Bahan PA Seksi Bapa
Minggu : 12 November 2023 (Minggu 23 Trinitatis)
Nas : 1 Samuel 9: 1-16
Usul Doding : Hal.496: 1-2
Tema : Allah memperhatikan sengsara umatNya
Tujuan : Agar kaum Bapa mengimani bahwa Allah memperhatikan sengsara dan teriakan umatNya
Saul Nagabe Balosni Naibata Bani Doruh-doruhni BangsaNi
Parlobeini : Saul, Ipangindo Gabe Raja, Sedo Halani Ambisini
Bangsa Israel mangindo sahalak raja na gabe si parkuasa itongah-tongah ni bangsa ai. Sebelumni lang dong raja ni sidea. Si pambobai itongah-tongah ni bangsa ai aima sahalak Panguhum, aima Samuel na domma uzur usia atap matua. Sebagai sahalak Panguhum, Samuel lebih berperan sebagai pemimpin Spiritual lang pemimpin pemerintahan.
Adong do 2 halak niombahni, margoran si Joel pakon Abia. Sidea ma homa na gabe panguhum i Berseba. Tapi sidea lang Panguhum na sintong. Impolan do sidea bani pirak, ra do sidea manjalo sisip laho papeolhon uhum (1 Samuel 8:1-3).
Halani ai do gabe martumpu ma bangsa ai mangindo sahalak raja hubani Samuel, ase raja aima manrajai sidea songon bani bangsa sipajuh begu begu na adong i sekitar ni sidea, aima halak Palistim. Awalni, sogam do uhur ni Samuel pasal pangindoanni sidea ai, janah Naibata pe lang marosuh bani pangindoan ni bangsa ai: “Tangihon ma sora ni bangsa in pasal haganup na hinatahonni bam, ai sedo ho, Ahu do an iambungkon sidea ijai, ase ulang Ahu be raja bani sidea” nini Naibata (1 Sam 8: 4-7).
Hansi pe sonai, totap do bangsa ai mangiondo sahalak raja bani sidea : Lang, maningon dong do sada raja bennami, ase dos hanami songon bangsa sipajeuh begu-begu, ase raja nami ai ma na maruhum benannmi anjah mabobahon hanami hu parmunsuhan” (1 Sam 8:19-20). Pangindoan ai berangkat humbani situasi bahwa bangsa Israel gati marporang pakon bangsa Palistim bani panorang ai, janah bangsa Palistim sandiri dong do Raja ni sidea si pambobai bani sidea (1 Samuel 4).
Ase perikopta on aima pasal sonaha Saul (humbani hata Heber ‘Shaw – ool’ na artini ‘na ipangindo’) gabe Raja na parlobei itongah-tongah ni bangsa Israel, sahalak raja na ipangindo humbani Naibata, hansipe bani mungkahni lang iharosuhkon Naibata pangindoan ni bangsa ai. Saul aima sahalak Raja na ipangindo, sesuai humbani artini goranni sandiri aima ‘na ipangindo’ humbani Naibata.
Sejarah parsaudni Saul on gabe raja na parlobei i Israel menarik untuk irenunghon hita. Anggo somalni bani sejarah ni buei bangsa, sahalak raja somalni sahalak na punya ambisi atap sura-sura gabe raja, tapi anggo raja ni Israel na parlobei aima humbani ambisi ni bangsa ai untuk irajai atap ipimpin sahalak Raja. On sadahal na lang lumrah tene. Gabe raja lang halani ambisini pribadi, tapi justru halani ‘ambisi’ ni bangsa ai untuk ipimpin sahalak Raja gabe ipangindo sidea hubani Naibata,bai ma Saul raja na parlobei itongah-tongah ni bangsa Israel.
Hansipe awalni lang iharosuhkon Naibata pangindoanni bangsa Israel na mangindohon sahalak raja, tapi Saul aima sahalak raja na iberehon Naibata atap ipilih Naibata gabe raja bani bangsa ai. Paima jumpah si Samuel pakon Saul domma parlobei irencanahon Naibata parjumpahan ni sidea : “Sonon patar suruhon- Ku ma bam sada halak hun Tanoh Benjamin, ase minakanmu ia gabe pambobai ni bangsa-Ku halak Israel…” (1 Sam.9:16a).
Saul Manorihi Halode Hape Jumpahan Jabatan Raja
Ai na magouan piga-piga halode boru-boru do si Kis, bapa ni Saul gabe borhat ma si Saul pakon sada halak jauk-juakni manorihi halodei-halodei ai. Isiari sidea ma Efraim sonai homa tanoh Salisa tapi seng jumpah sidea halode ai. Ilanjuthon sidea pardalanan hu tanoh Sup tapi totap lang jumpah sidea. Sihol ma uhur ni Saul mulak halani kuatir ia justru gabe kuatir bapani si Kis pasal sidea. Tapi atas saran ni juak-juak ni ai ijumpahi sidea ma lobei Samuel, sahalak na tarbarita sebagai halak ni Naibata, sada halak na marpanoggoran na sarupa ma ai pakon sahalak Nabi na marianan dohor humbani Sup (1 Sam 9:9). Sahalak na marpanonggoran atap sahalak nabi maningon do mansahapkon naipataridahkon Naibata bani, sedo mashapkon pikkiranni sandiri.
Halani ai, arap do uhur ni sidea marhitei parjumpahan ai boi ipatuduh bani sidea dalan na laho sidalanonni. Jadi,
sidea sihol mangindo podah atap na adong ope kemungkina boi jumpah ni sidea halode – halode ai atap lang be, janah dearan ma sidea mulak hu hutani sidea. Ai hormat tumang do sidea bani Samuel hansipe lape itanda sidea ia tapi domma ibotoh sidea halak na terhormat do ia (1 Sam. 9:6).
On hal na penting iparuhorhon hita humbani perikop on. Lang tarsibar dalan ni Naibata laho pasaudhon sura-sura ampa rancangan Ni pasal goluhta. Ai na laho mamindahi halode boru-boru namagou do nini uhur ni Saul, hape ai gabe bagian ni rancangan ni Naibata laho mamboansi pajumpah pakon si Samuel untuk maminaki Saul gabe Raja bani bangsa Israel.
Atap, rado bani pardalanan ni goluhta songon bani ‘persimpangan’ iahap hita, lang ibotoh hita mamilih dalan sidalanonta. Bani situasi na sonai ai, dear tumang hita ‘berkonsultasi’ manjalo podah humbani sahalak na iminaki Naibata, sahalak jauk-juak ni Naibata laho manungkun dalan sidalanonta. Andohar marhitei podah ni mungkin justru jumpah hita dalan na ‘legan’ na domma ipasirsir Naibata banta. Songon si Saul na mangindahi halode hape jumpahan ‘dalan na legan’ aima rancangan Tuhan na laho mamilihsi gabe raja ni Israel.
Saul, Sahalak Humbani Marga Sietekan Tapi Gabe Raja
Saul memang sahalak na bayak do janah jenges homa rupani (1 Sam.9:1-2).Tapi ia aima sahalak humbani marga Benjamin, marga sietekan itongah-tongah ni bangsa Israel, marga na hurang iperhitunghon i tongah-tongah ni bangsa ai. Bahkan pangku (Indonesia: kaum, sub suku) ni Saul do homa sietekan iantara pangku ni marga Benjamin (1 Sam 9:21). Tapi humbani sietekan ai do hape ipilih Naibata gabe raja itongah-tongah ni bangsa ai.
Ase lang boi lansei hita bani halak na ‘maetek’, na lang iperhitunghon. Anggo marosuh Naibata, lang dong na boi manlanglangi halak na sonai ai gabe sahalak pemimpin tene (bandingkon hita 1 Kor.12:24).
Saul Nagabe Carani Naibata Mambalosi Doruh-doruh ni BangsaNi
Hansipe bani mungkahni lang marosuh Naibata bani pangindoanni bangsa ai na mangindo sahalak raja gabe si pambobai bani sidea, tapi marpangulaki do uhur ni Naibata mangidah doruh-doruh ni sidea ai na mansurahon sahalak pambobia mardingat si Samuel sebagai sahalak Panguhum bani panorang ai doma matua janah niombahni na 2 halak ai lang sintong homa parlahouni sidea sebagai Panguhum.
Halani merasa terancam do bangsa ai bani halak Palistim na gati marporang pakon sidea, janah halak Palistim pe dong do raja ni sidea, gabe igogohkon bangsa ai ma torus manjalo shalak raja humbani Naibata lewat Samuel. Jadi, Saul on ma na gabe wujud balosni Naibata pasal doruh-doruh ni bangsa ai: “ase minakanmu ma ia gabe pambobai bani bangsang-Ku halak Israel, ase ipaluah bangsang-Ku hun tangan ni halak Palistim; ai domma marpanatap uhur hu bani bangsang-Ku, ai domma das bangku doruh-doruh ni sidea”(1 Sam 9:16).
Marhitei holong-Ni gabe marpanatap ma uhurni Naibata bani bangsa Israel, gabe itolopi ma pangindoan ni sidea pasal sahalak raja. Jadi, awalni memang lang marosuh ni uhur ni Naibata pasal sahalak raja bani Israel, tapi akhirni halani holong ni gabe ibere raja bani sidea untuk mambalosi doruh-doruhni bangsa ai. Naibata ‘manaluhon’ sura-suraNi uhurNi sandiri mangidah doruh-doruhni bangsaNi Israel. Luar biasa.
Sumber:
