BAHAN P.A BAPA GKPS 21 DESEMBER 2025

Nats                  : Matius 1:18-25

Tema                : Kelahiran Kristus

Tujuan             :Agar kaum bapa mengingat kembali kisah kelahiran Kristus dan memberitakannya di tengah-tengah keluarga.

Usul Doding     : Haleluya No. 29: 1-2

1. Parlobeini

Bani sada kesempatan Paus Yohanes Paulus II berkata “The truth is not always the same as the majority decision” (kebenaran tidak selalu sama dengan mayoritas). Gati do bani goluh on lang mardalan sesuai pakon rencananta, adong do namin pangarapan banya tapi kenyataan justru berbeda. Hal na sarupa do homa na ialami Josep. Sahalak na pintor do ia, taat do homa ia bani Tuhan, tapi soppong do roh paruntolon bani pargoluhanni halani barita ni si Maria. Janah anggo ibuat ma Maria sebagai parinangonni pasti ma idompakkon sahap-sahap ni masyarakat, makani ia berniat untuk manirangkon Maria sip-sip, halani anggo bani adat Jahudi, anggo dong sahalak naboru tubuhan tuah idaratni perkawinan maningon hona uhuman, tapi Josep aima sahalak paruhur na pintor janah bani situasi on ma Tuhan marhorja bani goluhni. Selaku sahalak bapak, pasti do memikul tanggung jawab na banggal, tanggung jawab hubani keluarga, pekerjaan, janah masa depanni niombah. Janah maningon do homa mambuat keputusan tikki uhur lagi lang manontu atau bingung janah dalan terasa borat. Kisah Yusuf mangajarhon hubanta songonaha sahalak bapak mardalan riap pakon Tuhan in.

1. Hatorangan

Partubuhni Jesus, na masa bani si Maria. Si Maria aima sahalak anak boru hun tanoh Galilea na margoran Nasaret (Luk. 1:26), tunanganni si Josep anakni si Jakob, si Josep sundut pasampuluh-toluhon humbani habuangan Babel, janah Jesus Kristus ma sundut na pasampuluhompatkon (Mat.1:17). Ia si Maria aima anakni sahalak na margoran Joakhim inangni margoran Anna (Sumber non Kanonik).

Bani panorang ai domma martunangan si Maria pakon si Josep. Pasal na martunangan bani konteksni Bibelta, aima sada relasi na lobih dohor janah lang boi be sembarangan marhasoman pakon halak na legan. Martunangan berarti domma sapanriah laho Marrumahtangga, biasani domma adong ijon martukar barang/benda tanda saut; martunangan berarti domma isangkut bani sada relasi na sarupa ikatanni pakon perkawinan, hansa lape boi marsidohoran.  Sanggah na dob martunangan ai Si Josep ampa si Maria. Boratan rumah ma si Maria humbani Tonduy na Pansing

Sikapni si Josep. Si Josep aima sahalak paruhur na pintor janah selaku halak na taat bani aturan Agama, ronsi selaku halak na marhabiaran bani Tuhan: tubuh uhurni manirangkonsi sipsip, Mase? Halani lang sihol uhurni laho pabadorhon si Maria, halani haruni uhurni manoruskon hubunganni pakon si Maria, lang pala marpengadilan (ibotoh buei halak) ia manirangkon tapi sipsip do gendo ulang bador pangahapni si Maria. Halani ketaatanni bani uhum na dob itotapkon bani Adat Jahudi na dong bani Padan Nabasaia, lang boi buatonni si Maria gabe parinangonni (5 Musa 22:23-27), lang ra ia pabadorhon si Maria marhitei pengadilan, mengadili si Maria gabe sahalak na dob marbangkis (4 Musa 5:11-31), proses perceraian lang marhitei sidang pengadilan tetapi tergantung bani inisiatifni pihak dalahi (5 Musa 24:1), aima cara sidearan, janah solusi sidearan, halani memang lang ibotohni hunja si Maria boratan rumah, halani lang ongga sidea marsidohoran.

Roh Tuhan laho pahotkon uhurni si Josep. Sonai ma haputusanni ibagas uhurni, lanjar tarpodom ia. Hape sanggah na tarpodom ai si Josep roh ma bani nipini malekatni Tuhan na pahotkon ronsi patoguhkon uhurni laho mangalop si Maria gabe parinangonni, halani sedo na manlembang si Maria humbani padanni dompak si Josep tapi na dong bani ai ha humbani Tonduy Napansing do. Tubuhan anak do si Maria anjaha bahenon ma goran-Ni Jesus: ai paluahon-Ni do bangsa-Ni humbani dousani.

Pasaudkon ranggianni Naibata. Domma iranggi Naibata bahasa humbani ginomparni si Daud do tubuh sipaluah in. halani ai Humbani partuturanni Jesus na isobut bani Mat 1:1-17 tangkas ma ibotoh hita bahasa ibagas ranggianni Naibata do na masa bani tunanganni si Josep na margoran Maria, ase mangirikkon garis keturunanni si Abraham, janah keturuanni si Daud do tubuh Sipaluah  in aima Kristus in, songon na dob ibagah-bagahkon bani Padan Nabasaia: Boratan rumah ma sada anak boru, anjaha tubuhan anak. Mase sada anak boru, mase sedo halak na dob marrumahtangga? Naibata sihol patuduhkon kuasa-Ni janah ibagas hapansingon do Anak-Ni in tubuh hu dunia on, sedo humbani hisapni dagingni jolma na dob mardousa in, tapi humbani Tonduy Napansing do.

Hasomanta do Naibata. Janah bahenonni ma goranni Immanuel: Hasomanta do Naibata. Hal na menarik ijon aima pasal posisini Naibata na lang itempatkon iatas, tarsirang humbani jolma tapi nini hasomanta do Naibata. Artini, Naibata ai lang daoh, roh do Ia manohu jolma tinompani in halani holong-Ni hubanta. Gabe jolma do Ia, dos songon rumpanta, hansa Ia lang mardousa. Lahir/tubuh itongahni sada keluarga nag ok mandompakkon tantangan, sitaronon bahkan mungkin ancaman. Tapi ibagas damei do ia roh hu dunia on. Lang marhasoman pakon dunia on tapi marhasomankon Naibata do hita mandompakkon ganup na masa

Sedo na soya halojaonni halak na sirsir pasaudkon ranggianni Naibata.  Adong do pengorbanan ni si Josep laho mangalop si Maria gabe parinangonni. Bahkan bani na mangubah keputusanni humbani na sihol manirangkon gabe sirsir mangalop adong do gejolak ibagas uhurni. Ibagas pergumulan ai roh do Tuhan pahotkon uhurni. Mangidah konteks adat bani panorang ai, sedo hal na urah keputusanni si Josep ai, fitnah, tuduhan pakon gunjingan bahkan ancaman tontu gabe tantangan bani sidea. Tapi sirsir do sidea mandalankon ai. Bahkan si Josep sirsir lang mandohori si Maria paima tubuh anak bungatubuhni ai: aima Jesus. Mase lang mandohori, sahali nari paruhur na pintor do si Josep, lang ra ia manlanglangi ranggianni Naibata, ase tubuh sipaluah in ibagas hapansingonni Naibata

• Hahonaan ni/ Refleksi

Humbani mungkahni domma marhorja Naibata laho paluahkon bangsa na hinaholongan-Ni marhiteibuei suruhan: panguhum, Raja, Nabi-nabi. Tapi ididah hita puncak penyelamatanni Naibata bani jolma ase maluah humbani gomgomanni dousa aima ipungkah humbani sada keluarga, aima keluargani si Josep pakon si Maria. Ija laho pasaudkon on, berjuang botul do keluarga ai, janah ibagas hapongkuton mandalankon parentahni Tuhan. Aha nasihol sobuton ijon, pesan bani ibadah PA Bapa Advent IV on mangojur hita ase keluarga Kristen sirsir ipauli Naibata. Adong istilah na mangkatahon sonon: anggo ganup halak parsipaborsih alamanni bei, borsih ma sada huta. Anggo ganup keluarga damei, damei ma homa age huta ai, janah untuk mangkorjahon on tugas ni bapa ma ai parlobei marhieti na marhabiaran hubani Tuhan. Hita manobut Keuarga aima sada gareja naetek-etek/persekutuan kecil menyembah Allah, ididah hita sirsir do si Josep ipauli Tuhan uhurni, sirsir do homa ia mandalankon parsuruhni Tuhan in. janah marhiteihonni in tubuh si Paluah bani dunia on bahkan das hubanta bani panorang on. Pasirsir hita ma keluarganta manjalo siseini Naibata ronsi mandalankon hata-Ni, hasomanta do Naibata, damei na tarsulur na humbani Naibata ma na marianan I tongah-tongahta. Amen

1. Diskusi
2. Ibagas situasi na songonaha sahalak bapak paling sulit untuk mengendalikan emosi?
3. Mase ma sikap taat songon Josep payah ihorjahon?
4. Ibagas situasi na songonaha do bapak paling sulit taat hubani Tuhan?
5. Songonaha do carani ase bapak boi menjadi kepala keluarga na marhabiaran hubani Tuhan?
6. Langkah kecil aha na boi ihorjahon sahalak bapa untuk memimpin keluarga secara rohani?