Renungan Mingguan Bapa GKPS
Minggu : 21 April 2024 (Jubilate)
Nas : Mazmur 98:1-9
Usul Doding : Hal.No. 341:1-3 “Ari na Madear Tumang”
Tema : Bersorak-sorak bagi Tuhan
Tujuan : Agar Kaum Bapak Memahami Kasih Setia Tuhan yang Menyelamatkan
Umat-Nya
GOLUH NA MAROLOB-OLOB
Penulis
Kuria hinaholonganni Tuhan
Sada doding na mencirihon eksistensi sada club sepakbola na marjudul “You are Never Walk Alone”, gabe sada inspirasi ampa aspirasi hubani anggota klub ai, sonai homa pakon halak na manangar ampa mangarusi pasal isi atap makna humbani doding ai. Secara sederhana hatahonon bahasa pesan doding ai patugahkon bahasa lang adong jolma na mardalan marhitei dirini sandiri, lang adong na berjuang sendiri, halani bahat do halak na riap pakonsi, bahkan mardalan pakonsi. Halani ai, bani na mandalani goluh, pori idompakkon bageini persoalan, lalu lang adong peluang untuk susah atap mandolei, Anggo ididah hita humbani sisi haporsayaonta, doding on, sangat relevan janah kontekstual pakon pargoluhanta jolma. Mardalan do hita torus, agepe sipata idompakkon hita bageini persoalan ampa hamaholon bani goluh on. Mardalan do hita torus, agepe sipata iahapkon hita lang tuk gogohta laho mansaloseihon setiap langkah bani goluhta on. Tapi secara haporsayaon paboa judul doding ai, domma gabe sada jaminan bahasa “You Never Walk Alone”. Ise do hasomanta? Ise na na manramotkon hita? Ise do na mangurupi hita pori tarjungkal hita bani langkahta?
Kuriani Tuhan
Psalmen on, aima sada psalmen na mangarahkon setiap halak na mambasa mangidah, manaili, janah berrefleksi bani goluhni. Humbani sisi latar belakang, Psalmen on isuratkon parpsalmen, halani mardingat hinabanggal idop ni uhurni Tuhan Naibata bani bangsa-Ni. Bangsa Israel na sinobut sebagai bangsani Naibata secara menyeluruh domma mangahapkon sonaha Naibata na totap sirsir manramotkon, janah mangkasomani sidea. Sejarah bangsa Israeal na tarbuang bani habuangan Masir, pardalananni sidea hun Masir hu tanoh Kanaan, sanggah masuk sidea hu tanoh Kanaan, merupahon sada fakta pasal panramotionni Tuhan Naibata hubani sidea. Ia do na mangurupi bangsa in, ibagas pardalananni sidea, tangan siamun-Ni do na manjolom sidea. Gambaran tangan siamun aima gambaran transfer kekuatan ampa peneguhan humbani halak na manjolom, humbani halak na ijolom tanganni. Hal on sebenarni laho patugahkon bahasa Tuhan Naibata manjolom goluhni bangsa Israel ibagas na poltik, lang paturuntonNi jiris naheini bangsaNiin, irik hujai itransfer Tuhan Naibata do gogoh-Ni hubani bangsa in, ase margogoh sidea mandalani goluhni sidea, khususni bani pardalanan manuju hubani tanoh bagah-bagah in, jaminan Tuhan Jahowa na mangkasomani janah manramotkon sidea marhitei tangan siamun-Ni. Sobali mambere keteguhan, mentransfer kekuatan, Tuhan Johowa pataridahkon dirini sebagai Tuhan na gok ibagas hatuahon ampa hapintoron. Parpsalmen menekanhon pasal hatuahon ampa hapintoron gabe inti kebijakan ni Tuhan Naibata na sihol dalankonon-Ni bani iatas dunia on. Hasintongan gabe sumber malas ni uhurn janah sada hataridahan kemenangan, halani Tuhan Naibata domma manaluhon hajahaton iatas tanoh on. Hasaksianni par Pslamen, manobut bahasa haganup do manaksihon, mangidah janah mandaihon haluahon na humbani Tuhan Naibata. Ai ma ase bani ay. 3 isobut do bahasa “ganup ujung ni tanoh on mangidah haluahon na humbani Naibata”. Lang pitah bangsa Israel, tapi haganup pangisini dunia on, domma mangidah janah mandaihon haluahon in. Sanggah marhorja Tuhan Naibata, dampakni hubani sab tanoh on, lang adong na lang mambotoh, janah lang adong na lang mangidah ampa mandaihon karya ampa haluahon na humbani Tuhan Naibata. Tontu hita pe sebagai halak na ihaholongi Tuhan Jahowa, na gabe anak-Ni, mengalami hal na sarupa songon na ialami bangsa Israel bani goluhni. Tongon, na mardalan do hita ibagas goluhta on. Sipata ijumpahi hita do gilumbang na boi mandorap hita, sipata sangsi do hita manlangkahkon langkahta bani goluh on, bahkan sipata mabiar do hita bani goluhta on, halani bageini persoalan na maningon idalani hita. Tapi Naibata ni bangsa Israel aima Naibata na totap marhorja das hubanta bani panorang on, seng onggo Ia soh, seng ongga paturutonni hita mardalan marhitei gogoh ampa pambotohta sandiri. Songon na sinobut bani judul doding bani awal renungan on “You are Never Walk Alone”, tontu ai do homa na maningon ijolom hita bani goluh ta on, bahasa tangan siamun-Ni do na manjolom janah manogu hita, bahasa Ia do na mambere haluahon ibagas hatuahon ampa hapitoron-Ni. Halani ai, songon na ialami bangsa in, on ma homa na gabe hasaksian ampa panotap hubanta, lang ongga ipaturut Tuhan Jahowa hita mardalan sandiri, tapi Ia do hasomanta, na manramoti hita.
Kuria ni Tuhan
Marhitei karya na banggal na binahenni Tuhan Naibata hubani bangsa in, age hubani sab tanoh on, na manjolom marhitei tangan siamun-Ni, na pataridahkon hatuahon ampa hapintoron, janah na mambere haluahon hu sab tanoh on, aima na gabe onjolanni par Pslamen laho mangarahkon bangsa in, hita bani panorang on, ase “mangolobkon Jahowa, marmogah-mogah, janah marsurak, mandoding mamuji Jahowa” (ay. 4-5). Tontu on merupahon respon na ipataridahkon bangsa in, na ipataridahkon hita bani haganup na idaihon hita na humbani Tuhan Naibata, aima marhitei marolob-olob. Hata marolob-olob aima sada ekspresi malas ni uhur na luar humbani uhurni sasada halak. Marolob-olob mararti melibatkhon haganup aspek goluhni jolma. Marolob-olob mararti gok, janah sempurna ma malas ni uhur ai, lang ibatasi age ahape, olob-olob ai luar humbagas uhur, janah hataridahanni aima ahap na marmegah. Somal do olob-olob ai igambarhon marhiteihon sikap marsurak mamuji Tuhan Naibata. Sebagai jolma, bapa, halak Kristen hita, sipata ungkapan uhurta pe ipataridahkon hita do marhitei sikap marturiak, mandoding mauji Tuhan. Menurut Jurnal Medical Humanities (2018) Bernyanyi membantu membuat hati lebih plong, dan terapi yang dilakukan untuk membuktikan ini adalah bernyanyi bersama untuk orang-orang dengan depresi dan gangguan kecemasan. Setelah bernyanyi secara rutin setiap minggu, mood partisipan tampak lebih baik. Ternyata, marhitei na mandoding, selain boi mambahen uhur tenang, juga ipakei hita sebagai sarana halak Kristen laho mamuji janah martarima kasih hubani Tuhan, janah on ma hadopanni mambahen halak na mandoding gabe mangahapkon uhur na marmegah.
Kuria ni Tuhan
Lalu, sonaha do caranta laho mandoding martarimakasih hubani Tuhan, na boi mambahen hita tenang, janah marmegah? Bani ay. 5-8 isuratkon do “Puji ma Jahowa marhasoman husapi, marhasoman husapi ampa doding na gomos, marhasoman tarompit pakon sora ni tanduk, marsurak ma i lobei ni Raja Jahowa. Mardorom ma laut pakon sagala isini, sonai dunia on ampa na mangiankonsi. Martopap-topap ma bah mardalan, marolob-olob ma rap-rap sagala dolog”. Doding pujian ai luar humbagas uhurni na mandodingkon, tontu pasal isi doding pujian ai, aima pasal hinabanggal idop ni uhurni Jahowa, lalu parugas na ipakei aima husapi, tarompit, sora ni tanduk. Somal do bani tradisini halak Israel, adong alat bantu music na ipakei laho mandoding. Mungkin sarupa pakon hita halak Batak, gati do tumpuan bapa mandoding, atap i gareja pe ai, bani parpestaan pe ai, atap i kodei pe ai, mamakei sarana alat music. Hita ganupan, on lang pitah menggunahon alat music laho pajengeskon doding ai, tumang, tapi lobih humbagas hunjai aima laho pataridahkon haganup na tinompani Tuhan Naibata boi do ipakei halak na porsaya in laho mamuji Tuhan Naibata. Pamujion hubani Tuhan Naibata sebagai sebuah penegasan bahwa banggal do Jahowa, lang adong na lobih banggal humbani Tuhan Jahowa, janah Ia do Jahowa na sintong janah pintor, na manguhum ibagas hapintoron ampa hasintongan-Ni. Bani Jahowa ma dodingkon hita pujianta, halani pitah Ia do Jahowa bani goluhta on. Goluhni bapa aima goluh na totap mamuji janah martarimakasih halani holong ni Tuhan Jahowa na lang ongga marpussa bani halak na hinaholonganNiin. Janah songon goranni minggu Jubilate, marolob-olob, sai sonai ma tongon uhurta bani goluhta on, ibagas olob-olob ma hita mandodingkon hinabanggalni Tuhan Jahowa. Amin.
