israel sedo halani bangsa ai bujur janah sijengesan humbani bangsa-bangsa na legan. Ai nini Naibata do, “Sedo halani bueinan nasiam humbani bangsa na legan, ase ihaholongi Jahowa nasiam anjaha ipilih nasiam, ai nasiam do namin sietekan humbani sagala bangsa” (5 Musa 7:7). Holong ni Naibata ai roh janah luar humbani diri-Ni sandiri, aima humbani “Bank Cinta” ni Naibata sandiri. Janah halani holong ni Naibata ai do ipilih sidea gabe bangsa-Ni janah ipaluah homa humbani parjabolonan ni sidea i tanoh Masir. Dob ai, Bibelta manaksihon, “Ai sonon do holong ni uhur ni Naibata bani dunia on, pala do Anak-Ni ma sasada in iberehon, ase ulang magou ganup na porsaya Bani, tapi ase hagoluhan na sadokah ni dokahni bani” (Johannes 3:16). Naibata mansuruh janah mamberehon Anak-Ni hubani dunia on, ai ma halani holong-Ni, ase maluah jolma in, seng magou (binasa/mati kekal) anjaha kahou, marhiteihon Anak-Ni ai (Johannes 3:17). Sonaima holong (ni Naibata) ai, selalu memberi dan berkorban demi kebaikan orang lain. Ase sebagai halak na porsaya, pengikut Yesus, maningon igoki holong ma homa paruhuranta. Ibagas goluh parumahtanggaon, marisi ‘simpanan’ holong na banggal ma hita bani ‘Bank Cinta’ ni bei, hubani ganup paramangan pakon parinangon, ase adong sibereon (sihorjahonon) bani na mamorluhon holong ni uhurta.

Bani 1 Korint 13:4-7 apostel Paulus mendaftarhon 15 hal na gabe “horja holong”. Maksudni, holong aima sada horja (verb) sedo biak/sifat (adjective). Halani ai, holong sedo sesuatu yang abstrak, tapi sesutu yang konkrit untuk dilakukan, karena cinta-kasih adalah sebuah tindakan. Hansa bani tulisan on, pitah dua horja holong ma lobei na ipatorang ijon, aima: “sabar” do haholongan in pakon “seng ipadingat-dingat na jahat” (mengampuni).

Cinta itu Sabar

            Mencintai sesungguhnya berarti menerima diri orang yang dicintai dan memberikan diri sendiri apa adanya, tanpa syarat, demi kebaikan dan pertumbuhannya. Frasa “menerima diri orang yang dicintai” berarti memaklumi kekurangan, kelemahan bahkan ‘kejahatan’ orang tersebut. Ganupan in idompakkon ibagas sabar ni uhur. Salah sada bukti goranon sasahalak parholong aima anggo taridah ma “tindakan sabar” hubani na hinaholongan ni uhurni. Ai “sabar do haholongon in”. Bani Bibelta-Padan Nabaru hata ‘sabar’ ijon ialimhom humbani hata Gorik makrothumei, artini penundaan, daya tahan, kesabaran. Na imaksud ‘daya tahan’ ijon aima ketekunan dalam menghadapi hal-hal atau orang-orang yang menjengkelkan atau yang menyakiti bahkan menghina kita. Sabar dalam arti memaklumi ‘ketidaknyaman’ yang ditimbulkannya serta tidak tergoda (menunda) untuk “membalaskan” kejengkelan atau kejahatan yang diperbuatnya. Bujur ni holongta ai totap ma ‘mangkaholongi’ agepe lang jumpah “balos na madear” humbani sidea. Ambahni ai ‘horja holong’ta seng gabe mubah gabe ‘horja jahat’ halani sikap ni sidea na jahat atap na mambahen borit uhurta. Totap ma mangkorjahon holong marhitei sikap ‘keramahan’ dan persahabatan’ na ipataridahkon hita hubani sidea. Sonai do podah ronsi sikap ni Jesus na ipataridahkon dompak susian-Ni, songon na tarsurat bani Lukas 9:51-56. Agepe adong “permusuhan” antara ‘orang Yahudi’ pakon ‘orang Samaria’ seng mambahen surut pangidangion ni Jesus dompak halak Samaria in (Yesus dikenal sebagai orang Yahudi). Bahkan, age pe halak Samaria ai “menolak” kehadiran ni Jesus, seng gabe manggila Ia dompak sidea. Bani hal on, Jesus “mendemonstrasikan” sikap holong na sabar bani sidea. Sikap negatif ni halak lang mempengaruhi “sikap positif” na sihol ipataridahkon Jesus bani sidea.

Sonaima ma nian bani goluh parrumahtanggaon tene. Balos atap sikap negatif ni pasanganta seng mempengaruhi niat baik pakon sikap na bujur humbanta. Sabar ma hita mandompakkon ai, tandani holong (ope) uhurta bani. Sikap panjang sabar (parlumbang ni uhur) ai do salah sada bukti nyata adong ope ‘investasi’ atap saham bani Bank Cinta ibagas uhurta. Anggo ‘terlatih’ ma hita mangkorjahon ‘hasabaron’ ai, niscayalah goluh parrumahtanggaonta akan berjalan dengan baik. Ai nini apostel Paulus do, “…ihorhon hamarsikon ai do hasabaron; hasabaron ai mangkorhon hatalupon…” (Rom 5:3-4). Anggo domma “tahan uji”, sonaha pe situasi pakon huja pe manlangkah boi ma idalani ibagas malas ni uhur pakon pangarapan hubani Tuhan. Halak na sabar, seng be pasirsirhon ‘pembalasan yang setimpal’ dompak pasanganni. Lang adong be kalimat na tarluar, “Emangnya kamu saja yang bisa begitu?”. Lang adong be hata ancaman. “Lihat saja nanti ya!”. Hasabaron pataridahkon habujuron ni holongta na humbani Tuhan in. Ai Tuhan Naibatanta parholong do. Ai haholongan do Naibata, Allah adalah kasih (1 Johannes 4:16).

Cinta itu Menutupi Segala Sesuatu

            Horja holong aima horja na bujur (habujuron). Seng dong na jahat bani holong in. Bahkan, “seng ipadingat-dingat na jahat”. Ulang attar mangkorjahon, mardingat na jahat pe seng adong bani na mar-holong ni uhur. Kasih akan menutupi segala sesuatu (kejahatan). Bani Bibelta-Padan Nabaru, hata “seng ipadingat-dingat (menutupi) na jahat” ialimhon humbani hata Gorik aima panta stegei. Hata Gorik stegoi mararti do ai: menutupi, mengampuni serta memikul. Hata mengampuni aima hata aktif, artini sedo paima-imahon (lobei) laho “manasap” (menutupi) hasalahan ni hasoman. Bani makna stegoi ijon, seng anjai adong hata sisonon, “Anggo roh ia hubangku mangindo maaf, baru ma huampuni bana”. Atap, “manurduk demban (atap dayok binatur) lobei ia bangku, ase ra au memaafkannya”. Seng sonai anggo parholong na stegoi ijon. Sobalikni, holong na “seng ipadingat-dingat na jahat” ai aima holong na aktif-produktif, na sai tongtong tulus, bulus janah borsih uhurni pasirsirhon ‘pengampunan’ (memaafkan) hubani halak na dob manunsahi uhurni. Halak na manghorjahon stegoi aima halak na “berjiwa besar, berlapang dada” hubani halak na mansedai atap na mambahen borit uhurni. Dia akan segera membuka pintu maaf dengan tulus. Sonaima nian pargoluhan i rumah tangga tene. Bani na terjadi ‘kesalahpahaman’ atap ‘kesalahpengertian’ antara ssuami pakon istri, anggo adong stegoi bani Bank Cinta ni sidea, seng anjai terjadi konflik yang berkepanjangan; seng anjai terjadi parsandingan (nggak cakapan alias kete) na mardokah-dokah bani pasutri. Ai “pintu maaf” akan selalu terbuka bani hinaholongan ni uhurni na dob gabe paramangon atap parinangonni. Halani ai do apostel Paulus pasingatkon, “Anggo manggila nasiam ulang ma mardousa. Ulang ma sundut mata ni ari, lang mintop ringis nasiam.” (Epesus 4:26). Ai mangihutkon apostel Paulus, jolma na baru ibagas Kristus maningon pataridahkon parlahou na baru, tarlobih ma ai maningon terbukti marhitei “horja pengampunan”. Halani ai, porlu ma tong itambah-tambahi janah iramotkon (disimpan) hita holong ni Naibata ibagas uhurta na sihol berehkonon bani halak na mambahen borit uhurta, tarlobih ma ai dompak pasanganta na gati gabe hasoman berkonflik (songon nini hata na matua ‘hayu na dohor do marsiogosan’).

Bani Bibelta, Jesus mamodahkon ase totap ma mangkagoluhkon pengampunan janah “mangkargahon” pengampunan ai. Bani Mateus 18:21-35 jelas-tangkas do ipatorang Jesus pasal holong ni Naibata na dob manasap dousanta na ‘banggal’ in (dosa na boi mambahen hita matei sadokah ni dokahni). Tapi dousanta ai domma isasap Jesus marhitei daroh-Ni, gabe jolma na baru ma namin hita; jolma na dob iidopi; jolma na dob sinasap panlanggaronni; jolma na dob igarar utang ni dousani. Nah, anggo salahta domma isasap,  aksi holong na berikutni aima: sonaha do sikapta bani na “marutang” (marsalah) hubanta? Ra do hita manasap hasalahan ni ai? Nini Jesus, maningon ‘ra do’. Anggo lang….”manringis ma tuanni ai hubani, gabe iondoskon ma ia hubani sipangarsik-arsik, paima igalar haganup utangni ai” (Mateus 18:34-35). Halani ai, pongkut (tekun, sabar) ma hita mangkorjahon haholongan in marhitei na sai tongtong sirsir manasap (mengampuni) hasalahan ni hasomanta. Ulang be ipadingat-dingat hita, apalagi ma ai hasalahan ni “belahan jiwa” kita, aima suami/istri ta bei.

Panutup

Tarsurat bani Bibelta, “Ulang ma hatanta pakon dilahta mangkaholongi, tapi marhitei pambahenan ma ampa hasintongan” (1 Johannes 3:18). Kasih/cinta/sayang/holong, sedo soal “hata manis”, tapi pasal horja na madear janah sintong. Holong sedo ‘soal perasaan” tapi tindakan nyata na rela berkorban. Dua hata panutup pasal holong: Love is to give and to forgive. Tongon ma on tene. Kasih itu harus memberi, dan kasih itu harus mengampuni. Ijai ma terbukti tandani na dong ope ‘investasio holong’ ibagas dirinta. Selamat ‘menabung cinta’ ma hubanta, setiap hari, ase adong bohal sibereon bani halak na mangkaporluhon holongta, tarlobih ma hasoman sarumah i tongah-tongah ni keluarganta. Horas.

Akhir Januari 2023,

Pdt. Albert H. Purba, M.Th

Kepala Departemen Kesaksian Kantor Sinode GKPS