Admin 
Minggu : Judika, 26 Maret 2023
Nas : Jesaya 52:3-6
Usul Doding : Haleluya No. 453:1+3
Tema : Tuhan Berkenan Menebus Setiap Orang Percaya
Tujuan : Agar setiap kaum bapa menyadari bahwa Tuhan Allah senantiasa
memberi pengampunan kepada setiap orang yang mau bertobat.
=================================================================
NAIBATA NA GOK HOLONG, AI DO SIPALUAH HITA!
Oleh: Pdt. Albert H. Purba, M.Th
Pengantar
Hita haganupan bapa na hinaholongan ni Tuhan Naibata.
Bani hasaksian ni Bibelta pakon sejarah pargoluhan ni bahgsa Israel, jumpah hita do kesimpulan paboa Naibata ni Israel aima Jahowa na tang timbul janah sigogohan ampa gok idop ni uhur. Bani hata na pondok, “Allah itu pemurah, bukan pemarah”. Hagogohon ni Naibata seng ipakei-Ni laho mamboiskon, tapi paluahkon. Allah tidak menghabiskan energi kuasa-Nya untuk marah, tapi mengasihi. Ai Bapa paridop ni uhur janah gok holong do Tuhanta. Agepe gok dousa janah tangkang bangsa-Ni, Israel, tapi sai na marpangulaki do uhur-Ni mangidah sidea. Bibelta mangkatahon, “Agepe gerger dousanima songon bunga ni dapdap, lopak do ai bahenonku songon salju; Ahu sandiri do pasaloseihon panlanggaronmu halani Ahu, anjaha dousamu seng be padingat-dingaton-Ku; Domma hupasisi salahmu songon hombun…ai Ahu do na manobus ho; Tongkin do hansa Hutadingkon ho, tapi marhitei holong ni uhur na banggal, patumpuon-Ku do ho. Sanggah pargajag ni ringis-Ku, Huponopkon tongkin bohing-Ku dompak ho, tapi marhitei idop ni uhur sisadokah ni dokahni, idopan-Ku do ho, nini Jahowa Sipaluah ho; Ai mosor pe sagala dolog, anjaha dugur sagala buntu-buntu, tapi idop ni uhur-Hu seng anjai mosor humbam” (Jesaya 1:18, 43:24-25, 44:22, 54:7-8, 54:10).
Haganupan kutipan teks Alkitab i babou in aima napinadas ni Naibata hubani bangsa Israel marhitei panuratan ni nabi Jesaya. Ase bani kitab Jesaya on jumpah hita ma gambaran pasal Naibata aima Tuhan na gok holong ampa paridop ni uhur marhitei na sai totap manganju, mengampuni janah paluahkon. Sonai age bani teks ambilan PA on sihol ma idahonta sonaha pambehan ni Naibata na gok holong ai.
Hatorangan nas
Hita haganupan na hinaholongan ni Tuhan.
Hata ni Naibata dompak halak Israel na sinobut bani ayat 3-4, mangkatahon sonon, “Domma tarjual hanima seng marboli, seng marhitei pirak hanima homa tobuson. Hu Masir do ijia tuad bangsa-Ku laho manginsolat ijai, anjaha iodoh-iodoh Assur do sidea seng marhala”. Hata on patugahkon pasal dua peristiwa pengalaman pahit ni bangsa Israel ijia, aima ongga iparjabolon i Masir (± 400 tahun) sonaihoma iparjabolon atap iodoh-odoh bangsa Assur (tahun 722 SM partaluni kota Samaria) na gabe tawanan ni sidea. Janah sasintongni bani nasinuratkon si Jesaya teks on, bangsa Israel sanggah marianan i habuangan Babel (Jesaya 40-55 marisihon pasal bangsa Israel na sanggah i habuangan Babilonia na ipungkah humbani tahun 586 SM aima partaluni kota Jerusalem). Hata “tarjual hanima seng marboli” patuduhkon paboa hinan bangsa in ‘tidak berharga’ (atau tidak memiliki harga), diambil atau dirampas begitu saja untuk dijadikan budak i tanoh Masir. Ai ongga do ikuasai Firaun pakon Raja Assur bangsa in seng marhala. Halani ai Naibata pe seng porlu mambayar tobuson bani bangsa Masir laho padaratkon sidea hun parjabolonan ai pakon bani bangsa Assur mulak hun habuangan ai. Seng anjai ipaturut Naibata bangsa-Ni lalap iparjabolon anjaha iodoh-odoh.
Sonaima age bani kondisi bangsa Israel na sanggah tarbuang i Babilonia. Sidea gabe bangsa panginsolat janah ‘di bawah tekanan kekuasaan bangsa lain’. Sementara na manggomgomi sidea marmogah-mogah anjaha mangapasi goran ni Naibata bani ganup ari (ayat 5). Halani ai ma Naibata sihol bertindak laho paluahkon bangsa-Ni humbani situasi ai. Marhiteihon ni ai gabe “tandaon ni bangsa-Ku do goran-Ku anjaha botohon ni sidea do ‘Ijon do Ahu’.” (ayat 6). Marhitei na ipaluah Naibata bangsa in humbani gomgoman ni Babel, in ma hitei ni Naibata pataridahkon (use) kuasa-Ni bani sidea ase mulak ratah panandaion ronsi haporsayaon ni sidea hubani Naibata. Marhitei paparpaluah ni Naibata bani bangsa in lambin iakui sidea ma hagogohon ni goran ni Naibata, aima Elohim (Naibata na markuasa; Allah Mahakuat, seng tardugur) janah Namapansing (Jesaya 41:14, 49:26).
Sasintongni, marianan pe bangsa in hu Babilonia sedo halani na ijual (seperti barang yang bernilai) janah mangkorhon hauntungan bani Naibata (selaku simada bangsa in). Tapi halani dousa ni sidea do i lobei ni Naibata anjaha dapotan uhuman humbani Naibata do sidea (bnd. 50:1). Bani hata na pondok, tarbuang pe sidea hu Babilonia halani hona ringis ampa gila ni Naibata. Tapi, tongkin hansa pargajag ni ringis ni Naibata in. Dob ai, sihol ma patuduhon-Ni holong-Ni na banggal in marhitei na tongtong mangkasomani pakon mamasu-masu sidea sadokah i habuangan ai, anjaha marhitei raja Koresh hun Persia ipaluah atap ipadarat ma sidea hun Babilonia, seng marpamboli atap mambere tobuson (bnd. 45:13). Ra do Naibata manasap haganup panlanggaron ni sidea, gabe bangsa napinapansing ni Naibata ma sidea use anjaha talup manjalohon haluahon na pinasirsir ni Naibata.
Aplikasi
Hita haganupan bapa na hinaholongan ni Tuhan Jesus.
Goran Jesaya artini “Jahowa aima Sipaluah”. Tongon, Naibata do Sipaluah banta halak na porsaya anjaha martenger ni uhur huBani. Seng anjai paturuton ni Jahowa hita lalap tarbuang anjaha ibagas paruntolon atap pangodoh-odohon. Marhasoman Tuhan Jahowa maningon adong do pangarapan paboa “badai pasti berlalu”. Halani Naibata Sipaluah do Jahowa. Ai do ase anak ni Naibata na roh hu dunia on ibahen goran-Ni: “Jesus”, artini Sipaluah (Heber: Yeshua), “ai paluahon-Ni do bangsa-Ni humbani dousa ni sidea” (Mateus 1:21). Jesus aima Naibata na gabe jolma. Tangkas torang do banta nuan, ia parroh ni Jesus hu dunia on aima laho paluahkon jolma in humbani ginomgoman pakon uhuman ni dousa na boi mangkorhon hamateian. Tapi, Naibata na gok holong in ajaha sipaluah, IA do na dob manasap dousa pakon panlanggaronta. Itobus do dousanta ase ulang hu hamateian rupeita, tapi ase hu hagoluhan na manontong ma jambarta ibagas kuasa pakon holong ni Jesus in. Jesus do na gabe parhiteian atau dalan na sintong hu hagoluhan na manongtong (bnd. Johannes 14:6). Ase, haporsayai hita ma Jesus, “Porsaya bani Jesus, Bapa, ‘se dapot hasonangan” (Haleluya No. 300). Ase haporsayai hita ma tongtong Naibata janah tenger ma uhurta: Jahowa do haluahon banta. Ninta ma, “Tuhan luluhon Ham ma ahu janah paluah Ham”. Amen.
