Bahan PA Bapa 26 Juli 2026
Teks : 1 Yoh 1:5-10
Tema : Marsaksi gabe hagoluhan
Haleluya No. 6: 1, 9, 13 “Ham do i Puji uhurhon”
Tujuan : Hasaksian na ihorjahon kaum bapa ipataridahkon ibagas hagoluhan siganup ari
- Aha barita na ibogei ham nattuari, sadarion, assogot?
Nattuari na ibogei ham; Buei na masa pasal naboritan, namarujunggoluh, marhajabuan, tubuhan niombah, partinggilan, parporangan, pembunuhan, harga jual boniaga lang stabil, perbaikan jalan, pembangunan gereja, pkn. Bani haganupan barita na ibogei ham on pasti adong do pusokni uhur pakon malasni uhur. Sadarion na ibogei ham; Buei na masa pasal naboritan, namarujunggoluh, marhajabuan, tubuhan niombah, partinggilan, parporangan, pembunuhan, harga jual boniaga lang stabil, perbaikan jalan, pembangunan gereja, pkn. Assogot aha na ibogei ham; Buei na masa pasal naboritan, namarujunggoluh, marhajabuan, tubuhan niombah, partinggilan, parporangan, pembunuhan, harga jual boniaga lang stabil, perbaikan jalan, pembangunan gereja, pkn. Totap do on na ibogei ham? Ra do roh buei ni use barita, rado homa roh otil ni use nabogei barita. Bani barita na ibogei ham on, bueinan bani malas ni uhur atap pusokni uhur. Pandei ma hita mamilah-milah in bani uhurta bei. Ulang sai lalap bani pusokni uhur tapi gok malasni uhur ma. Na domma isaksihon ham pasal barita na ibogei ham ai, sintong do?. Pasti sintong do buei na domma masa ai, lang gabe ai mambahen gobir uhur. Adong ma hatotapanni uhur bani barita na ibogei ai, sinaksihonmu ai gabe hadearan bahen ham totap marpangajaman ibagas Ia.
- Barita na totap bani goluhmu?
Songon barita na ibogei ra lambin mambobai uhur huhabiaron/hagolapan, tapi barita na tongtong mambahen marulih hita sai mambobai huhaliharon do.
- Bani sejarah gereja marhitei kisah bapa gereja Klemens hun Roma, ipataridahkon do “habaranionni laho mampartahankon haporsayaonni”, age pe ia ibagas sitaronon.
- Barita pasal bapa bani bibelpe buei do juppah hita. Songon Abraham; na satia hubani hatani Tuhan(1 Mus.12), Ishak; paruhuran na bujur, anjaha bulus bani hataNi (Kej.21), Yusuf na totap ibagas panramotionni Tuhan janah borani mamorsan haganup tanggungjawabni (Mat.1: 18-20).
- Barita pasal bapa reformator marhitei Martin Luther (Rom.1:16-17). Suang sonai do homa age barita na harga pasal panggoluhkonni bapa sipambobai bani gerejata August Theis – Jaulung Wismar Saragih (sejarah GKPS, 02 September 1903).
- Holong na lang marnamubah aima holong ni Bapata Tuhan Jesus in (Joh.3:16).
Adong na na tarsirat pakon tarsurat. Aima Hata hagoluhan na hotop mambobai goluhta on. Bani mulai mungkahni adong na adong sondahan on domma adong. Aima Tuhan Naibata Tuhanta Jesus Kristus in. Hata-Ni in totap do. Ai nini do “Hata-Mu do rigapan bani naheihu anjaha panondang bani dalanku” (Psal.119:105, Pod.6:23, 2 Ptr 1: 19). Sonai do homa bani ay.5 “Anjaha on do barita na dob binogeinami hun Bani anjaha binaritahon bani nasiam, panondang do Naibata, anjaha aha pe lang adong na golap ibagas Ia” (1 Yoh.1:5; Jak.1:17). Pasal na ibaritahon na isaksihon Yohannes marhitei teks on tangkas ma hubanta bahasa lang marnamubah Tuhanta mangkaholongi hita, mardiateihon goluhta (Yoh.3:16). Anjaha bani buei ni hatalaron ibotoh anjaha ididah Johannes pasal pambahenanNi Tuhan huhagoluhanta on. Sihol do totap ipasingat hita ase goluh ibagas haliharon na humBani. Songon sanggah mardalan ham ibagas na golap tontu gobir do, buei do ibahen cara ase gabe torang marhitei pagoluhkon, senter, mancis,hp, kreta, motor pkn ase adong palita anjaha sebalikni sanggah adong haganupan panondang ronsi palita in seng dong be juppahkononta hagobiron in, barani ma hita mardalan. Das sonai do homa goluh na totap orod huBani sai daoh ma goluh ibagas pardousaonta. Hotop do tonduyNi marhorja ibagas hita. Artini sai totap manaksihon pasal sonaha habanggalonni hataNi Tuhan ibagas gobirmu dong do gogohNi, ibagas hagolapan in goluhmu adong lihar pakon sinondangNi patotapkon ronsi pasingatkon ham. Marhitei hataNi, pamujionmu huBani, marhitei tonggo pinadasmu huBani.
- Panondang do Naibata, manondangi na golap.
Ambilan namadear na domma ondos hubanta marhitei Joh.1:1-4. Bani panuratanni teks on marlaku do homa pasal ketegasan bani uhur ampa pikkiranta bei sibobai goluh. Surdungan huja do goluhta huhaliharon atap huhagolapan? Tontu anggo hotop huhagolapan do sai bahen hita ma hataNi na totap in laho paliharhon. Panondang na totap manondangi aima Tuhan Naibata. Haganupan do mardousa “ai seng dong ubah ubahni, sabonar haganup do jolma in mardousa, anjaha seng dong sipujion i lobei ni Naibata” (Rom.3:23) janah na golap hinan do hita tapi ibagas Ia sibere hasintongan in janah Ia do hasintongan in. Anggo domma saor hita hu Bani maningon do ihorjahon hasintongan in, marpalahou ibagas haliharon, ibagas ia simada na lihar in, paluahkon hita humbani hagolapan in. Hita ma Ekklesia, gereja ai “Tapi marga na pinilih do nasiam, harajaon hamalimon, bangsa na mapansing, bangsa ni Naibata sandiri, ase iambilankon nasiam dear ni hauhuron-Ni, na dob mandilo nasiam humbani na golap hu haliharon-Ni na gok halongangan in ” (1 Ptr. 2:9). Marhitei hita lambin tarmurmur ma homa goranNi. Lang be maila hita padaskon huBani sonaha parlahouta, pangabakta,parsaoranta, tapi sai totap ipadas, isopotkan hita ganupan in hulobeiNi. Bani haganupan na domma ondos hubanta on gabe hataridahanni hasintongan na roh humBani. Goluhta nuan on buei do tawaran laho manghorjahon hagolapon lang margogoh hita anggo lang iparatah-ratah hita hataNi in. Ai do homa na isaksihon Johannes bani teks on, na domma mangidah ronsi mangahapkon horjani Tuhan in. Ia na hinan, Ia nuan Ia do sadokahni in. Lang dong be hagobiran rapkon na lihar. Hubamu Aha do na domma iahapkon ham pasal saksi iman ibagas goluhmu? Bani keluargamu? Bani hajongjonganmu nuan? Bani sekitarmu?. Songon pangakuanni panulis ni surat Yohannes on, on ma homa nagabe hataridahanni goluhta. Gok malas ni uhur bani panramotionni Tuhan in. Lang na urah gabe saksi ronsi manaksihon haganup hadearon binahenNi in. Hita adong halani Ia na domma adong. Bapa,inang,niombah nagabe keluarga maningon ma homa mangkatahon “diatei ma adong Tuhan” anggo lang lang hubotoh na mahua, rungrang ma pangahap. Suang sonai do homa age pangahapantabei, ibagas pangidangion, parhorjaan, parsaoran, gabe sisaksihon na sintong ma, lang mambahen nalang harosuhNi, sihorjahon hataNi, sipadas hasintonganNi. Gabe dihut ma homa sekitarmu mangkatarimakasihkon songon sinobutni Yohannes bani teks ta on. Hita haganupan pe maningon adong bei talenta, cara, gaya, metode, keunikan, habit na berbeda tapi totap sada ibagas mangahapkon pambahenanNi ibagas rumangni goluh on. Sonai ma uhurni bapa na totap buei sihorjahonon, sipikkirhononni, sidalananni. Ibagas hapongkutonni jumpah do uhur na seng sipakulah-kulah, gabe bapa na marsaksi manaksihon Tuhan Bapata in bani haganup. Sintong bani pangakuan sintong ma bani parlahou. Amen.
About the Author
