G K P S

BAHAN PENELAAHAN ALKITAB (PA) SEKSI BAPA

23 Agustus 2026 (12 Set. Trinitatis)

Nats: Kolose 1:24 – 29, Usul Doding: Hal. No. 205:1 + 3 – 4

Tema: Menggunakan Senjata Allah di Dalam Pergumulan

Tujuan: Agar kaum Bapa memakai kuasa yang dari Tuhan dalam menghadapi pergumulan

Bani na mandalani goluh on, gati do jolma madabuh bani aha na isobut “Sukacita Situasional” na ija rasa bahagia atap gembira na iahapkon jolma bersumber janah bergantung sepenuhni humbani keadaan sekitar atap situasi na sedang ialami. Mambahen malas ni uhur ai roh sanggah mandompakkon situasi na dear tapi anggo tarjadi ma homa situasi na lang iharosuhkon gabe turah ma homa pusok ni uhur na banggal. Halani memang na nigoran sukacita situasional sifat ni berubah-ubah domu hubani kondisi, gati ipicu masalah eksternal berupa kesehatan, parduiton, parhorjaan pnl. Anggo pala ma roh pergumulan gabe moru bahkan magou ma homa malas ni uhur ai, halani memang sifat ni sementara lang marhatotapan, tergantung bani sikon. Bani teologi Kristen, gati do sukacita situasional (Happiness) on ikontrashon pakon sukacita sejati/surgawi (Joy) na sadalan pakon buah ni Tonduy bani Galatia 5:22 ai. Sukacita situasional sifatni horizontal (jolma pakon dunia), anggo situasi lang dear magou ma malas ni uhur. Sementara sukacita sejati sifatni vertikal (jolma pakon Tuhan) bersumber humbani haporsayaon, idop ni uhur haluahon pakon padan ni Naibata, keadaan batin na lebih stabil, tahan dokah, roh humbagas diri lopas humbani situasi eksternal, totap do malas ni uhur on pori pe jolma in mandompakkon badai ni pargoluhan atap sitaronon na borat (bdk. Pil 4:4, pasal marmalas ni uhur ibagas Tuhan). Memang salah sada tujuan goluh ni jolma i dunia on aima hasonangan/marmalas ni uhur. Anggo domma sonang pangahap, pasti semangat ma homa mandalani ari-ari ni goluh. Hajolmaon do memang ai, tapi domu hubani perikop ni ambilan on, paingathon hita pasal hunja do sumber ni malas ni uhurta? Humbani dunia on do atap humbani Tuhan? Bani perikop on, apostel Paulus jelas janah tegas mangkatahon “Malas do uhurhu nuan ibagas sitaronon mangkopkop nasiam…”. Na ija jelas-jelas bani panorang ai, buei do hamaholon-hamaholon na idompakkon Paulus mambahen marsitaronon ia tapi halani jelas do dasar ni sitaronon ni ai aima halani ibagas Kristus janah mangkopkop kuria in, gabe marmalas ni uhur do ia. On ma na sinobut sukacita sejati/surgawi atap malas ni uhur ibagas Tuhan in.

Hunjon ipertegas bahasa hasonangan ampa hadameion ni halak na porsya sasintongni sifatni lang temporer atap situasional, dalam arti anggo dear situasi niahap, malas ma uhur janah sebalikni. Tapi malasni uhur ni halak na porsaya terletak bani hubungan na orod pakon Naibata. Daud bani psalmen 16:22 mangkatahon: Ningku do dompak Jahowa, “Ham do Tuhanku, seng dong na pasonangkon ahu sobali Ham”. Tegas do Daud mangkatahon bahasa sumber kebahagiaan sejati ni aima Naibata. Janah marulak-ulak do Daud mangkatahon ai, termasuk ma bani pslamen 62 ipatugah ni do bahasa pitah i lambung ni Naibata do sonang ia. Sedo na lang adong sitaronon na idompakkon ni bani panorang ai sanggah na mangidangi i sab nagori, tapi sonaha pe banggal ni hamaholon-hamaholon ai, anggo riap do pakon Naibata sonang do pangahap ni. Suang sonai do homa na ilami Paulus bani teksni ambilan on, sedo na lang dong pergumulan ni, tapi halani ibotoh ni bahasa iahasomani Tuhan in do ia, aido mambahen malas tong uhur ni. Lang dong lawan na pantas bani Paulus sadokah riap pakon Tuhan in ia. “Anggo Tuhan in do hasomanku, ise ma na gabe lawanku?”. Seruan iman na toguh humbani Paulus sanggah mandompakkon hamaholon. Tontu bani goluh on, sebagai halak na porsaya lang lopas homa hita humbani bagei ni pergumulan, tapi haporsayaon ni Paulus bani perikop on gabe sipaingat ma banta ase totap toguh ibagas haporsayaon mandompakkon haganupan situasi ni goluhta.

Malasni uhur ibagas sitaronon na iahapkon Paulus bersumber humbani hubungan na orod hubani Tuhan. Janah jelas ampa tegas do Paulus mangkatahon dasar malas ni uhur ni ai aima halani mambaritahon Ambilan Namadear janah mangkopkop kuria ni Tuhan. Lang margantung ia bani gogoh ni sandiri, tapi marsigantung do ia bani gogoh ampa kuasani Tuhan na totap manramotkonsi. Ai do mambahen totap marmalas ni uhur ia, halani bani sagala situasi iahapkon Paulus do Tuhan hadir bani ganup pangidangion ni ronsi pardalanan ni goluh ni. Sada pe lang dong na lingod i lobei-lobei ni Tuhan, talar do ganup in, aido pos ni uhur ni Paulus ibagas na mandalani goluh ni. Sanggah na manulis surat on pe Paulus bani situasi na tartutup do, tapi hape angkula ni do hansa na tartutup anggo uhurni/haposayaonni/semangatni lang tartutup. Jeruji bosi lang sanggup manutup semangat pangidangion ni Paulus. Haporsayaon ni lang ibatasi buatan tangan ni jolma. Malasni uhur ni totap do mabaor sadalan bani parbaor ni Ambilan Namadear i kuria Kolose. Ihatahon Paulus do homa bahasa sitaronon ni ai sedo memperlengkapi haluahon ni jolma halani panobusion ni Kristus i hayu parsilang domma sempurna manobus jolma in. Sitaronon na imaksud Paulus ijon aima bagian humbani status ni sebagai angkula ni Kristus na maningon ialami halak na porsaya/siirikkon Jesus termasuk ma ai juak-juak-Ni. Janah halani jelas do dasar ni sitaronon ni Paulus aima patalarhon rusia ni Naibata na ponop sadokah marabad-abad aima Jesus Kristus na riap i tongah-tongahta nuan on na mambere pangarapan ampa hasangapon. Tujuan ni Paulus ase lambin matoras ma haporsayaon ni kuria in ibagas Tuhan. Halani anggo lambin matoras ma haporsayaon ni sidea, maka lambin margogoh do sidea mandompakkon bagei ni na masa. Songon ungkapan ni Martin Luther sanggah mandompakkon sitaronon na borat ia, iatahon ni do “Anggo Tuhan do hasomanku, hu naraka pe lang mabiar ahu”. On marupahon ungkapan iman na luar biasa humbani sahalak na porsaya na totap marpangusandean hubani Tuhan. Tontu hita pe sebagai halak na porsaya nuan on, marbagei do tantangan ni goluh sidompakkononta, tapi anggo lambin banggal do haporsayaon hubani Tuhan, lambin margogoh do homa hita mandompakkon ai. Halani haporsayaon ai songon akar pohon na menancap hubagas tanoh na bagas, na manopang hayu ai ase totap jong-jong. Jadi anggo gogoh do akar ni hayu ai, sonaha pe logou na doras sihol mandabuhkon seng anjai marumbak ai. Sonai do haporsayaonta, semakin kuat tertancap hubani Tuhan in lambin margogoh do janah totap jong-jong seng tarumbakkon dunia on.

Sebagai bapa na porsaya ibagas Kristus Jesus, pasti do homa mandompakkon bagei ni sitaronon bani goluh on. Tapi ipaingat do bapa, bahasa anggo lambin orod bani Tuhan in lambin margogoh do mandompakkon na masa.
Kebahagiaan sejati ni halak na porsaya lang hape bersifat situasional, tapi tergantung bani uhur na iiankon Tuhan. Maka dong do ungkapan bijak na manobut “Dalam hati manusia ada banyak ruang, ada ruang untuk anak, pasangan, keluarga, pekerjaan, komunitas dll tapi hanya ada satu ruang yang tidak bisa ditempati oleh siapapun kecuali Sang Pencipta”. Anggo domma tarisi ruang ni Tuhan ai, maka kebermaknaan ni goluh pe lambin iahapkon hita ma. Sonaha pe situasi ni goluhta, mampu tong hita mangahapkon hasonangan/malasni uhur/hadameion. Songon lirik ni doding Haleluya No. 251 mangkatahon “Sonang do uhurhu ibaen Jesuskin, borit pe hutaron ijon, tenger do uhurhu bai Tuhanta in, ipasonang tongtong uhurhon, sonang do, sonang do, ipasonang dtong-tong uhurhon”.
Marhitei perikop ni ambilan on, dingat hita ma bahasa Naibata aima Omni Present, Omni Science, Omni Potent (Maha Tahu, Hadir, Kuasa), ibotoh-Ni do aha na masa banta, hadir do Tuhan bani ganup gulmit ni goluhta janah markuasa do Naibata i sab tanoh on. Halani ai, pos ma uhurta, lang paturuton-Ni hita mardalan sahalak hita tumang tapi ihasomani, ipargogohi janah iramotkon do hita sonari ronsi sadokah ni dokah ni. Amin