Nas : Mazmur 124:7-8
Usul Doding : Haleluya No. 442:2
Tema : Pertolongan Tuhan
Tujuan : Agar kaum bapak meyakini kuasa dan pertolongan Tuhan
Naibata Paluahkon
(Penulis)
Horas ma hubani nasiam Seksi Bapa GKPS!
Pangarapannami ibagas na sehat hita haganupan.
Bani na mandalani goluh on, ongga do ra hita ibagas situasi sahira sonon: Dear do hita mamboan sepeda motorta, ibagas kecepatan sedang, mematuhi rambu-rambu lalu lintas, mamakei helem pakon mamboan surat-surat berkendaraan na lengkap. Hape lang panagaman, adong ma halak na legan na na markendaraan dengan ugal-ugalan janah mandorab hita. Boi hatahonon situasi ai aima situasi na i luar kendalinta, lang terduga janah lang ongga hita mangarap kecelakaan, tapi bani pargoluhan on, ra do hita masuk hubagas sada situasi na ija hita mangarou halani salah ni hasoman. Dob ai ra do mungkin hita homa ibagas situasi sahira sonon: mamboan sepeda motor ma hita, jumpah lampu lalu lintas, sanggah lampu merah halani milas ni ari na mardeteng, loheian ma homa boltok, lang ipaima hita sampai lampu hijau, ipaksa hita ma menyalip-nyalip menerobos lampu merah ai. Hape hampir ma adong na mandugu hita hun arah lampu hijau. Gabe lang stabil be sepeda motor ta ai, gabe madabuh ma hita. Boi hatahonon situasi ai namin boi do isimbili, tapi halani faktor milas ni ari pakon lohei ni boltok nokkan, gabe pugar ma biak lang sabar ta, gabe marmara ma hita halani dirinta sandiri. Bani cerita on, diatei do pitah madabuh tumang, lang sampai tergilas ban ni kendaraan na legan. Tapi bani kenyataan hidup, ra do akibat humbani ketidak sabaranta mambahen ibagas parmaraan banggal hita.
Nasiam bapa, bani pargoluhanta i dunia on, ra gati do hita ibagas dua parsoalan na i atas ai, adong do kondisi-kondisi na ibagas kendalinta, tapi adong do homa kondisi-kondisi na i luar kendalita. Halani ai, na parlobei idah hita ma lobei hal-hal na i luar kendalinta mangihutkon nas ni renunganta on. Parpsalmen manobut adong tolu gambaran na ialamini manghatahon marabahaya na roh hubani, na parlobei aima songon bah banggal na roh laho mambahen mayub (ayt. 4), na paduahon songon panoroh ni ipon ni sorigala na sihol manilbakkon biri-biri (ayt. 6) janah na patoluhon songon manuk-manuk na mandompakkon sambil (jerat) (ayt. 7) janah na patoluhon on ma na gabe nas renunganta on.
Marabahaya adong do i sekitarta, boi do ai humbani ketidaksengajaan ni hasoman jolma janah boi do homa adong na marsangaja mambahen hita tarmara. Porlu isadari hita bahasa memang sonai ma dunia na ibagas dousa on. Senang melihat orang susah dan susah melihat orang senang (sms) gabe sada fakta, tapi nasiam seksi bapa ulang ma sonai tene. Halak na legan lang marosuh mangidah hita senang ai kondisi na luar kendalinta, tapi anggo hita na lang marosuh mangidah halak senang, paubah hita ma uhurta. Pareksa hita ma uhurta i lobeini Tuhan in, halani humbani uhur na lang borsih do luar simburu na lang tiba dalanni. Songon na sinobut ni Podah 4:23: “Tang porlunan, jaga ma uhurmu, ai hunjai do luar hagoluhan”. Jaga ma uhurta bei ibagas hata ni Naibata ase ulang gabe sumber parmaraan hita on hubani hasomanta.
Sonari sonaha ma hita mangidah pasal parmaraan na adong i sekitarta na dohor hubanta na banggal kemungkinanni mandorab hita? I Indonesia adong do BPJS (Badan Penyelenggara Jaminan Sosial) adong na on untuk kesehatan janah adong untuk ketenagakerjaan. BPJS Kesehatan aima program pemerintah laho mambere ‘jaminan’ banta anggo mandompakkon parsahitan janah boi ma hita martambar ibagas pangarapan malum ma hita. Tapi anggo ipabagas hita sungkun-sungkun pasal ai, pasti ma hita malum anggo domma martambar? Balos ni lape tontu. Anggo sonai boima iarusi hita bahasa porlu do jaminan ai banta, tapi maningon ibagas pemahaman bahasa lang 100 % jaminan ni ai halani anggo jaminan na pinasirsir ni jolma lang sempurna. Parpsalmen menyadari bahasa jaminan ni haluahon ni tonduy aima humbani Naibata. Sambil (jerat) ipasang parjahat in, na pasti tujuanni ai ma ase tarmara hita. Gati do domma masuk hita hubagas jerat ai, hurung lang boi paluahkon diri. Songon manuk-manuk na tarsangkut bani sambil ai bani borngin ni ai, patar ni pasti ma roh parsambil ai manonggor hujai janah mambuat hasil sambil ni ai. Dob ai uhurni ma sonaha bahenon ni hasil tangkapan ai, ra do ipamasuk hu bagas harang janah ipiara ibagas sangkar, dokah ope manggoluh tapi kebebasan domma irampas. Naha pe nini, anggo kebebasan domma irampas, gok ibagas pusok ni uhur ma. Dob ai ra do homa hasil ni sambil ai, ibuat, isayat janah ipamasuk hubagas balanga lanjar ipangan. Tamat ma riwayat ni manuk-manuk ai. Na pasti bayangan ni manuk-manuk na hona sambil aima pusok ni uhur. Hape, narus-narus siang ari, adong ma na marholong ni atei mangidah manuk-manuk ai, boi ma ai halani etek pe manuk-manuk ai atap halani aha pe ai, na pasti halani idop ni uhur ma. Irotap ma sambil ai, ipaluah ma manuk-manuk ai. Bebas merdeka ma manuk-manuk ai, boi ma ia manoruskon goluh ni janah boi ma ia habang hujai hujon.
Nasiam bapa, sonai ma gati pardalanan ni goluhta on, domma masuk hita hubagas parsahiton, hape halani idop ni uhur ni Tuhan, ibagas kuasa-Ni ipamalum hita. Domma terjerat hita bani utang, hape ibagas kuasani ipargogohi hita manggalar utang-utang ai. Domma irencanahon parjahat in menghancurhon hita, hape ibagas cara-Ni ipaluah Naibata do hita. Anggo ipaganjang hita on, tontu adong bei do pengalaman iman na boi iceritahon hita sonaha hita ipaluah Naibata humbani hajahaton. Kejahatan dan ketidakadilan ada dimana-mana.
Adong ma cerita sonon: Bani sada panorang halani bulinsah uhurni si Jamalum (nama samaran), marcerita ma ia hubani hasoman ni bahasa ia manjumpahkon ketidakadilan humbani rekan bisnis ni, gati ma ia imanfaatkon, gati ma ia do na manghorjahon sada hal, tapi hasomanni do na dapotan pujian bahkan dapotan duit. Halani merasa iperlakuhon lang adil, janah torus bulinsah uhur ni, kumat ma homa asam lambungni. Ia merasa izolimi tapi lang adong energi ni laho manlawan. Lalap ma ibagas pingkiran ni ia iodoh-odoh janah ise pe lang adong na mangarusi uhurni ai. Jadi marbalos ma kawan ni na marcerita on ninima: “Legan do homa ham huidah, mulai humbani na hinan do dunia on lang adil, lang baru-baru on ope masa ai janah lang homa pitah ham na mandompakkon ai. Mase tarsonggot ham terjadi ketidak adilan bamu?”
Memang songon na kejam do balos ni hasomanni si Jamalum ai, tapi balos ai menyadarhon bahasa memang sonai ma dunia on. Buei halak na manuba mambuat untung lang parduli ia bani akibat ni hubani hasomanni. Songon parsambil ai, ia mamasang sambil ai untuk hauntunganni, lang ipingkiri ni aha akibat ni hubani manuk-manuk na hona sambil ai. Sonai ma homa hita, lang pala tarsonggot hita manjumpahkon hajahaton ni dunia on, halani memang sonai do dunia on marhorja. Tapi dingat hita ma, adong do Naibata na gok kuasa in na manjaga hita. Ia mangidah haganup dunia on, ia mangidah uhurni haganup jolma janah mangidah ija-ija deba sambil (jerat) na ipasang ni parjahat in laho manjorat hita. Ia do na manompa langit pakon tanoh on, ibotoh do sonaha dunia na dob mardousa on marhorja. Tapi halani Ia do parkuasa janah iondingi do hita. Ipaluah do hita humbani sambil ni parsambil janah ibagas Tuhan adong do jaminan haluahon. Hajahaton ni halak hubanta pitah Tuhan do na boi mangolati ai, lang markuasa hita ijai. Halani ai ondoskon hita ma ai hubani Tuhan ibagas haporsayaon bahasa holong do tong uhurni Tuhan banta, iurupi janah ipaluah do hita. Ai ma na mambahen tenang hita mardalan bani goluh on. Songon doding Haleluya No. 442:2: “ ‘Ge pe buei roh parmaraan, seng pala au be sai songgotan, lombang na bagas buntu-buntu hu dalani, hu botoh Jesus na tongtong manghasomani…”. Ija pe boi do roh parmaraan, tapi Jesus ma hasomanta. Sonari sijagaonta aima dirinta. Ase ulang gabe hita na mambahen hasomanta tarmara. Amen.
