Minggu : Palmarum, 2 April 2023
Nas : Jesaya 53:4-5
Usul Doding : Haleluya No. 243:1-3
Tema : Tuhan Menanggung Kesengsaraan Kita
Tujuan : Agar setiap bapa memelihara keselamatan yang Tuhan berikan kepada
setiap orang.
==============================================================
JESUS MAMORSAN GANUP DOUSANTA
Oleh: Pdt. Albert H. Purba, M.Th
Pengantar
Ongga do itangar ham hata tumbal bani bahasa Indonesia? Wikipedia bahasa Indonesia mangartihon tumbal aima sesuatu yang sengaja dikorbankan demi menyelamatkan orang lain. Bani pemaknaan sisonai ai ma hita sihol memahami horja panobusion ni Jesus bani dousa ni dunia on. Yesus adalah tumbal atas kejahatan dan hukuman kita.
Hatorangan
Hita ganupan kuria ni Tuhan.
Buku Jesaya bindu 49-55 marisihon pasal juak-juak ni Naibata (Hamba Allah). Juak-juak ni Naibata on aima juak-juak na marsitaronon (Hamba yang Menderita). Aha ma sitarononni? Sitarononni aima uhuman ipahona hubani agepe ia seng mangkorjahon na jahat. Nabi Jesaya bani bindu 52-53 patorangkon paboa juak-juak ni Naibata in aima seseorang yang tidak diperhitungkan karena perawakannya yang tidak menarik. Yang pantas diperlakukan baginya adalah menjadi tumbal atas orang lain. Sebenarnya manusia-manusia jahat layak untuk dihukum karena kesalahannya, namun sang Hamba Allah ini menggantikannya. Mase ra ia mangkorjahon ai? Ai maningon ihorjahon do, ai hamba do ia, maningon patuh bani aturan pakon suruhan ni tuanni.
Jauh hari domma isuratkon si Jesaya on pasal juak-juak na marsitaronon in. Ise do na nimaksud bani juak-juak on? Sasintongni, panuratan pakon panjahaion ni si Jesaya on martudu-tudu hubani Jesus, Anak ni Naibata, na sinuruh ni Bapa-Ni ase mangkopkop jolma pardousa. Sonaha do penugasan ni Jesus Kristus pasal gabe tumbal ai? Teks PA on mangurupi hita laho memahami rancangan kebaikan humbani Naibata pasal pangkophopion dompak ganup jolma i dunia on.
Nini nabi Jesaya, “Tongon do naboritta iusung, anjaha hadoyukonta iporsan” (ayat 4a). Sasintongni seng dong hasalahan pakon panlanggaronni; seng dong hajahaton pakon dousa na hinorjahonni. Tapi naboritta (penyakit) pakon hadoyukonta (kesengsaraan). Sabotulni hinorhonni parlahouta (na jahat janah jungkat), talup do hita ma menanggung akibatnya: menjadi sakit dan sengsara. Tapi, ipaluah do hita humbani uhuman akibat dosa ai. Sobalikni, ia (juak-juak ni Naibata ai) do na ipahona uhuman ai. Kutuk dan derita ditimpakan kepada-Nya. Bani mungkahni, sanggah na hona uhum ia, “nini uhurta, Naibata do na maminsang, mamukul ampa na mangarsiksi” (ayat 4b, bnd. Mat. 8:17; Joh. 1:29) halani keteledoranni bani horja pakon tanggung jawab selaku Hamba Allah i lobei ni Naibata. “Hape halani panlanggaronta do ia hona pantom, binahen ni hajahatonta do ia ugahan. Tampei hubani do pinsang-pinsang parhiteian ni damei banta, anjaha binahen ni ugahni malum iahap hita” (ayat 5, bnd. Rom 4:25; 1 Kor. 15:3; 1 Ptr. 2:24.). Ai sibujur uhur do hape ia. Seng dong dousa ampa panlanggaron bani dirini, hape hubani do iondoskon atap ipahona uhuman ni dousa ni dunia on. Halani hajahaton ni jolma in do hape ase ia hona pantom; halani parlahou ni jolma pardousa do “ia na bayak hinan gabe miskin” (2 Korint 8:9) hinorhonni dousa ni dunia bahkan ipahiri marhitei na mandagei penghinaan-penghinaan dan kekejaman duniawi.
Bani Padan Nabaru horja hajuak-juakon ai ipatar ma tongon ibagas dirini Jesus na ra mandalani Jalan Salib, aima Jalan Penderitaan (via dilorosa). Sanggah Ia iparsilangkon, “iporsan do dousanta ibagas angkula-Ni hubani hayu ai, ase matei hita bani dousa, gabe manggoluh bani hapintoron. Anjaha marhitei ugah-Ni ai do malum nasiam” (1 Petrus 2:24). Jesus do juak-juak na bujur (taat dan setia) ai, mandalankon parentah ni Naibata, Bapa in. Ai tarsurat do, “On do ibahen Naibata: Mangkopkop hita gabe dousa do Ia, na so mananda dousa, ase gabe hapintoron ni Naibata hita ibagas Ia” (2 Korint 5:21). I hayu parsilang ai nini Jesus do: “domma salosei”. Aha do na salosei (lunas) ai? Na salosei atap sahei aima utang ni dousanta, domma igalar Tuhan Jesus marhitei parmatei-Ni bani hayu parsilang ai, “Ham Bapa! Hubagas tangan-Mu ma Huondoskon Tonduy-Hu” (Lukas 23:46). Matei ma Jesus, manggoluh ma hita. Ipahona uhuman bani Jesus, ipintori ma hita. Hasangapon ma bani Naibata. Haleluya.
Aplikasi
Hita haganupan bapa nahinaholongan ni Kristus.
Ari Minggu on igoran do minggu Palmarum, ai ma minggu parpudi bani “musim panaronon” (minggu-minggu sengsara: Septuagesima s/d Palmarum). Bani minggu-minggu “musim panaronon” on ma gabe panorang banta laho mardingat (mengenang) perjuangan ni Jesus na gabe korban janah kurban laho mangkopkop jolma pardousa ase ulang hu hamateian tapi hu hagoluhan. Yesus rela mati, menggantikan hukuman atas kita. Haganupan in aima halani holong ni Naibata bani hita jolma ampa ketaatan pakon kesetiaan ni Jesus mandalankon parentah ni Bapa-Ni. Hita jolma do na mardousa, tapi Jesus do iuhum ronsi matei bani hayu parsilang i Golgota. Jesus marsitaronon, tapi hita do na marmalas ni uhur. Ase bani na manrayahon minggu Palmarum, pataridahkon hita ma malas ni uhur ronsi tarima kasihta hubani Tuhan Jesus na dob mangkopkop hita. “Marlambei gorsing” ma hita mangalo-alo Jesus masuk hubagas uhur pakon hagoluhanta, ase IA ma tongon na gabe RAJA (manrajai) bani pargoluhanta, ase hita pe dihut mangkorjahon aha na dob ihorjahon-Ni, aima “pardear gabei in, parholong atei in”. Gabe paridop ni uhur ma hita songon Bapanta paridop uhur in (Lukas 6:36). Gabe anak ni Naibata na taat (pambalosi) anjaha setia ma hita, songon Jesus na taat bani parentah ni Bapa-Ni age ronsi matei bani hayu parsilang (Pilippi 2:8). Amen
