RENUNGAN MINGGUAN BAPA GKPS, 4 MEI 2025 (MISERICORDIAS DOMINI)
Nas : Matius 10:32-42
Doding : Haleluya No. 102:1-2
Tema : Upah Mengikut Yesus
Tujuan : Agar kaum Bapa menjadikan keluarganya sebagai keluarga yang setia
mengikut Yesus.
KONSISTENSI MANGIRIKON-SI
Kuria hinaholonganni Tuhan Jesus Kristus
Bani sekitar tahun 1800-an, bani sada huta na margoran Assam India, sanggah panorang kebangkitan rohani i Eropa, roh ma missionaris hu huta ai. Huta Assam aima huta na terkenal dengan tradisi kanibalisme, bahkan harkat ampa wibawa sada keluarga ietong humbani piga bahat ulu ni jolma na sakkut bani labah rumahni, lambin buei, lambin terhormat ma ia i huta ai. Sobali ai, warga na ijai manghagoluhkon pitah porsaya janah mangirikkon raja ni sidea. Bani situasi na sonai ma roh misionaris mambaritahon pasal Tuhan Jesus, na tontu humbani konteks huta ai, lang tarjalo sidea ajaran ampa ambilan na binobahon misionaris ai. Tapi na menarik, adong sada keluarga na memutuskon laho manjalo ajaran in, janah mangakuhon mangirikkon Tuhan Jesus. Sidea aima keluarga Nokseng, na halani haputusanni sidea mandompakkon konsekuensi. Haputusan na manadingkon tradisi kanibalisme, na mangirikkon Jesus janah porsaya huBani, lang be hubani kepala sukuni sidea, janah haputusan on ianggap sebagai pemberontakan, na halani ai manjalo uhuman humbani kepala suku. Hatotapan i huta Assam ai, sagala na manlawan parentah kepala suku, maningon ihukum mati, janah on pe mangonai do hubani keluarga Nokseng. Bani panorang eksekusi hubani sidea, i tongah huta, ilobei-lobeini halak na mabuei, sompat do isukkun Nokseng pasal haputusanni ai, anggo marubah do ia, lang saut ihukum matei sidea sakaluarga, tapi anggo totap do sidea bani haputusanni sidea, hona uhuman ma sidea sakaluarga. Keputusan na ibayar dengan mahal, terjadi bani keluarga Nokseng, dua halak niombahni, parinangonni, ampa Nokseng ibunuh do halani na totap sidea bani pilihanni ai. Sada hata na luar humbani Nokseng laho pataridahkon totalitasni mangirikkon Jesus, aima “I Have Decided to Follow Jesus, No turning back, The cross before me, the world behind me. No turning back. No turning back.”. Hassi pe anggo iirikkon hita perkembangan injil i huta Assam, justru berkembang dengan pesat, janah bahat halak na mangirikkon Tuhan Jesus. Kalimat na iluarhon Nokseng paima tarbunuh ia, ai do na menginspirasi misionaris India, Sadhu Sundar Singh, janah iaransemen komposer Amerika, William Reynolds gabe sada doding na marjudu “Mengikut Yesus Keputusanku”.
Hita haganupan warga seksi bapa
Humbani kisah Nokseng ai, marlajar hita bani sada sikap konsisten bani haputusan, sapala na dob ipilih janah iputuskon, maningon do ijolom poltik haputusan ai, janah konsisten bani haputusan ai. On ma na sihol hatahonononi Tuhan Jesus bani halak na mabuei, sonai age bani Susian-Ni bani renunganta minggu on. Bani perspektifni Tuhan Jesus, porlu tumang komitmen, konsisten, ampa totalitas bani na mangirikkon Tuhan Jesus. Bahkan pilihan ampa haputusan ai, lang goyah pori idompakkon tantangan ampa hamaholon bani goluh on. Aima ase ihatahon Tuhan Jesus do Ai sagala na manaksihon Ahu i lobei ni jolma, saksihonon-Ku do ia i lobei ni Bapa na i nagori atas ai, tapi sagala, na marnalang Ahu i lobei ni jolma, parnalangon-Ku do ia i lobei ni Bapa na i nagori atas ai. Konsistensi manontuhon sonaha do hita hadobanni. Bahwa bani haganup sikapta bani na mempertahankon haputusanta, tontu talar do in ilobeini Tuhan in. Syair doding “Ilobei-mu Tuhan talar do haganup, seng dong na lingod, pangabak, pallangkah, parsahap, age parlahou”, mempunyai pesan, bahasa haganup ibagas botohni Tuhan Naibata, janah atap aha pe na ibahen hita marpardomuan hubani konsistensinta, jaloonta do in humbani Tuhan Naibata. Bani bagian na mangihut ipatakkas Jesus do pasal hajongjongan-Ni itongah-tongah komunitas halak na porsaya. Marpardomuan hubani konsistensi in, lalu Jesus menekanhon hubani susian-Ni bahasa bani na mambaritahon pasal haluahon, pasal Ambilan na Madear, pasal Tuhan Jesus in, jumpahan do sidea bani buei tantangan, bahkan hun internalni sidea. Jadi ay. 34-36 lang martudu-tudu pasal hajongjonganni Kristus mangkorhon konflik itongah-tongahni keluarga, lang…tapi sihol patugahonni Tuhan Jesus do bahasa hajongjongan ampa barita pasal Tuhan Jesus, lang secara otomatis tarjalo haganup halak, bahkan keluarga atap bagian internalni susian ai pe, lape tontu boi manjalo Tuhan Jesus. Situasi on tontu merupahon tantangan na borat hubani susian-Ni ai, janah situasi on, mambuka peluang untuk terjadi hal-hal na lang dear na mengganggu keharmonisan ampa parsaoranni sidea. Jadi lang hajongjonganni Tuhan Jesus na membawa dampak na buruk, tapi barita pasal Tuhan Jesus na lang tarjalo sebahagian halak, mambahen sidea menolak, janah tubuh ma ketidaksepemahaman, ampa ketidakharmonisan. Tapi Jesus berpesan, pori pe sonai, totap ma susian ai konsisten bani pilihanni sidea. Halani sahali sidea mangakuhon mangirikkon Tuhan Jesus, maningon do homa sidea memprioritaskon Tuhan Jesus. Memprioritaskon mararti mambahen Tuhan Jesus gabe nomor sada bani goluhni, bahkan marimbang keluarga sandiri, janah on ma na berpotensi mambahen paringoran itongah-tongahni keluarga, khususni keluarga na lape memahami pasal totalitas pangirikonon hubani Tuhan Jesus.
Hita haganupan
Bani poin parpudi bani renungan minguan on, ididah hita Tuhan Jesus na patoguhkon susian-Ni, pori pe idompakkon sidea bahat persoalan bahkan penolakan hun tongah-tongahni dunia on, tapi Tuhan Jesus mencoba laho patoguhkon sidea, bahasa barita na iboan sidea aima pasal Tuhan Jesus, ase pori adong na manulak sidea, lang susian ai na itulak, tapi barita ai do na itolak, janah barita na marisi pasal Tuhan Jesus, mararti esensini aima Tuhan Jesus, na mararti Tuhan Jesus do na itulak anggo adong penolakan hubani suasianni ai. Tontu on upayani Tuhan Jesus, ase ulang sangsi sidea, ulang mundur laho mambaritahon haluahon in. Bani haganup kebulatan tekad, ampa totalitasni sidea, jalooni sidea do upah na humbani Tuhan na marsuruh sidea. Tontu on ma na manoguhkon susian ai laho totap manjolom janah mandalankon haputuson ampa pilihanni sidea ai.
Hita haganupan pagori seksi bapa
Mengikut Yesus keputusanku, ku tak ingkar, ku tak ingkar, aima gambaran konsistensini sasahalak bani pilihanni. Tontu hita pe domma ibahen hita haputusonta, aima sebagai bapa na mangirikkon Tuhan Jesus. Sarupa pakon susian-Ni ai, tontu lang pitah haputuson na penting, tapi adong tidaklanjut humbani haputusonta ai. Aha do na sihol bahenonta domu hubani haputuson ai? Aima ikut ambil bagian bani horja pararatkon hatani Tuhan in, ambil bagian bani na mambaritahon Jesus aima Sipaluah. Boi do dear haganup mardalan proses na sihol dalankononta domu hubani na mambaritahon Ambilan na Madear in? Tontu lang boi ijamini hita haganup boi mardalan ibagas na dear, lang adong tantangan, lang adong na manulak pasal Ambilan na Madear in, tapi songon na sinobutni Tuhan Jesus bani susian-Ni ai, paboa maningon do sidea ibagas na militan mandalankon ampa mambaritahaon pasal Tuhan Jesus in, pori pe bahat na manulak, bahkan na oposisi pakon hita. Keteguhanta bani keputusanta, sebagai bentuk totalitasta manghaholongi-Si. Memprioritaskon Tuhan Jesus bani goluhta, ai do na porlu ihagoluhkon hita, ase hita pe mempunyai gogoh laho totap konsisten bani haputusonta in. Minggunta aima Minggu Misericordias Domini na mararti “kasih setia Tuhan” atau “kebaikan Tuhan”. Sebuah pardingatan pasal idop ni uhur ni Tuhan hubanta jolma na mardousa on. Tontu idop ni uhurNiin do na lambin mendorong hita untuk totap pataridahkon tenger ni uhurta huBani, halani upah na dear do jaloonta songon na dob binagahkonni Tuhan Jesus Kristus hubanta. Amen.
