
Renungan Mingguan Seksi Bapa GKPS, 2 Februari 2025 (4 Set. Epiphanias)
Nas : 1 Raja-raja 19:1-8
Doding : Haleluya No. 492
Tema : Meneriman kekuatan dari Tuhan
Tujuan : Agar kaum bapa selalu meminta kekuatan dari Tuhan
IBOTOH NAIBATA DO
(Tim Penulis)
Horas ma hubani nasiam seksi Bapa GKPS!
Pajumpah hita use bani renungan mingguan seksi bapa GKPS tahun 2025 ibagas pangarapan bahasa na totap do iahapkon hita holong pakon idop ni uhur ni Tuhan bani goluhta.
Kuria ni Tuhan!
Hita mandompakkon bagei-bagei musim ni pargoluhan. Gati do hita tartawa tapi gati homa do hita tartangis. Hansa gatni, anggo bapa, pori ni borit pe paruhuranni, ra do lang pala tariluh halani buei do dalahi na lang barani patuduhkon boritni paruhuranni marhitei iluh halani mabiar ianggap galek. Adong do stigma na masa banta na manghatahon bahasa dalahi lang suman anggo tangis janah tangis ni dalahi ianggap sebagai bentuk cengeng pakon manja atap ra ipasuman hubani naboru. Apalagi ma anggo das tangis tariluh dalahi i lobei ni na mabuei, ra do ianggap ai lang memiliki harga diri janah lemah. Ase sonari porlu do bapa manrimangi use sonaha do ia mengekspresikan atap melepaskan janah mengurai perasaan-perasaan na dong ibagas uhurni? Menyendiri do? Tangis do? Hu kodei do? Main game do? Berwisata do? Manginsop do? Marjudi do? Martonggo do? Menganalisa do? Tontu boi do nasiam mardingati kecenderungan-kecenderungan na hinorjahon nasiam anggo sanggah ibagas perasaan na lang nyaman nasiam.
Bagei-bagei kegagalan ni goluh boi mambobai jolma hu arah putus asa. Sanggah marputus asa, hampa do pangahap pargoluhan na mambahen lang sanggup berpikir positif. Kondisi sisonai aima na ialami si Elias. Baru ai pe si Elias on mengalami hamonangan manlawan nabi-nabi baal. Ia mangarapkon hamonangan ni mangimbang nabi-nabi baal ai boi mambahen rayat pakon raja Israel gabe marhamubahan ni uhur janah manadingkon baal irik marbalik hubani Naibata. Bani panorang na salpu domma marulak-ulakan Elias pasingatkon raja ase itangihon hata ni Naibata janah itandingkon baal, tapi lalap do raja ai patengerhon uhurni. Torus do ia pasingatkon janah mansorahon hamubahon ni uhur, tapi totap do inunuti bangsa ai mardousai dompak Tuhan Naibata. Ase, banggal tumang do pangarapanni sanggah monang ia mangimbang nabi-nabi baal, mintor mubah ma namin uhur ni bangsa Israel. Hape lepak do adang-adang humbani sibar-sibar. Lang mubah uhur ni bangsa ai, justru hosahni do use na tarancam ibahen parinangon ni raja Ahab na margoran Isebel. Isebel sihol mamunuh Elias. Nini bani ayat 2: “Dob ai isuruh si Isebel ma suruhanni marayak si Elias mangkatahon hu bani, “Sai sonin ma ibahen Naibata bangku, lobih ope tene, anggo seng hubahen hosahmu patar, usih songon na binahenmu hu bani hosah ni ganup sidea ai.” Pangarapan ni Elias lang gabe kenyataan. Age pe domma terbukti kuasa ni Tuhan na paturunkon apuy mangankon galangan na binahen ni si Elias, lang hape boi ai manggugah paruhuran ni bangsa ai. Masa do halongangan ijai tapi halongangan banggal ai lang mambahen bangsa ai porsaya (boi do ibasa hita 1 Raja-raja 18 ase iarusi hita latar belakang ni nas renunganta on). Raja Ahab torus ope patengerhon uhurni, ia mangaduhon peristiwa penghukuman dompak nabi-nabi baal (18:40) hubani parinangonni. Isebel na fanatik manombah baal gabe manggila. Serius do ancamanni hubani si Elias, gabe maporus ma si Elias paluahkon diri.
Ase, hunjon ididah hita bahasa dob marusaha Elias manghorjahon aha na ianggap ni sintong untuk mambela Tuhan janah mambahen bangsa Israel bertobat, justru ai do use na mambahen hosahni tarancam. Gabe maporus ma ia, das honsi i Berseba ia manadikkon juak-juak ni lanjar laho hu halimisan. I halimisan ai martonggo do ia. Aha ma na pinangindoni bani tonggo ni ai? Aima hamateian (ay. 3-4). Sonon nini: “Sungkup ma in Ham Jahowa, buat Ham ma hosahku, ai seng dearan paruhuranku hun bani ompungku.” Ia mangindo ase ibuat Jahowa hosahni. Mase si Elias on mangindo matei? Balos ni halani putus asa. Keputus asaan on gabe puncak ni ganup kekecewaanni. Ia kecewa hubani umat Israel, tarlobih Raja Ahab na lang ra martobat. Ia mangagan kerja keras pakon usaha-usaha na binahen ni lang marhasil atap gagal besar janah pitah ia mando na manombah Tuhan Jahowa humbani ganup bangsa Israel ai. Ia mabiar halani ancaman ni Isebel na sihol mamunuhsi. Elias kecewa tumang, merasa sendirian janah mabiar tumang. Ibagas situasi ai, ia mangidah pitah hubani dirini sandiri. Lang be marpangarapan ia, janah dearan ma pangahap ni matei. Tapi, diatei tupa ma hubani Tuhan Jahowa, Ia lang paturutkon keputusasaan ni si Elias ai. Parduli do Ia hubani Elias. Lang mintor ibalosi Tuhan tonggo ni si Elias ai marhitei na manrotap hosahni, tapi roh do Ia mangurupi Elias. Ibagas idop ni uhur-Ni ipahisar do si Elias marhitei na mambahen ia marsaran (modom), dob ai mangan ampa minum (ay. 5-8). Tuhan mamparuhurhon haporluan parangkulaon ni Elias. Dob mangan ampa minum ia, sanggup ma ia mardalan ompat puluh ari ompat puluh borngin dokah ni das hu dolog Horeb, dolog ni Naibata. Anggo itoruskon hita mambasa das hubani ayat-ayat dob nas ni renungan on ididah hita ma bahasa lang hape Elias sahalaksi na manombah bani Tuhan tapi dong ope pitu ribu halak na setia hubani Tuhan Jahowa (19:18). Dob ai na paling porlu humbani haganupan ai, lang ipaturut Tuhan sahalaksi berjuang bani goluh on, harga do ia bani Tuhan Jahowa.
Nasiam Bapa GKPS!
Ongga do ham merasa sendirian? Tuntutan-tuntutan “laki-laki harus kuat” ra do justru melemahkan. Wajar do jolma galek bani situasi-situasi tertentu. Lang adong jolma na toguh torus, age dalahi age naboru. Bahkan kisah bani bibel ta patuduhkon hagalekon ni sidea na ianggap kuat (Abraham, Musa, Jakob, Elias). Ase na paling porlu janah na iparlajari hita humbani renungan mingguanta on aima sonaha do sahalak bapa bersikap sanggah galek ia. Huja do ia mangadu? Atap menahan perasaan do ia na mambahen gabe meledak ma perasaan kecewa ai dalam bentuk putus asa bahkan manghasiholhon ase matei ma lah? Dingat hita ma marsaran anggo loja hita bani goluh on, mangan ampa minum na bergizi, mengatur pola tidur. Anggo hurang modom hita, buei tumang do panghorhon ni ai bani emosi. Na hurang modom boi do gabe urah manggila. Tulimati hita ma use pola hidupta. Seimbang do hita mambagi panorang horja, marsaran, bersosialisasi pakon mangan-minum? Atap na loja tu do hita horja, na mambahen lang homa efektif horja ai. Atap na sumsam tu do parpanganta, na mambahen lang sehat angkulanta. Angkula na lang sehat boi do mambahen paruhuran lang sehat. Atap na bahat tu do hita marsaran pakon marsosialisasi, on mambahen koring ma kunsang. Hundul-hundul i kodei, lang terasa bois ari-ari, hape juma halong. Zaman sondahan on, hiburan pe homa lang pitah marbuali pakon hasoman atap mardalani, adong do homa na mar-game bani HP, on pe boi mambahen lupa waktu, bois panorang bois duit mambiayai internet. Hal-hal sisonon pe gogoh do mambahen bapa gabe lupa diri. Renungan on mangojur hita ase manata goluh na seimbang.
Irik hujai, dingat hita ma torus, lang ongga Tuhan paturutkon hita sendirian. Ihasomani janah ipargogohi do tong hita. Kesadaran bahwa kita tidak sendirian akan sangat membantu kita untuk bangkit lagi dan lagi ketika menghadapi pergumulan hidup. Ulang ma hita pitah mangidah hubani dirinta atap masalah mo goluhta, marpanatap ma hubani Jahowa, ai iarusi do uhurta janah sirsir do Ia mangurupi hita. Amen.