Bahan Renungan Mingguan/PA Seksi Bapa GKPS, 1 September 2024 (14 Set. Trinitatis)
Nas : Matius 9: 9-13
Usul Doding : Haleluya 348: 2-3
Tema : Hidup Berbelas kasih
Tujuan : Agar kaum bapak semakin menjadi berkat bagi banyak orang
Shalom ma hubanta haganupan….
Adong do sada doding na sangat familiar bani tahun 2000 das hubani sonari, namarjudul “Jangan Sampai Tiga Kali”, nini bani lirik ni sonon: Satu kali kau sakiti hati ini masih kumaafkan, dua kali kau sakiti hati ini juga kumaafkan, tapi jangan sampai tiga kali. Humbani lirik ni doding on, mararti do ai seng marosuh hita berkali-kali manjumpahkon na lang dear bani goluh ta on, tapi anggo namadear ulang pitah 3 hali, berkali-kali ma namin terjadi bani goluhta on. Haganupan do hita marsura-sura namadear bani goluhta on, seng dong sahalak pe hita on marsura-sura manjalo na lang dear, kan sonai do? Atap adong hita namansurahon na lang dear bani goluhta on? Anggo adong namarsura-sura sonai, porlu do sungkunon jolma ni ai na sonaha, bahkan adong hita on manghatahon, domma pe marsura-sura manjalohon namadear, sipata na lang dear ai pe ra do roh. Sonaima hita on haganupan, pasti do marsura-sura ibagas namadear.
Hita haganupan nahinarga ni Tuhanta Jesus Kristus, marsura-sura do hita on ase namadear na ijumpahkon hita. Janah marusaha do hita manghorjahon namadear ase gabe pasu-pasu hita ija pe hita marianan. Sonaha hita, domma nani hita gabe pasu-pasu? Anggo lape sonaha do ase gabe pasu-pasu? Tontu hal on ma na sihol sobuton ni ambilan on hubanta. Sonaha ase boi gabe pasu-pasu hubani haganupan halak nalegan. Hubanta haganupan, adong sada cerita na sihol hupadas bani ambilan on. Adong ma dua halak bapa na gati roh hubani sada kodei, humbani kehadiran ni bapa on bani kodei ai, taridah ma sonaha sikap ni halak nalegan na domma parlobei i kodei janah sonaha homa sikap ni bapa na laho hu kodei ai. Hatahon hita ma goranni bapa na dua on bapa si A pakon bapa si B. Bani sada panorang, roh ma bapa si A hu kodei, paima roh ia hu kodei ai lape bahat na i kodei ai tapi domma adong piga-piga halak hundul bapa si A on i kode ai, 5 menit dob hundul ia, sada parsada mulak ma bapa na parlobei i kode ai? Dob ni moru ma pengunjung ni kodei ai, dokah ipaima lalap lang martambah jumlah ni na hu kodei ai, hape dong na sihol roh, halani iidah ia i kodei ai, seng saud ia roh. Halani na laho roh pe halak nalegan seng saud halani bapa si A adong i kodei ai, dobni manorihi kodei na legan ma use sidea. Sonaima keadaan ni kodei ai, sadokah i kodei ai bapa si A, seng martambah na roh, bahkan moru do use, dobni sahalaksi ma na i kode ai. Situasi namangihut bani ari nalegan sanggah roh Bapa si B, ijin masuk bapa si B on hubani kodei ai, na domma parlobei i kodei ai roh bertahan do sidea janah dear do marbuali pakon bapa si B on, adong na asyik marbuali irik tartawai adong do homa na sibuk manelepon hasoman nalegan ase roh hu kodei ai, patugahkon bapa si B domma i kodei ai. Dobni, lang piga dokah na i kodei ai pe manahan, na roh pe roh buei ni, janah malas ma uhurni parkodei halani bahat na i kodei ni. Hita haganupan, humbani kisah ni Bapa si A pakon bapa si B, domma tangkas ibotoh hita, ise na boi gabe pasu-pasu janah ise na lape boi gabe pasu-pasu. Natangar barita pasal bapa na dua on, bertolak belakang do karakter ni sidea, bapa si A halakni sombong, agepe namin lang ia sihebatan i huta ai tapi merasa do ia paling hebat humbani segalanya, merasa do bapa si A ai songon doding ai, segala bidang ia do nomor sada. Karakter ni bapa si B on, bertolak belakang, agepe ia do namin na paling hebat i huta ai, humbani ekonomi ia do sibayakan, humbani latar belakang pendidikan ia punya jabatan i pemerintahan, humbani keluarga sukses do haganupan niombahni, tapi sipartamuei do bapa on i huta, sirsir do ia mangurupi na marhahurangan i huta ai, sirsir do homa ia mambere buah pikiran laho pamajuhon huta ai, sonai homa urusan kerohanian bapa na bujur do ia, na rajin marminggu, ketua seksi bapa do ia i gareja ni ai. Hita haganupan, kisah on sebatas cerita do on tene, na sihol sobuton, ija pe hita marianan ase gabe bapa na gok pasu-pasu ma hita, marhitei goluh sonai homa pambahenan namadear na boi ipataridahkon hita. Aha pe na adong banta boi ipakei hita gabe panjaliran ni pasu-pasu hubani halak nalegan.
Hita haganupan bani teks ambilan on aima pasal Mateus sijalo sohei mangirikkon Yesus. Sijalo sohei aima sada halak na bayak, na buei tumang habayakonni, bahkan bani pemerintahan ia ma na memiliki sada jabatan na mentereng, tapi marhitei na sihol mangihutkon Jesus haganupan na adong bani itadingkonni, harta pakon jabatan. Bani panorangni ijia, sosok Jesus na populer janah sangat terkenal, anggo boi hatahonon bani panorang ai, berita na sangat viral ma Jesus bani panorang ai, ija-ija isahapkon janah buei ma halak na penasaran sihol mambotoh sonaha do tongon Jesus ai. Bahkan, Mateus sip-sip gati mangidah janah mangihut-ihut perkembangan pasal Jesus, pakon tanda-tanda haholangan nabinahen ni Jesus gabe tubuh rasa keingintahuan pakon penasaran ni halak namabuei bani panorang ai.
Humbani teks ambilan on, boi hita mangidah janah mambotoh sonaha do respon namadear sanggah Jesus mandilo hita. Mateus rela manandingkon haganupan, janah “mambayar harga” laho mangirikkon Jesus agepe mambayar harga na lang murah (manadingkon haganupan namaharga bani na i dunia on). Anggo domma ra hita mangirikkon Jesus, seng ongga Jesus ai manadingkon hita. Sonaha do hita bani namagirikkon Jesus marhitei namanadingkon namaharga banta i dunia on? Tontu seng namarsuruh ase hita mundur humbani jabatanta, manjual haganupan hartanta, manadingkon haganupan namaharga banta, anggo ihorjahon hita na sonai ai, aha ma bohalta laho manoruskon pardalanan ni goluhta? Na sihol sobuton ijon, aha na adong banta aima haganupan sibere-bere ni Naibata, janah panorangni ma hita mambahen namadear humbani haganupan na dob ijalo hita, ase gabe pasu-pasu hita ija pe marianan.
Bapa nahinaholongan ibagas Kristus Jesus, humbani kisah on hita marlajar porlu ni totalitas bani namangirikkon Jesus, janah porlu homa marhorja secara totalitas bani namangirikkon Jesus. Seng anjai hurangan hita bani goluh on. Halani isarihon do haganupan na porlu banta, anggo secara totalitas hita mangondoskon goluhta bani Tuhan in. Sonaha hita bani goluhta on sonari on? Domma nani hita songon Mateus, na secara totalitas mangirikkon Jesus? Sebagai bapa domma hita mangirikkon Jesus? Hataridahan ni na domma mangirikkon Jesus aima halani manggoluh ibagas idop niuhur, janah marsihaholongan. Sirsir hita mangurupi hasoman, janah sirsir ma hita marsiarahan laho mangihutkon Jesus in. Gabe bapa na gok pasu-pasu janah gabe pasu-pasu ma hita ija pe hita marianan. Halani gabe barita malas niuhur do anggo kehadiranta buei halak namarosuh, ulang buei halak namagigi pori ija pe hita. Amen.
