Renungan Mingguan Bapa GKPS

Minggu, 7 April 2024 (Quasimodogeniti)

Nas                  : Pilippi 2:5-11

Usul Doding    : Hal.No. 217:1-2 “Haganupan na Sauhur”

Tema               : Hidup dalam Pikiran Kristus

Tujuan             : Agar Kaum Bapak Hidup Dalam Kerendahan Hati

 

MARTORUH NI UHUR SONGON KRISTUS IN

Penulis

Kuria hinaholonganni Naibata

Goran Romo Mangun aima goran na sangat dohor janah familiar hubani masyarakat na tading bani sada kawasan itongah-tongah kota Yogyakarta. Bani mulani, kawasan ai termasuk do hubani kawasan na kumuh, na lang ipardiatei, lang homa masuk bani rancangan pamarentah laho membenahi janah pajengeskon kawasan ai, rentan bani naborit, banjir, pakon na legan. Bahatan ma halak na tading bani kawasan ai, aima halak na humbani sisi strata sosialni aima humbani kalangan menengah hu toruh, horja na lang manontu. Mangidah kondisi na sisonai ai, bani sada panorang, Romo Mangun roh hu kawasan ai, sanggah roh banjir, laho manaruhkon pangurupion hubani masyarakat na adong ijai. Bani tahun 1984 ipukkah Romo Mangun menata kawasan ai, janah pelan tapi pasti kawasan na sebelumni kumuh, jorok, marbau, tapi halani marhitei inisasi Romo Mangun na merangkul mahasiswa, masyarakat setempat, sonai age pamarentah, kawasan Kali Code na bani tahun 1960-1970 an aima kawasan na lang jenges, bahkan cenderung lang iparditei, tapi bani panorang sonari domma gabe kawasan tujuan destinasi wisata, bahat halak na roh hujai, laho menikmati suasana Kali Code ai. Na gabe penekanan bani kisah na ibabou aima, lang tarbahen sada perubahan anggo pitah mangidah, mengamati tumang, tetapi perubahan ai ipungkah marhitei na terjun langsung bani situasi, mandalankon ampa manghorjahon sesuatu na berdampak, na hadopanni gabe pasu-pasu hubani halan na legan.

Kuria ni Tuhan

Salah sada penekananni Apostel Paulus hubani kuria na i Pilipi aima pasal hasadaon, janah totap ibagas malas ni uhur mandompakkon haganup. Mase porlu hasadaon na maningon joman bani goluhni kuria in? Halani Apostel Paulus manangar barita bahasa adong do potensi konflik na idompakkon kuria ijin, janah selaku Apostel na pajongjongkon kuria in, Apostel Paulus mangahapkon bahasa bertanggungjawab do ia pasal goluh ampa hasadaonni kuria in, halani aima agepe ibagas penjara Apostel Paulus, lang ai homa na manlanglangisi laho totap mambere nasehat, podah hubani kuria in pasal hasadaonni sidea. Unsur napaduahon aima masa do bani panorang ai parpodah na kahou, na mencoba laho mangagou haporsayaonni kuria in, halani ai, marhitei na jonam manokanhon pasal Kristus hubani kuria in, iarapkon boi ma toguh haporsayaonni sidea hubani Kristus. Humbani situasi ai, lalu aha do na gabe penekananni Apostel Paulus hubani kuria in? On ma na tarsurat bani nas renungan mingguanta bani Minggu on.

Na parlobei memiliki paruhuron songon paruhuronni Kristus. Bani bahasa Indonesiani lobih takkas isuratkon sebagai “Hendaklah kamu dalam hidupmu bersama, menaruh pikiran dan perasaan yang terdapat juga dalam Kristus Yesus”. Poin on martudu-tudu hubani sikapni halak na porsaya na terimplementasi marhitei uhurni. Uhur aima hal na penting bani goluhni jolma, uhur boi mencerminkan sikap atap karakter jolma ai sandiri. Bahkan anggo ibasa hita bahasa Indonesia, martudu-tudu bani pikiran dan perasaan na sangat terkait pakon uhur. Ibotoh hita bani goluhni jolma, adong do 3 aspek na menggerakkon jolma ini, aima pikiran (kognisi), uhur (afeksi), janah tangan (motorik). Haganupan on maningon bersinergi ase pargoluhanni jolma in seimbang, janah ketika mandalankon atap manghorjahon sada horja, anggo idalankon ma in ibagas janah marhitei uhur, maka dear do mardalan horja ai. Apostel Paulus sihol padaskon hubani kuria in, bani parsaoran ampa relasi na terjalin itongah-tongahni kuria in, sidea seharusni memiliki paruhuronni Kristus. Hataridahanni halak na porsaya hubani Kritus aima marhiteihon na mampu memiliki hal-hal na imiliki Tuhan Jesus, termasuk ma ai paruhuron. Lalu, sonaha do paruhuronni Kristus? Bani ayat na mangihut isuratkon Apostel Paulus do paboa “Age pe marrupa Naibata Ia, sedo songon nirampas ihira uhur-Ni usih-Ni ai bani Naibata, tapi ipalumei do diri-Ni anjaha ipakei rupa ni jabolon, gabe usih bani jolma do Ia, anjaha rumang jolma jumpah Bani”. Sada bukti nyata paruhuronni Kristus aima bahasa sirsir do Ia patoruhkon diri-Ni bahkan gabe jolma Ia. Menarik do bani tindakan na binahenni Tuhan Naibata marhitei AnakNiin. Jesus na ibagas hasangapon-Ni, Jesus na namin patut ipaginjang, Jesus na gabe Anak ni Naibata, ternyata pataridahkon hal na banggal bani goluhNi, aima marhitei na gabe jabolon janah usih songon jolma. Jabolon bani konteks ni halak Jahudi aima sada strata sosial na rendah, bahkan jabolon aima sada status na maningon unduk hubani tuanni, lang mempunyai hak bani dirini sandiri. Lepes do halak mangidah jabolon, cenderung hurang berharga janah hurang iperhitungkan bani masyarakat Jahudi. Tapi na menarik na itekanhon Apostel Paulus, aima sikapni Tuhan Jesus usih songon jolma, bahkan gabe jabolon dengan segala konsekuensi na sihol jaloon-Ni aima sada sikap na pataridahkon toruh ni uhur-Ni. Lang mittor iahapkon Jesus, lang marharga Ia anggo gabe jabolon, lang be sangap Ia anggo gabe jolma, tapi justru marhitei situasi na sonai ai, Tuhan Jesus mambahen karya haluahon na banggal bani goluhni jolma in. Karya banggal na binahenni Tuhan Jesus aima marhitei na “Ipatoruh do diri-Ni, na gabe pambalosi do Ia ronsi matei, pala matei tarsilang”. Sikap na patuh hubani Bapa, gabe sipambalosi das hubani ujungni, palumeihon dirini gabe jolma, mamboan haluhon hubani jolma in, pala matei tarsilang Ia, haganupan ai igerakkon janah idorong marhitei toruhni uhur ni Kristus. Bani uhur na sisonai ai ma namin na patut ipataridahkon kuria Pilipi bani goluhni. Anggo bani konteks sonari, sikap ampa uhur na sonai do na ibutuhkon humbani halak Kristen khususni kaum bapa i GKPS. Patoruhkon diri ibagas pambalosionni hubani Bapa, lang pitah memperhitungkon janah mangayaki jabatan atap posisi i dunia on, tapi sirsir ibagas toruh ni uhur manghorjahon hal na banggal ase berdampak bani goluhni jolma na adong i sekitarta. Tontu poin on pe gabe penekanan bani Apostel Paulus, berbuat untuk berdampak. Anggo ikaitkon hita bani kisah Romo Mangun pasal horja ampa karyani itongah-tongah kawasan Kali Code, aima sada bentuk upaya atap karya, sirsir do ia ibagas toruhni uhur manghorjahon hal na berdampak bani goluhni masyarakat na adong i sekitar kawasan Kali Code. Berbaur bani masyarakat ijai, mangidah janah mangahapkon pergumulanni sidea, janah mandalankon horja na mamboan hadearon hubani kawasan ai. Masuk, tading, janah mangahapkon situasi ai secara langsung, mambahen boi manghorjahon hal na relevan bani masyarakat sekitar. Lang tarbahen mandalankon pembenahan bani kawasan ai, anggo pitah mangidah saat melintas bani dalan ai, tapi lang manghapkon situasi na idompakkon masyarakat ijin. Tindakan janah karya na binahenni Romo Mangun mamboan dampak na banggal bani masyarakat ijai. Aha na binahenni Kristus, gabe jolma, masuk, marianan bani pargoluhanni jolma, mambahen Ia gabe jolma janah mambahen karya na banggal  aima haluahon na jinalo haganup jolma, janah on boi tarjadi halani Tuhan Jesus patoruhkon diri-Ni gabe jolma Ia.

Horja banggal na binahenni Tuhan Jesus justru mambahen Ia lobih banggal janah lobih sangap, bani ay.9 isuratkon do “Halani ai do ase ipagijang Naibata Ia, anjaha ilayak-layakkon Bani sada goran na mangatasi sagala goran,ase manowod anjaha marsombah ibagas goran ni Jesus sagala na i nagori atas pakon na i atas tanoh on, age na i toruh ni tanoh”, Naibata sandiri na paginjangkon Tuhah Jesus, janah na mambare kuasa huBani, ase haganup halak marsombah janah manowod hubani. Jadi karya haluahon na binahenni Tuhan Jesus, pala patoruhkon diri Ia ase dapotan goluh jolma na mardousa in, lang mambahen Ia gabe toruh, tapi justru marhitei ai, lambin piginjang Naibata do Ia. Sebenarni kekuatiran gabe toruh hita ilobei-lobeini jolma, sipata mambahen hita enggan laho patoruhkon diri, menganggap bahasa jatuh atap magou ma harga diri anggo patoruhkon diri sanggah mambahen hal na dear. Tapi mangidah humbani sejarah goluhni Tuhan Jesus, agepe ipatorh diri-Ni tapi lang gabe toruh Ia, justru lambin ipaginjang Tuhan Naibata do Ia. Sagala pamangan marhatongonkon, Jesus Kristus do Tuhan, bahen hasangapon ni Naibata Bapa. Mangakui irik marsaksi bahasa sangap do Ia, lang mittor magou harga diri-Ni, haganup  jolma mangakuhon ai.

Hita haganupan kuriani Tuhan

Marhitei renungan mingguan bani minggu on, lambin ibotoh hita ma sonaha janah aha na sihol bahenononta domu hubani hataridahanni halak na dob manjalo haluhon na humbani Tuhan Jesus Kristus. Ibagas hasadaonta itongah-tongahni keluarga, gareja ampa masyarakat, janah sebagai halak na totap bersentuhan pakon halak na legan ibagas interaksita, sonai homa sebagai halak Kristen/bapa  na namin patut pataridahkon dampak hubani na legan, hal na maningon ipataridahkon hita aima, sirsir memiliki janah mamakei paruhuronni Kristus, martoruh ni uhur, janah sirsir mangahapkon aha na iahapkon halak na legan, sirsir patoruhkon diri bani na pataridahkon goluh na berdampak, janah lang mabiar pori pe maningon manandingkon kehormatan na iatas tanoh on. Bapa na sirsir mandalani goluh na sisonai ai, aima sebagi wujud atap buah na dob manjalo haluhon na humbani Tuhan Naibata marhitei Tuhan Jesus Kristus. Anggo Jesus patoruhkon diri-Ni laho mambere haluhon hubanta jolma, ningon sirsir ma homa hita patoruhkon dirinta laho mambere buah na dear na boi idaihon haganup halak na isekitarta. Halani haganup na patoruhkon dirini, paginjangonni Tuhan Naibata do. Amen.