Woman hands praying for blessing from god on sunset background
PA Bapa, 03 Maret 2024 (Okuli)
Nas : Kejadian 12:1-4
Usul Doding : Haleluya No. 496:1-2
Tema : Patuh dan berjalan sesuai petunjuk Tuhan
Tujuan : Agar kau bapak hidup dan berjalan dalam iman
Horas ma hubani nasiam seksi bapa GKPS!
Mungkin haganup do bapa na marniombah marosuh anggo anak pakon boru ni gabe anak pakon boru sipambalosi bani orangtuani tarlobih hubani Tuhan. Pangarapan on gati tumang do iluarhon orangtua hubani niombah ni bani pargoluhan siganup ari atap bani acara-acara formal misalni sanggah acara syukuran angkat sidi ni niombah, ulang tahun pakon acara-acara na legan. Gabe niombah sipambalosi gati gabe tolak ukur ni sasahalak berhasil bani goluhni. Ra do itangar hita hata sonon: “Tanda do bujur si anu on, sipambalosi homa bani orangtua ni, jumpah do tongon na sinura ni”.
Songon na sada bapa i tanoh on na marosuh anggo anak pakon boru ni sipambalosi hubani, sonai ma homa age Bapanta na i nagori atas ai. Marosuh tumang do Bapanta na i nagori atas ai anggo hita gabe sipambalosi Bani. Tapi, gabe sipambalosi hita hubani Tuhan lang pitah ase malas uhurni Bapanta na i nagori atas ai, tapi homa sanggah gabe sipambalosi (patuh) hita Hubani, ai manandahon identitas Hakristenonta. Bani nas on, marlajar do hita pasal pambalosion humbani si Abram (dob ai igantih Naibata do goranni gabe si Abraham). Abraham isobut do sebagai “Bapa orang percaya”. Humbani mungkahni itampilhon si Abraham on bani Bibel, na parlobei iparlajari hita humbani aima pasal pambalosion ni (kepatuhannya) hubani Tuhan. Isobut Naibata do sonon hubani: “Bungkas ma ho hun tanoh hagodanganmu, humbani diha-dihamu, ampa hun rumah ni bapamu hu tanoh sipatuduhonku bam.” Tanoh na maningon sitadingkonon ni ai margoran Ur-Kasdim. Ur adong i daerah Mesopotamia, janah Mesopotamia artini mararti i antara “bah atap sungai”. Ur adong i holang-kolang ni bah Tigris pakon Bah Efrat. Halani ai, tanoh Ur on aima tanoh na subur na ija mangalir do torus bah ijai janah peradaban pe domma maju. Humbani tanoh dengan kondisi sisonai ai ma si Abraham bungkas manuju hubani ianan na legan na lape ibotoh si Abraham on sonaha kondisi ni ijai. Boi sobuton bahasa Abraham sedo sahalak na porlu pindah hun hutani na minim lapangan pekerjaan hubani ianan na legan untuk merantau demi memperbaiki kehidupan. Abraham berangkat hun tanoh na adong jaminan kesejahteraan secara perekonomian menuju ianan na lape pasti secara perekonomian. Hunjon boi ma ididah hita sonaha Abraham aima pambalosi hubani Naibata na marsuruhsi. Pambalosion sisonon tontu boi terjadi halani haporsayaon ni hubani Naibata. Pambalosion memang maningon irik do homa pakon haporsayaon pakon sebalikni. Lang boi sobuton hita porsaya hubani Tuhan anggo lang pambalosi (patuh), janah lang boi hita pambalosi (patuh) anggo lang itandai hita na marsuruh hita. Halani ai ase boi hita mambalosi janah hubani Naibata maningon do itanda hita Ia.
Dob honsi ai ipadanhon Naibata do hubani si Abraham: “Hubahen pe ho gabe sada bangsa na banggal; Hupasu-pasu pe ho anjaha Hupabanggal goranmu, ase gabe pasu-pasu ho. Pasu-pasuon-Ku do na mamasu-masu ho, anjaha papaon-Ku na mamapai ho; dapotan pasu-pasu ma marhitei ho haganup bangsa na i tanoh on.” Pambalosion ni si Abraham mambahen ia gabe hasoman sahorja ni Naibata laho padearhon dunia on. Marhitei ginompar ni si Abraham do homa tubuh Jesus Kristus na gabe tobus bani dunia on. Pasal ginompar ni si Abraham pe homa lang pitah pasal bueini (kuantitas) ni ginompar ai, tapi homa pasal kualitas. Humbani si Abraham tubuh do raja-raja tarlobihma Jesus Kristus Tuhan na mamboan pasu-pasu na sempurna hu tanoh on aima pardameian ni dunia on pakon Naibata. Parbungkas ni si Abraham hu huta ni lang mamorluhon proses na sai ganjang atap keragu-raguan humbani dirini si Abraham on. Tontu boi do ai iarusi hita Bahasa haporsayaon pakon pambalosion ni si Abraham do mambahen ai.
Nasiam Seksi Bapa GKPS, hunjon iparlajari hita ma bahwa sahalak bapa pe maningon do memiliki sifat “pambalosi”. Karakter “pambalosi” ni bapa gabe sitiruon do on bani inang sonai homa pakon niombah. Marhitei na manjaga karakter “pambalosi” on, daoh ma bapa humbani karakter mau menang sendiri, tidak peduli pada perasaan orang lain, arogansi, keras kepala pakon na legan. Bani na mamdalankon peranan ni sebagai bapa i tongah-tongah ni rumah tanggani, sahalak bapa na mambalosi Tuhan pasti gok holong. Sahalak bapa na mambalosi Naibata pasti do lang mambalosi rosuh pakon hisap-hisap ni dagingni. Selamat membangun karakter “pambalosi hubani Naibata” ma hubani nasiam bapa GKPS. Horas!
