TATA IBADAH MINGGU SAHABAT KHUSUS GKPS (BAHASA SIMALUNGUN)

dOWNOALD =https://gkps.or.id/wp-content/uploads/2024/08/Tata-Ibadah-Minggu-Sahabat-Khusus-Tahun-2024-bahasa-simalungun.pdf   TATA IBADAH MINGGU SAHABAT KHUSUS GKPS (NAMABALU, NA MATUA, NATADING MAETEK, PAKON DIFABEL) Minggu XII Dob Trinitatis, 18 Agustus 2024                                 TEMA: HASADAON PAKON PANGIDANGION NA MARBUAH (KOLOSSE 1:10)   SUB TEMA: Pataridahkon Hita ma Hasirsironta Pasaudkon Hadoharon pakon Hadameion i Tongah-tongah ni Masyarakat ampa Negara Maronjolan bani Hapintoron ampa Hasintongan (Jeremia 29:7; 33:6; Rom 13:3; Titus 3:1)    

1. PERSIAPAN

• Penjelasan Tata Ibadah
• Martonggo i Konsistori
• Barisan Prosesi (Jongjong Kuria)

Doding: Haleluya. No. 302: 1-2

1. Puji hita Naibatanta, puji hita Anak-Niin,

Puji hita ge Tonduy-Ni Sitolu Sada do in Haleluya, Haleluya, Sitolu Sada do in  

2. Puji hita Raja surga, Tuhan ni manisia

Puji hita Raja ‘Greja, bai ganup dunia on Haleluya, Haleluya, bai ganup dunia on  

1. KEBAKTIAN
2. VOTUM – INTROITUS – TONGGO
3. Ibagas Goran ni Naibata Bapa pakon Tuhan Jesus Kristus ampa Tonduy Na Pansing, Sitompa langit pakon tanoh on.
4. Amen.
5. P. Pujionku do Jahowa humbani gok ni uhurhu, i lolouan ni halak parpintor ampa bani partumpuan.
6. Hamuliaon pakon hasangapon do pambahenan-Ni, anjaha hapintoron-Ni totap do ronsi sadokah ni dokahni.
7. Ipajongjong do pardingatan bani halongangan-Ni; paridop ni uhur anjaha pardear layak do Jahowa.
8. Ibere do sipanganon bani na mangkabiari-Si, idingat do padan na binahen-Ni ronsi sadokah ni dokahni.
9. Hagogohan ni pambahenan-Ni ipatugah do bani bangsa-Ni, marhitei na mambere bani sidea pusaka ni sipajuh begu-begu.
10. K. Hasintongan pakon hapintoron do pambahenan ni tangan-Ni, tarhatengerhon do sagala titah-Ni; totap do ai ronsi sadokah ni dokahni, sidalankonon ibagas hasintongan ampa hapintoron.
11. Biar mangidah Jahowa do parmulaan ni hauhuron, dapotan pangarusion na madear do sagala na mandalankonsi; totap do barita-Ni ronsi sadokah ni dokahni. Haleluya, Haleluya, Haleluya!
12. (Mandodingkon) Haleluya, Haleluya, Haleluya.
13. Martonggo ma hita!

            Ham Tuhan Naibata, simada hasintongan. Pujion nami do goran-Mu sadokah manggoluh hanami i tanoh on. Halani ai sai torangi Ham ma tongtong uhur nami  marhitei kuasani Tonduy-Mu. Ipasada Ham do  nuan kuria-Mu bani Minggu Sahabat Khusus GKPS sadari on, na patangkashon bannami holong ampa idopni uhur-Mu na manongtong in.   Iparmudu-mudu Ham do hanami ganup, age pe marlegan-legan. Sonai homa na matorasnami, tongtong igomgomi Ham do, ronsi na matua sidea. Iramothon Ham do na mabalu ase  margogoh sidea mansarihon pakon mandalani pargoluhan siganup ari. Sonai haganup na tading maetek na so marinang, na so marbapa, ibere Ham do hajorgiton ampa gogoh mandompakkon buei ni tantangan bani goluh ni sidea. Ronsi na difabel lang hatadingan bani panramotion-Mu, ipataridahkon Ham do bani sidea banggal ni kuasa  hasangapon-Mu na so tardou-dou hanami. Haganup do hanami maharga i lobei-lobei-Mu. Tatap Ham hanami na martumpu on, ase gok ibagas pangarapan hanami janah margogoh mandompakkon bagei ni hamaholon na masa sondahan on. Jalo Ham ma pamujionnami on, ibagas Kristus Jesus Tuhan nami. Amen                                                                                     (Hundul Kuria)

2. DODING: HALELUYA NO. 304: 1-2.
3. Sada goran na majenges humbai ganup goran in Goran ni Tuhanta Jesus in do sijengesan in Goran-Mu o Tuhan sai dodingkononku in Goran-Mu Jesuskin na pamalum uhurhin

 

2. Sai dodingkon ma Goran-Ni, laho manaksihon in Paima das hita hu surga, lao manombah Tuhan in Goran-Mu, o Tuhan sai dodingkononku in Goran-Mu, Jesuskin na pamalum uhurhin

 

3. HASASAPAN NI DOUSA
4. Riap ma hita jongjong.

Martonggo ma hita, roh ma hita hulobei ni Tuhan ibagas toruh ampa unduk ni uhur mansopotkon dousa ampa panlanggaronta. Ham ale Tuhan, bani parsaorannami i tongah-tongah ni kuria-Mu, gati do hanami lang mampardiateihon goluh ni bapa-inang na mabalu, na tading maetek, na lansia, pakon na difabel. Halani ai bani panorang on ibagas unduk ampa borsih ni uhur mangaku do hanami i lobei-lobei-Mu. Sai marpangulaki ma uhur-Mu mangidah hanami. Ihaporsayai hanami do Tuhan, i rumah-Mu on aima ianan nami marparsaoran irik marondos bani buei ni hahurangannami. Age pe idompakhon hanami pargoluhan na borat tapi porsaya do hanami Ham do manramotkon hasomannami na mabalu, na lansia, na tading maetek pakon na difabel. Marpanganju ma Ham ale Tuhan sasap Ham dousanamina banggal in.

1. Mandodingkon Haleluya No.355:1

Ilobei-Mu o Jesus, talar do hagoluhankin                Mangarap holong atei-Mu, ilobei-Mu o Jesus

1. Ham ale Tuhan, roh hanami hu rumah panumbahan-Mu. Ham do sipangapiti bannami janah Ham do bona ni pangarapan hubani na mabalu, na tading maetek, na lansia pakon na difabel. Hasusahannami pe domma ibotoh Ham Tuhan, sasap Ham ma dousanami anggo ibagas buei ni hamaholan ni goluh on gati hanami manlembang humbani dalan-Mu. I tongah-tongah ni hasadaonnami on, riap do hanami pakon sidea na mabalu, na tading maetek, na lansia, pakon na difabel. Tarima kasih Tuhan bani parmudu-mudu-Mu bani sidea. Sasap Ham dousanami Tuhan, anggo gati lansei hanami mangidah sidea, janah lang manghargahon perjuangan ni goluh laho mandompakhon bueini tantangan bani goluh ni sidea. Gati do lang iurupi hanami sidea bani hahuranganni…
2. (Mandodingkon Haleluya No.355:2)

Hulobei-Mu o Jesus roh au na sombuh na doyuk                Mamorsan dousa na borat, hu lobei-Mu o Jesus

1. Ham Tuhan, sasap Ham ma dousa nami janah urupi Ham ma hanami laho padearhon parlahounami na hurang dear in. Urupi Ham ma hanami ase boi hanami pataridahkon parlahou pakon parsaoran na dear hubani hasomannami tarlobih hubani na mabalu, na lansia, na tading maetek pakon na difabel na riap pakon hanami. Ham Tuhan marpangulaki ma uhurmu mangidah hanami….
2. Mandodingkon Haleluya No.497:1

Holong ni Jesus manggomgom ganup Kuria                                    Na patotapkon hasadaonta in                                    Damei-Ni in ma manrahut paruhuranta,Idop  uhurNi  batar-batarta in.                                       Damei-Ni in ma manrahut paruhuranta,Idop  uhurNi  batar-batarta in.

1. Tangar anjaha haporsayai hita ma Hatani Naibata, bagah-bagah pasal hasasapan ni dousa, “Mangkopkop haganup do Ia matei, ase ulang manggoluh bani dirini bei na manggoluh in, tapi ase manggoluh sidea Bani, na dob matei anjaha mulak manggoluh mangkopkop sidea” (2 Korint 5:15)                  

Ibagas holong ni Naibata, domma isasap haganup dousanta. Halani ai, pataridah hita ma tanda-tanda ni pargoluhon na bayu. Hasangaponma bani Naibata i babou. P+K.      Amen.                                                                        (Hundul Kuria)  

4. DODING: HALELUYA NO. 352:1+4
5. Ai halongangan do hape, holong ni Tuhan in

Itobus Kristus au hape pardousa na doyuk. Tapi hubotoh janah porsaya, bani gogoh-Ni pakon kuasa-Ni, Ai iparorot do tong goluhku, das bai parujungan in.                            

4. Ganupan pardalanankin, rusia do tongtong,

            Paima jumpah ajalhin, mangidah bohi-Mu.             Tapi hubotoh janah porsaya, bani gogoh-Ni pakon kuasa-Ni,            Ai iparorot do tong goluhku, das bai parujungan in.  

5. HATA HAPORSAYAON
6. Riap ma hita jongjong!

Saksihon hita ma haporsayaonta in, songon na sinaksihon ni haganup halak na porsaya bani sab tanoh on! P.+K.        Ahu porsaya bani Naibata Bapa .......... Amen.                                                                                     (Hundul Kuria)  

6. ACARA KHUSUS

• Manaksihon/mambasahon Tonah ni Pimpinan Sinode GKPS
• Galangan Pujian
• Aksi Diakonia
• Tingting Kuria
• Tonggo Pangapition

     

7. DODING: EL SHADDAI

  Lang be au mabiar, ijaga Ham do au Lang be ahu sangsi, ai Jesus rapkon au Lang be au holsohan, iapoh Ham do au Lang be ahu gobir, igomgom Ham do au   El Shaddai, El Shaddai, parkuasa na gogoh Sangap do, sangap do, sangap do Ham Tuhan El Shaddai, El Shaddai, parkuasa na gogoh Layak do Ham Tuhan, El Shaddai  

8. AMBILAN: Podah 9:1-6

 

9. GALANGAN

Parambilan      :  Paima iondoskon hita galanganta, tangar hita ma lobei hata ni Naibata na gabe onjolan banta laho manggalang, aima na tarsurat bani 2 Korint 9:7 “Ganup ma jinuljul ni uhurni, ulang ma humbani borat ni uhur atap halani paksa, ai ihaholongi Naibata do halak na malas uhur mambere.”                            Sonari ondoskon hita ma galanganta!   Kuria             :    (Mandodingkon “Galangan”) Roh hita sonari hu lobeiNi Tuhanta, Laho manggalang, galangan malas uhur Dear ondoskon ham bani malasni uhur Martarima kasih hu lobei-lobeiNi Ai pasu-pasuni buei tumang ijalo hita, ale...   Tong dingat ma hita,    ganupan na dong banta Ronsi goluhta, pasu-pasuNi Tuhan Ai idopni uhurNi do manobus hita, bai hayu parsilang na gabe galangan Sai dingat ma hita bani holongNi Tuhan in, ale...   Parsahap na pantun in do na gabe galanganta, parlahou na talup sonai pangabak si pujion Goluh na ondos in do galangan na maharga, Dear ma boan hita bai Tuhan, Naibatanta! On ma galangan nami, ondos ma Bamu Rap ampakkon goluh nami, ondos ma Bamu  

10. TONGGO GALANGAN

Parambilan        :    Riap ma hita jongjong!                            Martonggo ma hita mangondoskon galanganta             hubani Naibata!    Ham Tuhan Naibata, simada hanami pakon haganup golunami. Tarima kasih ma hatahononnami hu Bamu, halani iparmudu-mudu, iparorot janah ipasu-pasu Ham do goluhnami. Ibere Ham do homa parhiouon, hajorgiton, sipanganon pakon siinumon ronsi na porlu bani goluhnami. Tanda ni tarima kasihnami, iondoskon hanami do hu Bamu goluh pakon pasu-pasu na dob binere-Mu, na ipatumpu hanami on gabe galangannami. Papansing anjaha pasu-pasu Ham ma on gabe galangan na misbou ilobei-Mu bahen hasangapon-Mu janah mambahen lambin marhataridahan harajaon-Mu idunia on. Sai tambahi Ham ma pasu-pasu-Mu janah sai lambin paganda Ham ma holong ni atei-Mu hubannami. Ajari Ham ma hanami, ase lambin igalangkon hanami dirinami pakon hinadongannami hubani harajaon-Mu bahen hamuliaon-Mu, ibagas goran ni Anak-Mu Jesus Kristus, Sipaluah hanami. Amen.     Kuria               :  (Mandodingkon Haleluya No. 5:4)                            Bamu sadokah ni dokahni, au on o Jesus Tuhankin,                         Ham ma lah haganup ompungni, gogohku pakon artangkin. Ai iberehon Ham darohMu, manggalar utang ni dousangku Parambilan      :  Ham Bapanami na i nagori atas. Sai na papansing ma   Goran-Mu. Sai roh ma harajaon-Mu. Sai saud ma harosuh ni uhur-Mu i nagori tongah on songon na i   nagori atas. Bere Ham ma bannami sadari on          hagoluhanari-ari. Sasap Ham ma dousanami songon panasapnami bani dousa ni hasoman na mardousa             dompak hanami. Ulang hanami bobai Ham hu    parlajouan. Paluah Ham ma hanami humbani             pangagou. Kuria             :    (Mandodingkon) Ai Ham do simada Harajaon pakon Hagogohonampa             Hasangapon sadokahni-dokahni. Amen.  

11. PAINGKATKON

Parambilan     : Laho ma nasiam, janah “Sonon do hata ni Jahowa Zebaot, dalankon ma uhum na sintong, patuduhkon ma dear layak ampa idop ni uhur bani ganup hasomanni”  

12. PASU-PASU

Parambilan     :    Jalo ham (hita) ma pasu-pasu humbani Tuhan   Naibatanta: Ipasu-pasu anjaha iparorot Tuhan Naibata ma ham    (hita). Isondangkon Tuhan Naibata ma bohi-Ni hubamu (hu banta) janah maidop ma uhur-Ni mangidah ham (hita). Idompakkon Tuhan Naibata na bohi-Ni hubamu (hu banta) janah ipasorap ma damei-Ni bani tonduymu (tonduyta bei). Amen.  Kuria            :    (Mandodingkon) Amen. Amen. Amen.     Selamat Minggu Sahabat Khusus (Na Mabalu, na Matua,Na Tading Maetek Pakon Difabel)   Tuhan mamasu-masu