BAHAN PA SEKSI BAPA
MINGGU : 26 NOVEMBER 2023 (UJUNG TAHUN KURIA)
NAS : PSALMEN 23:1-6
Usul Doding : Hal. No.118: 1+3
Tema : Tuhan Adalah Gembalaku
Tujuan : Agar kaum Bapa hidup dalam tuntunan Tuhan, sang Gembala yang Agung.
JAHOWA PARMAHAN NA SINTONG
PARLOBEINI
Buku Psalmen sihol patugahkon pengalaman iman ni sipanurat pasal habastuan ni Tuhan bani na mandalani ari-ari ni goluhni, secara khusus sanggah ibagas na mandompakkon hasosakan. Sipanurat na imaksud aima Raja Daud na hotop maningun mandagei hamaholon hinorhon ni sogam ni uhur ni Raja Saul dompaksi. Bani buku I Samuel pakon II Samuel tangkas do isobut sonaha jangin ni sitaronon na maningon ijalohon Raja Daud. Bahkan, sompat do ia narus magouan hosah halani na marponop-ponop (menghindar) humbani suruhan ni Raja Saul. Hansi pe sonai,Buku Samuerl mencatat bahasa totap do jumpah dalan haluahon janah kuasa ni Tuhan totap do mangasi laho mangondingi ganup jolma na pinilihNi. Fakta historis Teologis on ma homa na sihol ipaondos hubanta marhitei perikopta nombas on: Jahowa do Parmahan na totap manramothon goluhta humbani parmaraan. Jahowa do homa Tuhan na dob pasirsirhon ganup na porlu bani juak-juakNi ase tongtong mangasup mangkorjahon ganup parentah ampa suruhan ni Tuhan in.
HATORANGANNI
Bani panorang ijia, profesi parmahan aima profesi na paling rentan dompak buei ancaman keselamatan hidup. Mase boi sonai ? Adong dua alasan; naparlobei na igoran locus parmahanan aima halimisan na daoh hun pemukiman ni masyarakat pada umumni. Aido ase anggo sihol mamboban biri-biri hubani sampalan na memadai maningun do marborngin halani jarak tempuh na lumayan daohni. Sanggah na marborngin ai do sasintongni potensi mandompakkon ‘bahaya’ lambin banggal. Lang pitah halani faktor cuaca na ekstrem tapi termasuk do homa ancaman humbani begu panoroh pakon ulog darih na sipata lang terdeteksi parrohni. Napaduahon, halani kondisi borngin na sangat minim pencahayaan mambahen parmahan maningun fokus mampardiateihon biri-biri pinarmahanni (intens monitoring). Sanggah proses na mengawasi tongah borngin on ma gati terjadi hal-hal na berpotensi menghilangkan nyawa ni parmahan. Tongon, ijia domma gabe hal na somal ai janah haputusan mamilih gabe parmahan aima haputusan na domma mempertimbangkan resiko na maningon iauhon.
Nas ni ambilan on sihol manggambarhon peranan ni Naibata na usih songon parmahan na dong i daerah Timur Tengah panorang ai. Daud manaksihon bahasa songon parmahan na totap fokus mamparmahani ganup biri-biri pinarmahanni irik manramotkon ganup na porlu untuk kesinambungan hidup ni biri-biri ai, sonai do homa Jahowa Naibata maradophon ganup na tinompa. Ai ma naiahapkon janah ialami secara langsung Raja Daud, sadokah mandalani ari-ari ni goluhni, dob honsi itodoh Naibata ia laho mambobai bangsa Israel (gabe Raja). Pasal aha na ialami Raja Daud halani sogam ni uhur ni Raja Saul dompaksi, tangkas do icatat bani Buku Samuel. Lang pitah ai, ambah ni ai tangkas do homa ipatugah sonaha Naibata totap mamparmahani goluh ni Daud mambahen mangasup ia mandalankon suruhan ni Tuhan janah mangasup homa manguduti ari-ari ni goluhni hansi pe pagantih soluh mandompakkon parlajouan. Ase, pengalaman iman on do na gabe onjolan ni Raja Daud manaksihon: ‘Jahowa Siparmahan ahu, seng anjai hurangan ahu..’(ayat 1). Hunjon tangkas ma banta bahasa goluh na ibagas panramotion ampa pangondingion ni Tuhan aima goluh na ‘nyaman’, sungkup bani haganup na porlu (lahir dan bathin). Pahara on ma na ipajojor Daud bani ayat 2-5, ipatudu bani sampalan na mombur.., itogu bani dalan hapintoron..,ihasomani janah iapohi.., iidangi janah iminaki.. Pahara na sihol iondolhon ijon aima pasal aktifitas ni Jahowa na lang marnamaronti laho mampardimatahon ganup na porlu bani biri-biri pinarmahanNi. Bai ganup panorang janah bani ganup situasi do Jahowa mamparmahani biri-biri hinaholonganNi. Fakta yang tidak terbantahkan on ma na mambahen Daud mangkaporsayai irik mambahen pangakuan: “..sihol do marianan ahu i rumah ni Jahowa sadokah ni dokahni..”(ayat 6). Artini, pengalamam iman ni Daud sadokah riap pakon Tuhan janah totap martenger ni uhur bani Tuhan mambahen ia mangasup mandaihon hinamantin ni pasu-pasu ni Tuhan. Hadobanni use, pengalaman on patubuhkon sada keyakinan yang kuat irik gabe komitmen pribadi ibagas hadirion ni Raja Daud bahasa maningon riap pakon Tuhan in do boi tursa goluhni janah maningun ibagas parmahanion ni Tuhan in do jumpah hita hasonangan na totap.
HAHONAANNI
1.Goluh na totap bani zona nyaman aima goluh na iayaki buei jolma sondahan on. Bagei do dalan na ilajou jolma in naha ase boi goluhni memasuki janah totap berada bani zona nidokan. Bahkan, sai dong do homa na menghalalkan segala cara asal ma jumpah sura-surani janah saud sininta ni uhurni.
Nas ni Ambilanta on sihol pagolpahon hita bahasa malas ni uhur na pitah pakon zona nyaman na sasintongni aima goluh na totap ibagas parmahanion ni Tuhan in. Fakta historis-Teologis on ma na ipabotohkon parPsalmen hubani hita haganup; malas ni uhurta na tongon aima anggo totap hita ibagas parsaoran na dear pakon Tuhan Naibata janah totap hita marondos hubaNi bani ganup situasi ni goluh na idompakkon hita das hubani panorang on. Daud domma lobei mandaihon hinamantin ni goluh na ipasu-pasu Tuhan, naha hita Bapa ganupan ?
2.Sanggah na mandompakkon hasosakan gati do hita tarudu mangadu-adu bani kuasa ampa gogoh na dong i dunia on. Dob ni na jumpah hita aima kekecewaan ampa sitaronon na lang marhaujungan. Marhitei ambilan on ipaingat do hita ase podas ma marlintun manjumpahkon Tuhan in janah mangindo pangurupion pitah hubaNi. Anggo domma satolop hita pasal ai tontu aha na gabe pengalaman ni Daud bani Nas on maningon do homa gabe pengalamanta rombang hu lobeian ni ari. Ase, ulang be ipadokah-dokah hita nuan, tarolos ma hita roh hubani Tuhan mangondoskon goluhta ampa ganup nahinaholsohkon ni uhurta ase jumpah hasonangan na totap.
3.Laho mangirikkon Tuhan in tontu buei do tantangan ampa kendala na idompakkon hita, termasuk ma ai haputusan laho manundalhon hinajenges ni dunia on. Tongon ra do sipata mapaet pangahapta sangah mardalan manjumpahkon Tuhan in. Hinorhonni ai buei do hita na bumbang laho manguduti langkahta mangirikkon Tuhan in. Ambilan on sihol pasaksakkon hubanta bahasa Tuhan do Parmahan Na Madear, na markuasa laho patorsahon goluhta. Halani ai,patotap hita ma uhurta laho mangirikkon Tuhan in irik mangkatengerhon bahasa sungkup do idop ni uhurNi laho mangurupi ampa mangapohi hita das hubani parsaud ni bagah-bagahNi.
DISKUSI
- Ganup do hita ongga tarsosak halani buei masalah. Anggo ham, aha ma pahara na gati mambahen ham tarsosak janah narus putus asa ?
- Sura-sura ni jolma aima goluh na ‘nyaman’, tanpa masalah dan tantangan. Naha pandapot ni ham pasal fenomena on ? Aha do defenisi ni ham pasal ‘hidup di zona nyaman’?
- Naibata hotop do patugahkon sura-suraNi na sihol mamparmahani goluhta tapi gati do hita gagal paham pasal suru-sura ni Naibata ai. Manurut pandapot ni ham aha do faktor na gati mambahen hita jolma gagal paham mangarusi ronsi mangkagoluhkon hata ni Tuhan bani perikopta on ?
Selamat Mangirikkon Tuhan in, dalam suka dan duka…Amen.
