Nats : Galatia 5: 13-15
Usul Doding : Haleluya No. 334: 1-2
Thema : HAMERDEKAONNI HALAK KRISTEN
Tujuan : Ase Haganupan Bapa Manyadari Paboa Hamerdekaonni Halalk Kristen aima Kesempatan Laho Mangidangi Halak na Legan Ibagas Holong.
HAMERDEKAONNI HALAK KRISTEN
Surat Galatia aima sada surat na gogoh tumang mangondolhon pasal hamerdekaonni halak Kristen ibagas Kristus. On do na itekanhon bani Galatia 5: 13-15 on aima paboa hamerdekaonni Kristen sedo alasan ase manggoluh ibagas na maruhur-uhur bai tapi gabe modal besar laho mangodangi ibagas holong na humbani Tuhan ai. Paulus manurathon surat Galatia on laho manantang ajaran Yudaisme legalistik na mangajarhon paboa halak Kristen maningun manghorjahon Titah ase maluah. Paulus menekanhon paboa haluahon ai pitah marhoitei anugrah atap pe idopni uhurni Tuhan Naibata marhitei haporsayaon hubani Jesus. Bani pasal 5 on ma Paulus manokanhon hamerdekaonni halak na porsaya ai humbani Titah tapi ulang isalahgunahon hamerdekaon ai laho gabe manggoluh ibagas dousa.
Manurut Johanes Calvin, kebebasan ni halak Kristen sedo kebebasan manghorjahon na lang iharosuhkon Naibata tetapi kebebasan laho manggoluh luar humbani parjabolonanni Titah na lang boi paluahkon.
- Huhamerdekaon do nasiam tardilo (ay. 13a)
Hamerdekaon humbani aha do naimaksud ijon, aima hamerdekaon humbani pemahaman paboa Titah aima dalan hu haluahon, Merdeka humbani kuasani dousa, janah Merdeka ase manggoluh ibgas kuasani Tonduy Napansing. Peringatan serius ni Paulus namangihut aima:
- Ulang pakei nasiam hamerdekaon nasiam in gabe bossir laho mambalosi daging. (ay. 13b)
Sedo halani domma mardeka gabe maruhur-uhur sandiri bani goluh on. Hamerdekaon na maruhur-uhur bai on isobut Martin Lyon Jones ma sebagai hamerdekaon antinomianisme -haporsayaon na manobut paboa halak Kristen lang porlu be manaati hukum moral halani domma ibagas idopni uhur. Tapi sedo ai, Paulus manobut paboa halak Kristen maningun do manggoluh ibagas hapansingon, sedo hisap-disapni daging. Maningun iihuthon bani ketaatan hubani Kristus janah manggoluh ibagas pambobaini Tonduy Napansing.
- Marsibalos-balosan ma nasiam ibagas holong.
Haluahon na humbani Naibata ma ningun taridah marhitei holong dompak hasoman jolma. Calvin manobuit bahwa holong aima tandani halak na domma benar-benar manggoluh ibagas idopni uhur. Jesus sandiri aima contoh pasal on.
- Ganup Titah ibagas hata na sangkababah on do rimpunni
Rimpunni haganupan Titah ai aima sada hata, holong. Holong dompak Naibata pakon holong dompak sesama jolma. Holong aima hukum moral sitingginan, na lang pitah manuntun sasada halak ase ulang mardousa tapi termasuk ase mangidangi atap manuntun sesama bani hadearon. Anggo adong na mangklaim manghaholongi Naibata tapi mamunsuhi hasoman, sipasungkunon ma haporsayaonni ai.
- Anggo marsiharatan anjaha marsipanganan samah nasiam, jagama ase ulang marsisedaan
Marsiharatan pakon marsipanganan aima metafora parbolah-bolahan bani kuria in na parsedahon. Bueinan do gareja maseda sedo halani tantangan na roh hun darat, tapi hun bagas do. Halani ai isobut Paulus do paboa anggo lalap do markonflik gareja, dobni marsipasedaan do ai nasada pakon na legan, janah maseda ma homa hasaksianni Gareja halani ai. Halani ai itekanhon do ase manggoluh ibagas holong pakon hasadaon lang ibagas parsalisihan apalagi sogamni uhur.
Ase domu hubani teksni renungan on, manggoluh ma haganupan bapa ibagas holongni uhur. Lang justru ibagas na marbolah-bolah halani gijang ni uhur, marasa diri sisintongan atap halani persaingan na sada pakon na legan. Ijon ma taridah pemahaman na sintong pasal haporsayaon hubani Tuhan ipataridahkon hubani hubungan atappe relasi pakon hasoman. Tangkas ma homani paboa hamerdekaon na bani halak Kristen ai aima hamerdekaon ibagas Kristus, lang pitah hamerdekaon na humbani Kristus. Amen.
About the Author
