Minggu, 25 Juni 2023 ( III Dob Trinitatis)
Nas : I Samuel 19:4-7
Usul Doding : Haleluya No. 348:1-3
Tema :Berpihak pada kejujuran
Tujuan :Agar kaum bapa menjadi teman yang saling membangun dan sama-sama bertumbuh
Sanggah manjalo hata na lang suman, mungkin ra do hita terpancing emosi janah mambalas hata ai, ase ia na domma mangkatahon hata na lang dear ai banta boi homa mangahapkon aha na iahaphon hita. Anggo domma sonai, boi ma hita mamilih, mangirikkon emosinta na lang dear ai marhiteihon na mambalas hata na lang madear ai marhitei hata na lang dear homa atap manjaga diri marhitei na totap manjaga hatanta totap dear na gabe balos bani hata na lang dear ai. Janah manghatahon ibagas hata na dear patugahkon bahasa targanggu do hita bani hata ni na lang dear ai. Anggo domma sonai, boi ma hita mansahapkon pasal topik sibahason ibagas hata na topat janah lang gabe teralih pingkiranta gabe marganjang-ganjang hata na lang suman ai.
Salah sada cara laho meredam pakon padaohkon janah mencegah konflik na bersifat paringoran na lang marguna aima marhitei “marsaha na madear”. Isi ni hata ai dear janah cara ni mangkatahon pe dear. Cara sisonai ai boi meredam konflik na lang porlu.
Jonatan manghorjahon ai ibagas na dear.Holong janah hormat do ia bani bapani, Raja Saul sebagai orangtua pakon raja. Holong do homa uhurni janah dohor do homa ia pakon si Daud janah si Daud ai aima hasomanni. Sanggah ibagas perseteruan dua halak na hinaholonganni, ibahen si Jonatan do sikap ni aima sikap na lang manggomburi atap mamihak hubani salah sada janah paburuk-burukkon na sada nari. Marpala-pala do ia meredam ketegangan janah mencegah konflik na lang porlu ai.
Boi si Jonatan marpambahenan na sonai tontu halani panandaionni bani Naibata. Ihatahonni do: “Ulang ma mardousa raja in halani si Daud,…..”. Iarusini do pasal dousa na mansedai hubungan ni jolma samah jolma janah hubungan ni jolma hubani Naibata. Lang marosuh ni Jonatan maseda hubungan ni jolma samah jolma (Si Saul pakon si Daud). Si Jonatan manjaga ase bapani (si Saul) yang hinaholongan ni janah na pinasangapni lang manghorjahon dousa, janah mencegah naha ase sahabat ni si Daud lang balas dendam. Halani somal ni anggo domma adong sasahalak na jahat hubani hasoman ni jolma, gabe adong do pembalasan dendam humbani na ijahati ai janah maseda ma hubungan na adong bani samah jolma ai, terjadi ma saling melukai.
“Manghatahon na dear” mararti ma on marusaha mambangun pakon mampartahankon relasi. Relasi ai aima relasini jolma samah jolma sonai jolma dompak Tuhan Naibata. Tapi, sasintongni boi ai masa halani na boi do hita manjalin relasi na dear pakon dirinta sandiri. Manrajai diri janah lang urah terpancing tingki ibagas situasi na lang dear. Sanggah ihorjahon hita on, panorang ai ma homa hita sanggah mambangun goluh na lambin dear janah pasirsirhon kondisi na dear hubani ginomparta. Marhata na madear boi mambahen goluhta daoh humbani situasi na lang dear.
Domu hubani tujuan ni bahan renunganta on aima: “Agar kaum bapa menjadi teman yang saling membangun dan sama-sama bertumbuh”, adong sada turi-turian:Adong ma sada gansip golang (kalajengking) na sihol menyebrang sungai, tapi ia lang mambotoh sonaha carani. Jadi roh ma kura-kura mangarahkonsi ase naik hu tanggurungni. Ragu do si gansip golang on, nini: “Naha anggo iayubkon ho au?” Roh balos ni kura-kura ai: “Kan i atas ku do ho, anggo huayubkon ho, au pe dihut ma mayub”. Jadi saud ma naik gansip golang ai hu atas tanggurungni kura-kura ai. Lape dokah bani bani bah, ipagut gansing golang ai ma tanggurung ni kura-kura ai. Borit ma pangahapni kura-kura ai janah nini ma hubani gansip golang ai: “Mase ipagut ho tanggurungkin?” Ibalosi gansip golang aima: “Lang dong maksudku mamagut tanggurungmu on, tapi secara naluriah do au mamagut hasoman na legan”.
Kisah parhasomanon ni si Jonatan pakon si Daud terkenal do on janah tarsurat bani Bibelta. Marulak-ulak do iranggihon si Saul (bapa ni si Jonatan) mambahen si Daud tarmara. Tapi halani holong ni uhurni si Jonatan hubani si Daud, marusaha do ia manganju pakon pasingatkon bapa ni, marhiteihon ni na manarsingati pambahenan ni si Daud na madear ase ulang ibunuhni si Daud. Bani ayat 6 sompat do si Saul marbija: “Songon sintongni manggoluh Jahowa, seng bulih bunuhon ia”. Dob ai boi ma use si Daud marhorja.
Iharosuhkon Tuhan do ase gabe panondang janah gabe pasu-pasu hita hubani hasoman na legan. Tapi agepe sonai, porlu tumang hita marhasomanhon hasoman na mendukung hita secara mental pakon haporsayaon. Hasoman na boi mambere pemikiran na positif laho mangojur hita ase marbanggal janah magodang ibagas haporsayaon. Lang mararti itutup hita dirinta humbani hasoman na lang marhaporsayaon, tapi dingat hita ma homa, porlu tumang marhasomankon hasoman na boi gabe hasoman na marsipagolpaan janah marsipadearan. Hasomanta margaul dihut manontuhon kualitas ni pargoluhanta. Sonai do do homa hubani bapa, anggo gati tu ma marhasoman pakon hasoman na jahat, na sumsam pargoluhanni, dokahan i kodei lang isarihon rumah tangga ni, songon kura-kura na ipagut gansip golang ai, ra ma homa hita ipagut hajahaton ai janah dihut hita manghorjahon hajahaton. Pangindo hita ma hikmat na humbani Naibata ase pandei hita bani na marhasoman, janah parhasomanonta mandukung hita marbanggal ibagas haporsayaon. Amen.
