PA Bapa Minggu 13 Set Trinitatis 3 September 2023
Nats. : Sepanya 1:7-18
Doding : Haleluya No. 370:1-3
Tema : Hari Tuhan sudah dekat
Tujuan : Agar kaum bapa tetap hidup dalam tindakan kasih Allah yang didasarkan pada karya penebusan Kristus, sebab hari Tuhan sudah dekat
Penulis : Pdt. Ito Belihar Purba
DOHOR MA ARI NI TUHAN
PARLOBEINI
Tangkas torang do ibotoh hita, manringis do Naibata hubani halak na mambahen na legan gabe haporusan bani. Praktek “mardua tuhan” gati ope masa ronsi nuan . Buei ope kuria in na totap porsaya janah marsangaja marpangarapan hubani gogohni datu. Marhitei ambilanta on tangkas do ibotoh hita bahasa gajag do ringis ni Naibata hubani na songon ai. Bani perikop on ipadomu do ai hubani “Ari ni Tuhan” aima ari parpudi atap pe ari paruhuman in. Bani panorang parpudi magira, tangkas do ganup aha na ongga ihorjahon hita sadokah goluhta. Ai do ase buku Sepanya on paingatkon hita ase pangkei-pangkei janah ulang bertindak bodoh halani tongkin do hansa goluh na i tanoh on.
Buku Sepanya marisihon hata singat-singat hubani bansa Israel na lang setia hubani Tuhan halani ilajou sidea marnaibata na legan pakon marpangunsandeain bani gogohni sandiri. Bani panorangnni raja Manasye das hubani raja Ahas terjadi do kekacauan perpolitikan i sekitarni bangsa Israel. Keadaan on berdampak das hubani praktek keagamaan na marcampur-campur. Gabe ihadirhon sidea do praktek keagamaani bangsa na gabe parsuhutanni sidea.
HATORANGAN
Ari ni Tuhan aima ari paruhuman bani panorang magira na patugahkon sikapni Naibata pasal ulahni ganupan jolma. Salah sada na gabe tanda-tanda aima parsedani ganup na adong i tanoh on (Sep. 1:2-3; 14-18). Bani ari paruhuman on tangkas ma kuasani Tuhan Jesus mangatasi sagala kuasa na adong i tanoh on. Mungkin sadokah bani goluhta ra do adong banta pamikkirion pasal kuasani tanoh on na sai tong boi mandabuhkon jolma in. Ai do ase bani ari paruhuman ai ipapulig do barang ise na sadokah goluhni totap ibagas Tuhan in. Hunjon taridah ma tangkas ise do na isobut halak na porsaya atap pe umat pilihanni Naibata.
- Ari ni Tuhan igambarhon songon ari panggalangon, na ija halak Juda ma na gabe galangan ai janah haganup na roh na gabe ontangan ipapansing (bnd. Yes 34:6, Jer. 12:3, 46:10. Hes. 39:17). Keadaan on manggambarhon gajagni ringisni Naibata na so tarlanglangi be. Gambaran on boi ipausih hita bani panorangni si Noah na ija haganupan jolma ipabois halani dousa massal na mabajan tumang. Gambaran on patugahkon sonaha parrosakni bangsa ni ai na gabe hataridahanni sonaha parrosakni anggo luar humbani Naibata.
- Na masa bani panorang ai, piga-piga halak Juda manganggap Bahasa Naibata lang terlibat aktif bani goluhni sidea ari-ari (pandangan deistik). Iidah sidea Bahasa Naibata berperan pitah bani peribadahan do hansa. Tontu lang sintong anggapan na songon on halani ganup panggulmitni goluhta selama 24 jam ibagas panramotionni Tuhan in do. Halak na maranggapan na songon on do somalni na mambuka dirini hubani kuasa na legan. Anggo dunia on do na ipindahi tontu buahni pe sarupa pakon dunia on do homa. Lambin daoh hita humbani Tuhan, lambin markuasa ma homa dousa in bani hadirionta. Ibotoh hita do buahni dousa aima hajahaton janah ganup na so tama i lobei-loebini Tuhan in.
- Na porlu sai tong adong bani pikkiranta aima: “Domma dohor ari ni Tuhan in”, porini pe lang tarukur hita marhitei perhitungan panorangni jolma (pikkiran) tapi hal na pasti bahasa pasti do roh Tuhan in manguhumi haganupan jolma na i tanoh on. Anggo Sepanya sandiri manggambarhon keadaan on aima sebagai sada keadaan na paet, gariada boi mambahen sahalak pahlawan tangis. Domu hujon tontu maningon tangkas do bani pangarusionta bahasa haganupan na adong banta, tading do ai anggo domma das ajalta. Itadingkon hita do arta ta, na (mungkin) sai ipagugun-gugun hita sadokah on. Itadingkon hita do keluarga na hinaholonganta. Aha pe lang adong na boi boanonta, halani seng tartulak hita anggo domma roh panorangni marujung hita, ise pe lang adong na boi manolak ai age sada pe. Hunjon botohonta do bahasa marsintip do ganup na adong i tanoh on tapi adong do arta na lang anjai marnah bois aima haporsayaon in. Mase lang gogoh janah ringgas hita pajunjun haporsayaonta?
- Ari ni Tuhan aima ari paruhuman, janah bani panorang ai uhumon haganup halak na patut siuhumon. Ise na sadokah goluhni sai manlembang tong humbani dalanni Tuhan in tontu hona uhum do. Praktek kejahatan, penipuan, kekerasan – ganupan ai tangkas do bani buku hagoluhan in. Anggo domma roh panorangni ai, aha pe lang marguna be na adong banta, sobali haporsayaonta in.
HAHONAAN
Tangkas do banta pasal ise Naibata, songon na tarsurat bani Tangis-tangis 3:22-23: “Idop ni uhur ni Jahowa do na so ra marpunsa, seng marnarotap holong ni ateini. Mulak ratah do ai siap sogod, banggal do habonaron-Mu”. Tapi age pe songon ai, gajag do ringisNi hubani na marsogamni uhur Bani. Hunjon boi idahonta secara sederhana bahasa lang boi lansei hita na mar-gareja on hape. Ra do ninta da: “Anggo na marminggu in, dong do tong in, sidearan ma na mangkail on”. Ulang hampung janah epes hita bani Tuhan in. Tongon lang songon haratan lansina (ijin iharat, ijin homa parsiakni) tapi adong do panorang paruhuman anggo bani Tuhan in janah lang adong na magou pasal hurang lobihta sadokah goluhta. Domu hujai maningon pangkei do hita mandalani goluh on janah maningon podas do hita tarjolma, ulang lalap lolei janah taruyun hita.
- Manringis do Tuhan mangidah parlahouta na gok dousa ampa hengkengni uhur. Lang adong gunani hengkeng uhurta janah buei sidalian hita mandalankon horjani Tuhan. Lang adong artini marakal-akal hita janah mangelak bani horja na madear in. Dingat hita ma, lang adong na lingot bani panonggorni Tuhan in. Sahali nari, dingat hita, age pe paridopni uhur do tongon Tuhan in tapi ra do homa Ia manringis.
- Totap ma hita ibagas Tuhan in, ulang hita mardua tuan; rajin marminggu ampa martonggo tapi terlibat homa bani horja hadatuon. Artini porsaya aima yakin sepenuhnni hubani rancanganni Tuhan in janah lang madua-dua uhur. Ulang ma homa ibahen hita na marTuhan in songon jalan akhir banta marhitei na marpangunsandeian bani gogoh ampa pikiranta sandiri. Ulang homa nini uhurta halani domma gabe Kristen identitasta – na dob beres ma haganupan ai. Na terpenting sedo sampulni tapi isi ni do. Lang pitah status hita na marTuhan on tapi isini na marTuhan on do na tang siporlunan.
- Bapa do sipambobai i tongah-tongahni keluarga. Ai do ase isobut do ia malim. Anggo hita selaku bapa do itodoh Tuhan in gabe sipambobai, tontu maningon pataridah hita ma goluh na talup siusihon i tongah-tongahni keluarganta bei. Tongon ganup jolma do mardousa janah seng dong sipujion i lobeini Tuhan in. Tapi holong do uhur ni Jahowa hubani halak marribu-ribu na sai tong bujur janah manggoluh romban hubani hata ampa parentahni Tuhan in. Tongtong ma mardingat hita hubani Tuhan in, ulang ma halupahon hita Ia bani goluhta bei.
- Toruh maruhur janah basar, in ma na talup pataridahonta bani goluh siganup ari. Mambahen dirinta toruhan marimbang na legan – on ma na gabe hataridahanni sahalak “Hamba”. Haganupan hita on aima hamba/ suruhanni Tuhan in laho pataridahkon tanda-tanda harajaonni Naibata i tanoh on. Ingat hita ma: Domma dohor ari ni Tuhan in, marjaga-jaga ma hita marhitei na pataridahkon goluh na romban hubani hasintonganni Tuhan in.
