Bahan Renungan Mingguan / PA Bapa GKPS, Minggu 11 Agustus 2024 (XI Set Trinitatis)

Bahan Renungan Mingguan / PA Bapa GKPS, Minggu 11 Agustus 2024 (XI Set Trinitatis)

Nas                      : Kolose 4: 1-5

Usul Doding     : Haleluya No. 451:1-3

Tema                   : Pergunakanlah waktu yang ada

Tujuan                : Agar kaum Bapak memahami bahwa waktu adalah anugerah Tuhan

Shalom ma hubani nasiam Bapa hinaholongan ni Tuhan.

Adong sada cerita nasihol hupadas bani nasiam. Bani sada huta, adong ma piga-piga kodei tuak, tiap ari do kodei tuak on ramei, janah seng dong na lungun bani kodei on. Ganup kodei tuak on adong bei do daya tarikni, adong ma ai halani tuakni na mantin, adong ma halani tambul, adong ma halani musik, adong homa halani service ni, pakon na legan, somalni age ija kodei tuak, seng ongga lungun, bahkan halani ramei ni ra do berpindah ianan ase ulang targanggu sada huta halani gojok. Halani bani sada kodei tuak, adong ma ijai na mandoding, adong na marbuali marhitei soara na koras, pakon buei aktifitas namambahen terhibur sasada halak. Janah haganupan do kodei tuak ai marbuka on time (tepat waktu). Janah na sihol hupatugah marhitei cerita on, marbeda do tumang mamakei panorang bani kodei tuak pakon i gareja. Anggo i kodei tuak, ihatahon parkodei buka jam 5 sore, paima jam 5 pe domma bahat na roh, mabiar lang dapotan atap mabiar bois tuak ai, tapi anggo bani gereja misalni partonggoan Bapa, ihatahon masuk jam 8 borngin, ra do ipungkah jam 9, janah adong tong balos pasintongkon dirini, biasama jam karet atap jam Indonesia, tapi anggo bani kodei tuak ai, lang berlaku jam karet.

Nasiam Bapa haganupan, aha na sihol sobuton ijon, sonaha hita mampargunahon panorang.  Panorang na ibere hubanta 24 jam ibagas na sadari. Humbani waktu na 24 jam on, sonaha do hita mambagi panorang ai:  Piga jam marhorja, piga jam marsaran, piga jam mangan pakon minum, piga jam marsaor pakon keluarga, marsaor pakon hasoman, pakon panorang pribadi marsaor pakon Tuhan, anggo jumpah ma ari minggu, piga jam ma panorang marminggu, sonai homa ari na biasa anggo adong panorang partonggoan Bapa, pakon nalegan. Humbani ganupan panorang in, domma naha nasiam Bapa na hinaholongan mambagihon ai. Boi do hita mambagi panorang ibagas na dear, boi do nasiam menyeimbangkon haganupan horja pakon panorang na legan. Ra do ongga hita manangar aha nini hasomanta, hurang do bangku panorang 24 jam sadari. Tontu ra ia manghatahon na sonai ai, halani sibukni ma gati, tongkin hujan, tongkin hujon, halani sibukni ra do homa panorang mangan lang idingat atap mangan sambil marhorja. Tapi ra do homa adong na manghatahon sonon, dokah do hansa 24 jam ibagas na sadari, bahat waktu terbuang nini, halani ia seng bahat kesibukan ni, ipungkah puho mangan, santai, horja tongkin, songon na marayoh marsaran lanjar seng horja be, jumpah panorang loheian mangan, nai ma goluhni siganup ari, dobni ihatahon ni ma dokah tu do 24 jam ibagas nasadari.

Nasiam Bapa na hinaholongan, anggo ipardiatei hita, Naibata mambere panorang 24 jam ibagas nasadari. Tergantung sikapta do na laho mamakei panorang ai, sonaha hita mamakei ibagas nadear. Sesibuk-sibuknya manusia, bahwa orang yang benar-benar sibuk adalah orang yang benar-benar mampu memakai waktu dengan baik. Jadi lang persoalan halani sibukni hurang panorang, atap halani seng dong horjani gabe hurang panorang. Panorang ai domma dear itompa, sonaha hita mamakeihon ibagas nadear aido na sihol ipatangkas bani ambilan on. Halani haganupan naibahen Naibata domma dear haganupan. Sonaha hita mamakei haganupan, ai do na sihol ipadas bani ambilan on, ase ulang adong na merasa hurang, sonai homa na merasa lobih. Halani domma pas haganupan ibahen Naibata.

Hita haganupan, mamungkah teks ambilan on isobut do “Na pintor” bani bahasa Indonesia isobut “Berlaku Adil”. Keadilan diartikan  sebagai suatu keadaan  dimana setiap orang memperoleh  apa yang menjadi haknya. Bani bibelta pe adong do homa pemahaman pasal keadilan on. Naparlobei, Keadilan menunjuk pada sifat dan hakikat Allah, Naibata gati do isobut hita aima na “maha adil”. Napaduahon, keadilan na isobut ijon aima sifat atau perilaku manusia dalam hubungannya terhadap sesama. Bani namandalani goluh on, perlakuan na adil ihaporluhon tumang. Sahalak Niombah, ra do kecewa atap marah ketika di tengah-tengah keluarga tidak mendapatkan keadilan humbani orang tuani, misalni lang dos perlakuan ni orang tua hubani niombah na sada pakon niombah na legan i tongah-tongahni keluarga, Bapa memihak hubani niombah na sada, inang memihak hubani Niombah nasada nari. Sonai homa age orang tua, ra do homa mangahapkon ketidak adilan humbani niombahni, marhitei perlakuan na lang sarupa na ijalo orang tua in. Anggo domma sompat terjadi ketidak adilan itongah-tongah ni keluarga, Bapa pakon Inang, sonai homa Niombah bahkan hubani keluarga besar na saompung misalni, tontu hurang dear do hasadaon itongah-tongahni keluarga. Memang rasa keadilan on, sangat dibutuhkan dalam menjalani kehidupan ini. Domma nani nasiam on adil bani pargoluhan on? Anggo domma, totap ma toruskon nasiam na berlaku adil on, anggo lape ase horjahon nasiam ma.

Nasiam Bapa nahinaholongan, surat Kolosse aima termasuk sada surat penjara, halani Apostel Paulus manuliskon surat on sanggah ia ibagas tutupan (Kolosse 4: 3). Secara umum surat Kolose on aima nasihat ase ulang kahou haporsayaon ni kuria in bani na menghadapi parpodah na kahou, halani itongah-tongahni kuria Kolosse, adong parpodah na kahou. Halani aido ase bani surat Kolose on, patoguhkon haporsayaon ni sidea hubani Kristus, janah mencakup homa hubani praktek-praktek kehidupan itongah-tongah ni keluarga, masyarakat age persekutuan.  Domu hujai, bani teks ambilan ni seksi Bapa on, aima praktek ni goluh. Halani anggo domma sompat kahou haporsayaon, berdampak do ai bani praktek ni goluh. Tarlobih hubani Bapa, na gabe malim itongah-tongahni rumah tangga, ulang sompat kahou haporsayaon in.

Bapa nahinaholongan ibagas Kritus Jesus, praktek ni goluh pasal na mar Tuhan on ihatahon do homa ase golgol martonggo. Songon na isobut hanami nongkan bani mungkahni ambilan on, pasal mamakei panorang. Ihubungkon hubani na golgol martonggo. Hubunganni aima, piga dokah do panorang naibahen hita martonggo hubani Tuhan in. Gati do hita mamberehkon panorangta laho marsaor pakon Tuhan in? Bani panorang na sonaha ma hita martonggo hubani Tuhan? Adong manobut martonggo halani ibagas hasosakan, martonggo halani ibagas malas ni uhur. Ihatahon bani ayat on, ase golgol martonggo. Tontu martonggo lang pala ibatasi oleh ruang dan waktu. Ganup panorang ma hita martonggo janah golgol ma hita martonggo. Mase ihatahon golgol martonggo? Halani bani panorang ijia, parpodah nakahou sedang berkembang biak janah merajalela. Artini, marhitei na totap martonggo mampu do mangatasi haganupan na masa, mampu do mangidah na ija na sintong na ija na lang sintong, halani tonggo ai aima hosah ni goluh halak Kristen. Marhitei tonggo do boi hita manjalo pangarupion hubani Tuhan, ibagas tonggo do homa boi hita manjalo gogoh na humbani Tuhan. Dodingta manghatahon, Bani namartonggo ahu……..sadokah hita ra manjalo marhitei tonggo, boi hita padaskon tarima kasih hubani Tuhan marhitei tonggo, sirsir do Tuhan in mangurupi janah manangihon adu-aduanta. Sukkun-sukkun hubani nasiam Bapa, sirsir do nasiam janah golgol ibagas tonggo sadokah on? Pareksa hita bei dirinta tene janah boi ma hita marbalos bani dirinta sandiri, marhitei na totap martonggo boi hita mangarusi pasal rusia ni goluh na lang tararusi hita, ase gabe bapa na bujur janah sipartonggo ma tongon haganupan Bapa on.

Kuria nahinaholongan, ayat namangihut manobut ase Bapa berhikmat atap pandei tarlobih mamakei panorang. Sonaha do hubunganni na berhikmat on pakon mamakei panorang. Ilustrasi na isobut iatas pasal Bapa na roh hu kodei tuak, humbani kehadiran aipe taridah do ise na berhikmat pakon na lang berhikmat, termasuk ma hita na hadir ijon tene, domma nani hita berhikmat mamakei panorang? Adong do Bapa roh hu kodei tuak, dokahan ma ia i kodei ai marnonang marimbang i rumah ni marbuali atap marsahapi pakon keluarga. Dokahan ma ia marsahapi i kode tuak in marimbang manangar hata ni Tuhan. Kendala na gati terjadi i tongah-tongahni tumpuan Bapa misalni sanggah panorang partonggoan, adong do na parlobei hu kodei tuak baru roh bani partonggoan, janah bahat do homa na lang sonai. On tontu kehidupan ni Bapa na isobut i huta tene. Sonaha kehidupan ni Bapa na i kota? Mayoritas Bapa na i kota halani kesibukan horja, gati do naidah mulak han panghorjaan langsung roh hu ianan partonggoan. Tapi dong do homa halani loja ni lang dong be semangat laho hu partonggoan.  Ise nab oi totap mansari tapi totap homa hu partonggoan, halani boi mambagi panorang ibagas nadear, sonai do homa age Bapa na i huta, anggo boi mambagi panorang ibagas nadear, tontu julur janah dear do haganupan horja ai. Halani marhitei na totap mamberehkon diri bani persekutuan ibagas Tuhan, aido na boi mempengaruhi pola tingkah lakunta siganup ari. Halani jelas marbeda tumang do parsahapan i kodei marimbang parsahapan i gareja atap partonggoan. Nini bani ayat 6, sai tongtong ma jenges hata nasiam songon na ginaraman, ase ibotoh nasiam sonaha patut marbalos bani ganup halak. Humbani aha naisahapkon hita, humbani sonaha hita marsahap, hunjai do boi halak mananda hita, ise do hita. Halani ai, seng pala ipasomal hita marsahap na lang dear, sonai homa mansahapkon na lang sintong. Ase ulang ihatahon hita parbual mongkap, artini lang adong arti atap hataridahan na isahapkon ai. Adong istilah namanghatahon: Seorang laki-laki, yang dipegang adalah ucapannya. Ase totap ma hita manjolom aha na isahapkon hita janah manghorjahon aha na isahapkon, halani adong survey namanghatahon sonon. Negara jepang, mereka itu sedikit bicara banyak bekerja, Negara India banyak berbicara sedikit bekerja, Amerika banyak berbicara banyak bekerja, sonaha Indonesia? LAIN YANG DIBICARAKAN LAIN YANG DIKERJAKAN. Adong homa do sintong ni ai, ai gatinan do hita on jago marsahap, lang talu bani sahap, tapi seng ihorjahon, maka muncul ma istilah asal ma ulang asal H atap hata. Ambilan on patugahkon ase aha na isahapkon, aima homa na ihorjahon.

Nasiam Bapa nahinaholongan, marhitei ambilan on adong piga-piga na gabe kesimpulan tarlobih itongah-tongahni seksi Bapa.

1. Bujur do Tuhan in, ibere do banta panorang na dear 24 jam ibagas na sadari. Janah ibagas na 24 jam ai, bagei do na boi ihorjahon hita, janah adong do homa panorang marsaran laho mangalop gogoh. Halani Tuhan do namanompa haganupan, ase hubani ma hita mangalop gogoh
2. Golgol ibagas tonggo, sada bapa na totap golgol ibagas tonggo pasti mampu do mamboan keluarga ibagas na dear, mampu do mandompakkon haganupan na masa, janah tonggo aima na gabe sinjata bani namandalani pargoluhan on, marhitei bagei ni na masa na idompakkon hita, golgol martonggo monang do hita manlopusi haganupan ai.
3. Sebagai Bapa ase totap ma boi mamakei panorang na dear, membagi waktu dengan baik, marhorja pe ringgas. Halani marhitei na boi hita mamakei panorang, boi do hita manghorjahon ganupan horja. Sonai homa panorang na laho manjumpahkon parrohni Tuhan in, ase pangkei ma hita mamamakei panorang na pondok on, marhitei manghorjahon namadear.
4. Goluh ni Bapa pataridahkon hita ma ai marhitei parsahapta, lamlam ma hita marsahap, porini aha pe na sihol ipadas hita, sahap na lamlam ma tene, ase lambin buei hasoman mambotoh janah mangarusi pasal hita. Hataridahan ni haporsayaonta bani pardalanan ni golutha. Gabe bapa na bujur, gabe bapa sipartonggo, pangkei mamakei panorang janah totap marsahap na lamlam, tarlobih ma ai aha na isahapkon hita aima na ihorjahon hita. Amen.