PENTINGNYA MEMANAJEMEN WAKTU UNTUK ANAK

Salah sada metode pendekatan na porlu bani perkembangan ni niombah aima na ginoran parenting therapy, na ija hajongjongan ampa perananni orangtua bani pertumbuhan sada niombah sangat ihaporluhon. Buei pemikiran pakon pandapot na mangkatahon paboa na porlu humbani orangtua aima manggoki haporluanni niombah, mansungkupkon fasilitasni anjaha mambere podah. Hape sasintongni, lobih hunjai do hal na porlu tumang aima hadohoronni orangtua bani ganup situasi na idompakkon ni niombah, ampa kehadiranni orangtua ibagas panorang pertumbuhanni niombah ai. Terapi on mangurupi orangtua mangatasi hamaholon laho mandidik niombahni anjaha mangurupi orangtua laho markomunikasi pakon niombah.

Hotop do memang tanggung jawab bani horja ampa na mansari haporluanni goluh on gabe hambatan bani orangtua laho patuduhkon perananni ampa kehadiranni i tongah-tongah perkembangan ni niombahni. Hape sasintongni adong do hubungan atap pengaruhni kehadiran ni orangtua riap pakon niombah bani perkembanganni hubani prestasi ampa karakterni. Banggal tumang pengaruh atap hubungan antara managemen waktu ni kehadiran ni orangtua dompak kedisiplinan ni niombah.

Manurut psikolog anak dan keluarga Elizabeth T. Santosa M.Psi, “menerapkan manajemen panorang pada anak, berarti juga turut mendisiplinkan mereka”. Manajemen panorang na isobut ijon aima cara pengaturan waktu laho patubuhkon efektivitas pakon produktivitas, age bani hajongjongan orangtua tarlobih bani hadirion ni niombah.

Hajongjongan sebagai orangtua mambere perhatian hubani niombah, sasintongni lang na urah. Porlu do hasabaron laho pabanggalkon ampa mangajari niombahni. Halani anggo salah pangajarionni orangtua dompak niombahni, boi do ai gabe hasedaon bani goluhni niombah hulobeian ni ari. Boi do iagakkon orangtua domma pas anjaha topat cara ni sidea mangajari niombah, hape boi do ai patubuhkon stres bani niombah ai. Buei do homa orangtua na mamanjahon niombah marhitei na mansuhuni ganup pangindoanni.

Ijon adong piga-piga cara na boi ikelola orangtua laho mambere perhatianni, ai ma: manajemen panorang. Buei do orangtua hotop lang pasirsirhon panorangni bani niombahni. Misalni, panorang laho manungkunhon pasal kegiatanni i parsikolahan, jarang do orangtua markomunikasihon anggo dong paruntolonni niombah. Dob ni, dokah ma niombah in ibagas parmasalahanni sandiri.

Piga-piga pangajarion humbani Bibelta pasal cara na patut bani orangtua laho mambimbing niombah, aima:

1. Mangajari niombah ase marhaporsayaon bani Tuhan. Nini bani 5 Musa 6:7, “maningon gogohanmu do mangajarhon in hubani anakmu, anjaha sahapkononmu do in, sanggah hundul-hundul ham ibagas rumahmu, barang sanggah i pardalanan ham, barang sanggah laho modom ham, barang dob puho ham”.
2. Mangkaholongi niombah, songon na tarsurat bani Mateus 7:9-10, “Ai ise ma hun bannima jolma, na mambere batu bani anakni, anggo ipangindo indahan, atap anggo ipangindo dengke, gabe ibere bani ulog?” Pambahenan ni orangtua bani niombahni gabe usihan ipakei Tuhan in. Hansa makna ibagas hata on, lang pitah mansungkupkon haporluon pardagingon, tapi adong hubungan secara emosional antara niombah pakon orangtua. Memang 3 parhara na gabe haporluan na patut bani niombah aima hasadaon secara fisik, emosional, pakon diterima dan mendapat perhatian orangtua.
3. Lang paboritkon uhur ni niombah. Bani Kolose 3:21 isobut, “Nasiam Bapa, ulang ma makorastu nasiam dompak niombah nasiam, ase ulang mandolei sidea”. Orangtua lang boi paboritkon uhur ni niombah, age parhara fisik, pambahenan sonai age parsahap na gabe tanggungjawab ni orangtua. Gati do orangtua lang mambahen uhur ni niombah ase malum janah marbanggal dear, dobni gabe tartutup janah apatis hubani holong Tuhan Yesus.
4. Manonggohon niombah. Nini bani 1 Tessalonika 5:17, “Totap martonggo”. Tontu dihut do manonggohon niombah hinamkam ni hata Tanggung jawab ni orangtua do manonggohon niombahni, tapi gakni bani praktikni hurang do ipardiatei orangtua bani niombah ibagas bagei sidalian.

Sonari na gabe sipahusor-husor banta, naha, domma gabe orangtua na madear na hinarosuhkon ni Tuhan Naibata hita?

Manajemen panorang ibagas na mampardiateihon niombah hal na porlu tumang do ai. Lang homa pitah pakosongkon panorang diri humbani bagei ni horja hansa, tapi mamakeihon panorang ai sadear-dearni marhitei kehadiranni orangtua na gabe hasoman pakon keluarga dompak niombahni. Tarlobih sanggah na maruntol niombah ai halani parsikolahan, pargaulan ampa sinadongan, ningon do mampu namatorasni laho memanejemen panorangni ase ulang alpa pangahap ni niombah ai bani kehadiran ampa perananni orangtua. Manajemen panorang na topat humbani orangtua ibagas na manramotkon niombahni tontu sangat mandukung ma ai bani prestasi ni niombah, mambangun karakterni, mentalni, emosionalni. Ase porlu tumangma manajemen panorang ipakei orangtua laho manramotkon, mangajari ampa mambobai niombahni. Ingat hita ma: pengelolaan waktu yang baik akan mendorong orangtua mendapatkan hal yang ingin digapai lewat hidup anak dan akan menjadi lebih terencana dan tertata. (bgs/hks)

Pdt. Erni Julianti Purba, M.Th (Praeses Distrik II)