PENDEKATAN PASTORAL PASUTRI KEPADA MERTUA

PENGANTAR

Bani panorang panulis gabe Pendeta Resort i GKPS Resort Baringin Raya Distrik II, tahun 2015-2021, bani panorang ai ibahen penulis do bentuk kreativitas pelayanan ase ulang monoton songon na somal-somal tumang. Khususni bani Seksi Inang ase ulang pitah sebatas kebaktian na biasa-biasa tumang, na ilaksanahon secara rutinitas tiap minggu atap 1x 2 minggu atap 1xsebulan na igabung haganup inang bani sada tumpuan na gati isobut sebagai par ari Senin, par ari Selasa, par ari Rabu, par ari Kamis, par ari Jumaat, atap par ari Sabtu, tanpa mangidah batas umur, profesi, status, hubungan sosial, tanpa mangidah aha do sasintong ni pergumulan na legan iluar pergumulan niombah, suami, keluarga, ekonomi, kesehatan, pakon pekerjaan. Ternyata itongah-tongahni persekutuan ai adong hal na sangat penting na gati lang itangani secara profesional na mambahen buei homa persoalan terjadi, baik ma ai i rumah tangga, keluarga sonai i gereja pakon masyarakat. Janah persoalan na gati ianggap sepele ai berdampak banggal bani pargoluhanni na markuria sonai age marmasyarakat. Sungkun-sungkun ni aima persoalan aha mai? Aima persoalan antara simatua pakon parumaen. Simatua pakon parumaen aima bagian dari kehidupan bergereja pakon bermasyarakat khususni bani kehidupan berkeluarga.

Mardingat hal on ma maka penulis bani panorang ijia mambahen pelayanan dalam bentuk na baru, na berbeda pakon na ilaksanahon GKPS bani panorang ijia, sonai age bani panorang sonarion. Penulis membuat pelayanan kepada para mertua melalui PA bersama sebagai hajongjonganni simatua, dob ai Partuppuan atap PA haganup parumaen. Bani partuppuan lewat PA ni para simatua tarbotohma secara nyata bahasa buei tumang do curhatanni para simatua on pasal parumaenni, baik hal-hal na mambahen borit uhurni sonai homa hal- hal na pasonang uhurni, pakon hal- hal aha do na iarapkon simatua terhadap parumaenni sebagai sahalak naboru na menjadi bagian keluargani. Selanjutni bani partupuan para parumaen melalui PA, tarbotohma homa aha hal-hal na menyakitkan uhurni parumaen akibat ulahni simatua terhadap parumaen sonai homa hal-hal na pasodaphon uhurni humbani simatua hubani parumaen pakon aha do arapanni parumaen humbani simatuani.

Dob salosei PA secara terpisah, margabung ma partuppuan antara simatua pakon parumaen janah ijaimai porlu ibangun hubungan nadohor pakon nadear na porlu sihorjahonon pakon sitoruskonon sonai sitingkatkonon dalam hubungan antara simatua pakon parumaen/hela laho meningkathon haporsayaon hubani Naibata na berdampak bani kehidupan bergereja, bermasyarakat pakon markeluarga.

Sada hal na menarik na terjadi na gabe buahnni partumpuan simatua on pakon parumaen aima adong sada simatua na sebelumni seng ra pajaehon anakni janah totap sada rumah sementara parumaen pakon anakni domma dokah sihol manjae. Dobkonsi mengikuti PA on dan terjadi diskusi yang membangun, mintor podasma ipajongjong simatua on rumahni anakni pakon parumaenni janah ipajaema ibagas bulusniuhur pakon malasniuhur. Seng adong be ibagas pikiranni laho mengekang janah totap ibagas kendalini anakni na dob ipaomponi.

Luar biasa menurut penulis pendekatan na sonon mengatasi hubungan antara simatua pakon parumaen. Bani panorang PA ai nats Alkitab na menjadi bahan PA aima 1 Musa 2:24: “Halani ai tadingkononni dalahi do bapa pakon inangni laho mangkasomani parinangonni, gabe sada dagingma sidea”.

MARHAJABUAN MARARTI MA MAMBANGUN HUBUNGAN NA LUAS

Menurut KBBI (Kamus Besar Bahasa Indonesia) simatua aima orangtuani paramangon atap parinangon. Hubungan antara simatua pakon parumaen atap hela aima hinorhonni terjadi parrumahtanggaon (pernikahan). Bani parrumahtanggaon seng pitah marrumahtangga antara suami pakon isteri tapi dihut do homa terjadi parrumahtanggaon bani keluarga pasangan sonai homa budayani atap tradisini, termasuk pasal haporsayaonni. Domu hujin seng hal na urah sonaha membangun hubungan nadohor pakon nadear antara pasangan suami isteri hubani simatuani. Hal on ma na porlu sikajionta janah sihobaskononta untuk terbangun atap tercipta hubungan na madear, na dohor pakon na jenges sehingga antar pasutri pakon simatua boi “sada frekwensi” untuk hidup bersama bani na marhasadaon, marsaksi pakon mangidangi i dunia on.

Porlu tumang do hubungan na jenges terjalin antara pasutri pakon simatua dobni gabe terjadi peningkatan-peningkatan na positif bani goluh siganup ari na sangat berdampak botul hubani halak na legan, khususni generasi muda na merencanakan pernikahannya kelak, janah adong panutan bani sidea bani na menjalin hubungan pasutri pakon simatua.

HAWAJIBAN PAKON TANGGUNGJAWAB PARUMAEN/HELA

Sebagai parumaen/hela sonai simatua dong bei do hak pakon hawajibanni sonai tanggung jawab na mutlak, sebagai hela/parumaen berkewajiban:

1. Mangkaholongi Simatua Doskon Orang Tuani

Sonaha hela atap parumaen mangkaholongi orangtuani sonaima ma homa ia mangkaholongi simatuani na dob melahirkan, membesarkan, menyekolahkan, mendidik pakon mangajari pasanganni. Kehadiran parumaen pakon hela sedo laho manirangkon orang tuani pakon niombahni tapi lambin padohorhon pakon memperlengkapi na hurang bani keluarga na ijumpahkonni hela pakon parumaen. Kehadiranni aima menyempurnahon sedo parsedahon apalagi menambah beban bani keluarga pasangan sonai pabadorhon atap merusak nama baik keluarga simatua. Sonaha parumaen pakon hela mangkaholongi orang tuani sonaima sidea mangkaholongi simatuani. Sebagai hela atap parumaen porlu do mangkasomani, merawat atap manssarihon pakon mangkaholongi simatua songon si Rut na mangkaholongi simatuani si Naomi. Bani Rut 1:16-17 ihatahon: “Tapi nini si Rut ma: Ulang ma sai ajar-ajari ham ahu manadingkon ham, barang sirang humbamu; ia huja ham laho, hujai do ahu laho, ia huja ham marianan, hujai do ahu marianan; bangsamu mando bangsangku, anjaha Naibatamu mando Naibatangku; Ija ham matei, ijai ma ahu matei, ijai ma ahu tanomon. Sai sonai ma ibahen Jahowa hubangku, anjaha porini lobih ope, pitah hamateian mando, na boi manirang ahu humbamu.”

2. Menjalin Komunikasi Na Dear janah Terbuka pakon Simatua

Porlu tumang do komunikasi na dear pakon terbuka pakon simatua halani kehadiran parumaen sonai age hela adalah hal na baru janah latar belakang na berbeda, baik kebiasaan-kebiasaan, hobbi, selera, pendidikan, cara bicara, budaya, pnl. Porlu ibangun komunikasi ibagas na dear ase ulang gabe salah paham atap salah pengertian. Gati persoalan na etek gabe marbanggal janah na banggal gabe roh banggalni. Komunikasi na dear pakon terbuka mambahen persoalan banggal gabe ipaetek janah parsoalan na etek ihapuskon. Age pahara-pahara na etek porlu do ikomunikasihon halani gati do parsoalan ai etek bani parumaen atap hela tapi bani simatua persoalan ai domma banggal ibagas uhurni. Hal hal na sonon porlu tumang ipardiatei ase ulang hita sepele bani persoalan na etek.

Bibelta namurathon bahasa” siapa yang dipercaya dalam perkara kecil akan dipercaya dalam perkara besar” (Luk 16:10). Artini Bibelta pe perduli do bani hal-hal na etek. Komunikasi na dear ipungkah humbani parsahapan na dear na ipungkah humbagas uhur na borsih. Bani buku Podah 16:24 ihatahon do:”Songon manisanni lobah do hata na lamlam mattin bani uhur janah tambar bani holi-holi”.

3. Menghargai pakon Mangkargahon Simatua

Rut aima parumaen na botul-botul menghargai simatuani. Selain ihargai, Rut pe mangkargahon simatuani agepe domma marujung goluh paramangonni. Rut lang manadingkon Naomi, Rut martanggungjawab do bani goluh Naomi. Rut marsahap na lamlam hubani Naomi, Rut menghormati simatuani marhitei lang itadingkon simatuani. Haganupan keberadaan goluhni si Naomi ijalo si Rut do ai ibagas na dear (Rut 1).

Sonaima parumaen/hela menghargai simatuani, lang mangidah nilai simatua humbani angka-angka (sinadongan), lang memanfaatkan mertua marhitei sinadonganni, mambahen simatua gabe parorot bani pahompuni na sipata mambahen simatua gabe terkekang janah tidak punya kebebasan pakon hasoman satorbangni, lang buei manuntut lobih humbani na patut. Simatua ningon do ihaholongi marhitei holong na bulus janah kehadiran hela atap parumaen mambahen lambin marwibawa atap roh dearni hajonjonganni simatua i keluarga, gereja sonai age i masyarakat ampa meningkat haporsayaonni hubani Tuhan marhitei perilakuni parumaen atap hela dompak simatua. Lang ongga marsahap sumsam atap kasar sonai homa menghina atau pabajan-bajanhon age pe bajan simatuani. Itutupi do hahuranganni simatuani halani simatuani aima orangtuani sandiri.

4. Marbagi Berkat Rezeki Hubani Simatua

Secara umum sihol do haganup simatua manjalo atap dapotan berkat humbani hela atap parumaenni janah butuh perhatian. Sedo pitah telepon tumang tapi sonai kiriman materi sebagai suatu kebanggaan bani pakon malasniuhur sebagai orangtuani boruni atap anakni. Apalagi paima marhajabuan niombah/boruni, dapotan kiriman do simatuani ai humbani niombahni. Anggo dobhonsi marrumah tangga sidea gabe stop haganupan pemberian hubani simatua. Tontu hal on menyakitkan hubani simatua, sedo halani lang adong duitni tapi merasa tersinggung janah putus hubungan pakon niombahni, apalagi marhahurangan orang tua janah mangarap hubani niombahni na dob ipabanggal janah ipasikolahkon, hape halani marhajabuan gabe seng dapotan berkat be ia humbani niombahni.

Hal on porlu tumang perhatian humbani pasangan suami istri (pasutri) terhadap simatua. Bani panorang partumpuan simatua na ibahen panulis bani panorang ai, adong do simatua na tangis janah malungun uhurni akibat perilaku parumaenni na memutus hubungan niombah pakon orangtuani sonai homa age pasal materi. Ase sebagai pasutri ulang ma cemberut atap keberatan anggo suami atap isteri mangurupi keluargani termasuk orang tuani na manubuhkon pakon pabanggalhon ia. Pasutri sebaiknya dan seharusni berbagi berkat/rezeki hubani simatua sebagai tanda terimakasih dan perhatian. Selain berbagi rezeki parumaen atap hela porlu tumang memperhatihon kesehatanni simatua janah mangurupi ia ketika ibagas na galek janah memberi  dukungan na positif.

5. Padohorhon Keluarga sonai Pahompu Hubani Simatua

Buei do simatua merasa tersinggung apalagi parhuta-huta anggo seng dohor keluargani parumaen atap helani khususni pahompuni hubani simatua. Hal on mambahen simatua merasa rendah diri janah lang berguna bahkan tersinggung. Lang adong hubungan emosional terhadap pahompuni mambahen ia seng merasa sebagai opung halani seng dohor pahompuni hubani, hape sebagai mertua adong do kerinduan na tinggi ase pahompuni dohor hubani agepe seng adong sibahenonni terhadap pahompuni. Terkadang dong do simatua demi pasonangkon uhurni pahompu berusaha do ia mansari ase dong berehononni hubani pahompuni.

Menurut ceritani simatua, bahasa seng dear ahab ni sidea janah merasa lang sonang anggo seng dong berehononni bani pahompuni, ase marpala pala do ompung asea dong siberehononni bai pahompuni.

Ongga do pangalamanni sada ompung na roh hun huta-huta, ituhorni bajuni pahompuni na tading i kota metropolitan janah marpala-pala ma ia pasal ai hape seng ipakai pahompu ni ai baju ai halani lang ipakeihon parumaenni. Borit tumang ahapni ompung on janah sampai tangis ia menceritahon hal on. Ase sebagai parumaen porlu do mampardiateihon hal on janah padohorhon pahompuni bai ompungni. Bangun komunikasi antara pahompu pakon simatua ase adong hubungan emosional.

6. Sirsir Mangindo Maaf Hubani Simatua Porini Adong Pambahenan na Lepak

Buei do hela atap parumaen na lang sirsir mangindo maaf hubani simatua saat berbuat kesalahan na fatal janah menyakiti hati simatua. Sebagai parumaen na hadir itongah keluarga simatua sonai homa hela, mangindo maaf aima salah sada dalan ampa tambar na ampuh padearhon hubungan na maseda janah boi ipulihkan kembali. Barani mangindo maaf aima pertanda parumaen atap hela na toruh maruhur.

7. Gabe Panondang Janah Patandahaon Hasintongan ni Kristus Hubani Simatua

Iatasni haganupan motivasi terbesar bani na mangkaholongi simatua porlu tumang do ase simatua dihut parsimada bani haluahon, halani ai porlu do hita padashon hatani Tuhan hubani. Bani Matius 5:16” Sonaima ma marsinalsal panondang nima ilobeini halak ase iidah horjanima na dear in ase ipuji sidea Bapanima na i nagori atas in.” Sonaha patandahon atap padashon hatani Tuhan aima marhitei gabe sitiruon rumah tangganta, sondang ni Kristus akan nyata saat saling marsihaholongan na saparangguan. Mendidik niombah ibagas holong, marhitei ai taridah ma sonaha hatani Naibata iparaktekhon bani kehidupan ijaima isuanhon parumaen sonai hela hatani Tuhan bani atei-ateini simatua.

PANGUJUNGNI

Sonaima pendekatan pastoral na binahenni pasutri (hela/parumaen) laho membangun hubungan na dohor pakon na dear hubani simatua agepe sebagai simatua pe adong do homa pendekatan pastoral hubani hela atap parumaen ase boi sada frekwensi. Hubungan na dear pakon na dohor antara pasutri pakon simatua sangat berpengaruh bani hagoluhan janah mamboan hadoharon janah marhadoharon bani goluh on. (bgs/hks)

Pdt. Renni H. Damanik S.Th, MSi (Praeses GKPS Distrik V)