IBADAH HARIAN KELUARGA GKPS
Selasa, 25 November 2025
I. Bahasa Simalungun
1. Doding: Haleluya No. 238:1-3
Sai hulobei Mu Tuhanku, hu useihon uhurhon
Sai pasiat Ham tonggongku, pakon ganup iluhkon
Husolsoli do uhurhu nagok dousa in tongtong
Ai buei ari-aringku huparambur-ambur tong
Sai gati do hutadingkon dalan Mu na pintor in
Kristen au hape hujolom dalan hamagouan in
2. Tonggo
3. Ayat Harian: Tangis-tangis 1:20
_“Tonggor Ham ma, ale Jahowa, sonaha sosakku; lutu do tonduyhu ibagas, anjaha rusak do uhurhu, halani manlawan ahu; podang do na mamunuhi i darat, sampar ibagas rumah.”_
4. Renungan: “Marhamubahan ma”
Kuria na hinaholongan. Songon ungkapan “seperti telur di ujung ni tanduk” on ma na menggambarhon situasi ni panurat ni buku tangis-tangis on, aima na mandompakkon ancaman. Anggo lang adong be ianan na aman bani dirini, halani iahapkonsi do idosak ia humbani munsuh-munsuhni na roh hun luar ni dirini pakon na humbagas dirini. Das do ia hubani titik na menyadari paboa ia sanggah bani panorang na lang aman. Hansi pe isadarini do homa paboa ganupan ai aima halani dampak atap konsekuensi humbani dousa ampa panlawanon dompak Naibata. Panurat ni buku Tangis-tangis on mewakili bangsa Israel na marsitaronon bani panorang ai.
Sitaronon ai menyadarhon ia pakon pangakuan na marsalah ia rap pakon bangsa ai dompak Naibata. Uhurna targanggu, lang sonang, igambarhon bani parbagas na igunsang/terpukul. Hape, dampak ni dousa ai lang pitah mangkorhon bani pangahapni sandiri tapi dihut do manganoi bani hasadaon aima bangsa Israel haganup. Anggo mulak hita hupudi itulimati hita bani panorang na dob in ihorjahon hita dousa, ra gabe tubuh uhur na magigi, maila, manggila hubani dirinta age hubani hasadaon/komunitas ai. Marsormin hunjai gabe sadar ma hita: mase ma sonai jahathu hinan? Mase malawan ahu/hanami? Mase ma ahu/hanami lang mamingkiri dampak ni parlahou ai bani diringku pakon bani hasadaon salaku bangsa ai gabe sonon ma jangin ni pangahap nami nuan? On ma dousa na parah sahalian. Pangakuan si sonon, das bani titik kesadaran na sonin ma hape janginni dampakni dousa ai bani hadirionni pakon bani hasadaon ni bangsa ai. Humbani hadasaron on ma ia/sidea mamilih mulak hubani Naibata.
Mangindo ampa mangarap paboa pitah humbani Tuhan do hansa jumpah hita hasasapan ni dousa ampa haluahon. Mangaku do ia mardousa janah mangindo ase ipasuang Tuhan pargoluhanni age pargoluhan ni bangsa ai na sanggah mangahapkon hasosakan. Ase lang be sitaronon ampa ancaman na mambiar-biari pargoluhanni. Isadari ni do paboa munsuh sanggah paimahon janah marhitei podang sihol mansiapkon ginomparni janah humbagas rumahni pe lang aman homa halani roh naborit sampar, artini adong ancaman na boi parohkon hamateian anggo lang marhamubahan ni uhur. Dousa mambahen jolma in magouan bani hamadeion janah torus ma holi igoki ahap na marsalah/mardousa na anggo lang ipasalosei boi holi berdampak hubani na bebal, jugul, janah marosuh torus ibagas dousa ujung ni goluhni manuju hubani hamateian.
Hamubahan ni uhur ampa panolsolion humbani diri sandiri ampa humbani hasadaon gabe hal na porlu tumang do ai, halani ijai do hita mangindo idop ni uhur ni Naibata, ase goluhta lang be manuju hubani uhuman ai, tapi gabe manuju goluh marhitei idop ni uhurni Naibata, parsimada hita bani haluahon. Hujon ma hita idilo, ase talup hita ilobei ni Naibata. Marhamubahan ni uhur mararti lang be iondoskon hita goluhta laho mangkorjahon dousa tapi sadar ma hita torus laho mambalosi Tuhan in, halani pitah holong ampa idop ni uhurni Tuhan do hansa na boi paluahkon hita janah pasuang pargoluhanta, baik ma ai secara pribadi age rap pakon keluarga ampa hasadaonta selaku halak na porsaya. Amen
5. Doding: Haleluya No. 354:1-2
Humbai hurungan ni dousakin,
roh au Bamu, roh au Bamu.
Hu haluahon bai daroh-Mu
Jesus, au roh Bamu
Ganup uhurhu malum hape,
gabe bayak ‘ge masombuh pe.
Humbai dousangku, roh au Bamu,
Jesus au roh Bamu.
Maila au butak uhurhin
roh au Bamu, roh au Bamu.
Gabe borsih ma ‘ge uhurhin,
Jesus, au roh Bamu.
Humbai holsohku bai sonang-Mu,
humbai doyukku bai damei-Mu
Humbai horungku bai holong-Mu,
Jesus, au roh Bamu.
6. Tonggo Ham Bapanami
II. Bahasa Indonesia
1. Nyanyian: Kidung Jemaat No. 29:1-2
Di muka Tuhan Yesus betapa hina diriku.
Kubawa dosa-dosaku di muka Tuhan Yesus.
Di muka Tuhan Yesus tersungkur kar’na dosaku,
kubuka kerinduanku di muka Tuhan Yesus.
2. Doa
3. Ayat Harian: Ratapan 1:20
_”Ya, TUHAN, lihatlah, betapa besar ketakutanku, betapa gelisah jiwaku; hatiku terbolak-balik di dalam dadaku, karena sudah melampaui batas aku memberontak; di luar keturunanku dibinasakan oleh pedang, di dalam rumah oleh penyakit sampar.”_
4. Renungan: “Bertobatlah”
Jemaat yang dikasihi Tuhan Yesus. Seperti ungkapan “seperti telur di ujung tanduk”, keadaan hidup penulis ratapan ini menggambarkan keadaan hidupnya yang berada di dalam keadaan yang terancam. Jika tidak ada tempat yang aman bagi dirinya, karena perasaannya didesak oleh musuh-musuh baik yang datang dari luar dirinya dan juga dari dalam dirinya sendiri. Ia sampai kepada titik menyadari bahwa ia sedang dalam keadaan yang tidak nyaman. Meskipun ia juga menyadari bahwa semua itu terjadi adalah sebagai dampak atau konsekuensi dari dosa dan pemberontakan terhadap Allah. Penulis ratapan mewakili bangsa Israel yang dalam keadaan hancur pada saat itu.
Penderitaan itu menyadarkan ia dan mengaku bersalah dirinya dan bangsa Israel terhadap Allah. Hatinya terganggu, resah, gelisah, digambarkan batin yang tergoncang. Ternyata akibat dosa itu tidak hanya berdampak kepada diri sendiri tetapi bisa berdampak pada komunitas yakni bangsa Israel secara menyeluruh. Jika kembali kilas balik pada masa lalu ketika melakukan dosa, mungkin muncul rasa jijik, malu, benci terhadap diri sendiri dan komunitasnya. Bercermin dari sana mungkin tersadar; mengapa aku/kami bisa sejahat itu. Mengapa aku/kami memberontak dan tidak patuh? Mengapa aku/kami tidak berpikir bahwa dampak dari semua itu menjadi seburuk yang aku/kami alami saat ini? Dosa yang sangat parah. Pengakuan dan kesadaran ini sampai ke titik betapa berbahayanya dosa yang tidak hanya berdampak negatif bagi dirinya sendiri tetapi juga bagi bangsa Israel secara komunitas. Dari kesadaran inilah ia/mereka datang kepada Tuhan.
Memohon dan berharap bahwa hanya di dalam Tuhan saja Ia menemukan pengampunan dan keselamatan. Ia mengaku berdosa dan memohon agar Tuhan memulihkan hidupnya dan bangsanya dari kesesakan itu. Sehingga tidak ada lagi penderitaan dan ancaman yang memenuhi kehidupannya. Ia menyadari musuh dengan pedang menghabiskan keturunannya dan di dalam rumah juga tidak aman karena ada sakit sampar, ada ancaman kematian yang jika tidak bertobat maka akan mati. Ternyata dosa menjadikan manusia tidak sejahtera dan akan digerogoti oleh rasa bersalah yang jika tidak diselesaikan akan berdampak kepada kebal dan terus hidup di dalam dosa dan akan menuju kepada kematian.
Pertobatan dan penyesalan pribadi dan komunitas akan sangat berguna untuk memohon belas kasihan Tuhan, sehingga hidup kita tidak lagi menuju kepada hukuman tetapi hidup di dalam anugerah keselamatan yang dari Allah. Inilah yang mengubah hidup manusia sehingga menjadi berkenan di hadapan Tuhan. Bertobat berarti tidak menyerahkan hidupnya untuk melakukan dosa tetapi secara sadar terus mengabdi dan setia kepada Tuhan, sebab hanya oleh kasih dan anugerahNya sajalah yang menyelamatkan dan memulihkan hidup, baik secara pribadi, keluarga, dan komunitas orang percaya. Amin.
5. Nyanyian: Kidung Jemaat 36:1-2
Dihapuskan dosaku hanya oleh darah Yesus;
aku pulih dan sembuh hanya oleh darah Yesus.
O, darah Tuhanku, sumber pembasuhku!
Sucilah hidupku hanya oleh darah Yesus.
Pengampunan dosaku hanya oleh darah Yesus;
Penyucian hidupku hanya oleh darah Yesus.
O, darah Tuhanku, sumber pembasuhku!
Sucilah hidupku hanya oleh darah Yesus.
6. Doa Bapa kami
_KANTOR SINODE GKPS_
