Renungan Mingguan/PA Seksi Bapa GKPS, 9 Juni 2024 (2 Set. Trinitatis)
Nas : Ulangan 6:4-9
Usul Doding : Haleluya No. 205:1-2
Tema : Mengajarkan Firman Tuhan kepada Anak-anak
Tujuan : Agar Kaum Bapak Aktif dalam Mengajarkan Firman Tuhan kepada Generasi Muda
Keluarga aima lembaga sitorasan na itandai jolma. Keluarga ma na paling parlobei adong humbani haganup lembaga na adong, misalni gareja, sikolah, pemerintahan pakon na legan. Janah humbani mungkah ni itompa Naibata do keluarga na gabe ianan ni jolma in marbanggal magodang ibagas parangkulaon sonai homa age partonduyon. Tapi, adong do istilah i Amerika na manghatahon sonon: Rumah dulu adalah “tempat di mana kamu menggantung topi.” Sekarang telah menjadi “tempat di mana kamu menggantung kepala”. Artini nuan on domma dong bahat tumang kemerosotan bani jolma bani na memaknai rumah atap keluarga. Pesta seks, pesta minuman, pertukaran pasangan, dan sarang poker semua telah pindah dari bar dan rumah bordil, dan sekarang ditemukan di rumah-rumah di Amerika. Rumah domma ipakei gabe ianan manghorjahon hajahaton. Halani ai do ase marhitei nas ni renungan banta sadari on iarahkon do hita laho mangidah sada masalah na banggal na sedang mengancam pargoluhan ni keluarga-keluarga atap mungkin domma bahat homa na domma terjadi, aima rumah atap keluarga na lang gabe tempat na aman janah lang gabe ianan marbanggal magodang ibagas haporsayaon age pardagingon.
Nasiam seksi bapa GKPS, nuan ra do satuju hita bahasa moral pe domma lambin menurun. Domma lambin buei na lang manghaporsayai Tuhan bani goluhni, adong do na isobut atheis, aima na lang manghaporsayai bahasa adong Tuhan, adong do homa na porsaya adong Tuhan, tapi lang markuasa be bani nuan on, adong do homa na mangakui bahasa adong do Tuhan janah markuasa do, tapi adong ketidakpedulian apalagi manganggap diri poso ope janah boi ope maruhur-uhur na manggoluh on halani dokah nari matei halani poso ope, adong do na lang parduli homa bani paraturan. Sibolis memang melakukan serangan besar-besaran hubani keluarga-keluarga, na mambahen keluarga gabe borgoh, lang adong nuansa kehangatan, sehingga lambin buei ni ma niombah na mencari kehangatan i luar ni rumah, bani pergaulan na lang margagan pakon barang terlarang. Ibotoh sibolis do, lambin buei keluarga na hancur, dunia on pe lambin podas ma hancur, anggo lambin buei niombah hancur, generasi mendatang pe urah ma hancur.
Halani ai do ase marhitei nas ni renungan mingguan/PA bani panorang on ipagolpa do use hubanta ase, na parlobei, menyadari dengan sesadar-sadarnya pasal keberadaan ni Tuhan, Ia do sitangihononkon, halani Ia dassa Jahowa, lang adong na legan. Ia do sitompa hita age langit pakon tanoh on sonai homa age sitompa hita, lanjar Ia do homa na manghaholongi hita. Domma pala matei Tuhan Jesus Kristus manghopkop hita halani holong-Ni na banggal tumang in. Ibagas holong-Ni ai, roh ma hita hubani, balosi hita ma holong ni Tuhan ai marhitei na manghaholongi Naibata Jahowanta ai. Janah isobut do ijon “humbani sagala uhurmu pakon humbani sagala tonduymu pakon humbani sagala gogohmu”. Humbani sagala uhur, tonduy pakon gogoh artini humbani goluhta secara keseluruhan, haganup terintegrasi, uhur ta manghaholongi-Si, horjanta manghorjahon hata-Ni, janah ihorjahon hita ma ai humbani bois ni gogoh janah ai ma ibahen hita na paling utama bani goluh on. Nasiam seksi bapa GKPS, anggo harga do banta Tuhan ai, janah anggo holong do uhurta bani, tontu lang kaboratan hita mambahen malas uhur-Ni. Holong na domma iuseihon Tuhan ai banta ma na gabe onjolan banta laho manghaholongi-Si use.
Dob ai, maningon do iparambagaskon hata ai irik iajarhon hubani anakta. Selanjutni ihatahon bani ayat 7: “Anjaha maningon gogohanmu do mangajarhon in hubani anakmu, anjaha sahapkononmu do in, sanggah hundul-hundul ham ibagas rumahmu, barang sanggah i pardalanan ham, barang sanggah laho modom ham, barang dob puho ham.” Ihatahon ijai, “maningon gogohanmu do mangajarhon”. Mangajari niombah pasal hata ni Tuhan maningon ihorjahon ibagas na serius halani serius do homa serangan humbani sibolis laho menghancurkan generasi ni gareja. Sibolis marbois gogoh menghancurkan, hita pe maningon marbois gogoh menangkal ai. Lang boi soh-soh atap sip-sip tumang hita mangidah-idah horja ni sibolis. Nasiam seksi bapa GKPS, maningon aktif do bapa mamodahkon hata ni Tuhan hubani niombah ni janah irik hujai gabe sitiruan ma tongon bapa bani Niombahni, tarlobih ma ai pasal hata ni Naibata. Keseriusan janah kesungguh-sungguhan pasal na mangajarhon hata ni Naibata ai hubani niombah ihatahon marhitei hata sanggah hundul-hundul ibagas rumah, sanggah i pardalanan, sanggah modom pakon sanggah puho. Piga-piga hata ai marmaksud laho patorangkon intensitas. Jadi maningon iseriusi. Hata ni Naibata on ma homa na pasingathon seksi bapa GKPS ase sintong-sintong menyadari bahwa tanggung jawabni bapa do laho mangajari bani hata ni Tuhan, pasikolahkon, pasungkuphon marhitei sipanganon age siinumon, age mangajari pasal moral na maronjolan bani hata ni Tuhan. Nasiam seksi bapa GKPS, adong do sumber na ibasa hanami na manghatahon bahasa Indonesia aima negara ranking 3 di dunia sebagai negara Fatherless. Fatherless artini hilangnya sosok ayah dalam pengasuhan dan tumbuh kembang anak. Mungkin konsep na salah bahasa adong pembagian peran: bapa mansari, inang mangajari niombah domma berakar cukup kuat bani pemikiran ni jolma. Padahal ai aima konsep na salah. Kehadiran ni bapa bani na mangajari niombah sarupa do penting ni pakon kehadiran ni inang. Anggo magou ma salah sada pangajarion (boi humbani bapa atap humbani inang), boi do gabe adong ma ketimpangan perkembangan psikologis anak. Halani ai do ase ipasingat hata ni Tuhan on do bapa GKPS ase menyadari pentingni pangajarion na dapot niombah humbani bapa. Apalagi zaman sondahan on, ninuhur bani konteks ta warga GKPS, lang piga be inang na pitah sebagai ibu rumah tangga tumang, tapi domma bueinan na dihut doma mansari. Tontu keadaan on ra do mambahen niombah lang dapot ajar humbani orangtua ni halani kesibukan ni orangtuani.
Nasiam seksi bapa GKPS, dingat ham mangajarhon hata ni Naibata hubani Niombahmu, tanggungjawabmu do ai. Anak lang ongga mangindo itubuhkon, na mambahen keputusan ase marniombah aima orangtuani janah orangtuani on aima bapa pakon inang. Halani ai, tanggungjawabi hita ma keputusan pakon horja na domma ibahen hita marhitei na pasungkuphon haganup haporluan ni niombah, pardagingon age partonduyon. Amen.
