Nas : Matius 13: 16-17
Tanggal : Minggu, 26 April 2026 (Jubilate)
Thema : Kebahagiaan sebagai Warga Kerajaan Allah
Tujuan : Agar kaum Bapa menyadari dan memahami sukacita yang dimiliki
orang yang telah menerima Kristus
Kuria na hinaholongan ibagas Kristus Jesus!
Ganup do jolma sihol goluhni gabe halak na martuah sadalan hubani pandiloonni bei. Tapi na gabe sungkun-sungkun, aha do na mambahen hita ase gabe halak martuah? Janah sonaha do carani ase boi mambahen goluhta gabe halak martuah? Tarlobih sebagai bapa tontu sihol do tong uhurni bapa gabe halak na martuah. Adong istilah 3H (hasangapon, hagabeon, hamoraon) bani halak batak ase isobut martuah. Hita sebagai halak Kristen gabe halak na martuah halani ididah janah ibogei hita pasal holong ni Naibata sibere-bere ni Naibata sibanggalan bani jolma. Bani hakristenon ai boi ididah pakon itangar hita aha do iharosuhkon halak pasal hasintongan janah na sihol ibogei halak na mangkaholongi Naibata
Bani evangelium Mateus, Jesus mamakei limbaga bani pangajaran-Ni na ipadas hubani halak na mabuei ampa susian. Isobut bani ay. 10, “Mase ma marsahap Ham marhitei limbaga bani sidea?”. Marhitei limbaga Jesus sihol mangojur ase susian manungkun pasal limbaga ai. Limbaga na ipatugah Jesus lang sesederhana ilustrasi pasal hasintongan hata ni Naibata. Ipatorang Jesus do anggo Ia mamakei limbaga ase ulang lambin hengkeng uhur ni halak na manulak-Si. Marhiteihon limbaga ai, sihol do Tuhan Jesus ase lambin buei halak marimbagaskon pasal aha na iajarhon-Ni. Lang pitah ase jenges ibogei, tapi ase gabe parlajaran na melekat anggo domma das sidea bani pangarusion na sintong. Songon limbaga pasal panabur paima teks ambilanta on, buei do jolma na lang menyadari bahasa aha na terjadi bani peristiwa manaburhon bonih ai sasintongni dos do ai pakon sonaha hata ni Naibata isaburhon hubagas uhur ni jolma na manangar ai. Halak na mabuei na mangirikkon Jesus bani panorang ai sihol tong mangarapkon Mesias ampa harajaon-Ni na marmulia janah marhamonangan tapi lang mampu sidea memahami arti ni limbaga-limbaga ai. Tapi susian na domma riap pakon Jesus, na domma manangar pangajaran-Ni, janah manaksihon pambahenan-Ni pasti mangarusi pesan ni limbaga-Ni. Halani ai ma sidea isobut “na martuah”. “Tapi martuah ma matanima halani marpangidah ampa pinggolnima halani marpambogei……” (ay. 16-17). Susian isobut martuah halani boi mangidah Harajaon ni Naibata bani horja ni Jesus. Susian ai ‘mangidah’, artini halani sidea imampuhon janah iajari ase mampu mangarusi ampa manjalo bahwa Naibata hadir janah manrajai marhitei horja pangidangion ni Jesus. Susian isobut martuah halani boi mangidah horja ni Jesus sebagai horja haluahon. On do na mambahen susian boi mangubah cara hidup ampa pola pikir ni sidea. Susian ai ‘manangihon’, artini sidea imampuhon janah iajari ase mampu mambalosi Hata ni Naibata na paubahkon goluh ni sidea. Bapa na hinaholongan ibagas Kristus Jesus! Sadari on iontang Jesus do bapa ase gabe bapa na martuah halani boi mangidah ampa manangar. Secara harfiah, maningon malas janah martarimakasih do hita mangidah marhitei mata ampa manangar marhitei pinggol. Lang dong hata na legan sobali martarimakasih ampa malas ni uhur. Itompa Naibata jolma mardua pinggol, dua mata, pakon dua igung, tapi pitah sada pamangan. Sai idilo do hita mangidah pakon manangar lobih humbani na marsahap. Mangidah pakon manangar aima sumber hapentaran. Tapi anggo marlobih-lobih marsahap gabe lang boi marlajar hapentaran ampa toruh ni uhur.. Malas ni uhur na sintong roh humbani na mangidah ampa na mambogei, sedo humbani na marsahap. Sebagai halak na porsaya, andohar marmata na pandei mangidah ampa pinggol na tajom laho manangar. Iatas ni haganup, iontang do hita mangidah ampa manangar pambahenan ni Naibata na luar biasa bani goluhta. Aha na ididah ampa na ibogei hita boi do persis sarupa pakon na adong bani halak na legan, tapi aha na masuk hubagas uhurta ampa na luar humbanta boi do legan tumang halani iidah hita ibagas haporsayaon. Mangindahi, mandapotkon, pakon mambagihon nilai-nilai hagoluhan aima pandiloon ni ganup halak na porsaya. Proses goluh ni ganup halak na porsaya lang sekedar mengkonsumsi, tapi maningon barani do mangindahi, manjumpahkon pakon berbagi. Marhitei limbaga-Ni, Jesus mangarahkon na manangar-Si ase lambin bagas manggali pakon mangindahi na tang sidearan humbani bagei pilihan na mungkin adong. Proses on ma na iarapkon torus terjadi bani bapa GKPS sondahan on. Pangajaran limbaga lang maronti bani proses pitah manangar dob ai podas lupa, tapi lambin mangindahi dan menjelajahi ase berpengaruh bani pingkiran ase lambin berkembang. Songon na adong kesulitan menafsirkan limbaga, sonai ma hita iontang ase ulang putus asa mandompakkon bagei-bagei ni hamaholon bani goluhta. Iarahkon Jesus do bapa mamakei haganup kemampuan laho mandapotkon nilai-nilai hagoluhan na mambobai goluhni hubani haluahon ampa Harajaon nagori atas. Andohar ma ulang marnaloja bapa lambin bagas mamparlajari arti ni Hata ni Naibata. Tugas sebagai bapa do patugahkon aha na itangar hita pasal-Si hubani halak na legan, janah manoruskon aha na ididah hita pasal holong-Ni bani hajolmaon. Marhitei na sonin ma boi ibagihon hita malas ni uhur na jinalonta humbani Naibata hubani na i sekitarta. Pindo hita ma idop ni uhur ni Naibata ase tongtong boi hita mangidah ampa mambogei pambahenan ni Naibata. Hunjai ma hita boi patugahkon aha na itangar ampa na ididah hita humbani pambahenan ampa parsahapta, parohkon pasu-pasu bani halak na legan. Amen.
