Renungan Lansia
Renungan 8 Pebruari 2026 (Sexagesima
Nas : Mazmur 92:13-16
Tema : Masa Tua yang Berbuah
Tujuan : Agar kaum lansia semakin yakin bahwa lansia tetap berbuah dan diberkati karena kehidupan yang selalu dekat kepada Tuhan di usia lanjut.
MARBUAH AGE DOB MATUA
Adong sahalak bapa na marumur 80 taun mangkatahon songon on, “lang pala ietong-etong hita sadia umur ta sonari, dearan ma mambahen taun-taun ni goluhta on marmakna, torus marbuah janah iharosuhkon Tuhan”. Mase boi ia mangkatahon sisonai ai, halani das hubani umurni 80 taun totap do ia ringgas hu parmingguan janah mangarahkon hasomanni na legan ase mamuji Tuhan. Ijon taridah paboa age dob matua lang identik pakon hurang semangat, galek, borit-boritan, marayoh, boi do homa memiliki semangat janah totap produktif. Goluh na marmakna lang targantung hubani sadia usia sasada halak, melainhon hubani sonaha do parbagasni panandaion sasada halak ai hubani Tuhan na boi menghasilhon hagoluhan na marbuah ampa mardampak das hubani ujungni goluhni i tanoh on.
Sonai do homa pangarapanni ParPsalmen bani perikop ta on, bindu 92 on aima psalmen doding puji-pujian bani Jahowa halani hapintoron-Ni sanggah ari Sabat. Banggal tumang do pambahenanni Naibata na maningon iambilankon halak na porsaya do idop ni uhurNi sogod ampa hasintongan-Ni borngin. Secara khusus bani ayat 13-16, Parpsalmen menekanhon paboa halak parpintor na goluhni marakar ibagas Tuhan pasti do totap marbuah na ramos, martumbor, gogoh, ampa produktif secara partonduyon songon pohon kurma ampa hayu ares das bani masa tua. Bani ayat 13 isobut do halak parpintor martumbor do songon kurma anjaha martunas songon hayu ares i Libanon. Ise do isobut halak parpintor..?. Halak parpintor aima halak na ipapintor Tuhan Naibata halani horja ampa pambahenanni pintor iharosuhkon Tuhan, contohni Abraham, Ishak ampa Jakob. Fakta pasal halak parpintor aima humbani pamangan parpintor mangkorhon habisukon/hikmat, bah hagoluhan do pamangan ni halak parpintor (Podah 10:11). Ai itanda Jahowa do dalan ni halak parpintor (Psalmen 1:6). Dompak halak parpintor do matani Jahowa, anjaha pinggol-Ni dompak dilo-dilo nis idea (Psalmen 34:15). Na margogoh tumang do pangkorhon ni tonggo ni halak parpintor anggo ihabujurhon (Jak.5:16). Marhiteihon fakta pasal halak parpintor on ipatugah hubani haganup Lansia sa-GKPS paboa adong do upah bani halak parpintor na mangkorjahon harosuh ni Tuhan. Daoh do ìa humbani hajahaton janah ijaga do langkah ni goluh ni. Pesan na dear do on laho pasingatkon halak na porsaya in ase totap mardalan ibagas harosuh ni Tuhan halani na dob ipintori do hita marhiteihon na dob madurus daroh-Ni mangkopkop halak na porsaya. Halani na mangkorjahon harosuh ni Tuhan sedo pitah halani na patuh bani Tuhan tumang, tapi dihut do ai gabe hataridahanta laho manramotkon goluhta, ase ulang madabuh ibagas horja na lang iharosuhkon Naibata.
Pasu-pasu na ijalo halak parpintor na humbani Tuhan aima totap martumbor songon pohon Kurma. Pohon kurma memiliki urat na bagas tumang, batang na gogoh, ranting na bahat, daun na lebat, bung ana jenges ampa buah na segar. Pohon kurma melambangkon pertumbuhan na dear, jenges ampa lurus, gabe lambang malasni uhur ampa hamonangan. Martunas artini ipasu-pasu Tuhan, tumbuh subur songon hayu ares i Libanon. Hayu ares aima hayu na gijang menjulang das hu datas marhiteihon hagogohon ampa hayu na morum tumang. Hayu on do homa na ipakai laho mambangun Istana ampa Rumah Panumbahan i Jerusalem. Sidea na sinuan i rumahni Jahowa, sai martunas do sidea ialaman ni Naibatanta, na mararti hagoluhan halak parpintor torus manorus manggoluh ibagas Tuhan, marakar gogoh ibagas hatani Naibata (ay. 14). Lang tanggung-tanggung buahni parpintor, marbuah do torus age dob matua, tongtong tabun anjaha maratah (ay.15). Buei do gobir, mabiar halak anggo domma gabe matua, halani fisikni lambin melemah, hape nini hatani Tuhan on halak parpintor marbuah do torus, totap produktif. Maratah artini segar, maju, mardalan ibagas na dear, totap marbuah. Age dob matua totap do ipelihara Tuhan, on ma malasni uhurta. Na terakhir nini parPsalmen halak parpintor totap marsaksi, mangambilankon paboa pintor do Jahowa, batu gingging anjaha seng dong hagedukon Bani (ay. 16).
Dunia on ra do mambere batasan hubani lansia (lanjut usia) laho marusaha mamuji Tuhan ampa markarya, anggo Tuhan ta lang songon nai, sadia pe umurta, usia ta totap ma porsaya ampa satia hubani Tuhan. Tuhan totap do mambagah-bagahkon ampa mampadankon holong, pasu-pasu, haluahon, panramotion hubani halak parpintor. Sahali nari totap ma Lansia GKPS torus marbuah bani keluarga, gareja ampa masyarakat age domma matua songon na hinarosuhkon Tuhan, gabe siusihon das hubani panrohni Tuhan Jesus na paduahalihon. Amen.
