Renungan Mingguan Seksi Bapa GKPS, 29 Desember 2024 (Minggu set. Natal)
Nas : 1 Korintus 4:1-4
Doding : Haleluya No. 248:1-2
Tema : Menjadi orang yang dapat dipercaya
Tujuan : Agar kaum Bapak senantiasa bertanggungjawab atas tugas yang dipercayakan kepadanya
HAPOSAN BANI HORJA
Horas ma hubani nasiam seksi Bapa GKPS. Malas uhur marjumpah use hita bani ujung ni tahun 2024 on ibagas malas ni uhur marhitei renungan mingguan on. Bani panorang on sihol lobei hita marlajar pasal “gabe halak na boi gabe haposan”. Boi gabe haposan (dapat dipercaya) aima sada humbani buei ciri-ciri ni jabolon ni Naibata (hamba Allah). Ganupan jolma do idilo gabe jabolon ni Naibata, tarmasuk ma ai seksi bapa GKPS. Halani ai, maningon sipardihut do homa bapa parbagianan bani hulanan ni halak na boi gabe haposan. Biak boi gabe haposan terbentuk humbani pangarusion bahasa Tuhan do panguhum na pintor. Tuhan boi mangidah hita bani ganup panorang janah age tingki ija pe hita. Irik hujai, Tuhan lang sitonggor bohi, tapi pangidah ni Jahowa das hubagas uhur parbagas na mambahen lang tarporsou hita Naibata marhitei na pasuman-suman parlahou. Borsih ni uhur manghorjahon rosuh ni Naibata ionjar kesadaran bahasa aha pe na hinorjahonta aima hubani Naibata sedo bani jolma (Kol. 3:23). Irik hujai marlajar humbani Apostel Paulus marhitei nas renunganta on, iajari do hita ase pori iuhumi jolma pe hita atap ituduh marsalah, lang pala sai ganggu uhurta atap dihut hita mangadili dirinta sandiri halani Naibata do panguhum na pintor.
Paulus tangkas mambotoh kondisi ni kuria Korint bani panorang ai. Sidea marosuh marbolah-bolah janah mengidolakan piga-piga Apostel secara tidak sehat. Ai mambahen sidea marblok-blok janah lang be Naibata na ipasangap sidea tapi jolma. Buei do homa na sangsi bani Haapostelan ni Paulus janah memfitnah ia. Ase bani nas on, Paulus membela dirini marhitei na manghatahon bahasa ia aima sahalak na boi gabe haposan (seseorang yang dapat dipercaya). Peristilahan na ipake laho patorangkon halak ma boi gabe haposan aima “sijolom anakkunsi”. Ijia, jabolon na boi gabe haposan do na gabe sijolon anakkunsi. Sada horja na penting tapi irik do homa ijai adong tanggungjawab na banggal tumang. Ia maningon martanggungjawab bani na manjaga rahasia ni tuanni janah manjaga arta ni tuanni. Ia maningon lang urah targoda bani sisip na berpotensi manrugihon tuanni. Ia maningon memiliki sifat na lang ra mamakei atap mamboiskon na lang parbagianan ni (milik ni). Ia do na manjolom anakkunsi ai tapi lang hak ni ai, potah manjaga do ia ibagas na jimot.
Pembelaan ni Paulus bani dirini sandiri pe homa sihol patorangkon bahasa ia aima sahalak na berintegritas. Aha na mangonjar uhurni (motivasi), aha na ihatahonni pakon aha na ihorjahon ni mardalan julur lang paseksuk atap mardugu. Ada kesesuaian antara apa yang ada di dalam hati dengan apa yang dikatakan begitu juga dengan apa yang dilakukan. Lang martopeng atap munafik. Bujur janah borsih do uhurni manghorjahon horja pangidangion i. Ase sanggah ifitnah halak ia, lang sai rusak uhurni, halani tangkas do bani lang hubani jolma ia martanggungjawab tapi hubani Naibata do. Ase halani tangkas do bani, hubani ise ia martanggungjawab, tontu jaga do homa ia bani uhurni age pambahenan ni, halani Naibata lang boi itokoh-tokohi. Tingki talar age tingki ponop bani jolma, dos do parlahou ni. Bani jolma do adong deba na talar pakon adong deba na ponop. Anggo bani Tuhan, talar do ganup.
Kuria ni Tuhan!
Seksi bapa pe tardilo do ase gabe sijolom anakkunsi na boi gabe haposan. Ase boi gabe haposan, maningon do memiliki karakter bertanggung jawab. Melatih diri ase boi martanggung jawab bani pahara na banggal, maningon lobei boi martanggungjawab bani pahara na etek. Nini do bani Lukas 16:10: “Anggo hatengeran ni uhur halak bani na otik, hatengeran ni uhur do ia age bani na buei, anjaha anggo geduk ia bani na otik, geduk do homa age bani na buei.” Anggo sonai, ija do bapa martanggungjawab? Tontu bani haganup aspek pargoluhan. Bapa lang pitah martanggungjawab laho mansari tapi dihut do homa martanggungjawab laho mangurus pakon mangajari niombah. Dihut martanggungjawab bani horja kuria, masyarakat age rumah tangga ni. Istri pakon niombah ibagas posisi marsitungkolan pakon bapa. Secara khusus dompak niombah, bapa martanggungjawab gabe sitiruon. Adong na manghatahon sonon: Anak adalah pendengar yang buruk tapi peniru yang sangat baik. Niombah urah lupa bani podah dalam bentuk perkataan, tapi dingat torus bani teladan na binahen ni orangtuani. Ase marhitei renungan mingguan on ipasingat do bapa ase gabe haposan bani parsahap ni age pambahenan ni. Gabe sitiruan ma tongon, halani sanggah sirsir bapa marniombah, maningon sirsir do homa gabe jabolon ni Naibata na gabe alat ni Naibata mangajari niombah ai. Anak adalah milik Tuhan, orangtua bertanggungjawab mambobai sidea bani goluh na hinarosuhkon ni Naibata. Amen.
