Nas : Yesaya 32: 17 – 20
Usul Doding : Haleluya No. 497:1-2
Tema : Kebenaran Memancarkan Kedamaian
Tujuan : Agar kaum bapak memahami bahwa hidup dalam kebanaran akan membawa kedamaian dan ketentraman dalam hidup
Syalom ma hubanta haganupan bapa…..
Nasiam bapa haganupan, ise hita on na lang ongga manghorjahon nalepak? Tontu lang adong tene, halani lang adong hita on na sempurna. Haganupan do hita on ongga be marsalah/melakukan kesalahan. Na gabe persoalan aima, sonaha do hita dob manghorjahon na salah ai. Ra do hita mangaku salah atap totap do hita manggoluh ibagas na salah marhitei na mamonopkon kesalahan ai, atap mabiar do hita mangaku salah? Adong do pepatah namanghatahon “Berani karena benar, takut karena salah”. Humbani pepatah on, boi hita manghatahon “Berani karena benar” naimaksud ijon akan timbul keberanian pada seseorang apabila tidak berbuat kesalahan maka jangan takut atau lari dari masalah. Sedangkan “Takut karena salah” adalah akan timbul rasa takut apabila melakukan kesalahan, adong do homa istilah ni hita halak Simalungun, HABONARON DO BONA.
Hita haganupan nahinarga ni Tuhanta Jesus Kristus, bani ambilan on tangkas do ipatugah pasal “Raja na adil”. Adil aima lang memihak, lang borat sambolah, dos parbagianan. Keadilan on ihaporluhon tumang do bani goluh on, itongah-tongahni keluarga, hasoman, niombah, orang tua, pakon bani hal nalegan pe totap do adil on ihaporluhon. Janah bani teks ni ambilan on, Raja na Adil ai aima Jesus Kritus, marhitei keadilan ni Jesus ai do homa na boi hita mangidah haganupan aha na masa bani pardalanan ni goluhta.
Sebagai halak na porsaya, hita manggoluh tontu lang bani konsep damei menurut dunia, agepe hita manggoluh ibagas dunia, tapi hita manggoluh ibagas damei na humbani Kristus, halani hita porsaya hubani Kristus. Sonaha ma gatni konsep damei menurut dunia on? Boi do ibahen hita sada contoh, sanggah adong persoalan na idompakkon ham, lutu ma pingkiranmu, songon na lang adong be semangat bani goluhmu, roh ma hasomanmu misalni mangarahkon ase laho minum hu kodei tuak, atap mangarahkon marbuali i kodei irik marsatur, sanggah namanghorjahon ai, boi do magou pangahap haganupan persoaloan ai, damei ibagas uhur halani pajumpah pakon marbuali bani hasoman. Tapi dob mulak hunjai, totap do adong ibagas uhur na damei ai? Atap lutu do use, halani martambah use beban pingkiran atap sipinghirhonon. Hita haganupan, sonai ma damei na i dunia on, bersifat sementara atap parsatongkinan/sesaat. Sonaha do homa damei ibagas Kristus? Na imaksud ijon aima, sonaha pe borat ni sipingkirhonon, ra hita mangaduhon hubani Tuhan in, halani riap do hita ibagas Tuhan mambahen damei uhurta. Porini sonaha pe banggal ni persoalan, borat ni sitaronon, mangadu hubani Tuhan, lumbang do uhur pakon pingkiran, mambahen damei pangahap.
Nasiam na hinaholongan, bani panorang Nabi Jesaya, nasib bangsa Israel sasintongni iujung tanduk atap boi hatahonon narus-narus matei. Sidea terancam ibuang halani dousa pakon panlanggaron ni sidea, gati tumang ma sidea lupa hubani Tuhan janah manulak Tuhan bani goluhni. Boi hatahonon songon gambaran on ma sidea: Ikan Mas koki aima sada jenis ikan na buei tumang ipelihara jolma. Ikan on pe terkenal do tumang ikan na marosuh tumang mangan. Menurut cerita na beredar, ikan on torus mangan sedo halani loheian, tapi halani na urah tumang do ia lupa, boi hatahonon parlupa bahwasani ia baru ope mangan. Porini adong ma sonon bani dirini jolma, bahaya tumang ma tene, lupa homa hita na domma mangan atap lang. Halani ikan mas koki ai punya daya ingat sekitar 3 – 5 detik, halani ai boi do ikan ai matei halani lalap mangan. Ase bangsa Israel ai ulang sompat lupa hubani Tuhan. Bani situasi na songon ai do, ase Jesaya iutus hutongah-tongahni bangsa ai laho padaskon hata-Ni. Bangsa Israel porlu pasirsir diri, sonai homa do age nasiam bapa pe porlu pasirsir diri marhitei na mananda Tuhan bani goluh on.
Ayat 17: “Buah ni hapintoron aima damei, anjaha panghorhon ni habonaron aima hasonangan ampa haatokon ronsi sadokahni dokahni”. Humbani ayat on sihol patugahkon, damei, uhur na tenang, janah na daulat adong ma ai bani dirini sasahalak jolma anggo manggoluh ibagas hasintongan, artini sadokah hita manggoluh ibagas hasintongan, uhur na damei gabe parbagianan ni goluhta. Marosuh do ham uhurmu ibagas na damei? Anggo marosuh, manggoluh ma hita ibagas hasintongan.
Damei on sedo sesuatu hal na i luar ni dirinta na mempengaruhi hubagas dirinta, tapi damei ai aima sada hal na adong bani dirinta na boi patugahkon/memancar na gogoh tumang kaluar humbani dirinta. Aima damei na humbani Kristus, songon naisobut bani Kolose 3: 15 “Anjaha damei ni Kristus ma manrajai ibagas uhur nasiam, ai hujin do nasiam tardilo gabe sada angkula, gabe sipartarima kasihma nasiam”. Sanggah damei ni Kristus manrajai ibagas uhurni sasada halak, keinginan duniawi ni pasti matei, halani bani dirini domma adong pemikiran ibagas Kristus lobih humbani sungkup, artini lang adong na hurang anggo domma ibagas Kristus. Hal na songon on ipatugah Paulus do homa bani Filipi 3: 7-8 “ Tapi paruntungan hinan pe bangku, harugian do in huhira halani Kristus, tongon haganup do harugian huhira marimbang hamuliaonni panandaion bani Kristus Jesus, Tuhankin. Marhalani-Si harugion do bangku ganupan ai, anjaha tompoh-tompoh do ai huhira, ase bangku Kristus. Humbani ayat on, Paulus manghatahon, maruntung tumang do pangahapni ibagas Kristus, hauntungon on marhitei adong uhur na damei agepe buei tumang hamaholon naijumpahkonni.
Nasiam bapa na hinaholongan, adong do masa sulit/susah na porlu iahapkon hita halani parlahounta sandiri marhitei na manghorjahon na lepak/kesalahan, sedo na berarti Tuhan bertindak kejam hubanta. Ibotoh hita, Naibata na gok holong. Ai gati do hita sanggah ibagas keterpurukan, selalu menyalahkan orang lain bahkan menyalahkan Tuhan. Tapi marhitei ayat on, Tuhan pasingatkon Israel porluni tumang do mulak hubani hasintongan ni Naibata. Ipaingat do homa age das hubanta haganupan, ase mulak hita hubani hasintongan ni Naibata. Hasintongan ni Naibata aima na manghorhon damei, tenang pakon malas niuhur.
Janah ipatorang do homa bani ayat namangihut sonaha keadaan ni bangsa ai na mardalan janah manggoluh ibagas hasintongan ni Naibata. Mariananma bangsangku bani ianan hadameion, bani ianan na sonang ampa ianan parsaranan na minop, janah martuah ma ganup nasiam na boi martidah ilambungni bah mardalan, anjaha na boi palopaskon mardalani lombu ampa halodei. Humbani situasi on jelas do sonaha do halak na manggoluh ibagas hasintongan ni Naibata. Sedo gabe harugion bani halak na manggoluh ibagas hasintongan ni Naibata tapi gabe manjumpahkon hauntungan na banggal do bani halak na manggoluh ibagas hasintongan in. Halani ai hape, seng dong alasan banta untuk tidak hidup di dalam kebenaran Tuhan. Halani Jesus pe manghatahon, Ahu do dalan, hagoluhan pakon hasintongan. Ase manggoluh ma hita ibagas hasintongan in, ulang marayoh mandalankon hasintongan, janah ulang ma hita mabiar patugahkon hasintongan in. Berani karena benar, takut karena salah. Ase on ma na gabe siparayakonta bani goluh on, horjahon hita ma hasintongan tundalhon hita ma na lang sintong, ase tubuh keadilan bani goluhta on halani hasintongan ni Tuhan in do hataridahan ni KEADILAN ai.
Pesan ni ambilan on, marosuh tumang do Tuhan ai ase hita pe mulak hubani hasintongan ni Naibata. Sadokah on, anggo gati hita manlupahon prinsip ni hatani Tuhan, ase mulak ma hita huBani. Ulang mandaoh humbani hasintongan ni Tuhan, tapi totap ma manggoluh ibagas hasintongan-Ni. Ulang ipaturut hita dirinta ikuasai uhurni dunia on, pori adong persoalanmu hubani Tuhan ma ham roh ulang hubani nalegan, halani parsatongkinan do nalegan ai, tapi hubani Tuhan hotdo ronsi sdaokahni-dokahni. Ulang songon kisah ni Ikan Mas koki, mate halani gati lupa diri/lupa ingatan. Tapi manggoluh ma hita marhitei na totap mananda Tuhan, dohor huBani janah manghorjahon aha na gabe harosuh-Ni. Ase gabe Bapa na totap manggoluh 8ibagas hasintongan janah totap mangajarhon hasintongan in bani namandalani goluh on. Amen.
