Nas : Keluaran 15: 22-27
Tema : Tuhan berkuasa mengubah yang pahit menjadi manis
Tujuan : Agar kaum Bapak senantiasa percaya bahwa tidak ada yang mustahil bagi Allah
Doding : Haleluya 352: 1 + 2
Marungut-ungut Atap Martarima Kasih
Hita haganupan nahinarga ni Tuhan, ongga do ham marungut-ungut? Ra do hita marbalos, lang pitah ongga tapi gati, janah sungkun-sungkun namangihut ongga do ham martarima kasih? Ra do homa hita marbalos, sipata do ai. Hita haganupan, anggo jujur hita bani dirinta bei, na ija do gatinan hita marungut-ungut atap martarima kasih? Mulai puho hita bani sogot ni ari, das hubani na modom hita bodari, pori ituliskon hita bani sada kertas aha ma na ihorjahon hita bani sadari ai, na ija do bahatan marungut-ungut atap martarima kasih? Tontu hita ma namambotoh haganupan ai janah balosi hita bei bani dirinta.
Mengeluh atap marungut-ungut sasintongni wajar janah manusiawi do ai. Ungut-ungut biasani itujuhon hubani pihak na ianggap lobih markuasa. Ungut-ungut on boi do hal na wajar janah mandasar, tapi boi do homa sebalikni. Misalni, ketika kita butuh sesuatu, tapi pihak na ianggap hita boi pasirsirhon aha na ibutuhkon hita ai, tapi lang boi mansediahon atap lang tarpasirsir, ijaima roh ungut-ungut. Jadi ungut-ungut on roh halani lang adong na boi iarapkon hita namambere aha na ipangindo hita ai.
Nasiam bapa hinaholongan, sonai do homa na terjadi bani teks ni ambilan on, na ija bangsa Israel merasa Naibata/Allah gagal pasirsirhon bah siinumon ni sidea sanggah sidea ibagas pardalanan (22-23). Ihatahon si Musa ma Israel bingkat hun laut sigerger, jadi laho ma sidea hu halimisan Sur, tolu ari ma sidea mardalan i halimisan, anjaha seng jumpahan bah sidea, dob ai das ma sidea hu Mara, tapi seng tarinum sidea bah hun Mara, mapaet do ai; halani ai do ase igoran ai mara.
Hita haganupan, persoalan na gati terjadi songon na idompakkon bangsa Israel ai, gati do homa masa na idompakkon hita tene. Ijin honsi lang songon naiarapkon masa bani goluh on, langsung do manuntut das hubani na mengeluh. Janah keluhan on langsung do mansalahkon halak nalegan, jarang do mansalahkon diri sandiri. Songon bangsa Israel ai, sanggah 3 ari sidea ibagas pardalanan persoalan bah na lang adong janah bah namapaet gabe tubuh ungut-ungut, halani ibagas pingkiran ni sidea, na isuruh sidea bingkat seng dong be na hurang, atap boi hatahonon seng dong be sitaronon. Hurang sidea mangarusi, bahwasani asal ma sidea porsaya hubani Niabata seng anjai hahurangan. Tontu hal na songon ma na gati terjadi bani goluhta, anggo lang jumpahan hita bani aha na iarapkon hita, ganupan pihak do isalahkon.
Nasiam hasoman hita haganupan, keluhan atau ungut-ungut ni sidea hubani Musa ibalosi Naibata. Hunjon boi hita mangidah Naibata manghaholongi sidea, Naibata mambotoh aha na porlu bani sidea, sipata bangsa ai do na lang sabar janah ibagas uhur ulang namin adong na hurang. Aha na ibahen Naibata hubani bangsa ai, ibagas pingkiran ni sidea lang mungkin. Marhitei na igijigkon sada hayu hubani bah, gabe matobu ma bah ai. Hita haganupan, Naibata mampu do mambahen sada hal na lang tararusi janah tarpingkiri hita bani goluh on. Halani bani situasi na songon ai boi hita mambotoh janah mangarusi bahwasani Naibata markuasa do bani haganupan. Artini, ulang halani na hurang na iahapkon hita bani goluh on, gabe marungut-ungut hita bahkan das hubani na mansalahkon Naibata. Humbani peristiwa on boi hita mangidah, aha pe boi do ibahen Naibata, na lang mungkin bani hita mungkin do ai bani Naibata, songon lirik ni sada doding: Apa yang kelihatan mustahil bagiku, itu sangat mungkin bagi-Mu.
Hita haganupan na hinaholongan ni uhur ni Tuhan, porsaya ma hita hubani kuasa ni Tuhan ase lambin boi hita mangidah janah mangahapkon tanda haloangan na terjadi bani goluhta. Adong do kata-kata bijak manghatahon sonon:
Semakin kamu khawatir tentang hidupmu, disitulah bahwa kamu tidak percaya akan kuasa Tuhan. Hita haganupan, gati do hita khawatir bahkan gobir bani namandompakkon namasa bani goluhta on. Ibagas kekhawatiran ai sipata roh do pandoleian janah lang dong pangarapan. Ambilan on paingatkon hubanta, markuasa do Naibata bani haganupan. Anggo ipahami hita do markuasa do Naibata, seng dong na patut ihabiari hita bani goluh on. Aha na sihol sobutan ni ambilan on hubanta aima: Bujur manangihon hatani Naibata janah pintor manghorjahon harosuh-Ni, mandalankon titah anjaha manlahoi sagala aturan-Ni. Aima na porlu na gabe sijoloman banta janah sihorjahononta. Ase hitape totap ma manggoluh ibagas harosuh-Ni. Dob ai bani ayat namangihut, isobut dob das sidea hu Elim, adong do ijai bah tubuh sapuluh dua ampa pitu puluh kambona kurma, jadi marsaran ma sidea ilambungni Bah ai. Gambaran na sihol ipatugah ijon aima, seng hape torus ibagas pusok niuhur sidea, tapi ibere do malas ni uhur marhitei podah na ipadas si Musa hu tongah-tongah ni bangsa ai, halani gok ibagas sipanganon pakon siinumon do sidea das hu Elim. Nasiam bapa hita haganupan, onggo do hita mangahapkon peristiwa sonon? Ibagas na bergumul hita halani persoalan ni goluh na idompakkon hita, janah hita maluah humbani persoalan ni goluh na borat ai? Sonaha ma pangahapta? Tontu malas uhur janah mamuji Tuhan halani Ia do na paluahkon haganupan ai. Semakin kita bersyukur semakin kita tahu kuasa Tuhan dalam hidup kita, tetapi sebaliknya semakin kita mengeluh maka akan semakin kita ragu akan kuasa Tuhan dalm hidup kita.
Nasiam hasoman, nahinarga ni Tuhanta Jesus Kristus, adong piga-piga pokok perenungan na boi iidah hita humbani teks on:
- Jangan biasakan keluhan yang terjadi dalam hidup ini, tetapi perbanyaklah bersyukur. Gabe bapa na totap martarima kasih ma hita bani goluh on, halani ipasirsir Naibata do haganupan na porlu bani goluhta on.
- Semakin kita mengeluh, semakin kita menyalahkan orang lain dalam hidup kita
- Apa yang mustahil bagi kita, itu sangat mungkin bagi Tuhan, halani seng dong na lang mungkin Bani.
- Seperti pelangi sehabis Hujan, sonon ma gambaran ni halak na manjumpahkon malas niuhur halani sadokah on ibagas pergumulan na borat tumang Ia. Janah ketika maluah humbani persoalan na idompakkon ai, manjumpahkon malas niuhur pakon pasu-pasu na humbani Tuhan.
- Tangi janah bujur mandalankon hatani Tuhan, atap manggoluh ibagas hatani Tuhan ai do na paling utama sihorjahonon bani goluh on. Sebagai Bapa na tangi janah manghorjahon aha na gabe harosuh-Ni, gabe martambah ma malas niuhur pakon pasu-pasu bani goluhni, janah boi homa mamboankon keluarga ase haganupan tangi janah manghorjahon harosuh-Ni, gabe keluarga na tarpasu-pasu ma haganupan.
Manutup ambilan on, adong ma sada cerita ilustrasi namarpardomuan hubani ambilan on. Bani sada huta, adong ma sada keluarga na bujur, bapa sipartonggo janah porsaya hubani Tuhan. Tiap ari do iabobahon bapa on do keluargani martonggo, manangihon hatani Tuhan ibagas rumah tangga ni sidea, nai ma ibahen Bapa on paima manlahoi horja, sonai homa niombah paima borhat hu sikolah. Bani bodari laho modom, sonai ma homa ibahen bapa on keluarga ai, martonggo, mamuji Tuhan. Ganup ari do hal na sonon ibahen keluarga ai. Bani sada panorang, songon na golap ma bani huta ai, songon na laho roh udan pakon marombus logou lang songon na somal cuaca ai, haganupan pangisi ni huta ai, domma buraon janah marlintuni laho paluahkon diri ni pakon keluarga ni bei, janah adong ma homa na sihol mangurusi harta benda, juma, hasil juma pakon harta nalegan. Anggo bapa on, marlintun do ia hu juma ni, janah sompat pe ia padearhon pengairan i sabah ni, ulang adong namambahen tarsumbat anggo roh ma udan holi. Sagala na sangkut ibondar ni sabah ni ipakaluar ni, dobni dear ma pengairan bani sabahni ai. Mulak ma ia hu huta, janah sahuta ni ai domma marlintuni haganupan hu darat ni huta ai. Adong ma sahalak manghatahon hubani, Eta ham…arahkon ham keluarga mu, laho manongnong mando huta on halani laho roh ma udan haba-haba nini. Seng mungkin selamat nasiam anggo roh ma udan ai holi, haganupan domma lari marlintuni, nini bapa on. Halani sonai nini, ihatahon bapa on ma hubani hasoman ni, laho ma nasiam, pori aha pe nini nasiam, anggo hanami i rumah nami on ma martonggo, mangindo ase Tuhan mangurupi hanami. Lang piga dokah, roh ma udan haba-haba ai. Keluarga on tenang do martonggo i rumah ni. Aha na lang mungkin nini hasoman, mungkin do ai bani Tuhan. Piga jam roh udan ai, anggo sidea tenang do i rumah ai, janah lang pala mahua keadaan ni huta atap rumah na i huta ai, na parah aima I juma/sabah ni sidea. Bahat ma sabah na banjir halani doras ni udan ai, janah bahatan ma halani lang dear aliran bah ni sidea. Tapi anggo sabah ni bapa na bujur on, seng hona banjir halani ipadear bapa ai do pardalanan ni bah pakon bondar lang adong na haut sigundal bolon, dob ni dear ma sabah ai. Dobni, selamat ma keluarga on pakon juma ni sidea, janah tarsar ma barita pasal keluarga on, dobni iarahkon ni ma sahuta ai ase totap porsaya hubani Tuhan, halani Tuhan do namarkuasa bani haganupan. Ase hita bapa pe, boi mambuat inti ni cerita on bani goluhta, ase totap hita marondos janah porsaya hubani Tuhan. Amen.
