Renungan Mingguan Bapa/PA GKPS, 14 Juli 2024 (7 Set. Trinitatis)
Nas: Roma 15:1-3
Usul Doding: Haleluya No. 128:1,2,6
Tema: Pemimpin, Penopang bagi yang Lemah
Tujuan: Agar Kaum Bapak Proaktif menjadi Pemimpin yang Peduli pada Kaum yang Lemah
MARPANGANJU JANAH PAULI-ULIHON
Tim Penulis
Horas ma hubani nasiam seksi Bapa GKPS!
Dob honsi madabuh jolma in hubagas dousa, secara natur do jolma in memiliki sikap ingin mengejar pakon mendahulukan kepentingannya sendiri dibandingkan kepentingan orang lain. Ase, lang pala porlu ajarhonon hubani sahalak dakdaknak ase ia mementingkan diri sendiri i atas kepentingan orang lain halani secara natur pangkorhon dousa ai, jolma domma mementingkan diri sendiri. Ase gati do ididah hita anak-anak marsurai guro-guro das hubani na martinggil. Ai ganup halani haganup sidea sihol palobeihon dirini sandiri bahkan mambangkuhon parbagianan ni halak. Halani ai, bani panorang on sihol lobei hita marlajar pasal mamparnalang diri, palobeihon hasoman marimbang diri sandiri. Jesus mangajarhon bahasa mamparnalang diri aima dalan hubani malas ni uhur na botul. Ia manghatahon hubani susian-Ni: “Jadi nini Jesus ma dompak susian-Ni, “Barang ise na sihol mangirikkon Ahu, iparnalang ma dirini, iporsan ma silangni, anjaha iirikkon ma Ahu! Ai barang ise na sihol manramotkon hosahni, na mangagouhon do ai, tapi barang ise na agouan hosah halani Ahu, ai do na jumpahan”. (Mat. 16:24-25). Dalan hubani malas ni uhur na botul janah manongtong aima Jesus, aima marhitei na mamparnalang diri.
Irik hujai bani teks ta on, iajarhon do homa hubanta pasal sonaha na margogoh in patut marpanganju hubani hagalekon ni na hurang gogoh (ayt. 1). Konteks ni bani panorang ai aima: domma iajarhon sesuai hubani iman Kristen lang marhawajiban be hita menjaga secara ketat pasal paraturan ari sabat halani Kristus domma menyempurnakan hari sabat, lang salah minum anggur asal ma ulang sampai tenggen pakon hal-hal na legan na marpardomuan hubani paraturan-paraturan hajahudion na legan na lang iporluhon be sebagai halak siirikkon Kristus. Tapi, adong do humbani humpulan ni sidea ai na marlatar belakang halak Jahudi na galek ope haporsayaonni, na mungkin targanggu anggo sidea marpambahenan i darat ni hasomalan agepe sesuai hubani iman Kristen. Boi sobuton nami contoh bani konteksta nuan on sonon: bani piga-piga kuria GKPS, adong do na gabe sihataon janah mambahen kekacauan anggo pala ma marsaluar sahalak inang atap marbaju kaus-kaus sahalak bapa hu parmingguan. Dob ai adong do homa hasomalan bani sada-sada kuria na manganggap na lansei do sasahalak anggo lang marbaju dabbal (Jas) sahalak parambilan partonggoan. Ase marpala-pala do siparambilan ai marbaju jas agepe cuaca milas tumang bahkan sampai turak-turak hadogas songon na marhorja i juma. Mangirikkon contoh ai, lang salah namin anggo pitah markemeja parambilan, tapi anggo gabe lutu ma partonggoan ai, lang konsentrasi be kuria ai hubani ambilan ai janah gabe lalap ma pingkiran ni kuria ai hubani kemeja ni parambilan ai, maka bijaksan an ma parambilan memilih untuk turak-turak hadogas sanggah marambilan ai marimbang anggo pitah markemeja ia gabe lutu partonggoan ai. Sahali nari, lang salah anggo pitah markemeja, tapi, sesuai hubani hasomalan na dong bani sada-sada huta atap budaya na dong, lang somal sonai janah mambahen targanggu panonggor ni simbuei halani ianggap lang sopan. Jadi, agepe lang salah misalni marsaluar sahalak inang hu parmingguan, tapi anggo gabe targanggu ma haporsayaon ni halak halani ai janah gabe guntar ma parmingguan halani ai, tontu lang sihorjahonon ai agepe atas dasar hamardekaon. Ulang ma hamardekaonta sebagai halak Kristen gabe batu partolsuan bani hasoman. Ai ma contoh na sihol sobuton pasal on sesuai hubani piga-piga konteks na dong sekitar GKPS on.
Irik hujai, ai do na sihol iajarhon Paulus homa hubanta, nini do bani ayat 1 ai: ulang ma rosuhta sandiri pindahi hita. Irik bani ayat 2 ihatahon: “Ganup ma hita mambahen rosuhni uhurni hasoman, gabe hadearonni, laho pauli-ulihonsi”. Haganup halak na ija dalam hal on bapa martanggungjawab mamparnalang dirini, manghorjahon rosuh ni uhurni hasomanni, parinangonni, niombahni pakon na legan, tujuanni aima “pauli-ulihonsi” sedo paturut-turuthon atap pamanja-manjahon tapi pauli-ulihon. Ase sahalak bapa maningon songon si Salomo na mangindo habotohon pakon hapentaron na humbani Tuhan sedo arta pakon kekuasaan. Habotohon na humbani Tuhan ai ma na ipakei laho mamparnalang diri demi kepentingan keluarga pakon kuria in. Ise ma na gabe usihan ni bapa dalam hal mamparnalang diri? Bani ayat 3 bahan renunganta on manghatahon: “Ai Kristus pe seng rosuh-Ni sandiri ipindahi, songon na tarsurat in, “Risa-risani na manrisai Ham mangonai do hu Bangku!””. Anggo adong sahalak bapa na mementingkan kepentingan Tuhan, keluarga, Kuria i atas kepentingan dirini sandiri, sasintongni na sanggah maniru Jesus do ia ai. Sanggah iparnalang bapa dirini, kadang ianggap do ia oto, tapi lang mahua anggo halani ai gabe tarpauli-uli ma keluarga ai. Manghorjahon na madear gati do hona hita lang hona pujian, tapi lang mundur humbani na manghorjahonna madear aima homa igoran pengorbanan. Anggo mambahen na madear ipuji, biasa-biasa do ai, tapi anggo mambahen na madear, hona hata tapi lang surut humbani na manghorjahon na madear ai, aima na luar biasa na maningon horjanononta selaku siirikkon Jesus.
Sadalan hubani na iatas ai, anggo adong ma na manghata ham halani pambahenanmu na madear, sesuai hubani nas renungan on, sidea ai aima na galek haporsayaonni, halani ai marpanganju ma ham bani hagalekon ni ai. Sidea na manghata bahkan memfitnah ham halani pambahenanmu na madear sedo halak na stabil ope haporsayaonni. Pangarusion sisonon porlu tumang adong bani halak na porsaya in tarlobih ma ai sahalak bapa. Ulang ma iagan ham sidea na lang mangarusi maksudmu na madear ai sebagai halak na gogoh, tapi na galek do sidea na porlu tumang pauli-ulionmu. Pemahaman ai mambahen hita sabar bani namanganju-anju ia. Contohni aima, sanggah na ilarang ham niombahmu na remaja manginsop, boi do ia lang marosuh mangidah ham, boi do ia marah bahkan menganggap bahasa lang holong uhurmu bani. Apalagi buei ope larangan-larangan pakon paraturan-paraturan na itotaphon nasiam sebagai orangtua ibagas rumah nasiam bei, misalni mulak hu rumah sidokahan jam 10 malam, TV boi manggoluh 2 jam sadari, boi manjolom HP pitah 1 jam sadari pakon paraturan-paraturan na legan. Ra, sogam do uhurni niombah nasiam mangidah nasiam halani larangan-larangan pakon paraturan-paraturan ai. Tapi halani ibotoh nasiam sebagai orangtua do bahasa sogam ni uhurni sidea halani hurang ni pambotoh ni sidea, marpanganju do nasiam bani sogam ni uhur ni niombah ai mangidah nasiam. Lang homa mintor sogam homa uhur nasiam sebagai orangtua mangidah niombah na hurang pambotoh ai ope, atap gabe sebebas-bebas ni ma niombah ai marparlahou ase ulang sogam uhurni mangidah nasiam orangtuani. Aima na pauli-ulihon. Na ipauli gati lang terima, tapi ianju-anju do sidea ibagas holong ibagas pendampingan ibagas proses ai, halani bani panorangni mangarusi do niombah ai, bahasa na madear do na ihorjahon orangtuani bani, agepe lang marosuh niombah ai ibahen sonai apalagi sidea bani panorang mental na labil ope (anak-anak das hubani remaja).
Halani ai, Tuhan Jesus Kristus ma bahen hita gabe siusihan banta ase boi hita gabe parhaporsayaon na toguh, na sanggup manganju parhaporsayaon na galek ase torus ipauli-uli haporsayaon ni sidea, Tuhanta Naibata Bapa in, pakon Tuhan Jesus Kristus Anak-Ni in, ronsi Tonduy Napansing ma na manghasomani nasiam seksi Bapa GKPS. Amen.
