Minggu 22 Oktober 2023 (20. Set. Trinitatis)
Nas : Yosua 2:1-15
Doding : Haleluya No. 109:1-2
Tema : Oleh Iman, Rahab diselamatkan
Tujuan : Agar kaum bapa semakin menyakini bahwa dengan iman kita diselamatkan
PORSAYA MA BANI TUHAN NAIBATA
Tim Penulis
Horas ma hubanta haganupan bapa! Anggo gati hita manonton sepak bola pasti do gati homa itangar hita strategi, strategi isusun pelatih janah ipakei sanggah martanding pakon tim lawan. Paima manusun strategini biasani sahalak pelatih membahen analisa na mendalam laho mangidah hahurangan pakon halobihanni tim ni lawan. Anggo pelatih mambotoh hahurangan tim lawan ijai ma strategi paling efektif, halani hun kelemahan ni lawan aima ibangun serangan laho manaluhon.
Ambilan sadarion pe sasintongni patugahkon strategi na isusun Josua laho manlawan kota Jeriko na banggal ai. Isuruhni ma dua halak laho mangkahapi (memata-matai) tanoh pakon huta Jeriko. Tujuanni aima laho mencari informasi pasal kota ai (kelebihan, kekurangan pakon na legan), ase boi isusun strategi laho manaluhon kota Jeriko ai. Strategi on porlu tumang bani bangsa Israel halani dari segi jumlah pakon peralatan perang seng sabanding sidea pakon halak Jeriko ai, halani aido ibutuhkon sada strategi na mujarab laho manaluhon kota ai. Janah suruhan na dua halak ai pe mamakei strategi do sidea laho mangkahapi huta Jeriko ai, masuk do sidea hu rumah ni sada boru jalang na margoran si Rahab. Memang tarbotoh do sidea na masuk hu rumah ni boru jalang ai, tapi ijon ma taridah idopni uhurni boru jalang na luar biasa. Mungkin panorang ai bahat do na mapas mangidah boru jalang, tapi humbani boru jalang pe boi do roh idop ni uhur. Sirsir do ia mangkaholongi na dua halak ai marhitei na pabunihon sidea hu atas tayub ni rumahni. Ase sanggah roh suruhanni raja laho menginvestigasi hu rumah ni seng jumpah sidea na dua halak ai, halani domma iatur ni strategi laho pabunihon na dua halak ai. Peranni si Rahab bani panorang ai sangat vital, anggo seng sirsir ia pabunihon na dua halak ai, atap sobalikni ipatugahni keberadaanni na dua halak ai ibagas rumahni, dobni boi do sidea itangkap janah ipenjarahon. Ujungni gagal ma rencana bangsa Israel laho marebut huta Jeriko, janah mungkin boi do terjadi sebalikni, anggo tartangkap na dua halak ai, boi do ai use gabe alat bani raja Jeriko laho manusun strategini manaluhon Israel, halani pasti ma dapotni informasi humbani na dua halak ai pasal kekuatan pakon kelemahan tentara Israel panorang ai.
Hita haganupan bapa, porlu do homa irenungkon hita aha do alasan mase boru jalang ai marholong ni uhur bani na dua halak ai? Isobut do bani ayat. 9. …domma hubotoh na dob ibere Jahowa do tanoh on bani nasiam, anjaha domma sogop bannami biar mangidah nasiam, anjaha gobir pangisini tanoh on mangidah nasiam. Taridah do humbani hata on paboa si Rahab ai domma mambotoh sonaha kuasani Tuhan Jahowa na mangkasomani bangsa Israel panorang ijia. Boi bangsa Israel mandipari laut si gerger, boi homa manaluhon raja Amori, Sihon, pakon Og. Haganupan ai aima halani kuasani Naibata.
Jadi manangar pasal barita on haganupan sasintongni panduduk Jeriko domma madatei uhurni, mabiar janah gobir tumang mangidah Naibata ni Israel siparkuasa ai. Bahasa sonari domma ciut nyalini sidea mandompakkon Israel, janah secara psikologi anggo dalam dunia pertandingan si sonon urah naman manaluon halak na domma lang bernyali. Jadi humbani informasini si Rahab on domma dapot na dua halak ai kunci utama persoalan bangsa Jeriko ai, paboa na gobir do hape sidea mandompakkon bangsa Israel halani adong Naibata ni sidea na marjumbalang janah na margogoh. Anggo lang sirsir na dua halak ai mangkahapi huta Jeriko on pasti do lang ibotoh sidea aha do gejolak internal bani halak Jeriko panorang ai, tapi halani sirsir do sidea mangkorjahon parentah ai jadi dapot sidea ma kelemahanni huta Jeriko ai. Ijon homa taridah sonaha hebatni kepemimpinan ni Josua.
Janah adong do sada tonah si Rahab na sangat penting hubani na dua halak ai, nini mangkatahon “On pe bijahon nasiam ma bangku marhitei Jahowa paboa songon pangidopanku bani nasiam, sonaima pangidopan nasiam bani pangisini rumah ni bapa, anjaha bere nasiam ma bangku sada tandani habujuron, paboa pagoluhon nasiam do bapa, inang, botouhu pakon saninangku ronsi na ganup na bani sidea, anjaha paluahon nasiam do hosah nami humbani hamateian”. Makna utama pesan on aima ase ia pakon haganupan keluargani dapotan idop ni uhur homa humbani bangsa Israel, janah marjanji do na dua halak ai pataridahkon idop ni uhur pakon habujuron. Dobkonsi ai laho ma sidea hun rumahni naboru ai marhitei tali na ipajulur hun bani jandela.
Mangihutkon tema ni ambilan on “Dengan Iman Rahab diselamatkan”, artini na porsaya janah yakin do si Rahab bani Naibata ni Israel markuasa manaluhon Jeriko marhitei bangsa Israel, halani ai do ase ipadasni tonahni na penting hubani na dua halak ai, ase masa pe holi hancur kota Jeriko anggo sidea ase ipaluah ma, janah tarbukti do ai bani Josua 7:25 ipaluah janah iselamatkon do si Rahab pakon haganupan diha-dihani, anjaha marianan i tongah-tongahni bangsa Israel do homa ia. Halani ai hubanta haganupan bapa, marhitei ambilan on lambin isadari hita paboa, haporsayaonta do na paluahkon hita, halani ai ase totap ma hita porsaya hubani Jesus Kristus, ai Ia do bona ni haluahon banta. Porsaya lang pitah marhitei parsahap, tapi marhitei goluh na botul marondos hubani Tuhan Naibata. Halalani ai totap ma gabe bapa na beriman. Amen
