PA SEKSI BAPA
Minggu 6 Dob Trinitatis, 12 Juli 2026
Nas : Mateus 28:18-20
Tema : Hasaksian gabe tanggung Jawab Halak na porsaya (kesaksian sebagai Tanggung Jawab orang percaya)
Usul Doding : Haleluya No. 381: 1 – 2
Tujuan : Ase Bapa menyadari bahasa tugas pakon tanggung jawab mangambilankon ambilan na madear in.
Mateus 28:18-20 gati isobut “Amanat Agung”. Paima tarangkat hu surga, iajarhon Jesus do bani susian-Ni pasal sura-sura-Ni ase haganup jolma mananda-Si. Sanggah Tuhan Jesus lang be rap pakon susian-Ni, dong do tugas pakon tanggung jawab ni sidea laho manoruskon i dunia on. Isuruh Jesus do susian-Ni laho mangindahi jiwa-jiwa, memuridkan, anjaha mangajari sidea mangkorjahon aha na dob iparentahkon-Ni. Hata ni Jesus paima tarangkat Ia hu surga aima pataridahkon na humbagas uhur-Ni. Ayat 18, ipatangkas use otoritas na ijolom Jesus i nagori atas sonai age i tanoh on. Kuasa on iondoskon Naibata sandiri hu-Bani gabe tanda hamonangan-Ni manaluhon dosa ampa hamateian. Marhiteihon ai, gok do kuasa ni Jesus marsuruh susian-Ni mangkorjahon parentah-Ni i tanoh on. Hata na ipadas Jesus pataridahkon kedaulatan mutlak na menembus haganup batas-batas ni panorang pakon ruang. Hata gorik na ipakei bani kuasa ijon aima exousia, na menegaskon hak kedaulatan na lengkap pakon yurisdiksi tertinggi na lang boi ilawan atap ise pe. I surga pakon i tanoh on, Ia do na manrajai haganup, anjaha lang adong kuasa na golap na lang unduk hubani Jesus. Marurat humbani otoritas na mutlak on ma Kristus mambere tugas na banggal hubani kuria ni Naibata. Hatani lang pitah memo, tapi sada kuasa na maningon idingat tongtong. Domma ipataridahkon sonaha ase Ia boi ibagas misi bani harajaon-Ni. Ganup hita domma mangidah usihan na ibahen Jesus, janah ipadas do homa ai marhitei sidea na dob gabe Susian-Ni. Bani ayat on, Jesus mambere sada pandiloon na sangat penting hubani haganup bangsa-Ni laho mandalankon misi pakon parentah Jesus i dunia on.
Bani ayat selanjutni, Jesus manoruskon marhitei na mangkatahon hubani susian-Ni, “Laho ma hanima, podahi hanima ma sagala bangsa ase gabe susianku sidea, anjaha didi hanima ma sidea hubagas goran ni Bapa, Anak ampa Tonduy Napansing.” Hata on songon na mambahen tarsonggot hita laho manjelajahi dunia on. Sihol sobutan hubanta parentah utama na ibere Jesus hubani susian-Ni: mambahen sagala bangsa gabe susianni. Tugas on aima mangajari pakon pandidion ibagas goran ni Naibata Sitolusada: Bapa, Anak, pakon Tonduy Napansing. Pasal on, iparentahkon Jesus do ase ganup na sihol gabe susian-Ni maningon ididi do tanda ni Susian Jesus. Susian na sintong itanda marhitei na mamboan tonduy hubagas pandidion ibagas goran ni Naibata Sitolusada gabe meterai Naibata parsimada hita janah pasadahon halak na porsaya hubani haluahon. Gabe susian na sintong lang pitah humbani ritual parugamaon tapi mamorluhon proses pangajaran na torus-menerus. Hata ni Naibata ningon bagas isuankon ase ganup susian ni Kristus boi mangkagoluhkon hasintongan ibagas haundukon. Pandiloon gabe susian lang sai mamorluhon panggung na banggal atap pangidangion publik na taridah, tapi ipungkah humbani rumahta sandiri do gabe ianan parlobei ija haporsayaon maningon secara konkrit ibahen gabe tindakan. Hasaksian na sintong mengalir secara alamiah marhitei cara ni sada bapa mangkorbanhon keegoisanni laho mangkaholongi keluargani, cara ni sada bapa mambahen habasaron, pakon cara ni ganup anggota keluarga marsiurupan secara adil. Itongah – tongah ni dunia na torus pataridahkon sonaha reaksi ni keluarga Kristen sanggah masa krisis. Keutuhan ampa idop ni uhur on ma bani pargoluhon siganup ari na mambahen marsinalsal panondang ni Ambilan Na Madear laho das hubani ganup tonduy na magou. Humbani pambalosion roh hasaksian na sasintongni. Rumah tangga gabe ianan ni ipraktekkon haporsayaon, marhitei holong, disiplin, pakon hasasapan ni dousa na marsipatoguhon. Haundukon na sintong bani otoritas ni Naibata pasti do parrohkon buah hasaksian iman na paling otentik janah berdampak hubani halak na i sekitarta.
Jesus mangujungi hata-Ni marhitei hata “Tonggor ma, sai hasomanan-Ku do hanima tongtong ronsi roh ujung ni dunia on” (ay.20). Nini do anggo Ia mangkasomani hita das hubani ujung ni dunia on halani domma ibotoh Jesus bahwa gok do keraguan, masalah, tantangan, pakon dinamika bani na mandalankon misi on. On boi berpotensi mambahen bumbang haporsayaon pakon semangat mangindahi halak na kahou atap magou humbani pangajaran. Tugas na borat sadokah ni dokahni on iujungi marhitei jaminan humbani Naibata na boi mangapoh bani sejarah ni jolma. Jesus patangkashon bagah-bagah persahabatan surgawi marhitei na manghatahon bahwa Ia do na mangkasomani kuria in tongtong das hubani ujung ni Lang adong age sadari pe na maluah humbani panonggor ni Bapa na manjaga ampa holong ni uhur ni. Bagah-bagah na megah tumang aima gema penutup na menegaskon bahwa Immanuel tongon-tongon mararti Naibata rap pakon hita secara nyata. Jaminan parhasomanan on lang pitah teori tapi sada kenyataan.
Iparsahapkon Jesus Tuhanta do hita ibagas idop ni uhur ampa holong na banggal. Pandiloon-Ni na sasada ai boi paubahkon goluhta janah manjamah uhurta. Hita bapa pe dihut do gabe saksi ni habanggalon-Ni, anjaha tugasta pararatkon ambilan na madear on bani haganup jolma. Bani hata on, adong do sada misi na ibere lang pitah hubani susian-Ni, tapi dihut do hubani ganup na porsaya. Tugasta lang pitah gabe pengikut-Ni, tapi dihut do gabe suruhan-Ni i dunia on, laho pararatkon holong ampa hasintongan-Ni. Marsijoloman ma hita anjaha mardalan ma hita riap das hu ujung ni dunia bani ganup langkahta, sai ihasomani kuasa ampa idop ni uhur ni Naibata ma hita. Amen
About the Author
