Renungan Lansia GKPS
26 Juli 2026 (8 Dob Trinitatis)
Teks : Roma 12:1-8
Tema : Ibadah sejati di Masa Tua: Adil, Setia dan Rendah Hati
Tujuan : Agar kaum Lansia mengingat bahwa usia lanjut tetap berharga di mata Tuhan untuk dipersembahkan sebagai ibadah yang sejati kepada Tuhan.
Parlobeini
Nasiam bapa inang hinaholongan ibagas goranni Tuhanta Jesus kristus.
Sadarion isisei hatani Tuhan do hita na ibuat humbani kitab Roma 12:1-8, na ija somal do ayat on itujuhon hubani naposo ni halak Kristen, ase lambin semangat janah lambin sadar sidea pasal na mangkargahon goluh on pakon sonaha sidea melayani bani harajaon ni Tuhan in. Tapi bani renunganta sahalion lang pitah naposo in hape na isisei hatani Tuhanta, dihut do hape hita na dob lansia on ipargogohi Tuhan marhitei hatani on. Sebagai lansia mungkin domma bahat tumang pengalamanta baik pengalaman na gok ibagas tawa age mungkin homa pusok ni uhur. Gogoh domma lambin roh moruni, panangar pe lambin marhurang ma sonai age panonggor. Tapi porini pe sonai ambilan on totap do mandilo hita ase totap manggalangkon hadirionta hubani Tuhan Naibata. Bahat do humbanta na mungkin “mangkatahon masa pelayanan nami domma lewat, hanami domma matua paima panorang mando”. Sonari giliran ni niombah nami ma, sidea ma use margantih ma. Tapi ternyata firman Tuhan mangkatahon hubanta haganupan sadokah hita manggoluh i tanoh on, totap do hape ipersembahkon hita dirinta hubani Tuhan Naibata.
Hatorangan
Sonaha do na imaksud galangan na manggoluh, susi janah harosuh ni Naibata? Bani pasal sada das hubani pasal sampuluh sada bani kitab Roma on, Paulus bahat marsahap pasal ajaran pakon dogma kekristenan. Tontu anggo isobut ma dogma on aima teori pasal na mar Tuhan on, sonaha ajaran na maningon idihuti hita. Kesempurnaan pasal teori on ilanjutkon bani pasal 12 on aima pasal praktek sonaha do na dob mananda Tuhan. Goluh praktek na ipangindo Tuhanta aima marhitei manggalangkon dirinta hubani Tuhan. Paulus membandingkon galangan on pakon ibadah bani Perjanjian Lama, na aija galangan na maningon igalangkon hubani Naibata aima sada pinahan na manggoluh pakon lang martikas (Dalam arti lang cacat). Tapi marhitei hamateian ni Tuhan Jesus aima galangan na sempurna, na manghapus dosani jolma untuk selama-lamanya. Halani ai hamateian ni Tuhan Jesus aima gambaran pasal galangan bani padan na basaia. Tontu marhitei ai hita lang pala be manggalangkon sada pinahan hubani Naibata. Jadi aha do na igalangkon hita? Galanganta aima angkulanta, na mararti galanganta aima haganupan pikiran, perkataan pakon pambahenan harus igalangkon hubani Tuhan Nabata. Tubuh, jiwa dan roh lang be gabe milikta tapi milik Tuhan Naibata (1 Kor 6:20). Janah galangan na sonai aido na iharosuhkon ni Naibata, na ija totalitas hidup, ija pe marianan aha pe na ihorjahon aima ibadah na sejati.
Porlu homa gabe renungan banta bahwa persembahan na manggoluh on, tontu lang pitah hubani anggkula na poso pakon margogoh. Tapi hubani tubuh na mulai keriput, mata mulai kabur, tangan na mulai genetar. Tubuhta on totap gabe galangan na misbou ilobei ni Tuhanta, halani galangan na borsih ai menyangkut uhur pakon pikrian do, sedo pitah gogoh tumang.
Dob ai bani ayat 2 teks on ipatugah do homa hubanta paboa domma igalangkon hita dirinta hubani Tuhan Naibata, maka goluhta on lang be sarupa pakon dunia na dob ikuasai dousa on. Halak na porsaya berani tampil beda pakon dunia on. Artini lang be dunia on mangatur goluhni tapi Naiabata ma namaguasai uhur pakon pikiranni. Tubuhta na dob igalangkon hubani Tuhan tontu maningon terus menerus iperbaharui mulai humbani uhur pakon pikiran. Mase nani sonai itegashon Paulus on, halani memang dunia on margogoh tumang laho manaluhon hita on. Aido ase porlu tumang hita manjalo kuasa ni Tonduy Napansing laho mampargogohi hita ibagas na mandalani ari-ari goluh on. Marhitei ai do homa hita boi manimbang na ija do harosuh ni Naibata na madear pakon na gokan dear.pakon na ija harosuhnoi dunia on.
Anggo das hita bani nilai ni dunia on, goluhni jolma on iukur marhitei 3 H Hasangapan, hagabeion, Hamoraon. Marpangkat, marniombah pakon bayak. Ase sipata dob konsi hita lansia rado homa hita menganggap hita on domma salosei paima panorang mando, halani aha pe lang be arapkonon. Tapi marhitei ambilan on lambin ipasingat do hita paboa hita on maharga do ilobei ni Tuhan in. Anggo pasal hatuaon ai, aima sada proses na maningon idalani haganupan jolma do. Na penting age domma matua, tapi totap dohor hubani Tuhanta in.
Dob ai porlu homa ipasingat hata on hubanta, ase hita on ulang homa ginjang uhurta halani domma bahat pengalamanta, tapi ulang homa sebalikni merasa redah diri halani merasa lang margogoh be, merasa jadi beban. Tapi hata ni Naibata pasingatkon hita ase tampil ma hita apa adanya sonaha sepantasnya. Adong sada kisah nyata bapa inang aima pasal sahalak pelatih sepak bola Brazil aima Carlo Ancelotti. Sahalak pelatih berkebangsaan Italia na dob berpengalaman melatih club-club besar dunia. Sada panorang monang ma na ilatih ni on bani sada pertandingan, somal do anggo monang ma na ilatihni mintor megah tumang do pelatih. Tapi Carlo Ancelotti lang pala megah tumang uhurni, biasa hansa. Jadi isungkun wartawan ma ia, mase lang pala ham tartawa marmegah-megah padahal domma monang tim mu nini wartawan on. Balosni: domma dokah au jadi pelatih janah domma homa bahat club na hulatih, porini pe marmegah-megah au, sonaha ma pangahap tim na talu ai, janah sebalikni pori talu hanami mintor tangis homa au sampai marguling-guling, tontu megah tumang ma halak na mangkagigihon au nini. Ase apa adanya lah nini Carlo Ancelotti on.
Dob ai Paulus mambahen usihan pasal hasadaonta on usih do songon sada angkula. Anggo ipardiatei hita bani angkulanta bahat tumang do pagorini dong tangan, nahei, pinggol, pamangan, mata pakon na legan. Janah na sada lang boi igantihkon na legan. Tapi porini pe buei ai saling membutuhkon pakon saling melengkapi do haganupan ai. Suang sonai do homa hita on marbagei-bagei do tapi sada do tujuanni. Lang boi hita berganti peran, halani ai dalani hita ma peran na dob itotapkon Tuhan Naibata hubanta haganupan. Bagei do karunianta, mandoding, melayani, mangajar pakon na legan. Bahen hita haganupan ai gabe hasangapon ni Tuhan Naibatanta. Amen
About the Author
