RENUNGAN LANSIA 25 OKTOBER 2026

PENELAAHAN ALKITAB (PA) LANSIA

25 Oktober 2026 (21 Set. Trinitatis)

Nats : 2 Kronika 15 : 1 – 7, usul doding : Hal. No. 303 : 1 – 2 + 4

Tema : Ada upah bagi yang bertahan

Tujuan : Agar kaum lansia tetap menghormati kekudusan Tuhan dengan ketaatan dan aturan pada kehendak-Nya yang baik

Parlobeini

Sahalak Nabi bani Bibelta gati do isobut sebagai juru bicara ni Naibata na padashon harosuh, parentah ampa singat-singat ni Naibata. Nabi aima siboan Hata ni Naibata, na gati mambuha pesan kenabian na sihol padason ni marhitei “Sonon do Hata ni Naibata…” na laho manegashon bahasa setiap Hata na ipadas Nabi aima bersumber humbani Naibata, lang humbani pingkiran ni sandiri. Secara khusus bani perikop ni ambilan on, nabi Asarya padashon singat-singat ni Naibata hubani bangsa Jehuda tarlobih ma ai humbani pambobaini aima Raja Asa, Raja Jehuda. Bani panorang ai Raja Asa monang bani parporanggan banggal, mantaluhon musuh na daoh lobih gogoh humbani sidea (Etiopia, bangsa Kush/Kushite na ibobai Raja Zerah na menyerang bangsa Jehuda marhitei pasukan raksasa, 1 juta halak pakon 300 kareta porang) haganupan ai halani pangurupion ni Naibata. Dob honsi hamonangan na jinalo ni sidea, iutus Naibata do Nabi Asarya padashon Hata ni Naibata hubani, na mangkatahon : Hamonangan ai sedo halani gogohni Raja Asa, tapi halani TUHAN manramotkonsi. Perikop ni ambilan on relevan tumang do bani Lansia. Songon Raja Asa na domma buei mambolus bageini peperangan ni goluh, para Lansia pe domma buei homa mambolus buei “peperangan” bani pargoluhan on, termasuk ma ai pabanggalhon niombah, mandompakkon parnaboriton, perekonomian na jatuh- bangun bahkan adong do homa na domma magouan pasangan. Tapi marhitei Hata ni Naibata on paingathon ganup Lansia, “Bahasa das bani panorang on, ham dong halani Tuhan do na manramotkon”.

Hatoranganni

Ihasomani Jahowa do nasiam, anggo marsijoloman hu-Bani (Ay.1-2)

Ibagas tuntunan ni Tonduy Napansing, Nabi Asarya manjumpahi Raja Asa pakon ganup tentara Jehuda ampa Benjamin, lang piga dokah dob honsi salosei parporangan. Nabi Asarya menegashon hukum timbal balik spiritual bani ayat 2 : “ihasomani Jahowa do nasiam anggo marsijoloman nasiam hu Bani, anggo ipindahi nasiam Ia, sai na jumpah nasiam do Ia; tapi anggo itadingkon nasiam Ia, sai tadingkonon-Ni do nasiam”, ayat on menegashon bahasa inisiatif pemulihan adong bani Naibata, tapi ipatotap-Ni do prinsip hubungan na responsif. Tontu gabe padan na maharga do on banta secara khusus bani Lansia, pori pe Lanisa domma buei na pensiun tapi Tuhan lang ongga pensiun manramotkon Lansia. Usia 60, 70, 80, 90 tahun, jambulan domma mulai lopak, towod domma mulai galek, domma buei hangaluton tapi pangkasomanion ni Tuhan seng anjai galek. Anggo itorihi hita Ia ibagas hastiaon, Ia PASTI marosuh tumang do ijumpahi, sanggah i kamar, bani podoman, sanggah boritan, sanggah lungunan sai dong do tong Ia. Masa Lansia ternyata gabe momen spesial do ai manorihi Tuhan janah gabe sipartonggo bani niombah sonai age pahompu. Masa Lansia sedo masa na terbuang tapi masa Purnabakti yang Mulia. Ai iatahon Tuhan do ase Lansia totap pahotkon hauhuraon ni, totap semangat, janah totap mangindahi Jahowa das hubani garis akhir pargoluhan.

Gambaran Goluh ni Jolma na Daoh Humbani Naibata (Ay. 3 -6)

Anggo daoh humbani Naibata maka na terjadi aima kekacauan, lang dong damei antara bangsa na sada pakon na legan. Goluh pe igoki uhur bumbang, biar, janah gobir. Sanggah lang marnaibata na siontong bangsa Israel janah seng marmalim sipangajari anjahan seng martitah, goluh ni jolma lang marhasonangan, ai gok hageoran do sab tanoh on. Marsidoraban do bangsa dompak bangsa anjaha huta dompak huta, buei do hasosakan dompakkonon ni sidea, daoh humbani damei. Ra nuan on pe, adong do Lansia na ikuasai hagobiron halani mamingkirhon niombah na lape marhasil/lape marrumah tangga/lape marniombah, cemas halani warisan/gayang-gayang, mabiar mamingkirhon hamateian, dobni lang be iahapkon hadameion. Tanpa Tuhan, masa tua menjadi masa yang pahit. Tapi riap pakon Tuhan, maka masa tua menjadi masa yang manis.

Tenger ma Uhur Nasiam, Ulang ma Galek Tangan Nasiam, Sai na Dapotan Upah do Horja Nasiam (Ay. 7).

Ayat on termasuk ma ayat penguatan hubani bangsa Jehuda sonai age hubani Lansia. Pori pe angkula roh galekni tapi anggo semangat na mar Tuhan on maningon roh-roh gogoh ni do. Haporsayaonta lang ibatasi usia, janah semangatta lang tartutup halani kondisi. Semangat Lansia lang be semangat mangkorja i juma, tapi semangat martonggo, semangat mamuji, semangat membere podah na dear hubani anak ampa pahompu pe. Songon hayu do ai, anggo poso ope buei do buahni, anggo domma matoras moru ma buahni, tapi ulang lupa hita pori ni pe matoras hayu ai tapi sai na lambin gogoh do urat ni manopang batang ni pohon ai, pori pe roh roh haba-haba na bolon seng anjai marumbak. Ra Lansia lang seaktif na hinan be tapi tonggo ni Lansia gabe urat na gogoh do ai manopang keluarga humbani haba-haba ni pargoluhan on, goluh ni Lansia gabe ianan na sonang janah aman do ai bani niombah ampa pahompuni. Adong do upah bani setiap usaha na madear, ai iidah Tuhan do ganup horjanta, iperhitungkon do ganup habujuronta, lang dong na soya. Lang dong tonggo na soya, lang dong iluh na lang iperhitungkon, upah ni halak na porsaya banggal do i surga.

Refleksi Teologis
Sebagai Lansia na porsaya, totap ma gabe sipartonggo hubani keluarga sonai age hasoman, on ma jabatan sigijangan bani Lansia nuan on. Songon Asarya na padashon Hata ni Naibata hubani bangsa Israel, Lansia pe homa gabe penyambung lidah Tuhan ma bani keluarga.
Lansia gabe Saksi ni Tuhan ma age ija pe marianan. Masa Lansia gabe moment penting padashon habujuron, halongangan, ampa holong ni Naibata hubani niombah. Aido warisan iman na gabe pondasi na toguh hubani niombah sadokah manggoluh ope i dunia on.
Totap ma satia mandihuti tumpuan-tumpuan ni halak na porsaya. Anggo sanggup ope, iparpala-palai ma hu gareja, kehadiran ni Lansia bani tumpuan-tumpuan ni halak Kristen gabe ambilan do ai bani generasi muda. Amen

Diskusi :

Ceritahon ham ma tongon sada peristiwa na paling berkesan bamu pasal panramotion ni Tuhan!
“Sai na dapotan upah do horja nasiam”, menurut ham, aha ma upah na dob ibere Tuhan hubamu ? adong pe upah na iharapkon ham humbani Tuhan ? Sobuthon ham anggo adong!
Aha do mambahen Lansia gobir nuan on ? dob honsi mambasa janah merenunghon ayat 7 ai, sonaha ma perasaan mu?
Aha ma komitmen na boi ibangun ham pasal “mangindahi Jahowa bani masa tua ? Sobuthon ham ma piga-piga!