Hari Tuhan sudah dekat

BAHAN PA BAPA

Minggu            :  08 Oktober 2023 (18 Set. Trinitatis)

Nas                  :  Mazmur 99: 1 – 9

Usul Doding   :  Haleluya No. 402:1-2

Tema               :  Tinggikanlah Tuhan

Tujuan             :  Agar kaum bapa meninggikan Tuhan dalam menyembah dan melayani-

Nya.

=================================================================

PANSING JANAH BANGGAL DO JAHOWA

Tim Penulis

 

Pengantar

Buku Psalmen (Heber: mizmor, Junani“Psalmos”), aima sada buku na marisihon pujian ampa hasaksian par Psalmen pasal Tuhan Jahowa ibagas goluhni. Psalmen somal do homa ibasahon (idodingkon) bani ibadat-ibadat i tongah-tongah rumah panumbahan (sinagoge), sebagai bentuk hasaksian haporsayaonni halak na mandodingkon Psalm ai. Mayoritas buku Psalmen on isuratkon Daud na maronjolan humbani pengalamanni pakon Tuhan  Naibata. Humbani panorang penulisan buku Psalmen on, isobut do membutuhkon panorang na ganjang do, ase boi terbentuk sada buku Psalmen songon na adong bani Bibel Padan na Basaia sonari. Humbani sifatni, Psalmen lang pitah dalam bentuk doding, tapi das do hubani bentuk tonggo na itujuhon hubani Tuhan  Naibata. Janah secara khusus bani nas ta minggu on, Psalmen 99 ikategorihon sebagai Psalmen na berupa puji-pujian hubani Tuhan Naibata.

 

 

Hatorangan

Songon na sinobut bani na ibabou paboa Psalm 99 aima bagian humbani pujian hubani Tuhan Naibata. Tangkas idahonta secara keseluruhan aima hasaksian na marupahon deklarasi ampa proklamasi par Psalmen pasal hajongjonganni Tuhan Naibata. Ise do na manuratkon Psalmen 99 on?  Daud, ai do na isobut sebagai panurat buku Mazmur 99 on. Kisah pargoluhanni Daud merupahon sada onnjolan hubani laho manuratkon Psalmen na marisi puji-pujian on. Humbani judul “Jahowa, Raja Na Pansing anjaha Na Pintor” domma takkas hubanta bahasa Psalmen on aima psalmen puji-pujian  na itujuhon hubani Tuhan Jahowa. Puji-pujian (Heber: Tehillim, Junani: psalmoi) na iiringi alat musik gesek sonai age petik. Jadi Psalmen 99 on aima puji-pujian hubani Tuhan Jahowa na ipadas marhiteihon doding na iiringi alat musik.

Aha do na gabe isi puji-pujian ai? Humbani sisi isi pujian ai, boi ma ibagi hita marhitei piga-piga bagian pasal 99 on, aima:

  1. 1-4: Banggal anjaha Pansing do Jahowa na gabe Raja

Na parlobei aima pujian na marisihon proklamasi pasal hajongjonganni Jahowa i atas tanoh on. Jahowa do Raja, aima sada pengakuan humbani par Psalmen bahasa pitah Jahowa do Raja, lang adong raja na legan na iatas napoh on na  boi gabe Raja songon Jahowa. Ungkapan “Jahowa do Raja, hitir ma sagala bangsa; marhotak do Ia bani herubim, dugur ma tanoh on”, lambin patakkashon posisini Jahowa ilobeini bangsa-bangsa. Sebagai Raja, tontu markuasa do Jahowa bani haganup, janah hamahakuasaaan-Ni ipataridahkon marhitei na marhotak do Ia bani herubim, janah on  martudu-tudu pasal Jahowa na mamarentah bani hotak-Ni, mamarentah ibagas hasintongan, halani ai, sagala bangsa hitir, janah tanoh pe dugur. Na sihol padasonni panurat Psalmen on, aima anggo Jahowa na gabe Raja, mamarentah do ia ibagas hasintongan-Ni, (bersikap adil dan benar), mambehan hitir ma bangsa-bangsa (hal on martudu-tudu hubani 2 bagian bangsa, aima bangsa na pansing, tontu hitir halani malas ni uhurni bani pamarentahanni Jahowa, janah bangsa na manggoluh ibagas dousa, halani marhitei sistem na binahenni Jahowa sebagai Raja, sai jumpahan uhuman do halak na mardiousa). Lang pitah bangs ana hitir, tapi tanoh pe dugur do anggo mamarentah ma Jahowa sebagai Raja. Artini ai haganup mangahapkon hamahakuasaanni Jahowa, bangsa sonai age tanoh on. Bani bagian on, lambin ipatakkas panurat Pslam karakter atap sifatni Tuhan Jahowa: Banggal do Jahowa i Sion, anjaha timbul do Ia i atas ni sagala bangsa, Ipuji sidea ma goran-Mu na timbul anjaha matunggung in! Pansing do Ia, Ham Raja siparkuasa, sihaholongi uhum, Ham do patotapkon uhum; Ham do na pamasa hapintoron pakon uhum bani Jakob.

Pujion hubani Jahowa na banggal, na pansing, na markuasa, ai do na na maningon pataridahkon halak na porsaya huBani, sebagai bentuk puji-pujianni.

 

Ay. 5,9- Manrogop, patoruhkon diri, janah paginjangkon Jahowa

Jahowa na pansing, na markuasa, na banggal, janah seng adong na songon Jahowa, halani ai haganup halak maningon manrogop ilobeini. Sikap manrogop (bertelut), aima sada sikap na patoruhkon diri, sikap na somal ipataridahkon sahalak jabolon hubani tuanni. Makna manrogop selain pataridahkon toruh ni uhur, sekaligus pataridahkon sikap laho paginjangkon halak na ilobeini ia manrogop. Jadi halak na mangakuhon habanggalon, hamahakuasaon, ampa hapansingon ni Jahowa,  manrogop ma ilobei-Ni, janah ipaginjang ma Jahowa. Tontu sikap on aima salah sada sikap na pataridahkon penghormatan hubani Jahowa Naibata.

 

Ay. 6-8: Jahowa na totap mambalosi halak na mandilo goran-Ni.

Bani bagian on, isobut do tolu goran na gabe representasini halak na porsaya hubani Jahowa. Musa: na gabe hitei-Ni Tuhan Jahowa paluahkon bangsa Israel humbani parjabolonan Masir.  Marhitei kepemimpinan na ibahen Musa pakon Harun, tercipta ma kepemimpinan Teokrasi itongah-tongah ni bangsa Israel. Musa ipakei Jahowa laho pabangkithon Harun gabe malim itongah-tongah bangsa Israel, janah humbani 2 Musa 33:9 botohonta ma sanggah ibagas pardalanan luar hun parjabolonan Masir Jahowa mambalosi dilo-diloni Musa, marhitei na mambere tiang awan hubani bangsa in. Bani 1 Sam. 8:7, ibasa hita pasal Tuhan Jahowa na mambalosi dilo-diloni Samuel. Humbani kisah 3 tokoh on, sobutonta ma bahasa Tuhan Jahowa aima Tuhan na sirsir manangar sora atap dilo-diloni halak na porsaya huBani. Ia aima Tuhan na sari, na totap patelengkon pinggol-Ni hubani sorani bangsa ai. Tontu on ma homa na gabe panotap hubanta, khususni warga seksi Bapa, bani pardalananni goluhta, totap ma mandilo goran-Ni, halani itangar Tuhan Jahowa do sora na mandilo goran-Ni.

 

Aplikasi

  1. Sonin ma banggalni Tuhan Jahowa na totap pataridahkon habanggalon, ampa hapansongonni i tongah-tongah goluhni halak na porsaya. Khususni warga Seksi Bapa i GKPS on. Halani ai, marhitei renunganta bani Minggu on, tontu porlu do direspon hita habanggalonni ai na gabe buah ni haporsayaonta huBani. Halak na marbuah aima halak na mampu mamuji Tuhan Jahowa sadokah goluhni.
  2. Jahowa do Raja, na mamarentah ibagas hapintoran, halani ai sebagai halak na masuk bani harajaon ni Jahowa, hal na patut ipataridahkon hita aima marhitei na paginjangkon Jahowa, manrogop ilobei-Ni. Etek do hita ilobei ni Tuhan Jahowa, janah patut do homa hita patoruhkon diri i lobei-Ni.
  3. Dilo hita ma Ia, sai balosanni do hita. Sipata hal na mambahen hita mahol mandilo Tuhan Jahowa, aima halani ketergantunganta hubani dirinta sandiri. Musa, Harus, ampa Samuel, bani pangidangionni menotapkan sistem Teokrasi, Tuhan Jahowa na gabe pemimpin. Hal on tontu gabe sada pengajaran hubanta, anggo ibahen hita do Tuhan Jahowa gabe pemimpin bani goluhta, tontu hita mandilo goranni sebagai Raja bani goluhta. Halak na mandilo goran-Ni ibagas bulus ni uhur, janah ibagas haporsayao\n, sai balonsanni Tuhan Jahowa do.