Nas : Lukas 5:31-32
Usul Doding : Hal.No. 300:1,3 “Paubah ham uhurmu bapa”
Tema : Yesus menyelamatkan orang-orang berdosa
Tujuan : Agar kaum bapak memahami bahwa Yesus Kristus datang ke dunia untuk
menyelamatkan orang berdosa.
MARHAMUBAHON MA!
Penulis
Kuria hinaholonganni Naibata
Bani piga-piga bulan na salpu viral do goran Pastor Andi Simon, bahkan isobut do ia sebagai “Pastor Sang Penyembuh Jalanan” halani bahatni karya halongangan na binahenni, na pamalumhon halak na boritan na roh hubani. Ise do Pastor Simon Andi ai? Ia aima sahalak Pastor na marhorja i Gereja YHS Balikpapan, na marugama Katholik, marasal hun Balikpapan Kalimantan Timur. Barita pasal Pastor Andi Simon na boi pamalumhon halak na boritan tar sar hu das hu desa na ualuh, na mambahen bahat halak marpala-pala manjumpahi pastor ai, mamboan keluarga na boritan, ibagas sada motivasi malum ma namin na boritan ai, marhitei Pastor Andi Simon ai. Tontu normal do situasi ai, halani haganup halak na mengalami parnaboriton, tontu sihol ni uhurni dapotan hamalumon. Ai do homa ase gati do ibotoh hita anggo adong keluarga, atap pagorini kurianta na boritan, martambar do ia hubani dokter na ianggap “bertangan dingin”, janah anggo ianggap hurang puas, laho do use ia hubani dokter na legan dengan pemahaman ase adong second opinion. Haganupan ai idalankon ase jumpahan hamalumon sidea/ia na boritan ai. Sonai ma gambaran pasal sihol ni uhurni hita laho mencari dalan kaluar humbani persoalan/naborit na idompakkon hita. Marbois gogoh do halak, bois ma artani, tarpakei ma tabunganni pitah ase boi malum humbani naboritni. Secara pondok boi hatahonon, ise do na gabe hiteini Naibata mambere hamalumon hubani halak na boritan? Ai ma doktor, na paham pasal hal-hal na berhubungan bani parakkulaonni jolma.
Hita haganupan warga seksi bapa
Bani Minggu on, isisei hatani Tuhan do hita pasal pernyataan na binahenni Tuhan Jesus hubani halak na mabuei, khususni hubani halak Parisei ampa Sibotoh Surat. Sukkun-sukkun, aima aha do na masa bani panorang ai, ase Tuhan Jesus mambahen sada statmen pasal hajongjonganNi bani panorang ai? Anggo ibasa hita ayat-ayat sebelumni, tontu boi ibayangkon hita aha na masa. Bani panorang pangidangionni Tuhan Jesus, iidah Tuhan Jesus do sahalak sijalo sohei na margoran Lepi, hundul i kantor sohei, janah ihatahon Tuhan Jesus, ase iirikkon sijalo sohei ai ma Ia (ay.27). Respon na secara podas ipataridahkon si jalo sohei aima marhitei “jongjong, manadingkon haganup, janah mangirikon-Si”. Lang pitah ai, hataridahan malas ni uhurni, ibahen ma mangan banggal bani Jesus, janah buei do homa si jalo sohei riap pakonsi. Menarik respon na ipataridahkon Lepi bani panorang ai. Secara spontan, iirikonni do Tuhan Jesus sanggah idilo Tuhan Jesus ia. Itadingkon do haganup, na martudu-tudu bani horjani sijalo sohei bani panorang ai. Sonaha do sijalo sohei ipandang bani panorang ai?
Sijalo sohei/ Pemungut Cukai (bahasa Latin: publicanus) aima istilah na ipakei hubani halan na martugas laho patumpuhon pajak humbani halak Jahudi, na sihol ondoskonon hubani pamarentahan Romawi. Profesi sijalo sohei iaktegorihon do sebagai profesi na ipandang buruk bani halak Jahudi bahkan cenderung lang iharosuhkon sidea. Mase sonai? Piga-piga alasanni aima:
- Marhitei ketetapan penentuan pajak, mambahen borat ma masyarakat bani panorang ai.
- Halani sijalo sohei marhorja hubani pamarentahan Romawi, tontu hal on mambahen halak Jahudi magigi hubani hajongjonganni sijalo sohei halani ianggap berpihak hubani pamarentah, janah mambahen rakyat menderita.
- Cara na ibahen sijalo sohei laho manjalo pajak ididah sebagai cara na kejam, janah tidak adil, halani aima ase sijalo sohei ihatahon sebagai halak na mardousa.
Brand sebagai sipardousa, na mambahen borat halak Jahudi, janah na ianggap sebagai orang-orang pamarentah Romawi lang mambahen sijalo sohei ai kokoh bani kondisini bani panorang ai. Kuasa ni Tonduy na marhorja hubani sijalo sohei ai, justru menggerakkonsi manandingkon haganup, termasuk ma ai posisini sebagai halak na marhorja hubani pamarentah na secara ekonomi boi ma ia ihatahon matang (bayak), bnd pakon Zakheus na isobut sebagai sijalo sohei na bayak. Manadingkon haganup, mararti manadingkon kemampanan ekonomi, horja, status na iperhitungkon, untuk mangirikkkon Jesus. Janah Tonduy ai do homa na menggerakkonsi, laho mangontang Tuhan Jesus mangan banggal i rumahni. Mangan banggal bani tradisi halak Jahudi aima sada momen na ibahen untuk menyambut tamu istimewa, bnd limbaga pasal anak na magou (luk 15: 11-32), ibagas malas ni uhur ma bapa ni anak na magou au mambahen mangan banggal hataridahanni malas ni uhurni. Jadi mangan banggal ibahen laho pataridahkoan malas ni uhur, janah on ma na ibahen sijalo sohei, marmalas ni uhur halani keputusanni laho mangirikkon Tuhan Jesus janah manadingkon haganup.
Hita haganupan
Ternyata keputusan na binahenni sijalo sohei ai menimbulhon respon bani halak Parisei pakon Sibotoh Surat. Na ikiritisi sidea aima sikap Jesus na mangan riap pakon sijalo sohei, sementara brand sijalo sohei aima kelompok halak pardousa, mase saor Tuhan Jesus pakon halak pardousa? Mindset ni halak Parisei janah Sibotoh Surat aima pori saor Tuhan Jesus pakon sijalo sohei, tontu saor ma homa Tuhan Jesus pakon halak pardousa, janah anggo saor Tuhan Jesus pakon pardousa, mararti pardousa ma Tuhan Jesus. Kesimpulan na ibuat secara sepihak on tontu mempunyai motivasi tersendiri, aima sihol ni uhurni halak Parisei ampa Sibotoh Surat laho menyudutkon Tuhan Jesus.
Bani respon na sonai ai, aha ma na ipadas Tuhan Jesus hubani halak Parisei ampa Sibotoh Surat ai? Hal na parlobei na gabe pendekatanni Tuhan Jesus aima marhitei na mambere gambaran pasal halak na boritan ampa doktor. Sederhana do tehnik na binahenni Tuhan Jesus marhitei na mambahen gambaran pasal doktor ampa halak na boritan. Secara nalar logis, bahasa halak na boritan do na mamorluhon doktor, lang halak na sehat ampa jorgit, aima ase halak na boritan marpala-pala mandarami doktor, halani doktor do na boi mambotoh parnaboritanni, janah doktor do homa na boi manambarisi. Roh hubani halak na tepat, boi ma menyesaikan masalah na adong. Sonai do homa hajongjonganni Tuhan Jesus roh hu dunia on. Misi penyelamatanni Tuhan Jesus justru aima na gabe sicapaianni Tuhan Jesus i dunia on. Halak na mardousa do na manghaporluhon sipaluah, halak pardousa do ma mambutuhkon hamubahon ni uhur ase dihut ia maluah, janah untuk ai do ase roh Tuhan Jesus hu dunia on. Secara tidak langsung Tuhan Jesus laho patugahkon hubani halak Parieis ampa Sibotoh Surat bahasa isuruh Bapa in do Ia roh hu dunia on, laho mambere haluahon hubani halak pardousa, janah langkah na porlu idalankon jolma pardousa aima marhitei na sirsir marhamubahan ni uhur. Ase misi penyelamatan ai bersifat universal, lang ibatasi golongan, ampa klasifikasi masyarakat na adong, tapi hubani halak na paubahkon uhurni.
Hita haganupan
Sonaha do hataridahanni paubahkon uhur on? Anggo proses ampa keputusan na binahenni sijalo sohei ai sangat jelas ampa tegas. Manadingkon haganup, profesi sebagai sijalo sohei, pihak na ianggap mambahen marsitaronon halak Jahudi bani panorang ai, manadingkon status sebagai halak na marhorja hubani pamarentah Romawi, bahkan arta ampa habayakonni, ase boi mangirikkon Tuhan Jesus. Manandingkon haganup mararti secara total mambere goluhni hubani Tuhan Jesus, manandingkon masa lalu ampa masa kini na lang iharosuhkon Tuhan Jesus, marbalik paubahkon uhur janah dihut bani misi penyelamatan na binahenni Tuhan Jesus i dunia on. Ase misi penyelamatan ai pe das do hubani warga seksi bapa bani panorang on, agepe adong sukkun-sukkun, mardousa do hita jolma/bapa? Balosni aima “mardousa”, tapi justru ibagas pardousaonta aima ase roh Tuhan Jesus mambere kesempatan hubanta laho manadingkon dousanta, marbalik huBani, paubahkon uhur, ase dihut hita hubani halak na manjalo haluahon ai. Renungan on pe laho padaskon ase, fokusta aima laho membenahi diri, mangorui panorang laho membully halak na ianggap hita sebagai pardousa, mambere branding negatif hubani halak, halani marhitei parroh ni Tuhan Jesus, haganup halak do na gabe alamat haluahonNi, lang kapasitasta laho mambahen branding halak, tapi tanggungjawabta ma laho mambahen branding hubani dirinta sandiri ase jumpahan haluahon hita. Selamat menikmati haluahon na binobanni Tuhan Jesus ma hubanta. Amen.
