Yesaya 55:6-8
Thema : Ibadah sebagai penyerahan diri
Tujuan : Agar kaum Bapa menyadari bahwa ibadah adalah penyerahan totalitas diri kepada Tuhan.
Nasiam bapa haganupan.
Malas uhur boi use hita pajumpah marhitei renunganta minggu on. Renunganta bani minggu on aima paingatkon hita pasal marondos hubani Tuhan. Tontu anggo isobut pasal marondos bani Jahowa adong do ijai penyerahan total hubani Jahowa irik mangakatahon ibagas uhur harosuh-Mu ma na saut ale Tuhanku, naha carani menyerahkan diri kepada Tuhan? Tontu roh hu parmingguan, mambasa renungan, manangar ambilan pakon nalegan. Tontu sadokah ibere Naibata ope kesempatan hubanta tontu totap do hita mamindahi Jahowa janah marhitei ai do homa adong penyreahan diri hubani Tuhanta. Mase nani isuruh Naibata hita mamindahi-Si pakon menyerahkan diri hubaNi, halani lang boi ipungkiri hita paboa sipata bahatan do hita tangi bani dilo-dilo ni dunia on marimbang dilo-dilo ni Naibata. Bergairahan do hita manangihon dilo-dilo ni dunia on halani adong kenikmatan dunia on marimbang manangihon dilo-dilo ni Naibata. Halani dilo-dilo ni dunia on lebih menjanjikan kenikmatan dari pada dilo-dilo ni Naibata. Sadar atap lang sadar hita godaan kenikmatan dunia on kadang lebih menarik daripada hal-hal rohaniah. Dobni ra do hita na marminggu on pitah sada rutinitas do hansa.
Nasiam bapa inang..
Bagian Yesaya 55 ayat 1-13 aima tulisan parpudi deutro Yesaya na ija bangsa Israel ai keliru pasal na mangindahi Jahowa. Sidea pas sanggah i habuangan Babel, tontu boi ma ibayangkon hita sonaha kondisi ni halak na sanggah tarbuang. Secara pardagingon sonai age partonduyon mangarou do sidea, sidea merasa lang berdaya, sidea merasa hancur seolah-olah lang adong be harapan bani goluh on. Bahkan kuasa ni Jahowa pe iraguhon sidea ma use. Dong anggapan sidea use paboa Naibata pe lang sanggup laho paluahkon sidea humbani parjabolonan ai. Halani ai do ase bani teks ta on nabi Yesaya idilo Naibata laho padashon hata on hubani bangsa ai. Ase sidea semangat janah ulang putus asa bani parjabolonan na ialami sidea ai. Pindahi ma Jahowa on ma pesan na sihol ipadas Jesaya hubani bangsa Israel ai. Ulang mamindahi dalan na legan be. Pindahi janah dilo ma Naibata nini Jesaya. Marhitei renunganta on adong piga-piga hal na sihol isobut ijon, aima:
- Pindahi pakon dilo ma Jahowa (ayat 6-7). Ijon isobut paboa hita maningon tongon-tongon mandilo pakon mamindahi Jahowa. Ase sidea merasahon hagogohon ni Jahowa, umat ai maningon tongon-tongon manadingkon dosa, maningon tongon-tongon ma bertobat. Manadingkon haganupan na lang iharosuhkon Naibata. Maningon ma bangsa ai sungguh-sungguh mangindahi Jahowa. Ijon ma tangkas paboa mangindahi pakon marondos dong hubungan na sangat dohor tumang. Naibata sihol bangsa ai manangihon Ia, marhitei ai sidea mandapotkon pengampunan na humbani Naibata. Ase hubanta haganupan bapa, roh ma hita hubani Naibata, bani do hansa dapot malas ni uhur na tarsulur. Memang dunia on menjajihon malas ni uhur do tarlobih materi, tapi lang hape totap ai gabe milikta. Halani ai na totap aima torihi hita aima idobni uhur Jahowa. Janah maningon isadari hita do paboa goluhta on pasti do marujung, tapi anggo holong ni Jahowa seng anjai marujung ronsi sadokah ni dokahni.
- Kuasa pakon hagogohon ni Naibata (ayat 8-11). Hansi pe lang das bani ayat 11 renunganta on, tontu maningon do das homa hujai isobut hita, ase lambin tangkas banta pasal situasi ni bangsa ai tene. Domma isobut ibabou, paboa umat ai ibagas habuangan. Tontu anggo ibagas habuangan seolah-olah lang dong be haluahon, golap ma haganupan. Halani ai hampir putus asa ma bangsa ai. Tapi Naibata mangkatahon sedo pikiran nima pikiran-Ku. Songon daohni ginjangni langit pakon tanoh on sonai do pikiran ni Jahowa pakon pikiranni hita jolma on. On sihol mangkatahon paboa dalanni Jahowa berbeda tumang do pakon dalanni jolma on. Halani ai hita jolma on totapma lah marondos hubani Jahowa bani bagei-bagei sipingkirhononta. Lang terselami hita dalan pakon rancanganni Tuhan in, horjanta pitah marondos do hansa. Limbaga pasal udan ijon patugahkon paboa firman Tuhan atap hatani Naibata lang ongga gagal. Lang mungkin mulak be udan ai, on mararti firman Tuhan ai pasti do tepat bani sasaranni. Bahat do memang rencananta jolma on tapi sipata lang dapot hita sesuai pakon na dob irencanahon hita, halani ai ondoshon hita ma haganipan surasuranta bani Jahowa.
Nasiam hasoman!
Renunganta on mambobai hita ase totap ma pindahi hita Jahowa pakon marondos bani Jahowa, halani rap pakon Jahowa do jumpah malas ni uhur na gokan dear. Anggo tangi hita hubani Tuhanta pasti do lambin ibotoh hita sura-sura ni Tuhan bani pardalanan ni goluhta. Halani ai bapa inang pindahi hita ma Jahowa sadokah ibere pe panorang banta manggoluh i dunia on. Amen
