Silhouette of a man at the Cross
Bahan Renungan/PA Bapa GKPS , 08 September 2024 (15 Set. Trinitatis)
Teks : Mazmur 33: 12-22
Usul Doding : Haleluya 327: 1 + 2
Tema : Berharap hanya pada Tuhan
Tujuan : Agar kaum bapak senantiasa berharap kepada Tuhan
Tuhan itu Maha Besar, Tuhan itu Baik
Tim Penulis
Shalom ma hubanta haganupan!
Marosuh do ham ipuji? Tontu haganupan do hita marosuh ipuji, janah halani haganupan hita marosuh ipuji ra do gabe adong istilah “haus pujian”. Hita haganupan, tontu lang hal na negatif pasal pujian on, positif do pujian on. Boi gabe hal na negatif pujian on gabe mambahen adong kesombongan bani na ipuji, pujian on pe boi do ipake laho mandabuhkon na ipuji, janah pujian on pe maningon na jelas do aha tujuan ipuji janah na ipuji pe lambin mananda dirini tene. Jadi ra do lang humbani uhur roh pujian ai bani diri ni sasada halak, hape na ipuji ai domma lupa diri. Halak namarosuh tumang ipuji-ipuji pasti adong cobaan bani dirini sihol pajuntulhon diri, apalagi ma halak na berusaha manorihi puji-pujian humbani halak nalegan, cobaan laho pajuntulhon dirini lambin roh banggal ni. Halak na ihatahon hebat oleh orang lain pasti tergoda untuk tidak mengakui peran serta pihak lain, termasuk Tuhan, dalam kehebatannya.
Psalmen on paingatkon sonaha pe kehebatan ni sahalak Raja, pasti do lang maluah anggo mangandalhon gogohni sandiri, sahalak na gogoh tumang pe lang boi tarurupi anggo mangandalhon gogohni sandiri. Hunjon boi hita mangidah, lang adong na boi iandalhon anggo mangunsagahkon gogohni sandiri. Gogoh hunja do boi iunsagahkon? Aima gogoh na humbani Tuhan. Pori adong pe potensi na ibere Tuhan hubanta, gogoh na humbani namambere potensi ai do siunsagahononta. Artini, lang margogoh hape hita on anggo lang mangandalhon Tuhan. Isobut do homa bani Podah 1: 7 pasal biar mangidah Jahowa. Sikap biar mangidah Jahowa on aima hataridahan ketaatan huBani, aima na iharosuhkon Tuhan humbanta. Biar ijon sedo namanghatahon ase hita menghindar, ase hita mabiar janah lintun, tapi biar ijon aima sonaha hita lambin hormat janah dohor hubani Tuhan.
Sebagai sahalak bapa hita, na ibere potensi nahumbani Naibata, pakei hita ma potensi ai bahen hadearon ni horja pakon goluhta, halani lang boi mangunsagahkon gogohta sandiri. Bani Pslamen on ma hita mangidah pasal habujuron ni Tuhan. Tontu bani goluhta on pe, haganupan do hita mangahapkon habujuron ni Tuhan, totap do bujur Tuhan ai, janah hita do na gati hurang bujur hubani Tuhan, lang pitah lang bujur hubani Tuhan tapi hubani hasoman pe ra do hurang bujur hita, hubani keluarga pe sipata hurang do bujurta. Tontu halani totap do habujuron ni Tuhan ai, ase hita bapape tetap ma bujur ija bei pe hita marianan.
Nasiam hasoman, hita haganupan nahinarga ni Tuhanta Jesus Kristus.
Hubani Tuhan ma alamat ni pamujionta, halani bujur janah jagiah do Tuhan. Mase porlu hita mamuji Tuhan? Balos ni halani HEBAT IA. Sonaha horjaNi, sonaha jadi-jadianNi, sonaha pambahenanNi, haganupan do halak naporsaya mambotoh haganupan, seng dong Naibata sobali Ia. Halani kehebatanNi janah ia do simada goluhta, janah na paling penting Naibata aima namambotoh haganupan (Maha Tahu). Marbeda do pakon jolma, na gati sok tahu, sok mambotoh haganupan, hape bahat ope na hurang ibotohni. Anggo Naibata ai, ibotoh do haganupan. Hita haganupan, adong ma sada halak marcerita sanggah ia mardalani hu Jerusalem, janah sidea rombongan masuk hubani sada gereja Ortodoks. Mamungkah masuk sidea hubagas gareja Ortodoks ai, bani bagian ilobei pakon itongah dohorni langit-langit gedung ai, adong lukisan “MATA BESAR”. Pemandu bani panorang ai mamberehkon informasi hubani rombongan ai, janah ia manghatahon lukisan mata ai manggambarhon “MATA TUHAN”. Mardalan ma huja harosuhmu bani gedung gereja on, mangidah hupudi taridah ma mata ni Naibata ai sedang mengawasi nasiam nini pemandu ai (13-15). Hunjon boi hita mangidah, halani Naibata mangidah haganup humbani ganup sisi, seng dong na ponop apalagi ma lingod. Dodingta manghatahon : “ilobeiMu Tuhan, talar do haganup seng dong na lingot”.
Hita haganupan, halani Naibata aima namambotoh haganupan, ase ondoskon hita ma haganupan goluhta on pitah hubani Naibata, ulang mangunsagahkon diri sandiri, tapi ase Tuhan ma na iunsagahkon hita bani haganupan. Naha hita Bapa on? Ija do hita gatinan mangunsagahkon diri atap mangunsagahkon Tuhan? Balosi hita ma ibagas uhurta bei tene. Janah bani ayat namangihut isobut do homa pasal Naibata marjanji do nalaho “Mengawasi Hita”. Ibahen hita sada contoh, anggo anak-anak marosuh tumang do iawasi janah marosuh do homa ipuji bani prestasi ni sidea. Tetapi anggo ipingkiri hita, sidea pe marosuh janah malas do uhurni anggo namanghaholongi sidea sedang mengawasi, manghasomani janah maminsang anggo adong na lepak naihorjahon sidea. Sonai do homa age hita haganupan, marosuh tumang do hita anggo Naibata ai mangawasi goluhta, manramotkon hita, bahkan age maminsang anggo sanggah na ihorjahon hita na lepak, maminsang marhitei caraNi sandiri. Sipata pinsang-pinsang on ra do lang tarjalo hita, tapi haporsayai hita ma, bahasa pinsang-pinsang ai caraNi Naibata bahen haderonta romban.
Nasiam bapa haganupan, ambilan on patangkaskon hubanta pasal habujuron ni Naibata ai. Halani sonaima bujurni, ase puji hita ma Ia bani goluhta. Hagaru hubani jolma pe ra hita mambere pujian, apalagi ma hubani Naibata, torus ma puji hita Ia bani goluhta. Lang adong alasan banta untuk tidak memuji Tuhan dalam hidup ini. Tujuan ni pamujionta aima halani Ia do na patut sipujion, janah hubani ma hita marondos janah mangarap. Mase hubani hita mangarap, halani Ia do ianan ni pangarapanta. Anggo hubani hita mangarap, pasti do manjalo tapi mangarap bani jolma, sipata kekecewaan do na roh.
Parpsalmen ijon, sihol patugahkon ase haganupan bapa age hita haganupan namartumpu ijon, andalkon hita ma Tuhan bani goluh on, ulang hubani nalegan. Halani Ia do Tuhan na sirsir mangurupi janah Tuhan do totap manramotkon hita bani goluh on. Ase martarima kasih ma hita hubani Tuhan halani pambahenan-Ni janah hataridahan ni ai ase dear ma homa horjahon hita harosuh ni Tuhan in, sebagai bapa na bujur janah tongtong mangarap hubani Tuhan, ai do naiarapkon bani hita namartumpu ijon. Seng pala daoh-daoh hita manorihi huja do ianan ni pangarapanta, pitah hubani Tuhan ma hita mangarap, janah tarpasu-pasu ma hita namangarap pitah hubani Tuhan. Amen.
