Renungan Mingguan Bapa GKPS Oktober 2024

Minggu, 20 Oktober 2024 (21 SET. TRINITATIS)

Nas                  : Yakobus 1:12-18

Usul Doding   : Hal. No. 116:1,4 “Na Monang in do da Use Mangankon”

Tema                : Bertahan dalam pencobaan

Tujuan             : Agar kaum bapak senantiasa teguh di dalam iman dalam berbagai pencobaan.

MONANG IBAGAS PARLAJOUAN

Tim Penulis

Hita haganupan warga seksi bapa

Adong do sada doding rohani na idodingkon Mike Mohede, na secara sederhana patugahkon refleksi haporsayaonni pasal hajongjonganni sebagai halak na porsaya hubani Tuhan Jesus.  Sikap na martenger ni uhur hubani Tuhan, ibagas sada pemahaman paboa talar do haganup ilobeini Tuhan, lang adong na lingod. Domma ididah, ibotoh, idaihonni holong ampa idop ni uhurni Tuhan hubani, janah on ma mambahensi bertekad untuk totap martenger ni uhur hubani Tuhan. Syairni doding ai, aima: Selidiki aku, lihat hatiku, apakah ‘ku sungguh mengasihi-Mu Yesus. Kau yang maha tahu, dan menilai hidupku, tak ada yang tersembunyi bagi-Mu. T’lah kulihat kebaikan-Mu, yang tak pernah habis dihidupku, ‘ku berjuang sampai akhirnya, Kau dapati aku tetap setia. Pesan na boi gabe sijolomon humbani doding ai, aima pori aha pe na sihol dompakkononni, lang mubah haporsayaon ampakon tenger ni uhurni hubani Tuhan. Pori borat pe masalah bani goluhni, lang ai homa na mambahensi mandaoh humbani Tuhan, halani domma parlobei ia mangahapkon holongni Tuhan bani goluhni, janah on ma na mambahen ia martenger ni uhur hubani Tuhan Naibata.

Hita haganupan

Secara bersengaja do Apostel Jakobus manongos suratni hubani 12 morga na merap bani panorang ai. Mase secara bersengaja? Halani bani panorang ai, morga na merap ai sanggah mandompakkon situasi na lang urah, situasi na borat, khususni na berhubungan hubani haporsayaonni sidea, marhitei perjuangan ampa hatoguhan haporsayaon ibagas na mandompakkon halak Junani non Kristen, sonai age pemberlakuan aturan humbani pamarentah Romawi na maningon mangirikkon, janah porsaya hubani kesar Romawi bani panorang ai. Konsekuensi lang mandalankon aturan pamerentah Romawi aima marhitei hona uhum sidea. Tontu on gabe sada ujian na mambahen situasi na lang urah bani kuria in, konsistensi keputusan laho mangirikkon Jesus, ipertaruhkon ma bani situasi on. Haporsayaon na toguh justru teruji bani na mandompakkon bagei parlajouan na roh humbani aspek eksternal pargoluhanni sidea. Janah ai do na mendorong Apostel Jakobus ase ibagas na bersengaja laho mambere semangat, sonai age jiwa yang menyala hubani 12 morga na merap ai.

Hita haganupan warga seksi bapa na hinaholonganni Tuhan

Lalu aha do na gabe penakananni Apostel Jakobus?

Na parlobei Apostel Jakobus menekanhon pasal halak na martuah, ise ma halak na martuah? Pori sukkun-sukkun on ipadas hubanta, tontu bagei do homa balos na sihol bereonta, sesuai hubani satndartta bei. Adong do halan mangahapkon Bahasa ia aima martuah anggo maranak marboru ma ia, adong halak na mambahen standar martuah anggo bahat duitni, bolak tanohni, pakon adong piga-piga rumahni, adong do homa standarni martuah ma ia anggo sukses ma niombahni, pakon na legan. Tapi tontu laho memahami konsep berfikirni Apostel Jakobus, ididah hita ma makna martuah on humbani kacamata iman. Sonaha do halak na martua? Halak na martuah aima halak na tahan bani parlajouan. Kondisini 12 morga na merap ai aima ibagas parlajouan, halani tekanan na idompakkon sidea. Tapi justru bani kondisi na sonon ma porlu keteguhan haporsayaon. Tahan bani parlajouan, pataridahkon sikap ampa kondisi “kemampuan bertahan dalam kesukaran (Hupomone)”. Tontu iporluhon ma kekuatan ampa keteguhan haporsayaon bani kondisi na sonon. Bertahan ibagas haporsayaon, tanpa mencoba memberi ruang ibagas uhur marhiteihon pemahaman ampa sikap, bahasa na humbani Tuhan Naibata do parlajouan ai. Apostel Jakobus manokanhon paboa parlajouan na gati idompakkon aima humbani pihak na iluar hita (eksternal), ampa humbani dirinta sandiri (internal). Kecenderunganni jolma na lang siap bani parlajouan in, aima ketika ia justru kalah manlawan hisap-hisapni dagingni. Jadi Apostel Jakobus mangidah justru hal na gati terjadi aima hagalekonnni jolma mandompkkon hisap-hisapni dagingni, justru mambahen ia madabuh hubangas parlajouan. Tapi pori pe sonai, iarapkon do hita ase totap bertahan, anggo nini syair doding: “Kucoba bertahan mendampingi dirimu”, tontu mengandung makna, dalam kondisi na sonaha pe, maningon bertahan, dan bertahan, sehingga akhirni gabe pemenang. Gabe pemenang, on ma naiarapkon haganup halak, halani sanggah ibagas goluh on, totap do hita berjuang. Halak na porsaya, na bertahan bani situasi na sulit, janah gabe pemenang, itandai marhitei manjalo sortali hagoluhan, na pinasirsirni Tuhan Naibata bani. Anggo ididah hita bani kontestasi atap pertandingan na gati terjadi, adong 2 kemungkinan na terjadi, aima kalah atap monang. Setiap pemenang mempunyai “upah” halani hamonanganni, boi berupa apresiasi piala, barang, pakon na legan. Bani halak Kristen na monang ibagas hatoguhon haporsayaonni pe dopatan “upah” do, aima sortali hagoluhan.

Hita haganupan, hortali hagoluhan aima simbol  kekekalan. Hagoluhan na sadokah ni dokahni ipasirsir Tuhan Naibata hubani halak na bertahan bani parlajouan na idompakkonni. Poin na sihol padason aima bahasa Tuhan Naibata tongtong ibagas holong-Ni marmudu-mudu goluhta. Ijanjihon do goluh na sadokah ni dokahni hubani halak na tahan bani parlajouan ai. Janah ihaporsayai hita do paboa haganup na roh humbani Tuhan Naibata aima hal na dear, na lang mamboan jolma in hubani parlajouan, tapi justru paluahkon jolma in humbani parlajouan marhitei na pasirsir sortali hagoluhan in.

Kuria hinaholonganni Tuhan

Sipata bani na mardalan hita bani prosesni goluh ampa haporsayaonta on, bagei do na idompakkon janah ilopusi hita. Bahkan sipata mahol do hita mandompakkon ai, janah tanpa isadari hita, boi do homa ai mambahen hita hubani sada titik kesimpulan paboa lang tuk gogohta. Kesimpulan on sebenarni boi ididah hita humbani dua sisi, na parlobei aima sisi na berdampak bani na menyerah, halani lang tuk be gogohta, tapi sisi na mangihut aima sisi na mamboan hita hubani sada sikap marondos hubani Tuhan, na mambahen gabe tuk gogohta mandompakkon haganupan. Na gabe masalah aima, das hita hubani sada kesimpulan, bahasa masalah goluh in harorohanni humbani Tuhan Naibata. Tontu anggo das hita bani kesimpulan na sisonai, mambahen hita gabe urah menyalahkon Tuhan, menganggap bahasa asal ampa akar persoalan na idompakkon hita aima humbani Tuhan.Tontu on porlu ididah humbani kacamata haporsayaon. Janah on ma na sihol padasonni Jakobus hubani haganup pagorini seksi Bapa bani kuria-Niin, ase totap toguh ibagas haporsayaon, ulang menyerah, halani ujungni aima sortali hagoluhan do na gabe parbagianan banta, songon na isuratkon Apostel Paulus hubani kuria Roma, bani Rom 8:18 “Ai huhira, sitaronon bani panorang sisonari seng satimbang in marimbang hasangapon, na sihol sipatalaron ope banta”, sonai ma tongon semangatta berjuang mandompakkon goluh on, janah totap ibagas tenger ni uhur hubani Tuhan Naibata, sai jumpahan sortali hagoluhan in do hita bani ujungni. Amen.