Bahan Renungan/PA Bapa GKPS, Minggu, 25 Agustus 2024 (13 Set. Trinitatis)

Bahan Renungan/PA Bapa GKPS, Minggu, 25 Agustus 2024 (13 Set. Trinitatis) Nas                  : Roma 12: 18-21 Usul Doding   : Haleluya No. 350:1-2 Tema              : Hidup Dalam Damai Tujuan            : Agar kaum Bapak memahami bahwa kita dipanggil untuk mengasihi dan membawa damai   Shalom ma hubanta haganupan. Damei atap Damai aima sada suasana na sangat ibutuhkon janah iharosuhkon ai adong bani dirinta sonai homa age goluhta. Marosuh do hita anggo manggoluh ibagas na damei. Suasana damei on aima suasana na daoh humbani keributan, daoh humbani perselisihan, daoh humbani partinggilan. Situasi na damei on aima suasana na tenang, suasana na jenges. Halani ai do, bahat do mambahen goran ni niombah atap goran ni orang tua na margoran Damei, misalni Dameria, Damerwati, anggo dalahi ia adong namargoran Damerson, Dameido, pnl. Halani damei on aima sada suasana na sangat dibutuhkan, ibahen gabe goran. Sonai homa bani bahasa inggris pasal Rumah, lebih menekankon hubani Home lang hubani kata House. Halani Rumah ai gabe suasana na tenang, aman pakon damei lang hubani situasi bangunan fisik. Bani uhurta pe, istilah hubani Hati ipake do istilah at home artini nyaman dan tentram, boi hatahonon damei uhur. Sonai ma porluni na damei on, hita do manorihi janah mambahen damei uhurta marhitei na manjalo sumber hadameion ai na humbani Kristus. Sonaha hita, domma nani damei hita bani namandalani goluhta siganup ari? Bani teks ni ambilan on ma ipatangkas ai haganupan. Nasiam Bapa nahinaholongan, sada humbani moralitas naijarhon Jesus aima manggoluh ibagas damei hubani haganupan jolma, bahkan agepe sedang menghadapi perselisihan, maningon do mardamei. Hita haganupan, terkadang halani gajak ni pusu-pusu, anggo adongma perselisihan banta, ra do hita manghatahon, das hubani attigan pe lang ra au mardamei pakonsi, bahkan istilah ni halak Toba manghatahon pajumpang di tano rara. Sonon ma na gati terjadi, terkadang lang dong be uhur na damei anggo ibagas na martinggil hita, merasa do homa dirini na paling sintong. Itongah-tongahni bapa, mahol do mangakui kesalahan halani gati merasa paling sintong (suali sibujur uhur) tene. Aha do gatni namambahen mahol mengakui kesalahan? Halani gati adong prinsip itongah-tongah ni keluarga, bapa seng ongga salah. Hal na sonon ma na gati mempengaruhi pola pikir ni bapa, age idarat ni keluarga pe ra do tarboan-boan sifat na lang ongga salah atap merasa benar. Tontu goluh atap sifat na sonon, aima sifat na hurang manggoluh ibagas ajaran ni Kristus tene. Halani pori pe hita dalahi atap bapa, anggo salah totap do salah janah ra mangakui kesalahan ai. Halani sonai ma hita namanggoluh ibagas ajaran ni Kristus, ra mardamei pakon halak namamusuhi hita, dear marsipatorangan anggo adong na lepak na hurang. Biakni jolma do adong kesalahan, halani seng dong jolma in na sempurna. Halani aido ase porlu komunikasi, marsipatorangan, dobni mardamei ma. Halani hadameion ai aima sada suasana na jenges tumang, ibagas uhur sonai homa age bani parsahapan, mambahen sodap namanangar. Hita haganupan, tubuh damei halani adong do holong tene, na lang dong holong bani dirini do ase lang ra mardamei pakon halak na legan. Padahal. Hita on aima mahluk sosial, artini lang boi hita manggoluh pitah sahalak hita, tapi manggoluh mamorluhon hasoman nalegan. Artini sasada halak menikmati pakon mandalani goluhni  ibagas na wajar/dear pori ia memiliki hubungan na dear pakon halak na legan. Artini, seng mungkin hita menikmati goluhta on, pori seng dong na gabe hasomanta. Halani ai marsihaholongan, aima ciri khas ni anak ni Naibata. Porini mangaku hita gabe sada bapa na bujur, na rajin hu gareja, rajin partonggoan, tapi seng dong holong ibagas uhurta, mararti ma ai seng hape anak ni Naibata. Halani manggoluh ibagas holong aido ciri khas ni anak ni Naibata. Persoalan ciri khas on tontu porlu tumang do tene, anggo ibandingkon hita hubani sada rumah makan. Gati do hita mangan bani rumah makan na sada pindah hubani rumah makan nalegan. Dob ibotoh hita janah idai hita sipanganon ai, tontu dapot hita ma aha na isobut ciri khas. Setiap rumah makan marbeda do ciri khas ni, janah setiap ciri khas aido mambahen daya tarik hubani namamboli. Hita haganupan, pori isobut ciri khas ni anak ni Naibata manggoluh ibagas holong, tontu on ma na mambahen marbeda hita pakon halak na lang gabe anak ni Naibata. Marhitei ciri khas aima halak nalegan mananda janah marosuh hubanta. Misalni, isobut ma sonon: Bapa si Anu ai ge, bujur tumang, lamlam marsahap janah sirsir mangurupi. Dobni halak na manangar ai penasaran ma mangidah bapa si Anu ai, janah mulai ma ipardiatei sidea. Dob itanda janah marhitei ciri khas na ipadas bapa ni si Anu ai, lambin buei ma namanghatahon, tongon ma tene bapa si Anu ai bapa na bujur. Ulang homa sebalikini, marhitei horja na lang madear, na lang suman, halak na legan mangidah janah mananda hita marhitei horja na lang madear ai. Ciri khas na madear ma na ipatugah hita bani goluhta. Sonaha do halak Kristen na manggoluh ibagas holong ai?

1. Ulang holong na marsipakulah-kulah, idahon do dear tapi ibagas uhur tong do adong domdom, latei pakon subil, tapi marsihaholongan ma ibagas nadear
2. Marsilobeian ibagas na manisei janah mangurupi ibagas namarhahurangan
3. Mambere pangurupion, janah marmalas niuhur rap pakon na marmalas ni uhur, tangis rap pakon na tangis
4. Ulang mambalaskon na jahat balos ni na jahat
5. Ulang pajuntulhon diri tapi manggoluh ma ibagas na damei bani halak na legan, songon na isobut bani ambilan on.

Hita haganupan, nahinaholongan ibagas Kristus. Manggoluh ma hita ibagas haporsayaon janah holong. Mase porlu hita manghorjahon ai? Halani na marsihaholongan, manghaholongi, aima na sangat penting tumang  janah ihorjahon hita bani halak nalegan. Tanpa kasih semua hidup ini tak ada artinya. Ibagas holong do boi hita manutupi salah ni hasoman, marhitei holong do homa boi hita mandameihon halak na domma sursar, ibagas holong do homa adong kedamaian. Janah ibagas haporsayaon pakon holong on do homa adong jaminan hasadaon ni halak naporsaya. Sonaha ase boi hita manghorjahon ai, tontu marhitei na adong panrajaion diri. Panrajaion diri do na boi ase boi hita mantaluhon na jahat gabe namadear. Podah ni Paulus on seng pitah hubani halak Kristen na dong i Rom, tapi dihut do homa age hubanta bani panorang on, termasuk ma hubani bapa na hadir bani panorang on. Domma nani hita mambere goluh na bermakna hubani halak na legan na adong I sekelilingta? Adong sada psikolog manghatahon sonon” Kepribadian seseorang bisa dilihat dari bagaimana cara dia menata kamar dan rumahnya”. Anggo berantakan do, berarti marosuh do ia mambahen goluhni berantakan. Lang nabotoh apakah pernyataan on boi ijalo haganupan pihak, mungkin lang haganupan boi manjalo pernyataan on, atau bahkan kita sendiripun tidak menerima pernyataan ini seratus persen benar. Tapi dong do homa sintongni, anggo inilai hita marhitei aha na ihorjahon hita, lang pitah penampilan luar ta. Halani ai Paulus lang pitah mmamodahkon kuria na i Roma, tapi lobih hunjai: ase sidea manggoluh ibagas holong. Manggoluh ibagas holong mararti marpingkir ase manghaholongi, manghatahon ase marsihaholongan janah mandalankon holong ibagas na konsisten. Seng dong harugian anggo mandalankon holong, misalni halani holong do ase pori ibagas kemarahan hita lang pala das hubani sundut mataniari tapi boi ma hita marsimaafan bani na hurang.   Dobni manggoluh ibagas na damei ma hita. Bani ambilan on, adong kata-kata bijak na gabe penguatan banta: Ketika kamu berbicara, berbicaralah di dalam kasih, ketika kamu diam, diamlah di dalam kasih, ketika kamu marah, marahlah di dalam kasih, apapun yang kamu lakukan, lakukan lah itu di dalam kasih, karena apa? Karena TUHAN TELAH LEBIH DAHULU MENGASIHI KITA. Selamat gabe bapa nabujur na gok ibagas holong ma haganupan, ase damei haganupan hita. Amen.