Renungan Mingguan Bapa GKPS 14 April 2024 (Misericordias Domini)
Minggu : 14 April 2024 (Misericordias Domini)
Nas : Mazmur 103:13-18
Usul Doding : Hal.No. 350:1-3 “Holong na Humbani Tuhan”
Tema : Kasih Setia Tuhan Kekal Selamanya
Tujuan : Agar Kaum Bapak Menyadari bahwa Kasih Setia Tuhan Tidak Berkesudahan
MANGGOLUH IBAGAS IDOP NI UHUR NI TUHAN
Penulis
Kuria hinaholonganni Naibata
Doding BUNGA PANCUR na idodingkon grup MARSADA, menarik anggo ididah humbani makna syair doding ai. Pesan doding ai patugahkon bahasa Bunga Pancur aima Bunga na jenges idahon, mambere keindahan hubani na adong isekitarni, bahat halak na marosuh bani bunga ai. Tapi na menarik aima bahasa bunga ai mangerbang bani sogod ni ari, janah melus bani siang ni ari, janah bani bod ni ari madabuh (gugur). Lang taridah be hinajengesni bunga ai, lang be mambere keindahan ia bani sekitarni, bahkan lang be marosuh halak mangidah, halani bunga na morum ai domma madabuh hu tanoh. Humbani ilustrasi syair doding ai, lambin tangkas ma banta bahasa lang adong na totap, terbatas janah adong do panorangni. Pori pe itandai hita bunga EDELWEIS sebagai bunga abadi, halani mengandung hormon etilen na menekan hormon pertumbuhan, mambahen bunga on boi mangerbang, janah lang madabuh (gugur) sadokah 10 tahun, tapi dong do tong panorangni bunga ai madabuh. Sonai na sagala na adong i tanoh on, bersifat sementara, lang adong na totap. Ai do ase ihatahon bani Parambilan 3;1 “Bani sagala na adong, adong bei do musimni, anjaha bani sagala na masa i toruh ni langit, adong bei do panorangni”. Haganupan mempunyai limit/keterbatasan, haganupan memiliki panorang.
Kuria na hinaholongan
Bani panorang parpudi on, ditangar hita do barita na viral pasal sahalak niombah na marumur 3 tahun i kota Malang na menerima kekerasan humbani pengasuhni, bahat ma na berkomentar pasal on, bahat homa na menyesalhon mase maningon masa situasi on, mase maningon idompakhon anak na baru ope marumur 3 tahun situasi na borat ai. Janah bani salah sada video na tersebar, taridah do ekspresi kemarahan ni namatorasni niombah ai, bahkan sora na gogoh na tarluar humbani bapani niombah ai, halani lang sirsir ia manjalo situasi kekerasan na idompakkon boruni ai. Refleksi na boi ibahen hita bani situasi ai, paboa lang adong orangtua na sirsir anggo niombahni mandompakkon hal na lang dear, na mambahen tersakiti niombahni ai, halani haganup namatoras mempunyai holong na luar biasa hubani niombahni. Bani video na legan ipataridahkon do keadaan niombah ai, na berangsur pulih, janah tenang do ia riap pakon bapa ni, lang iahapkonni be mabiar, halani domma riap ia pakon bapani. Gambaran bapa na mambere ketenangan, gabe ianan parlinggoman, na mambahen pos uhur, ai do na ipataridahkon bapa ai, janah na idaihon niombah ai. Riap pakon bapani, tenang ma ia, lang adong be na mengganggu ia, lang adong be na bertindak sewenang-wenang hubani, lang be mabiar ia.
Kuria ni Tuhan
On ma na gabe penekananni par Pslamen pasal pengenalanni hubani Tuhan Naibata. Ianalogihon do bahasa Tuhan Naibata aima Bapa, janah ia aima anak. Hubungan antara bapa pakon anak, aima hubungan na dohor, na irahut marhiteihon holong, janah na mambere ketenangan hubani anakni. Anggo riap pakon bapa, pasti aman ma ganup, lang be sangsi, lang be mabiar. Ise pe bapa i atas tanoh on, tontu mambere na tang sidearan hubani niombahni, na lang mangarapkon balas humbani niombahni, bahkan par psalmen menggambarhon holongni sahalak bapa, maronjolan hubani idop ni uhur. Idop ni uhur martudu-tudu hubani kasih karunia, kasih yang sejati, dan kasih na lang terbatasi. Holong on ma na menggerakhon sahalak bapa pataridahkon keberadaanni itongah-tongah niombahni. Janah sonai do Tuhan Naibata na ipahami, janah ihaporsayai par psalmen, sebagai Bapa na gok holong, bapa na mangapiti hita jolma, Bapa na sirsir pataridahkon idop ni uhur-Ni, bahkan marsuruh Anak-Ni gabe jolma ase jumpahan haluahon hita humbani dousanta. Holong na lang terukur, janah ibatasi marhitei atap aha pe. Bapa na ibagas idop ni uhur in, pataridahkon holongNi hubani halak na manghabiari-Si. Manghabiari-Si mengandung makna, pataridahkon ketaatan, kesetiaan, ampa penghormatan hubani Tuhan Naibata. Marhabiaran mararti do homa sada proses na ialami sasahalak untuk menuju hubani pemulihan, halani halak na ibagas marbiaran hubani Jahowa, aima halak na berproses untuk manadingkon goluh na gok dousa untuk menuju hubani goluh na baru. Halak na pataridahkon uhur janah manggoluh ibagas marhabiaran hubani Tuhan hadopanni manjalo idop ni uhur-Ni, marhitei holong na totap na humbani Tuhan Naibata. Holong na berlaku kelal, lang mubah-ubah, holong na totap jenges bani sogod ni ari, tongah ari, bahkan das hubani bod ni ari. Holong na lang ibatasi marhitei batasan-batasan na i atas tanoh on.
Dob ai sungkun-sungkunni aima, ai sonaha do jolma in ilobeini Naibata? Parpsalmen mambere pemahamnni pasal jolma in i lobeini Naibata, bahasa jolma in songon orbuk, songon poyon-poyon do, marbunga do songon bunga na i talun, montas honsi logou seng dong be ia, anjaha seng natandai be iananni. Menarik do pengistilahanni parpsalmen pasal gambaranni jolma in, aima bahasa jolma in, aima songon orbuk. Orbuk aima gambaran hagalekanni jolma, gok keterbatasan, bahkan manggoluh ibagas hadousaonta. Bahkan hagalekon ampa keterbatasanni jolma in, na songon orbuk in, igambarhon homa marhitei poyon-poyon na marpanorang, adong panorang marbunga, tapi adong homa panorang melus, sanggah montas logou in. Pondok do panorangni jolma in, janah lang tarbahen jolma in bertahan bani goluhni anggo marhitei dirini sandiri, janah lang tarbahen jolma in maluah humbani dousani, anggo marpangajamkon bani pambotoh ampa hajongjonganni. Ibagas keterbatasan, ampa hagalekonni ai, ijai ma jolma in mambotoh janah membutuhkan Tuhan Jahowa na boi paluahkonsi humbani sagala dousa laho menuju hubani goluh na baru.
Kuriani Tuhan
Sonaha do sosok ni Tuhan Jahowa na itanda janah ihaporsayai parPsalmen songon na sinobut bani teks ta on? Ia aima Tuhan Jahowa na gok idop ni uhur, janah idop ni uhurni ai totap ronsi sadokah ni dokahni, berlaku kekal, na lang ibatasi age aha pe. Idop ni uhur na boi inikmati das hubani nini nono, jadi lang pitah hitana boi manjalohon ampa mandaihon idop ni uhurNiin, tapi haganup halak, niombahta, nini ampa nononta. Idop ni uhurni Tuhan Jahowa lang mangidah bohi, marga, gareja, usia pakon na legan, halani hubani haganup do idop ni uhurni ai ipasirsir, haganup do boi mandaihon idop ni uhur-Ni, janah sonai ma Ia na itanda ampa ihaporsayai hita. Jahowa na gok ibagas idop ni uhur in, aima Jahowa na marhasintongan (benar). Hasintongan ni Tuhan Jahowa lang boi iperbandingkon pakon hasintongan na i atas tanoh on. Hasintongan ni Tuhan Jahowa berlaku mutlak, janah lang untuk itawar-tawar. Ia ma siomada hasintongan iatas tanoh on. Hubani ise do marlaku idop ni uhur ampa hasintonganni Tuhan Jahowa ai? Anggo parPsalmen manuratkon bahasa in marlaku hubani halak bani na manramotkon padan binahen-Ni, pakon na mardingat parentah-Ni laho mandalankon ai (ay.18). Ternyata respon humbani jolma in sangat ibutuhkan bani na sihol mandaihon idop ni uhur ampa hasintonganni Tuhan Jahowa. Kepatuhan, hataridahan biar mangidah Jahowa, ampa haporsayaon huBani, namin ipataridahkon marhitei na sirsir mardingat parentah janah manramotkon padan na binahen-Ni. Perjanjian na binahenni Tuhan Jahowa aima manjalo jolma in ibagas hajongjonganni na gok keterbatasan, janah ibagas sagala hagalekon ampa hahuranganni, das do homa hubani goluh na gok ibagas hadousaon, lang pitah manjalo jolma in marhitei keberadaanni, tapi das do homa mambere haluahon, goluh na dear hubani jolma in. On ma na gabe puncak pargoluhanni halak na porsaya in. Janah on ma homa na gabe sijolomanni haganup warga seksi bapa laho manlanjutkon goluhni, paboa ronsi sadokah ni dokahni do idop ni uhurni Tuhan Jahowa, janah sirsir do Ia mambere haluahon hubanta. Songon goranni Minggunta bani panorang on, aima MISERICORDIAS DOMINI na mararti Idop ni Uhur ni Tuhan na Manggoki Tanoh On, aima homa na gabe spirit baru hubanta kuriani Tuhan khususni warga seksi bapa, bahasa kekal janah manongtong do idop ni uhurni Tuhan in, halani ai dalankon hita ma parentah-Ni, janah manggoluh ma hita ibagas uhur biar huBani, ase jumpahan idop ni uhur-Ni hita. Amen.
