IBADAH HARIAN KELUARGA GKPS
Selasa, 12 Mei 2026
I. Bahasa Simalungun
1. Doding: Haleluya No. 490:1+3
Sonang rapkon Jesus in, rapkon Jesus tongtong, rapkon Jesus tongtong,
Ia Panondang bai na golap in, Rap Jesus daoh biar ijin.
Baritahon Jesus in, pakon hasintonganNin,
janah ulang mabiar ham ijin.
Dogei ma bokas-Ni in, sai irikhon ma in, sai irikhon ma in.
Janah tangihon dilo-diloNin, rap Jesus daoh biar ijin.
Sai irikhon Jesus in anjaha balosi in,
janah ulang mabiar ham ijin.
2. Tonggo
3. Ayat Harian
“Jadi dob hutulimati, jongjong ma ahu, anjaha ningku ma dompak halak na sangap pakon dompak kopala ampa simasima ni bangsa ai, “Ulang ma nasiam mabiar mangidah sidea. Dingat nasiam ma Jahowa, na banggal anjaha na majombut, anjaha marporang ma nasiam mangkopkop sanina nasiam, anak nasiam, boru nasiam, parinangon nasiam ampa rumah nasiam.” (Nehemia 4:14)
4. Renungan: “Marjuang Ibagas Tuhan”
Kuria na hinaholongan ni Tuhan. Sanggah bangsa Israel paulihon use tembok Jerusalem, sidea mandompakkon lang pitah borat ni horja ai tapi ancaman, intimidasi ampa mabiar. Munsuh-munsuh marusaha laho pasohkon pembangunan ai marhitei na mangancam. Bani situasi aima Nehemia jongjong songon sahalak pambobai na marhaporsayaon na gok hubani Tuhan. Nehemia aima sahalak juru minuman ni raja Persia ijia, tapi ia totap mardingat hubani bangsani. Lang marosuh ia anggo bangsa ai gap bani uhur biar tapi itujuhon do panonggor ni sidea hubani Naibata na mardaluat janah markuasa. Hunjon ma tubuh habaranion pakon pambobai ni Nehemia on. Tapi ijon Nehemia lang pitah laho mampartahankon tembok ai, lobih hunjai ia pasingatkon ase bangsa ai marjuang laho mangkopkop keluarga aima niombah, parinangon ampa rumah ni sidea. Ijon ma iidah hita paboa keluarga aima bagian ni parentah ni Naibata ningon ijaga janah iramotkon. Ibotoh munsuh do ai paboa anggo domma maseda keluarga, haporsayaon pe galek ma homa.
Adong tolu hal na porlu tumang humbani nas on aima: Na parlobei aima singat-singat ase semangat. Halani habiaran ni bangsa ai ipasingat Nehemia ma hubani pambobai na sangap-sangap ase ulang mabiar laho mandompakkon parlawanan ampa parporangan ai. Ningon idingat sidea paboa sidea sedo mangajamkon gogoh ni sidea laho marporang tapi mangajamkon kuasa ni Tuhan do. Napaduahon: Nehemia paingatkon ase ulang tartuju sidea bani hebatni lawan ai tapi pangkawah ni sidea aima dompak Naibata na banggal janah markuasa ai. Sedo hubani jangin ni ancaman ai tapi kuasa ni Tuhan na gabe pangurupi hujai ma sidea mangkawah. Napatoluhon: adong buei alasan bani sidea ase totap marjuang janah martahan itongahni tantangan ai. Nehemia mandilo ase ganup bangsa ai rap marjuang laho mangkopkop bangsa ai, age i tongah ni situasi na borat ai. Halani ai perjuangan on lang pitah secara fisik hansa, tapi laho mampartahankon hal na porlu tumang aima keluarga, bangsa ampa rumahni sidea. Hatolusi on ma alasan na gogoh ase ulang mabiar janah totap marjuang janah martahan laho manjaga ampa manramotkon keluarga.
I tongah ni buei hamaholon na idompakkon hita nuan on sebagai keluarga Kristen. Ipasingat do hita bani na tolu pahara on; totap semangat, ulang mabiar; fokus hubani Naibata, janah totap mardingat keluarganta on ma na gabe dasar banta ase totap marjuang janah martahan. Halani ihaporsayai hita paboa hamonangan ta ai sedo halani gogoh ni jolma tapi halani kuasa ni Tuhan do, na lobihan humbani ganup kuasa na boi mantaluhon hita. Ipaingat do hita paboa Naibata marhitei AnakNi, Tuhan Jesus Kristus dob mantaluhon dunia on ampa kuasa hagolapan in marhitei silang ampa parpuhoNi. Halani ai, hita marjuang sedo ase monang tapi humbani posisi hamonangan na dob iondoskon banta ai do. Ase lang be hita mabiar bani ganup ancaman ni dunia on. Ingat hita ma paboa banggal janah markuasa do Tuhanta na mangapiti hita. Jongjong ma hita mangkopkop keluarganta marhitei tonggo, holong ampa haporsayaon. Halani porsaya do hita paboa margogoh do Naibata laho manjaga ampa maramotkon ganup rumah tangga na marpangunsandeian hu Bani. Amen.
5. Doding: Lagu Rohani “Ulang mabiar”
Ulang mabiar ge ulang ham gobir
lao mandompakkon ganup dunia on
Tuhan Jesus baen ham batar-batarmu
talu do kuasa ni dunia on
**
bai na sonang ge bai ham na marsik
ulang das lupa ham martarima kasih
sai sintong do padanni Tuhan in
la manaron dosa dunia on
sai pabulus ma uhurmu dainang
sai pabulus ma uhurmu ham bapa
sai kawahkon ham ma Tuhan Jesus in
ulang ham soya manaron in ganup (ending 2x)
6. Tonggo Ham Bapanami
II. Bahasa Indonesia
1. Nyanyian: KJ No. 334:1+3
Jangan takut, hai tanah, sorak-sorai bergembira, kar’na besarlah
karya Allah, ciptaanNya mulia.
Pengirikan pun penuh dengan padi, lumbung-lumbung limpah ruah
Isinya. Pengirikan pun penuh dengan padi, lumbung-lumbung
Limpah ruah isinya.
Mari umat percaya, sorak-sorai bagi Allah,
kar’na besar kemurahanNya dalam hujan berkatNya.
Pengirikan pun penuh dengan padi, lumbung-lumbung limpah ruah
Isinya. Pengirikan pun penuh dengan padi, lumbung-lumbung
Limpah ruah isinya.
2. Doa
3. Ayat Harian* (Nehemia4:14)
“Kuamati semuanya, lalu bangun berdiri dan berkata kepada para pemuka dan para penguasa dan kepada orang-orang yang lain: “Jangan kamu takut terhadap mereka! Ingatlah kepada Tuhan yang maha besar dan dahsyat dan berperanglah untuk saudara-saudaramu, untuk anak-anak lelaki dan anak-anak perempuanmu, untuk isterimu dan rumahmu.”
4. Renungan: “Berjuang di dalam Tuhan”
Jemaat yang terkasih di dalam Tuhan. Ketika bangsa Israel membangun kembali tembok Yerusalem, mereka tidak hanya menghadapi pekerjaan yang berat, tetapi juga ancaman, intimidasi, dan ketakutan. Musuh-musuh berusaha menghentikan pembangunan dengan tekanan dan ancaman. Dalam situasi itu, Nehemia berdiri sebagai pemimpin yang penuh iman. Nehemia adalah juru minuman raja Persia namun ia mengingat bangsanya. Ia tidak membiarkan bangsa Israel larut dalam ketakutan, melainkan mengarahkan mata mereka kepada Tuhan yang berdaulat dan berkuasa. Dari sanalah keberanian dan kepemimpinannya lahir. Namun pesan Nehemia bukan sekadar tentang mempertahankan tembok kota. Ia memanggil umat untuk berjuang demi keluarga mereka anak-anak, pasangan, dan rumah tangga mereka. Di sini kita melihat bahwa keluarga adalah bagian dari mandat Allah yang harus dijaga dan dipelihara. Musuh mengetahui bahwa ketika keluarga runtuh, generasi iman pun ikut melemah.
Ada tiga pesan yang sangat penting lewat nas ini: yang pertama memberikan dorongan semangat. Nehemia melihat ketakutan bangsa itu adalah dengan menasihati para pemimpin, pembesar dan rakyat agar tidak menyerah pada rasa takut dalam menghadapi perlawanan dan peperangan. Karena mereka harus mengingat bahwa mereka tidak berperang bukan dengan kekuatan mereka tetapi mengandalkan Tuhan. Yang kedua: Nehemia mengingat untuk tidak fokus kepada hebatnya lawan tetapi fokuslah kepada kebesaran dan kedaulatan Tuhan. Bukan ngerinya ancaman yang mematahkan semangat mereka, tetapi kekuasaan Tuhan yang menjadi penolong mereka. Yang ketiga: ada alasan yang kuat untuk tetap berjuang dan bertahan di tengah tantangan. Nehemia memanggil umat untuk berjuang di tengah pergumulan yang berat itu, mereka harus sama-sama memperjuangan di dalam iman dan juga bertindak untuk mempertahankan bangsa mereka. Perjuangan bukan hanya pertempuran fisik tetapi juga perjuangan untuk mempertahankan yang paling berharga bagi mereka yakni keluarga, komunitas dan rumah mereka. Ketiga hal ini adalah alasan untuk tidak takut, tetapi harus berjuang dan bertahan untuk menjaga dan memelihara bangsa Israel.
Di tengah banyak kesulitan yang kita alami saat ini, sebagai keluarga Kristen. Kita diingatkan untuk ketiga hal tadi bahwa kita harus semangat, jangan takut; kita harus fokus kepada kuasa Allah dan mengingat keluarga kita adalah dasar bagi kita untuk berjuang dan bertahan. Sebab kita percaya bahwa kemenangan itu tidak bergantung pada kekuatan manusia tetapi pada kuasa Allah yang dahsyat yang melampaui segala kuasa yang mungkin mau menjatuhkan kita. Kita diingatkan bahwa Allah lewat AnakNya, Tuhan Yesus telah mengalahkan dunia dan seluruh kuasa gelap melalui salib dan kebangkitan-Nya. Karena itu, orang percaya tidak berjuang untuk memperoleh kemenangan, melainkan berjuang dari posisi kemenangan yang sudah diberikan Kristus. Maka, janganlah takut terhadap ancaman dunia. Ingatlah Tuhan yang besar dan dahsyat. Berdirilah bagi keluarga kita melalui doa, kasih, dan iman. Sebab kita percaya bahwa Tuhan sanggup menjaga setiap rumah tangga yang bersandar penuh kepada-Nya. Amin.
5. Nyanyian: Lagu Rohani “El Shaddai”
Tak usah ku takut, Allah menjagaku
Tak usah ku bimbang, Yesus peliharaku
Tak usah ku susah, Roh Kudus hiburku
Tak usah ku cemas, Dia memberkatiku
El Shaddai, El Shaddai, Allah maha Kuasa
Dia besar, Dia besar, El Shaddai mulia
El Shaddai, El Shaddai, Allah maha kuasa
Berkatnya melimpah, El Shaddai
6. Doa Bapa kami
_Kantor Sinode GKPS_
About the Author
